المــــلتقي الثالث لأعضاء المتـــــــــــداول العربي بالاسكندريه

[Mo3Ty]

الكافتيريا دى على نفس الصف بعد مطعم جاد وانا طالع على البحر وهيا من دورين صح؟

لا مفيش جاد فى الشارع ده ياباشا
اوصل انت عند الترام فى سيدي جابر المحطة واسال فين الشمندورة كلو حيقولك عليها.. ولو معرفتش استننا بس عند الترام او القطر واتصل بحاتم او بيا حننزل نجيب متقلقش سهلة

[Mo3Ty]

ياباشا اوصل شارع المشير واسأل على الشمندورة الف مين يدلك

ياسلام عليك ياعمدة وانت بتشرح المكان وعارفوا بكل ثقة .. ابقا مشوفكش بقا بكرة معانا حخصملك 50 نقطة من ايه معرفش بس هو كدة هع هع

[Mo3Ty]

(( للتذكير )) وياريت الكل يشرفنا بالحضور..........

[hatem elsherief]

للتنبيه مره اخري يا شبااااااااااااااااااااااااااااااااااب


موعدنا اليوم باذن الله الساعه الخامسه 5 في كافيتريا الشمندوره بمحطه سيدي جابر


يا ريت تشرفونا بالحضورررررر كلكم

وشكرا

[Adler]

جاى باذن الله ياحاتم...
بس مشأ احنا قولنا حنخليها فى الشمندورة بدل دوار جحا ولا ايه زى ما احنا فى دوار جحا؟؟

لو سمحت يا استاذ معطي انا شفت اللوجو بتاع الحصان ده في منتدي اف اكس ارابيا هو بتاعك ولا بتاعهم ولا بتاع مين؟؟

عشان الصراحة عاجبني جدا جدا وبخصوص اللقاء لو سمحت فين في سيدي جابر الظبط وشكرا

[Adler]

(( للتذكير )) وياريت الكل يشرفنا بالحضور..........

لو سمحت يا استاذ معطي انا شفت اللوجو بتاع الحصان ده في منتدي اف اكس ارابيا هو بتاعك ولا بتاعهم ولا بتاع مين؟؟

عشان الصراحة عاجبني جدا جدا وبخصوص اللقاء لو سمحت فين في سيدي جابر الظبط وشكرا

لو سمحتم فين في سيدي جابر يا شباب

[zarmat]

موفقين في هذا التجمع بأذن الله

[شهيد الاسلام]

لو سمحتم فين في سيدي جابر يا شباب

سيدى جابر المحطة اخى الغالى خلف سوق الكمبيوتر فى سموحة

او لو من محطة الرمل تاخد الترام وتنزل محطة سيدى جابر المحطة وخد بالك ان فيه سيدى جابر المحطة وسيدى جابر الشيخ


بس اللقاء عند سيدى جابر المحطة مش الشيخ لازم تقول كدة للكمسرى فى المترو ههههههههه

[Mo3Ty]

لو سمحت يا استاذ معطي انا شفت اللوجو بتاع الحصان ده في منتدي اف اكس ارابيا هو بتاعك ولا بتاعهم ولا بتاع مين؟؟

عشان الصراحة عاجبني جدا جدا وبخصوص اللقاء لو سمحت فين في سيدي جابر الظبط وشكرا

اهلا اهلا ياباشا
اللوجو بتاع الحصان انا الى اخدوا من اف اكس ارابيا فهو بتاعهم وليس ملكي واستاذنت أ\ اسامة عادل فى اخر لقاء بينا عليه

بالنسبة للقاء والله احنا لسة مخلصين من نصف ساعة ولسة راجع البيت فتتعوض الاسبوع الجاى وياريت نشوفك معانا
وهى فى سيدي جابر المحطة فى شارع المشير اوصل هناك واسال اى حد على كافتريا الشمندورة حيقولك مكانها فين
ولو جاى ان شاء الله الاسبوع الجاى قولنا وحبعتلك انا او حاتم رقمنا عشان لو توهت او حاجة

تقبل تحياتي ..........

[Mo3Ty]

سيدى جابر المحطة اخى الغالى خلف سوق الكمبيوتر فى سموحة

او لو من محطة الرمل تاخد الترام وتنزل محطة سيدى جابر المحطة وخد بالك ان فيه سيدى جابر المحطة وسيدى جابر الشيخ


بس اللقاء عند سيدى جابر المحطة مش الشيخ لازم تقول كدة للكمسرى فى المترو ههههههههه

واضح انك من اسكندرية ياباشا
ياريت تشرفنا الاسبوع الجاى

[Mo3Ty]

انتهى اللقاء منذ نصف ساعة
وكان ليا الشرف فى لقاء الناس المحترمة الى جت النهاردة وبسم الله ماشاء الله الناس بتزيد اسبوع عن اسبوع
وانا سعدت جداااااااا بلقاااااء اليوم واستفدنا كلنا من معلومات بعض وبالناس المحترمة كلها الى جت
واتمنى فعلا الى مجاش يجي الاسابيع الجاية لانه فعلا حيستفاد اذا كان خبيرا او مبتدا او كبير او صغير
بمعلومات وحترتفع النفسية وحيتعرف على ناس محترمة فى نفس مجالنا
وباذن الله حاتم يرجع وينزل صور اللقاء

تقبلو تحياتي ............

[hatem elsherief]

السلام عليكم ورحمه الله وبركاته

النهارده كان يوم جامد وناس زي العسل بصراحه

استفدنا جدا بالحوار والاستراتيجيات

وكل واحد طرح اسلوبه في المتاجره وكان شئ شيق جدا الصراحه

مش هطول عليكم

نسيبكم مع الصور

ومنتظرينكم في الملتقي الرابع باذن الله

[Ibrahim Nejm]

كان لقاء جميل جداً
و انا استفدت منه كتير كمبتدئ فى الفوركس
و كان ليا الشرف طبعاً انى اتعرف بشخصيات جميلة و قديرة بالإحترام

[Adler]

لو سمحتم هو اللقاء اسبوعي ولا شهري وهل بتشرحوا فيه حجات عن الفوركس وبخصوص اللوجو بتاع اف اكس ارابيا انا كمان ممكن استخدمة ولا مينفعش واستأذن من الدكتور اسامة عادل

[شهيد الاسلام]

واضح انك من اسكندرية ياباشا
ياريت تشرفنا الاسبوع الجاى

ربنا يسهل يا معطى جزاك الله خيرا

انت باين عليك نسيتنى اصلا هههههه