فستان أحمر

[zamalek]

1. فستان أحمر
ورجعت من بعد الفراق
مستني أشوف حبي
وفاض الاشتياق
طول الطريق صورتك في بالي
ياتره
هتلبسي إيه ؟
ياريت تكوني
لابسة لعيوني
فستان جميل أنا جبتهولك
وكمان تكوني مزوقه
ومروقه
في شفايفك الورد الجميل
ولابسة فستان أحمر طويل
وكمان تكوني مزهرة
والفل في اديكي يكون
كانت أماني
عايشة في خيالي
وبختصر بيها الطريق
3 ليالي في السفر
من بلد لبلاد كتير
وفي البلد دي انا بفتكر
كل شيء كان لك أسير
ووصلت من بعد البعاد
وجريت أوام قبل المعاد
ولقيتك إنتي ...
زي ما اتخيلتك
نفس الورود ...
نفس الوشوش ...
كل شيء حتى فستان الفرح
أحمر جميل .. أحمر طويل
نفس الورود
نفس الوشوش
بس فيه شيء مختلف ??
إن فيه إنسان جديد
أنا معرفوش
أخد مكاني
أخد فستاني
14/08/2

[سمسم]

كلمات رائعه
بارك الله فيك