الثالثة تحتفل بالكريسماس ب 144 نقطة

السلام عليكم

http://momusings.com/images/Happy-New-Year.gif
اولا كل سنة وكل الاعضاء والمتداول بخير وسنة جميلة عليكم جميعا باذن الله
وده شرح لاوردرات اليوم باستراتيجية الثالثة
:::::::::::::::::::::::::::::::::::::::::::::::::: :::::::::::::

(اليورو)
https://forum.arabictrader.com/attac...&thumb=1&stc=1

(الكيبل)

https://forum.arabictrader.com/attac...&thumb=1&stc=1

( الحساب)

https://forum.arabictrader.com/attac...&thumb=1&stc=1

:::::::::::::::::::::::::::

حشرح كل اوردر بالترتيب كما موجود على الشارت بالارقام وبالكشف:-


(1)


تم الدخول مع شمعة اليوم الجديد باستراتيجة الدخول الامن وهى عبارة عن عندما ياخذ السعر ترند بدون تصحيح فبدخل معه فى التصحيح خاصة لو التصحيح مع الترند العام وهو فى اليورو هابط لانه حيحصل هنا جنى ارباح فى الاسيوي والهدف بيكون فيبو 61 وينتهى هذا الاوردر الساعة 9 صباحا حتى لو موصلش للهدف لان هنا بيبقا الى جنى ارباحه حيرجع تاني للسوق مع الاوربي واحتمال كبير يكمل ترنده لامس والحمد لله ضرب الهدف بجدارة 46 نقطة ولله الحمد

(2)

الكيبل كان اوردر صريح شراء وهو افضل دخول بفضله فى طريقتي وهو التقاء المؤشر السحري مع اى دعم او مقاومة وفعلا كان الكيبل عمل سلوك الاستيك الى شرحه دكتور جمال ونزل بشمعة قفلت فوق السحري فانتظرت شمعة بعدها لاتاكد ان هدف الاستيك انتهى بشمعة اخرى تثبت فوق السحري وفيبو 38 وفعلا ده الى حصل فكان اوردر شراء صريح بهدف الزيكو (هاى امس) وتم قنص 46 نقطة ولله الحمد

(3)

اليورو كان فى منطقة قوية ايضا وهى التقاء السحري مع فيبو76 مع الثالثة ومشقادر يكسرها لفوق فدخلت بيع بهدف فيبو 38 . ولكن مع اغلاق شمعة 14 على الكيبل كانت كاسرة الزيكو وبطريقة ربط الازواج فى شغل الثالثة مدام الكيبل طالع فاحتمال كبير اليورو حيطلع ولذلك اغلقت البيع على خسارة -8 وبالفعل تم الصعود بعدها مباشرة ولله الحمد

(4)

الكيبل شمعة 14 كسر الزيكو وهو هاى امس مصحوبا بسلوك سعري شرائئ واضح فدخلت مع شراء مرة اخري بهدف فيبو 138 وتم ضرب الهدف ولله الحمد ب 31 نقطة


وتم قنص اليوم 144 نقطة مع الرافة والله لان معنديش وقت بسبب المذاكرة وكنت ناوي مدخلش النهاردة خالص بس اليوم استفزني بوضوحه الكامل ولو دخلت مع كل الاوردات كنت على الاقل طالع بربح من 250 الى 300 نقطة ولكن اللهم لك الحمد والشكر على كل حال


اى استفسارات انا معاكم

تقبلوا تحياتي
+معطي+

::::::::::: اوردر الرينج ::::::::::

اسف نسيت احط الاوردر ده

https://forum.arabictrader.com/attac...&thumb=1&stc=1

https://forum.arabictrader.com/attac...&thumb=1&stc=1

هذه استراتيجية المبدع دكتور جمال + ما تعلمته من المبدع استاذ عمرو التابعي للفيبو

تخيلوا لما كلام 2 من المبدعين والى اتعلمت منهم كل حاجة يتحقق فى اوردر واحد مع شمعة دوجي يبقا اوردر غير قابل للنقاش

حسب استراتيجية الرينج لدكتور جمال فمع كسر شمعة لللرينج وتعديه 150 نقطة فبندخل من هاى شمعة الكسر
وحسب شرح استاذ عمرو للفيبوهات فان اول الفيبوهات العاكسة هو فيبو 161 ثم 200 فشخصيا بربط الاتنين ببعض وبنتظر ان الرينج يوصل لرينجه ثم يوصل لفيبو انعكاسي والكلام ده حصل فعلا فى الاوردر ده كما واضح بالشارت
ثم بعدها شمعة دوجي ولا احلى فتوكلت على الله ودخلت بيع واقتنصت 30 نقطة


واى استفسارات انا معاكم.................

بارك الله فيك أخي Mo3ty وجزاك الله خيرا
مبروك على الأرباح والله يبارك إن شاء الله

ممكن رابط موضوع الأخ استاذ عمرو التابعي للفيبو ؟

معلم كبير والله
انا النهارده 120 بيب والحمد لله

بقولك تعرف المحلل الرائع ده mo3ty2002:0021:

ما شاء الله على الشرح الرائع والبسيط ..هو دة الكلام

تسلم يا كبير وسنة سعيدة عليك أن شاء الله



:eh_s(7)::eh_s(7):

اقتباس:

---

المشاركة الأصلية كتبت بواسطة cher90

بارك الله فيك أخي Mo3ty وجزاك الله خيرا
مبروك على الأرباح والله يبارك إن شاء الله

---

الله يبارك فيك ياباشا شكرا لذوقك والله

اقتباس:

---

المشاركة الأصلية كتبت بواسطة cher90

ممكن رابط موضوع الأخ استاذ عمرو التابعي للفيبو ؟

---

والله استاذ عمرو كان شارحلي موضوع الفيبو على التليفون وانا نزلت كلامه فى الورشة واستاذ عمرو متابع معانا فى ورشة الثالثة بل هو مؤسسها يعتبر واستفدت منه كثيرااااااا
وزى ما قولت فى الشرح
انا اخدت شرح دكتور جمال+ شرح استاذ عمرو+ ضيفت عليهم بعض افكاري = ورشة القناة الثالثة
وحتلاقي ملخص شرح الفيبو والطريقة كلها على الرابط ده
(https://forum.arabictrader.com/t1255...ml#post2272888)

تقبل تحياتي .........

بارك الله فيك

هل يمكن العمل على الاستراتجية دون المتابعة ، يعني تعلق اوامرك صباحا وتعود المساء

اقتباس:

---

المشاركة الأصلية كتبت بواسطة هشام الدمرداش

معلم كبير والله
انا النهارده 120 بيب والحمد لله

بقولك تعرف المحلل الرائع ده mo3ty2002:0021:

---

بسم الله ما شاء الله ربنا يزيدك ياهشام انت محترم وتستاهل كل خير
وايوة ده النيك نيم بتاعي على الى بالى بالك وبس بقا عشان الادارة متقفلش الموضوع هههههههههه

اقتباس:

---

المشاركة الأصلية كتبت بواسطة dr.sheta

ما شاء الله على الشرح الرائع والبسيط ..هو دة الكلام

تسلم يا كبير وسنة سعيدة عليك أن شاء الله



:eh_s(7)::eh_s(7):

---

ازيك يادوك واحشني والله
شكرا لذوقك ياقمر الكلام المحترم بيطلع دائما من الناس المحترمة

اقتباس:

---

المشاركة الأصلية كتبت بواسطة forexssp

بارك الله فيك

هل يمكن العمل على الاستراتجية دون المتابعة ، يعني تعلق اوامرك صباحا وتعود المساء

---

اهلا ياباشا
بالنسبة للاستراتيجة
تحتاج متابعة لصيقة فده طبيعة شغلي فى الفوركس وحتلاقي حتى فى مختصر شرحي لها شرح دخول سكالبنج ب 10 و 15 نقط
فشخصيا بحب المتابعة اللصيقة مع السوق واللعب معه وبهتم جدا بالسلوك السعري لكل شمعة وباشكال الشموع فعشان كدة بحتاج متابعة لصيقة

يوجد فقط اوردر واحد الى هو باستراتيجة الدخول الامن ده بيتفتح مع افتتاح السوق بيتقفل الساعة 9 صباحا مهما كانت النتيجة وحتلاقيني شرحه فى مختصر الطريقة
هنا
(https://forum.arabictrader.com/t1255...ml#post2272888)

مبررووووووووووك علينا وعليك يا معطى النجاح المبهر
لستراتيجيه القناه الثالثه
ويا رب كدا من نجاح لنجاح
وتكون سنه سعيده علينا اجمع

كل سنة و انت طيب
و كل الناس فى القناة الثالثة
و الاولى و الثانية
يا رب سنة حلوة علينا جميعا
ربنا يوفقك فى الامتحانات انت و الشباب و الصبايا

الأف مليون مبروك يا معطي

ممتاز والله ... أنا أخدت الأسبوع هذا اجازة ...

نشوفكم الأسبوع الجاي

كل عام والأمة العربية والأسلامية والعالم كلو بخير

مبروووووووك معطى وعقبال سنه جديده مليئه بالارباح وتحقق احلامك واهدافك ان شاء الله
منتظرينك يابطل ههههههههههههه

ايه الحلاوة ده كلها يا معطي يا جميل

ألف ألف مبرووووووك و تستاهل كل خير و كل سنة و انتوا طيبين

ما شاء الله ولا قوه الا بالله
الله يزيدك يا احمد