1 مرفق
رد:طريقة المتاجرة السعرية الزمنية بمفهوم جديد
اقتباس:
المشاركة الأصلية كتبت بواسطة phero
تحياتى للجميع اتمنى بس من ابو حامد دلوقتى بدام انت خبير مراوح ارسم المروحه العلويه ازاى عشان مش بتظبط معايا قول الطريقه مش عايز صور ههههه هات الحقيقه
وكمان دلوقتى لو اول زاويه ردت السعر مثلا 144 هاعمل السيكل بن اللفواصل الزمنيه على قسمها يعنى مصلا 72 او 36 شمعه وهكذا تمام؟؟؟؟
عايزك كده تشووف الباوند انا خت من قمه 1.6746 دا على الديلى
اول زاويه ردت السعر 144 ؟
اتمنى تقول نقط اختصاريه للمفيد عشان بس اكد الى عندى وانى ماشى صح يا غالى
وعشان مش اتلخبط بين القمم والقيعان عايز اختار المظبوط وشكرا (بشكل موجز) وتحياتى للجميع وربنا يوفقك فى المسبقه ولكل الاخوه هنا
انا شرحتها كتير لكن هشرحها تانى وبما انك مش مركز جزائك انك تحفظ رقم الصفحة دى عشان لما حد يسأل تانى تقوله عليها :0016:
اولا : رسم المروحة بيكون زى رسم الفايبوناتشى من قمة لقاع او العكس وطريقة تنزيلها وتحريكها على الشارت كالأتى :
نضغط insert ثم gann ثم gann fan ثم نذهب للشارت ونضع المروحة على القمة او القاع اللى عاوز ترسم منه وبعدين دبل كليك عليها - ثم right click على المروحة ونختار gann fan properties ثم نختار parameters ثم نذهب الى خانة scale ونضع اى رقم لأظهار المروحة على الشارت وليكن مثلا 40 :
- لو بترسم من قاع وعاوز المروحة ناظرة لأعلى بنحط الرقم 40
- لو بترسم من قمة وعاوز المروحة ناظرة لأسفل بنحط علامة سالب ( - ) قبل الرقم 40
وبعد ما تظهر المروحة على الشارت بتضغط عليها بالماوس وتظبطها من القمة للقاع اللى انت عاوز تشتغل عليهم او العكس وعيش حياتك
ثانيا : السايكل لاينز يفضل انها تكون ليها علاقة بالزاوية اللى بتشتغل عليها بمعنى انت بتقول مثلا الزاوية 144 الأرقام المتعلقة بناتج قسمتها هى 72 او 36 طيب اشوف السعر وصل للزاوية فى كام شمعة عشان اختار السايكل المناسب لو وصلها فى عدد اقل من 36 شمعة يبقى اختار 36
ولو وصل للزاوية فى عدد اكتر من 36 يبقى اختار 72 وهكذا مع الوقت هتلاقى نفسك بترسمها من غير ما تعد شموع ولا يحزنون
ثالثا : انت عاوز ترسم الباوند من القمة 16743 على اليومى هقولك اشمعنا القمة دى رغم ان فى قمم تانية حدثت بعدها لكن هخلينى معاك بالرسم عشان تفهمها كويس
- لو رسمت من القمة بتاعتك ولقيت فى توافق بين الزاوية المختارة والفواصل الزمنية وخطوط الترند الوهمية ( القناة الوهمية ) يبقى هشتغل عادى وافضل ماشى مع الشكل المرسوم طالما السعر محترم طريقة الحركة بمعنى انه يضرب زاوية جديدة فى كل فاصل زمنى يعنى الزاوية 144 فى القاصل الأول والزاوية 288 فى الفاصل التانى والزاوية 432 فى الفاصل التالت وهكذا
- امتى نقول الشكل انتهت صلاحيته ونخرج منه ونعيد الرسم من جديد لمعرفة طريقة الحركة اللى ناوى يمشى عليها السعر ( عند ضرب زاويتين فى فاصل زمنى واحد - او عند عدم الوصول للزاوية فى الفاصل الزمنى الخاص بيها اللى هى جاء الوقت ولم يأتى السعر )
انا كده تقريبا شرحت الطريقة من اول وجديد :0016: الله يجازيك يا شيخ
شوف الرسم
رد:طريقة المتاجرة السعرية الزمنية بمفهوم جديد
اقتباس:
المشاركة الأصلية كتبت بواسطة MBR
جزاك الله خير استا> محمد على الشرح الطيب والرائع
ممكن ارف افرق لبن الاشكال الهندسية رباعى وقلاقى وثمانى ودائرى مقدرت اعلاف >لك
ان كان لديك وقت توضح 1لك او ترشدنى الى مرجع بشرحها
وفقك الله
بالنسبة للأشكال الهندسية اللى قصدك عليها مثل ثلاثى - رباعى - خماسى - وسداسى ..... الخ
فهى مسميات لناتج قسمة 360 / اول زاوية قامت برد السعر بمعنى لو الزاوية اللى ردت السعر هى 120 بنقسم 360 / 120 = 3 يعنى ثلاثى , ولو الزاوية 90 هى اللى قامت برد السعر يبقى 360/ 90 = 4 يعنى رباعى , ولو الزاوية هى 72 يبقى 360/ 72 = 5 يعنى شكل خماسى وهكذا
اما الشكل الدائرى فهو نزول السعر مباشرة بدون احترام الزوايا 90 , 180 وده بيعتبر اسهل الأشكال واسرعها وغالبا السعر بيعمل حاجة من اتنين بعد تخطى الزاوية 180 :
1 - اما انه يذهب مباشرة للهدف عند الزاوية 360
2 - او يصطدم بالزاوية 270 ثم يرتد منها الى الزاوية 180 او اكثر قليلا ثم يعاود الأتجاه للوصول للهدف اللى هو زاوية 360 ,,, وهذا الشكل هو الأكثر تكرارا
ولو تقدر تنزل ملف شرح الطريقة الخاص بالدكتور وتقرأه بالتفصيل وتحفظ القواعد الأساسية يبقى تمام
رد:طريقة المتاجرة السعرية الزمنية بمفهوم جديد
اقتباس:
المشاركة الأصلية كتبت بواسطة أبو محمد.
يااخوان هذة حاسبة مربع التسعة ممكن تشرحوا لنا كيف يتم العمل عليها يوجد خانة نضع بيها السعر هل نضع سعر السوق الحالي لو سعر اللو للشمعة على فريم الساعة او على فريم الربع ساعة
http://gannsquareof9.pivottrading.net/
اكتب قيمة القاع او القمة وهو هيطلعلك نقاط الدعم والمقاومة على مربع التسعة
رد:طريقة المتاجرة السعرية الزمنية بمفهوم جديد
اقتباس:
المشاركة الأصلية كتبت بواسطة Dr.SeMSeM
حامد من ساعة ما ميك الورشة ومحدش عارف يكلمه ولا يبعتله رسايل
فضي رسايلك يا عم حامد
هو انا اقدر برضوا يا عم سمسم :0016: هى العين تعلى على الحاجب
حاضر يا غالى
رد:طريقة المتاجرة السعرية الزمنية بمفهوم جديد
اقتباس:
المشاركة الأصلية كتبت بواسطة mr_sharaf
استاذ محمد يا جميل كل عام وانت بخير
شرحك رائع ربنا يزيدك ويوسع عليك
الله يخليك يا عم شرف يا زوق يا محترم وكل عام وانت بخير وكل الأخوة فى الدول العربية والأسلامية :eh_s(7):
وربنا يرزق الجميع من فضله ويوسع علينا كلنا
