هيدج الحلقة المركب

[zelenko]

السلام عليكم

كنت قاعد فاضي كدة ما بعملش حاجة فحبيت اني اكتبلكم حاجة

بس قلت هاكتب ايه ؟؟؟

لزم تكون حاجة مفيدة مش اي حاجة و خلاص

قلت طب الناس بتحب ايه ؟؟

لقيت ان الناس بتحب الاستراتيجيات الجديدة و بالذات لو كانت حلوة

قلت خلاص اقولكم علي استراتيجية كنت طورتها زمان بس للأسف مالحتقش اجربها كتير لاني اشتغلت بحاجة تانية خالص

المهم : ايه الطريقة

الطريقة دي اول واحد نبهني ليها كان الاخ احمد 5 ( احقاقا للحق) و بحثت شوية لقيتها في فوركس فاكتوري و لقيتها كمان في احد المنتديات العربية

تتلخص الطريقة في انك تدخل بيع و شراء علي 3 ازواج مترابطين (( هدجيا ))

يعني ايه

مثلا عندنا زوج اليورو دولار و الباوند دولار و الباوند يورو

هؤلاء ال 3 ازواج فيهم كام عملة ؟؟؟

3 بس برافو اليورو و الباوند و الدولار

طب الدخول ازاي ؟؟

الدخول عمياني بدون اللجوء لاي نوع من التحليل

هتخش مثلا بيع علي اليورو دولار و شراء اليورو باوند و الباوند دولار او العكس

و لما بنعمل كدة هتلاقي ان الثلاث عملات ( يورو و استرليني و دولار ) كل واحد منهم اشتريناها مرة و بعناها مرة كأنه هيدج و لكن بنوع اخر بس في النوع ده من الهيدج مش بيفضل الخسارة او المكسب ثابت لا دي بتفضل تتمرجح من سالب لموجب

و هنا دور التيك بروفيت طبعا بتسألوا هيكون ازاي ؟؟

اولا التيك بروفيت هنا هيكون بالدولار مش بالنقط يعني انت مثلا دخلت و كنت محدد انك عايز بروفيت 10 دولار
خلاص اول ماتشوف ال 10 دولار جم اقفل كل الصفقات و ابدا من جديد بس طبعا صعب سيادتك تفضل لازق للشاشة فممكن نستعين بأكسبيرت اللي بيقفل كل الصفقات علي ربح بالدولار

خلاص كدة ؟؟

لا لسة شوية

انا بقي حبيت اطور في الموضوع ده

ازاي ؟؟؟

بص يا سيدي هنفرض عندنا 4 مجموعات بنخش علي اي واحدة فيهم مثل ؟؟ ( مع انكم ممكن تعملوا مجموعات لا نهائية ))

1 - بيع اليورو دولار و شراء الباوند دولار و شراء اليورو باوند او العكس

2- بيع اليورو دولار و الدولار ين و شراء اليورو ين او العكس

3- بيع اليورو دولار و الدولار فرنك و شراء اليور فرنك او العكس

4- شراء باوند دولار و دولار ين و بيع باوند ين او العكس

5- شراء استرالي دولار و شراء دولار ين و بيع استرالي ين او العكس

لغاية هنا انا ما عملتش اي جديد مجرد نقلت الاستراتيجية و كدة هو ده هيدج الحلقة

التطوير اللي فكرت فيه : هو ((( المركب )))

ازاي ؟؟
هنركب حلقتين او ثلاثة مع بعض
ازاي ؟؟

بص يا سيدي احنا مثلا عندنا ال 4 حلقات دول و ممكن نخش بأي واحدة فيهم


1 - بيع اليورو دولار و شراء الباوند دولار و شراء اليورو باوند او العكس

2- بيع اليورو دولار و الدولار ين و شراء اليورو ين او العكس

3- بيع اليورو دولار و الدولار فرنك و شراء اليور فرنك او العكس

4- شراء باوند دولار و دولار ين و بيع باوند ين او العكس

5- شراء استرالي دولار و شراء دولار ين و بيع استرالي ين او العكس


انا بقي هاجي علي الحلقة الاولي مثلا و اركب معاها التانية
ازاي ؟؟
هاجي علي الحلقة الاولي و اشيل ( بيع اليورو دولار )) و احط ما يلغيه(( ما يهدجه )) من الحلقة التانية اللي هيكون ساعتها (شراء الدولار ين و بيع اليور ين )

و بكدة يبقي تركيب الحلقة الاولي و التانية يساوي

شراء باوند دولار وشراء يورو باوند و شراء دولار ين و بيع يور ين و هنسمي الحلقة دي ( الحلقة الاولي المركبة علشان ما يحصلش لخبطة )

كدة هيبقي عندي اربع عملات : يورو و دولار و باوند و ين
و برضه كل واحد منهم بعناها مرة و اشتريناها مرة

طب ماتيجي نركب كمان حلقة
ازاي ؟؟
تعالي نشيل مثلا شراء دولار ين و نحط مكانه ما يلغيه(( ما يهدجه )) و هو بيع باوند دولار و شراء باوند ين ( من الحلقة 4 )

و شوفوا كده هتبقي عاملة ازاي
هتبقي كدة

شراء باوند دولار وشراء يورو باوند و بيع باوند دولار و شراء باوند ين و بيع يورو ين

طبعا عندنا هنا شراء باوند دولار و بيع باوند دولار نشيلهم مع بعض و يتبقي ( لانه هيدج ثابت مالوش لازمة)

شراء يورو باوند و شراء باوند ين و بيع يورو ين و هنسمي دي ((الحلقة المركبة الثانية))

طب تعالوا نوسع الحلقة شوية ( اكتر من اربع عملات )

تعالوا نجيب الحلقة المركبة الاولي اللي هي

شراء باوند دولار وشراء يورو باوند و شراء دولار ين و بيع يور ين

و نشيل الدولارين و نحط بداله ما يلغيه(( ما يهدجه )) و هو بيع استرالي دولار و شراء استرالي ين ( من الحلقة 5 )

و بكدة تبقي الحلقة

شراء الباوند دولار و شراء يورو باوند و بيع استرالي دولار و شراء استرالي ين و بيع يورو ين و هنسميها (الحلقة المركبة الثالثة )

كدة بقي عندنا خمس عملات بس برضه كل عملة بيعناها مرة و اشتريناها مرة


بس انا كدة خلصت المهم الحلقات دي لضرب الامثلة انت ممكن تقعد مع نفسك و تألف مجموعات زي ما انت عايز
بس انا اخترت دول علشان الاقل سبريد

و برضه فيه مشكلة صغيرة

المارجن المحجوز

اكبر زوج بيحجز مارجن هو الباوند دولار

و لو انت حسابك 1000 دولار و دخلت النقطة بدولار و الرافعة 1: 400 يبقي هيتحجز 40 دولار

ولو انت اخترت مثلا الحلقة الثالثة المركبة اللي فيها خمس ازواج يبقي علي اكثر تقدير سيكون المارجن المحجوز ( من 200 الي 150 دولار ) و اعتقد مش مشكلة كبيرة انت كدة كدة تارجتك من 10 الي 30 دولار في المرة ( بلاش طمع ولو دخلت اكثر من مرة هتكسب اكتر يعني لو دخلت مرتين مثلا المرة بمكسب 20 دولار يعني 40 دولار في اليوم من اصل حساب ب 1000 دولار يعني حالي 4 في المية من حسابك في يوم واحد)

و ملحوظة اخري لو اخترت مجموعة و دخلت بيها و كسبت لو هتخش بيها تاني ابقي اعكسها يعني اللي كنت داخل فيه بيع خش فيه شراء


اهم حاجة اوعي حد يجرب حقيقي غير لما تتقنها و بعدين كل واحد يجرب المجموعات لغاية ما يشوف احسن واحدة

و الاهم موضوع الاكسبيرت بتاع اخذ الربح لأن التارجت بيجي في ثانية و ممكن يختفي و احضرتك طبعا صعب تتابع الشاشة 24 ساعة


و السلام عليكم و رحمة الله

[sameh seef]

انا دماغى لفت

[sarmad66]

السلام عليكم
ما شاء الله افكار ممتازه بس يبقى تحتاج اضافات بسيطه لكي تحقق الهدف بسرعه وهي وقت الدخول والاتجاه يعني متى تدخل بيع اليورو وشراء الباون او بالعكس وايضا وقت الدخول اذا كان هنالك خبر على الباون او خبر على اليورو قد تكون حركه قويه او خبر على الدولار بحيث تؤدي الى هبوط الازواج الثلاثه او صعود الازواج الثلاثه
تبقى كفكره ممتازه لانه ما في خساره كبيره وممكن جدا التعويض اذا انعكس السوق

[zelenko]

انا دماغى لفت

هات ورقة و قلم و اقرا الموضوع واحدة واحدة وسطر سطر هتفهم كل حاجة

[science]

الطريقه تم شرحها بالمنتدى سنه 2010
اقرا الموضوع وحاول ان تخرج بفوائد جديده
مع اني استعملتها على اربع عملات كل عملتين على حساب ويجب ان يكون اول عملتين رئيسيتين وثاني عملتين متعاكستين وهذه افضل طريقه
بالتوفيق

https://forum.arabictrader.com/t105894.html

ويوجد ايضا موضوع للاخ وضاح عطار اسمه استراتيجيه السبريد الموجب مضمونه بنسبه 99%
ابحث عنها في جوجل

[zelenko]

الطريقه تم شرحها بالمنتدى سنه 2010
اقرا الموضوع وحاول ان تخرج بفوائد جديده
مع اني استعملتها على اربع عملات كل عملتين على حساب ويجب ان يكون اول عملتين رئيسيتين وثاني عملتين متعاكستين وهذه افضل طريقه
بالتوفيق

https://forum.arabictrader.com/t105894.html

ويوجد ايضا موضوع للاخ وضاح عطار اسمه استراتيجيه السبريد الموجب مضمونه بنسبه 99%
ابحث عنها في جوجل

شكرا لردك بس الطريقة دي مختلفة شوية

[science]

شكرا لردك بس الطريقة دي مختلفة شوية

معاك ياباشا ان الطريقه مختلفه لكن كل طرق المضاربات بهذا النوع متشابهه من ناحيه المبدا
لكن انا اكلمك من تجربه 6شهور سنه 2011
العملات الرئيسيه ما تجيب هم الطريقه والوقت الذي ستستغرقه العملات لاعطاء الربح وراح تترك الطريقه اول اسبوعين لما يعكس السوق . ولو الحساب لا يتجاوز ال25الف فماراح تجيب هم الطريقه ابدا
حاول تعمل خلطه من الازواج المتعاكسه يدخل فيها اليوروكندي والباوند نيوزلندي والاسترالي فرنك مثلا
وقارن النتائج
لان الغرض من الطريقه ليست اسم عمله ما....يعني ضروري نتاجر يورو او ندخل الكيبل لا ابدا
انت هدفك كم عدد النقاط اللي راح تكسبها لما يكون السعر في صالحك تمام .وفي حال عكس السوق كم راح يعكس نقاط ووقت قبل ما تاتي الارباح. مع ملاحظه قيمه النقطه يجب ان تكون متساويه في الدخول
هذه هي الخلاصه من الطريقه.
يعني لو دخلت مجموعه من الازواج الرئيسيه وحققت 200بيب في اسبوع مثلا فبنفس الطريقه بامكانك عمل 300 بيب في يومين على ازواج متعاكسه.

وابحث في الانترنت راح تلاقي فيه اكسبرتات كثيره لمثل هذه الطرق حاول تجرب على اقل من مهلك وتشوف الربح بعد 6 شهور هل يسوى التعب قياسا بالمبلغ المالي ام لا.
انا بقول راي علشان لا تضيع الوقت في تجربه مفيده جدا بدون ان تصل الى نتائج
على العموم بالتوفيق

[zelenko]

شكرا لردك اخي ساينس

لقد قرات الموضوع بتاع طريقة عمل البنوك و هو مختلف تماما عن هذا الموضوع

كما ان الطريقة الثلاثية العادية تم عمل ورشة لها في احد منتيات الجيران لمدة كبيرة و كانت الاستراتيجية تعطي ربح يوميا من 1 الي 5 بالمئة للحساب و ممكن الدخول في اليوم الواحد اكثر من مرة

و لكن كانت هناك مشكلة و هي انك دخلت عكس اتجاه الكروس فممكن الصفقة تعكس شوية و يطول الوقت حتي يتحقق الهدف

و لكن تم التغلب علي هذا العيب باحدي طريقتين

1- الاعتماد علي ال fpi

2- تركيب اكثر من حلقة معا كما قلت انت (( تنويع الازواج ))

و ممكن حضرتك تتابع الموضوع ده لو تحب


https://forum.arabictrader.com/t141003.html