كيف يعامل عميل البورصة مدير الحساب اذا كان رجل او انثى ؟
كيف يعامل عميل البورصة مدير الحساب اذا كان رجل او انثى ؟
- مدير الحساب للعميل اقل حساب لدينا 10 الاف دولار : العميل ياعم هما 100 دولار هو احنا بنلاقى الفلوس فى الشارع
لو مديره حسابات العميل هيقولها بس ايه المبلغ التافه ده فين الورق امضيه
- مدير الحساب للعميل ان شاء الله متوسط الارباح 10% : العميل بس شكلك مش بتعرف تشتغلها اصلا ده انا بصباع رجلى اعمل اكتر من كده
لو مديره حسابات بتقوله انا مش بعمل ارباح خالص لانى لسه مبتدئه : العميل ياستى ولا يهمك اتعلمى فيه انا بحب التجربة
- مدير الحسابات للعميل الحمد لله عملنا ارباح زى ما اتفقنا : العميل اهو كويس بس شد حيلك انت مش عايز تشتغل ولا ايه
لو مديرة الحسابات بص انا مش عرفت اكسب خالص السوق كان وحش : العميل ولا يهمك مش لازم اكسب انا مش مستعجل
- مدير الحسابات للعميل اسف الشهر ده فى ذبذبه الارباح هتقل شويه : العميل ياعم وانا مال اهلى ذبذبه ايه شغل الفيبرشن بتاعكم ده ما تتعلموا تشتغلوا كويس
لو مدير حسابات معلش مش تزعل السوق نزل وخسرت : العميل اخس ايه السوق الوحش ده في ح يشوف قمر كده والمؤشر ينزل انا لو مكانه افضل اطلع لغايه لما اوصل للسما اجيبلك نجمه منهم
- مدير الحسابات انا اسف يافندم انا عملت حادثه وعندى كدمات وكنت هاموت مش هاقدر اتابع الشغل الفتره دى وان شاء الهل اعوضهالك : العميل ياعم سلامتك انت صوتك قرد اهو بطلع شغل الدلع ده دى فلوس يتامى وبشغلهم
لو مديرة حسابات بص انا عندى برد شوفت صوتى رايح ازاى انسى بقى اصل انى ابص على السوق عندى رشح وبعطس : العميل سوق ايه بس اللى بتتكلمى عليه سلامتك انتى اهم من اى حاجه اجيبلك دكتور وكل نص ساعه يطمن عليها
- مدير الحسابات للعميل الحمد لله حققنا مكسب 100% والحمد لله ياريت حضرتك نتمنى ترشحنا لعملاء تانيين علشان نكبر المحفظة ونقدر نشتغل بأداء افضل : العميل هو انا لاقى ااكل انا هاسحب الفلوس اصلا وعملاء مين انسى السوق ده مش مضمون وكمان هو ده مكسب علشان حتى اكلمهم عليه
لو مديرة حسابات بص بقى انا خسرت كل فلوسك حظى وحش : العميل ولا يهمك ياقمر اخسرى زى ما انتى عايزة انا بكره هاحط فلوس كمان وهاجيبلك العيله كلها تحط عندك وعارفه انا البواب كمان هاخليه يفتح عندك حساب وفداكى اى حاجه
للاسف ده حصل حقيقى
ابراهيم بركة