لعله خيرا

[محمدسالمان]

السلام عليكم ورحمة الله وبركاته
ساقول لكن على قصة " لعله خيرا " قد سمعتها من شيخ ..
كان ياما كان في سالف العصر والاوان

كان هناك ملك وعنده وزير .. وهذا الوزير ما تصير مشكلة او مصيبة الا يقول " لعله خيرا " ...واحد مات " لعله خيرا " .. فلانه تطلقت " لعله خيرا "
وكان الملك يبي ينفجر من هالوزير اللي كل شئ عنده " لعله خيرا "
وفي يوم كان الملك يجرب السيف حقه او يصلح فيه
والا ينقطع اصبعه .. قام الملك يصارخ والعالم من حوله .. يصارخ ..
اللي يبي يجيب طبيب واللي يبي يجيب الدوا .. والناس كلها هايجه
والوزير يناظر بالملك ويقول مقولتة المشهوره " لعله خيرا "
الملك سمعه واشتاط غضب ( حلوه اشتاط ) وقاله
ياشيخ جننتني وجننت سماي بهالكلمة ..اصبعي مقطوع وانت تقول لعله خير
وين الخير يا خبل واصبعي مقطوع
قال الوزير " لعله خيرا "
قال الملك هالحين بتشوف الخير ... يا حراس .. خذوا هالوزير من وجهي
واسجنوه وخلوا طعامه مرة واحده باليوم .. وشرابه كوب واحد ماء باليوم
وكل يوم اجلدوه جلده ... خليه يعين الخير عن صدق
جاو الحراس علشان يسجنوه .. والوزير يقول "لعله خيرا "
وبعد شهرين من هالكلام .. الملك كان زهقان وطفشان بدون الوزير
فقال ابي اروح لرحلة صيد .. جهزوا لي العدة
ومارضي ياخذ معه الا اثنين من الحراس وخيمه واحدة بس ..
وصل الملك مع الحارسين ونصبوا الخيمه .. ونام الملك على اساس
بيصحى الصباح يصطاد
وفي الليل هجموا عليهم الهنود الحمر من اللي ياكلون لحوم البشر
الحراس قدروا يهربوا منهم .. وضل الملك ما قدر يهرب .. واخذوه معاهم
ربطوا الملك بالحبال وعلقوه على خشبه وحطوا تحته تنور للنار
لكن ماشعلوا النار حتى يجي الكاهن حقهم ويعاين الضحيه " اللي هي الملك "
وصاروا الهنود الحمر يتراقصون حوله .. ويصفقون ويغنون ..لين يجي ملكهم
جا الكاهن يبي يتفقد الضحيه .. وجلس يناظر عليه ويتفحصه من كل الجوانب
لاحظ الكاهن ان اصبع الملك مقطوع
سأل الملك اذا كان انولد بالاصبع المقطوع ...والا انقطع من جديد
قاله الملك : ماله شهرين مقطوع
قال كاهن الهنود : فكوه واطلقوا سراحه احنا ماناكل الضحيه الناقصة
وهذا اصبعك ناقص
روح الملك لبلاده وهو مو مصدق نفسه ... وتذكر كلام الوزير " لعله خيرا "
ويوم وصل لبلاده ... اول شئ طلبه الوزير .. هاتولي الوزير .. جيبولي الوزير
جابو الوزير .. قد صار نحيل ولونه باهت .. من قلة الاكل
شافه الملك وقام يحب على راسه ... ويقول : سامحني .. سامحني
قال الوزير على ايش اسامحك طال عمرك
وقال الملك للوزير على سالفة الهنود الحمر .. وقاله انت معاك حق طلع قطع اصبعي
خير لي وهو اللي فكني من الهنود الحمر
لكن انت يالوزير سمعتك والحراس بياخذونك للسجن تقول " لعله خيرا "
وين الخير اللي جاك وانت رايح تنسجن ؟
قال الوزير: يا طال عمرك .. انت يوم انك رحت للصيد كان اخذتني معك
وكان مسكوني الهنود انا وانت .. وكان انت فكوك علشان اصبعك مقطوع ..
وانا كان شافوني سليم وأكلوني .. فكان السجن ابرك لي
ضحك الملك والوزير وكل الجالسين
( وطلع الصباح فسكتت شهرزاد عن الكلام المباح )

فعلا كل شئ ربنا يكتبه هو خير للعبد
قال الله تعالى " وعسى ان تكرهوا شيئا وهو خيرا لكم وعسى ان تحبوا شيئا وهو
شرا لكم والله يعلم وانتم لا تعلمون "
وقال الرسول صلى الله عليه وسلم " عجبا لأمر المؤمن ان أمره كله خيرا
ان اصابته سراء شكر فكان خيرا له ,,, وان اصابته ضراء صبر فكان خيرا له
وذلك لا يكون الا لمؤمن "
وقال الحكماء : رب ضارة في ثوب نافعة ,,, ورب نافعة في ثوب ضارة
المهم مزيدا من الصبر ومزيدا من الشكر
حتى تدوم النعم

[حياتى لله]

هدف جميل من القصه
جزاك الله خير الجزاء