@@@@ ألــــــــــــــــــــــــــــــــــــــــــــتراس فوركساوي @@@@

[hatem elsherief]

السلام عليكم ورحمه الله وبركاته

اقترحت يوم الخميس الماضي فكره عمل ملتقي بالاسكندريه ودعوت جميع المتاجرين الاسكندرانيين فيه

بعنوان الفوركسندرانيه

في ناس جات وناس اعتذرت وناس مكانتش تعرف المعاد و و و و

لكن ناس كتير بعتتلي أكدتلي فيه انهم جايين أكيد الاسبوع القادم

المهم اتفقنا مع الناس اللي حضرت اننا هنعمل رابطه محبي ومتاجري الفوركس

واخترنا اسم ليها وهو

التراس فوركساوي

وباذن الله يكون ليها اجتماعات ولقاءات منتظمه

الناس استفادت كتير من اللقاء ده وانا والله اكتر واحد استفدت فعلا وكنت جوايا سعيد اوي اني اقابل شويه ناس زي العسل

منتظرينكم الملتقي القادم باذن الله

الساعه السادسه 6 ب دوار جحا ب جرين بلازا

يوم السبت القادم


دي صوره من اللقاء

الاعضاء من اليمين للشمال

عمرو خضر

عمرو مصطفي

محمد العزب

حاتم الشريف

محمد جاهمي

البدري بدار

[magdi]

أنا من دمياط وان شاء الله هحاول أجى مع ان المشوار لاسكندرية بعيد شويه
نفسى اتفابل واتحدث مع واحد مصرى فى الفوركس لانى حاسس انى بتجار لوحدى فى مصر
نظرا لبعد محافظة دمياط عن القاهرة والاسكندرية وقلة المتعاملين مع الفوركس عندنا

[السنابل الخضراء]

والله فرحت لما شوفت الصوره وحسيت بجو الاسره الله يبارك فيكم وان شاء الله من تقدم لتقدم اهم شيء يكون فيه استفاده باكبر قدر ممكن
همسه : بالرغم ماحدث للالتراس الاهلاوي وحزني الشديد عليهم , الا انني اختلف معهم في بعض المباديء لذلك اقترح تغيير الاسم وليكن مثلا ( حزب الفوركس) والدوره القادمه يكون لهم عضو في البرلمان

[محمد العزب]

السلام عليكم ورحمة الله وبركاته
التراس وحزب ايه يا جماعه انتوا قلبتوا الموضوع سياسه كده ليه
مهما كان الاسم الفكره ببساطه انه يكون في لقائات مستمره بيننا
وان شاء الله تكون اللقائات مستمره ونتعرف على كل الناس الجميله وميكونش في مصر بس ان شاء الله نحاول اننا نتقابل مع كل اخواننا في الدول العربيه الاخرى

[البدرىبدار]

انا كنت من الناس الحاضرة لهذا اللقاء والحمد لله استفدت كتير واحب ادعو الناس سواء كنت من الاسكندرية او لا
لهذا اللقاء ومش هيندموا
بس المشاريب عليهم هههههههههههه
شكرا ا/ حاتم
الى لقاء الاسبوع القادم

[moh.gahmy]

كان لقاء ممتاز يا حاتم و كنت سعيد جدا بمعرفة اصدقاء جدد
وان شاء الله نستمر فى المقابلات والناس اللى مقدرتش تحضر المرة اللى فاتت تحاول تيجى المرة اللى جاية
وعايزين باقى الصور ومتنساش الراجل اللى صورنا كمان

[hatem elsherief]

أنا من دمياط وان شاء الله هحاول أجى مع ان المشوار لاسكندرية بعيد شويه
نفسى اتفابل واتحدث مع واحد مصرى فى الفوركس لانى حاسس انى بتجار لوحدى فى مصر
نظرا لبعد محافظة دمياط عن القاهرة والاسكندرية وقلة المتعاملين مع الفوركس عندنا

تشرفنا وبجد مش هتندم وهتتمني اننا نتقابل كل يوم

والله فرحت لما شوفت الصوره وحسيت بجو الاسره الله يبارك فيكم وان شاء الله من تقدم لتقدم اهم شيء يكون فيه استفاده باكبر قدر ممكن
همسه : بالرغم ماحدث للالتراس الاهلاوي وحزني الشديد عليهم , الا انني اختلف معهم في بعض المباديء لذلك اقترح تغيير الاسم وليكن مثلا ( حزب الفوركس) والدوره القادمه يكون لهم عضو في البرلمان

فكره الاسم جايه من اي رابطه بتحب الفريق وبتؤازره فما بالك بالفوركس ,وبعدين عيب منتدي كبير زي ده ميكونش له رابطه محبين ل مجاله

السلام عليكم ورحمة الله وبركاته
التراس وحزب ايه يا جماعه انتوا قلبتوا الموضوع سياسه كده ليه
مهما كان الاسم الفكره ببساطه انه يكون في لقائات مستمره بيننا
وان شاء الله تكون اللقائات مستمره ونتعرف على كل الناس الجميله وميكونش في مصر بس ان شاء الله نحاول اننا نتقابل مع كل اخواننا في الدول العربيه الاخرى

ايه يا عم انت رجعت في كلامك ليه مش اتفقنا وقلنا التراس خلاص يبقي التراس

انا كنت من الناس الحاضرة لهذا اللقاء والحمد لله استفدت كتير واحب ادعو الناس سواء كنت من الاسكندرية او لا
لهذا اللقاء ومش هيندموا
بس المشاريب عليهم هههههههههههه
شكرا ا/ حاتم
الى لقاء الاسبوع القادم

العفو استاذ بدري

انا مسرور فعلا انك جيت ونتمني العدد يكون اكبر المره الجايه باذن الله

كان لقاء ممتاز يا حاتم و كنت سعيد جدا بمعرفة اصدقاء جدد
وان شاء الله نستمر فى المقابلات والناس اللى مقدرتش تحضر المرة اللى فاتت تحاول تيجى المرة اللى جاية
وعايزين باقى الصور ومتنساش الراجل اللى صورنا كمان

معلش يا حبي في صور مش مظبوطه ومهزوزه تقريبا دي الوحيده اللي واضحه وعزب مرضاش يديني صوره مصطفي الجرسون اللي صورنا

[مصطفى خالد]

منور يا عزب انت و خضر
حبايبى من ايام الجيزه

[hatem elsherief]

منور يا عزب انت و خضر
حبايبى من ايام الجيزه

تشرفنا يا درش والله

عموما احنا هنعمل ملتقي في القاهره عما قريب

عاوز اشوفك

[ghareeb]

حياك الله يا اخ حاتم

الله يوفقكم ان شاء الله

عاوزين واحد من الحزب بتعكم الجديد يرشح نفسه لرائسة الجمهوريه

بس سؤال حزبكم تابع لمين (اخوان , اشتراكي . الوسط . علماني. شيوعي )

تقبلوا تحياتي وتقديري جميعا

[Pips Hunter]

فكرة جميلة جداً و بأذن الله احضر معاكم المقابلات الجاية .

[sameh seef]

العب وريهم شغل الاسكندرانيه ههههه
راشق معاكم الاسبوع الجاى ان شاء الله اكيد

[حسن الهلالي]

انا عايز انظم للرابطة لو سمحتم يا جماعة
وبعدين فين موقع الرابطة الرسمي، ومين المتحدثين الرسمين؟

[hatem elsherief]

حياك الله يا اخ حاتم

الله يوفقكم ان شاء الله

عاوزين واحد من الحزب بتعكم الجديد يرشح نفسه لرائسة الجمهوريه

بس سؤال حزبكم تابع لمين (اخوان , اشتراكي . الوسط . علماني. شيوعي )

تقبلوا تحياتي وتقديري جميعا

حزب المواطن الزلنطحي علي رأي دكتور معتز عبدالفتاح

المواطن الزلنطحي :هو المواطن اللي يقدر يعمل اي حاجه في اي وقت في اي مكان دون ان يؤذي الاخرين

هههههههههههههه

فكرة جميلة جداً و بأذن الله احضر معاكم المقابلات الجاية .

تنورنا والله يا بوب ,من زمان متقابلناش يا راجل

العب وريهم شغل الاسكندرانيه ههههه
راشق معاكم الاسبوع الجاى ان شاء الله اكيد

لما نشوف هتيجي المره دي وللا ايه

انا عايز انظم للرابطة لو سمحتم يا جماعة
وبعدين فين موقع الرابطة الرسمي، ومين المتحدثين الرسمين؟

الرابطه ان شاء الله هتكون تابعه للمتداول العربي

بحيث نبقي أول رابطه محبي فوركس في الوطن العربي مش في مصر بس

ويا ريت الاخوه في باقي الدول يعملوا نفس الفكره بجد والله ممتعه

مش عارف الموضوع احتمال انه يتثبت واحتمال لأ

بس الفكره انه يكون في لقاءات مستمره بين المتاجرين وبعضهم اللي منها بتدي الثقه لبعضهم البعض

وعموما انت معانا اكيد في الالتراس

وقريب هنظبط اللوجو الخاص بيه

شرفتنا يا ريس

[3ashekforex]

مدام التراس فوركس بقى
يبقى لازم نغير الفوركسندرانية الى نادى الفوركسندرانية

4xandraniaFC