السلام عليكم ورحمة الله و بركاته
المنتدى ده انا اتعلمت منه كتير مش حمدح فيه كتير لانه معروفه مكانته انا اتعلمت منه كتير اثناء تواجد العمالقه مع احترامى لكل الموجودين المنتدى اتغير كتير بقى منتدى فلسفى كل المواضيع اللى فيه بعدت تماما عن الاتجاه الصحيح ومش حعمم برضه حقول معظم المواضع او السمه الغالبه على المنتدى اصبح المنتدى متخصص فى الفلك و الاقمار و النجوم بس الحمد لله لسه ما دخلش على الاقمار الصناعيه على فكره المواضع دى مع احترامى لاصحابها هى مواضيع وقتيه ماشيه بمحض الصدفه بمعنى انها مش فى صلب او اساس التجاره اللى ممكن تستمر معانا لاننا بعدنا عن الاتجاه الرئيسى و المحرك للسوق و هو العرض و الطلب بقيت اسيب المنتدى بالشهر و الاتنين و ارجع ما الاقيش فيه حاجه جديده او فكره جديده وعلشان الناس اللى بتقول المعرفات الجديده و القديمه انا كنت عضو فى المنتدى من 2006 وطول الفتره دى و انا متابعه يوميا بس الفتره الاخيره لغلبة الموضوعات الفلسفيه على المنتى بقيت اسيبه بالشهور و ارجع ما الاقيش حتى فكره واحده جديده فى واحد حيرد يقولى طيب ما تقول انت يا ابو الافكار انا ممكن اشارك فى تطوير فكره رحم الله امرئ عرف قدر نفسه اللى انا اقصده حتى اللى عنده فكره جديده مش حيحطها لغلبة الكواكب و النجوم على المنتدى مفيش ورش استراتيجيات مفيش تطوير لاكسبيرتات مفيش اكسبيرتات جديده بتتعمل وتطور كل اللى موجود مبنى على المضاعفات حتى الفكرة الجديده اللى وضعها استاذ فاضل هنا عن المضاعفات الجبريه المركبه فكره ممتازه ومفيهاش خطوره كبيره اول ما عرضها انقضيت عليه قوات احتلال المنتدى وطفشوه الدكتور جمال ممدوح كذلك علشان كده اللى عنده فكر او تطوير بينقض عليه الخفافيش اللى معششه فى المنتدى تطفشه ارجو ان تقبلوا نقدى بصدر رحب لانى صراحه زعلان على المنتدى لانى حاسس فى يوم من الايام حلاقى اسمه اتغير الى منتدى المتداول الفلكى لعلوم بورصة الفضاء و المتشائمين ارجو ان نقف وقفه ونبدأ من جديد لان الناس اللى كانت فعاله وبتطرح افكار جديده طفشت من المنتدى كل واحد ييجى يطرح فكره يلاقى سيل من الانتقادات نزلت عليه طيب ما نسيبه يكمل او نطور معاه بجد اللى عاوز يستفيد يرجع للصفحات الخلفيه ويشوف الفرق بين الافكار . واسف للاطاله
