السلام عليكم ورحمة الله وبركاتة
اخوانى واخواتى فى هذا المنتدى الرائع
والله دة اول موضوع ليا اكتبة هنا وكان نفسى من فترة انزل هذا الموضوع للمناقشة فية على حاجة استفذتنى شخصيا واعتقد استفذت اخوة لينا هنا وكتير اوى .
والله انا لا اقصد احد بشخصة انما فية ظاهرة انتشرت كثير الفترة السابقة وان كانت موجودة على طول لكن هذة الفترة بالاخص انتشرت اوى وهى :
التهجم بالكلام والغمز على بعض الاخوة اصحاب الطرق والتحاليل المختلفة
وان كانت مباشرة او غير مباشرة
انا هتكلم عن نفسى شوية كدة معلش استحملونى:
انا فى سوق الفوركس من 10 سنوات تقريبا ومن قبلة بورصة مصرية تقريبا 6 او 7 سنوات مش فاكر بالظبط
واسلوبى فى المتاجرة طول هذة الفترة بالتحليل الفنى لا غير:0016:
رغم انى المفروض انى محلل فنى فى مكان ما ودية شغلتى وناس هنا عارفين الكلام دة كويس يعنى المفروض اكون بتاع اخبار كمان لكن لا احب الاخبار بتاتا:no3:
والا احب طرق جان بتاتا:no3: ولا احب طريقة التحليل بالعدد الثنائى خالص :no3: لجهلى بهذة الطرق وكلنا هنفضل نتعلم حتى الموت:0016:
لكن مش من حقى كمتاجر انى اتعدى حتى بالغمز على اى احد من الاخوة ممن يتعاملون بهذة الطرق بمجرد ان نجح التحليل الفنى فى فترة ما ولم يوفق اى نوع اخر من اى تحليل فى هذة الفترة :ohmy: لية احنا كدة مع بعض؟ المفروض نتعاون مع بعض مش نشمت لا سمح الله فى بعض ونعيش بقة ارمى التحليل الفنى مش عارف فين وارمى التحليل الاخبارى مش عارف فين ومفيش غير تحليلنا وبس الله دة احنا بنحرك السوق زى ما احنا عايزن طيب يا جماعة ما بتوع التحليل الفنى ومنهم انا بنكسب برضة وبتوع التحليل الاخبارى برضة بيكسبوا وانتوا بتكسبوا ايا كان نوع تحليلكم اية .. لا وكمان فية ناس والله والا بتشتغل باى نوع من هذة الطرق خالص وانا اعرفهم شخصيا من خلال شغلى فى هذا المجال والله كمان بيشتغلوا والشارت فاضى تماما بالنظر فقط هنا هدخل بيع ويضرب الصفقة ويكسب اللى ربنا كاتبهوله فى رزقة
او هنا هشترى وشكرا مكاسب بالجملة طيب الناس دية لا تستخدم اى نوع من التحليلات خالص يبقى القصة مش فى التحليل صح والا اية؟ القصة بصيرة يعطيها الله لمن يشاء وهى فى الاول والاخر رزق من عند الله سبحانة وتعالى
ومش معنى انك مش بتعرف تشتغل بالفنى انة فاشل لا فية غيرك ربنا عاطيهم بصيرة المتاجرة بالفنى والا اية ؟
طيب نرجع نتكلم عنى تانى .....
انا زى ما قولت بقالى فترة اعتقد انها كبيرة فى التحليل الفنى والحمد والفضل لله وحدة بكسب كويس وبالفنى فقط
وياما دار بينى وبين اخ لينا هنا حبيبى وزميل كفاح طويل جدا فى هذا السوق القوى وهو ابو ادم الراجل دة بيشتغل بالتحليل الاخبارى وبارع فية جدا ما شاء الله وربنا يدمها علية نعمة وفضل وبيشتغل بابسط ادوات التحليل الفنى خطين وشدة فيبوناتشى فقط وشكرا وبرضة ما شاء الله شغال تمام اجى انا بقة
بتاع الفنى اللى مبعرفش اشتغل بالاخبار اتهجم علية دة اسمة كلام طيب الراجل دة بيكسب بية وانا بشوف بعينى يبقى ازاى اتهجم على اسلوب تحليلة حتى لو انا مش مقتنع بية.
فى الفترة الاخيرة كنت متابع على السريع كدة مواضيع اخ عبقرى لينا هنا اسمة الدكتور حمادة سلام طبعا غنى عن التعريف وبصراحة مكنتش فاهم حاجة من مواضيعة خالص خالص وطرقة كانت شديدة على عقلى جدا مش عارف لية (البصيرة بقة مفيش ) رغم انى عارف ان الراجل دة عندة علم قوى وعايز يفيد بية الناس وكنت بدخل مواضيعة واحاول اعرف هو عايز يقول اية وكانت دائما المحاولات تاتى بالفشل
الى ان من الله عليا بالبصيرة فى الفترة السابقة لفهم هذة النوعية من التحليل عمل اخونا حمادة موضوع يحتل حاليا الصفحة الاولى فى المنتدى
وهو طريقة المتاجرة السعرية الزمنية بمفهوم جديد
قولت فى الاجازات ابقى ادخل هذا الموضوع وخصوصا كان من اولة واشوف يمكن افهم حاجة وعلى فكرة انا مش محتاج والحمد لله يعنى بخسر وبدور على طريقة تكسبنى لا بس للتطوير ومحاولة التعلم اكثر واكثر وانا احب اطور من اسلوبى فى المتاجرة على طول للاحسن للتعامل مع هذا السوق المتغير دائما وفعلا دخلت موضوعة
وفهمت يعنى اية زوايا على حسب ما هو شارح فى الموضوع
وقولت اجرب طريقتة واشوف اية النتائج بعد ما فهمت اتعامل معاها ازاى (هنا البصيرة من عند الله)
بصراحة وانا قولت من الاول الراجل دة عبقرى والعلم اللى عندة انا مكنتش مقتنع بية خالص لكن لما فهمتة منة ومن اخ لينا بارك الله فية بيشارك فى هذا الموضوع وهو اخونا براين ومن شارتاتة الجميلة ساعدتنى على الفهم اكثر واكثر ربنا يكرمهم هما الاثنين باذن الله وجربت اضافة هذة الطريقة على شارتى بسم الله ما شاء الله طريقة فوق الممتازة وافادتنى كتير جدا جدا الفترة السابقة
وزودت رؤيتى اكثر للسوق يعنى التطوير هنا اهة
اجى هنا بقة وارمى التحليل الفنى واقول للناس اللى شغالة بية شكرا دة انا كنت مضيع وقت كتييييييييييييييير اوى فى الكلام الهايف دة 10 سنين :0016: واكلم ابو ادم واقولة يا عم الحاج انت مضيع وقتك ونظرك في اية دة كلام فاضى :0021: واخيرا لاقيت المصباح السحرى وبحرك السوق زى ما انا عايز وارموا بقية التحاليل كلها فى اقرب مش عارف اية جانبك واحنا مش بتوع بطاطا دة اسمة كلام طيب ما انا بكسب من الفنى وبرضة مش بتاع بطاطا والا ترمس والا لب كمان ويمكن بكسب ادك 100 مرة بالفنى لكن مينفعش اقول كدة وانا اسف انى قولت الكلام دة لاخ لينا هنا معروف برضة جدا لكن والله استفذنى جدا جدا جدا خصوصا انة حسسنى انة بطريقتة معاة المصباح السحرى واحنا بتوع جرجير فاضريت انى اقولة هذا الكلام وانا من هنا بعتذرلة على العام وهو عارف نفسة طبعا وارجو منة السماح بس والله كان غصب عنى خالص وانا مش من نوعية فرد العضلات لانى فى الاول وفى الاخر مليش يد فى اللى انا فية ودة من عند ربنا وفضلة عليا .. اذا كنت انا بتخنق من الكلام دة ومنزل هذا الموضوع عشان كدة اقوم اقولة طبعا لا وزودت والحمد لله مكسبى من الزوايا بدمجها مع الفنى يعنى طورت نفسى للاحسن بالاسلوبين مع بعض يعنى انا دلوقتى احسن من بتوع الفنى اهة :0016: وبتوع الزوايا كمان :0016: لانى بشتغل بالاثنين مع بعض وبعدين ما الفنى كمان بقالة سنة تقريبا محتل اولى صفحات المنتدى بلا منازع من خلال موضوع خبرتى طبعا معروف للكل سواء المقتنعين او المعارضين للطريقة لكن من خلال هذة الطريقة للعبقرى والخلوق ابو ياسر بعد الله سبحانة وتعالى كان لة الفضل فى مكاسب ناس كتييييييييييييير اوى فى هذا المنتدى وانا منهم وغيرة كمان من المنتديات
واخونا معطى اخذ الطريقة وطورها حسب اسلوبة فى المتاجرة والحمد لله ناس كتيرة استفادت من هذا التطوير لنفسهم برضة وبيكسبوا والحمد لله سواء فى خبرتى بطريقة ابو ياسر او بطريقة التطوير لمعطى وناس تانية برضة استفادت من هذة القنوات واضافتها على طريقتها وبتكسب وربنا يديم علينا المكاسب كلنا باذن الله
طيب ما الفنى اهة ممتاز وبيكسب برضة واحنا مش بتوع بطاطا اهة وبشهادة الكل وانا واحد منهم بستخدم قنوات خبرتى بدل الترندات المعروفة للكل وبستخدم الزوايا كمان يعنى بضيف اقوى الادوات للتمبل بتاعى وبشتغل وبرضة بكسب بالطريقتين مع بعض والحمد لله ولو ربنا من عليا بفضلة اكثر واكثر وسهلى معرفة الاخبار يبقى هعوز اية تانى الحمد لله :ohmy:
يعنى بعد الرغى دة كلة معلش انا اسف طولت اوى اوى عليكم
لكن اخوكم بقة استحملوة لانى بجد شايل فى قلبى كتير من تعاملتنا مع بعض لية كدة دة احنا كلنا اخوة فى الله ووجودنا هنا لكى نستفيد ونفيد مش عشان نتنطط على بعض بمختلف الطرق
وننسى ان دة من فضل الله علينا ونقعد بقة نغمز على خلق الله مينفعش الكلام دة مع بعض
فكلامى هذا لا اقصد بية والله احد بالاخص انما نفسى نغير اسلوبنا مع بعض دة احنا اخوات فى الله مش ضد بعض فى هذا السوق وكفاية الشد العصبى بتاع السوق نفسة علينا
اعتذر مرة اخرى لو كلامى دة دايق اخ او اخت ليا هنا
اخوكم عمرو التابعى .
:eh_s(7)::eh_s(7)::eh_s(7):
