الاخوه المبرمجين ممكن عمل مؤشر بتنبيه صوتي ؟؟

**xcv114** · 19-03-2012, 03:14 PM

المشاركة الأصلية كتبت بواسطة xcv114

طيب شوف يا سيدي حاليا وبعد إكسبيرت أستاذ أسامة
معدتش في أي مشاكل في الإكسبيرت
----------------
وموضع رسم الفيبوناتشي ( ما تشغلش بالك بيه ) لإن الإكسبيرت بيحسبه بمعادلات ولا يستخدم مؤشرات
----------------
نيجي بقى لموضوع مؤشر الإكسبلوشن جولد
ده بقى إللي هيفرق لإن المؤشر وحاليا الإكسبيرت بيعتمدوا على الإعدادات الإفتراضية
فأنا عدلت ليك مؤشر إكسبلوشن جولد على أساس الإعدادات إللي إنت كاتبها في مشاركتك دي
شيل بقى المؤشر إللي عندك وضع مكانه المؤشر المرفق في فولدر indicators
------------------
مرفق المؤشر بالصيغتين ( ex4 - mq4 )
طبعا المهم إللي بصيغة ex4 بس أنا أرفقت الإتنين عشان لو حد حابب يعدل حاجة
ومرفق أيضاً الإكسبيرت
بحيث يكون كل إللي هتحتاجه في المشاركة دي
-------------
خلينا نراجع إللي الإكسبيرت بيحتاجة

الإكسبيرت ( ويوضع في فولدر experts )
مؤشر Explosion_Gold.ex4 ( ويوضع في فولدر indicators )
مؤشر الزجزاج

ويبقى إنت كده تمام

أسف كنت نسيت أغير الإعدادات من داخل الإكسبيرت
مرفق الإكسبيرت بإعدادات الإكسبلوشن جولد إللي ذكرها الأخ حمدوف

كود PHP:

 "Explosion_Gold",150,30,15,15,1,false,false,false,false,index,shift);

**hamadov1** · 19-03-2012, 04:06 PM

تمام يامعلم تسلم ايدك وايد اسامه باشا ... الاكسبيرت مبدئيا نتائجه مش زي اليدوي خالص.. بس فيه ميزتين كويسين حتي الان الدرودان قليل ونسبة نجاح الصفقات اكثر من 80%
هاحاول بقي اشوف حل لموضوع الريسك ريوارد العالي .. وموضوع البروفيت لان السعر كتير جدا بيكمل بعد 38.2 ...ياريت لو تقدر تعمل نسخه تانيه من الاكسبيرت نحاول نختبرها يكون الستوب لوز فيها اعلي من اعلي هاي لشمعة الدخول ب 10 بيب

ياريت برده لو عندك اقتراحات انت ومستر دولار ورجالة البرمجه تفيدونا
وان شاء الله الشباب هايختبرو معانا الاكسبيرت ويفيدونا بإقتراحاتهم

**eng.m7md_magdy** · 19-03-2012, 05:02 PM

يا اخاون هذه الاخطاء تظهر في الجورنال عند عمل باك تست سواء لنسخه الاخ اسامه او الاخ XCV114 المنصه المستخدمه fxdd خمس ارقام

**hamadov1** · 19-03-2012, 05:08 PM

المشاركة الأصلية كتبت بواسطة eng.m7md_magdy

يا اخاون هذه الاخطاء تظهر في الجورنال عند عمل باك تست سواء لنسخه الاخ اسامه او الاخ XCV114 المنصه المستخدمه fxdd خمس ارقام

لازم تحدث البيانات التاريخيه للعمله من History

**Jmeel** · 19-03-2012, 08:12 PM

اخي محمد مشكلة الأكسبرت انه مكنة ما بيفهمش يعني لو الشمعة فتحت فوق 23 وعلى وشك ملامسة 38 هيشتري لكن في اليدوي صعب ادخل زي العملية دي وكنت بفكر في عملية محاسبية تقيس المسافة بين 23 و 28 وتنفذ اذا اذا كان السعر اقرب ل 23 وبتفصيل اكتر لو المسافة بينهم اربعين نقطة حشترط على الأكسبرت ينفذ اذا كان اذا السعر مايزيد عن نصف المسافة او حتى تلت المسافة . وفي حاجات في بالي بس اخاف كثر الأفكار تلخبط الموضوع .

**hamadov1** · 20-03-2012, 03:24 PM

المفروض ان ميزة الطريقه انها تعمل علي كل الازواج في نفس الوقت بنسبة نجاح تقريبا 80% لاني اختبرت الاكسبيرت علي اكثر من زوج ونسبة نجاح الصفقات متوسطها 80% مع العلم ان الارباح مش كتير لانه الريسك ريوارد عالي بس لما تكون من كل 10 معاملات تكسب 8 علي 20 زوج هاتلاقي ربح كتير في الاخر ... والمشكله انه صعب انه نحسبها نظريا .. تعالو نقول ان متوسط الستوب 50 نقطه والبروفيت 10 وعندنا 20 معامله مفتوحين وبرده مع العلم ان المعاملات اللي بتخسر بتقعد مفتوحه اكثر من يوم واوقات اكثر من يومين والمعاملات الرابحه في الغالب مابتزيدش عن 3 ساعات تقريبا .. يبقي في يوم واحد من 20 معامله كسبت 80% وخسرت 20 يبقي انت كسبان 16 معامله وخسران 4 معاملات يعني كسبان 160 نقطه وخسران نقطه 200 في يوم واحد .. وتاني يوم هاتكون الخساره اقل لان الازواج اللي كان فيها المعاملات خسرانه لسه مفتوحه والفرص الرابحه بتجدد ... مش هاعرف احسبها ولازم تتجرب علي حساب ديمو

اعتقد بقي ان لو اتحل مشكلة الريسك ريوارد هايبقي الموضوع مختلف بالمره .. ياريت لو نجرب نخلي الستوب لوز اعلي من اعلي ظل لشمعة الدخول ب 10 بيب ... والنقطه التانيه بتاعت ان في حالات كتير جدا السعر بيكمل بعد 23 انا بجرب اني اعدل الربح ل 50 فيب واعمل تريلنج ستوب... بس لسه الموضوع تحت الاختبار

المهم بقي دلوقتي ان الاكسبيرت مش عاوز يفتح صفقات علي الديمو مش عارف ليه .. انا مش متمكن اوي من الموضوع ده بس جايز بسبب حاجات كتير وياريت التوضيح من الاخوه المبرمجين :

1- انا عندي فيه بعد كل زوج FX يعني eurusdfx - gbpusdfx
2- اعتقد ان الاكسبيرت يعمل علي 4 ارقام او 5 ارقام
3- الماجيك نمبر مكون من 7 ارقام فهل لو عملت علي كل زوج الماجيبك نمبر بدل ماهو 7871357 خليته مثلا رقم واحد 5 هل ده هايكون مشكله ؟
4- انا جربت احمل الاكسبيرت علي تقريبا 25 زوج في نفس الوقت وغيرت طبعا الماجيك لكل زوج
5- تحققت الشروط اكثر من مره ولم يدخل الاكسبيرت في مداولات حتي علي فريم 5 دقائق
6- موضوع ال allow dll imports انا معلم عليها
7- confirm dll functions calls انا معلم عليها
8- allow imort of external experts انا معلم عليها

ياريت ياجماعه حد يفيدني لاني محتاج اختبر الاكسبيرت علي اكثر من 20 زوج في نفس الوقت

**xcv114** · 20-03-2012, 04:10 PM

علم في إعدادات الإكسبيرت أدفيزور على الأربع خانات الرئيسية وشيل علمات الصح من على الإختيارات المنبسقة
-------------------
وبالنسبة للماجيك نمبر
لو هتضع الإكسبيرت على أكتر من شارت يبقى كل شارت ياخد رقم مختلف ( أي رقم بس يكون مختلف عن الباقي )
يعني خليهم مثلا 1001 - 1002 - 1003 وهكذا

**hamadov1** · 20-03-2012, 05:23 PM