ابغى رايكم فى اف اكس سى ام

[ضياء]

يا جماعة ... أنا ايضا اواجه نفس المشكلة ..و لكن عندى مشكلة أكبر ...
اننى تعودت على برنامج رفكو و هو نفس برنامج Fxcm ... و لكن فلوسى راحت فى رفكو ...و الحمدلله كنت ساحب معظم الحساب قبلها ...و الخسارة كانت محتملة ...
الآن اريد العودة للسوق ... الحقيقة نفسى ارجع Fxcm بس متعقد بعد اللى حصل لى مع رفكو ...مع العلم ان رفكو كانت شغالة بمنتهى الامتياز .... حتى حدث ما حدث !
المشكلة انى اجد برنامج Fxsolأصعب و غير مريح الى حد ما بالنسبة لى !

فبماذا تنصحونا الآن ؟

و لى سؤال خارج الموضوع نفسى أسأله من زمان ....اليس من المفروض ان حسابات العملاء منفصلة عن حسابات الشركة؟ لماذا تم حجز فلوسنا فى رفكو عندما حدثت لهم مشكلة؟؟؟

و شكراً

[MR.JPY]

FXSOL


W

BS

[النبراس]

[QUOTE=ضياء]يا جماعة ... أنا ايضا اواجه نفس المشكلة ..و لكن عندى مشكلة أكبر ...
اننى تعودت على برنامج رفكو و هو نفس برنامج Fxcm .
المشكلة انى اجد برنامج Fxsolأصعب و غير مريح الى حد ما بالنسبة لى !

فبماذا تنصحونا الآن ؟


هل يوجد إجابه ؟؟

[meroo_basha]

[QUOTE=النبراس]

يا جماعة ... أنا ايضا اواجه نفس المشكلة ..و لكن عندى مشكلة أكبر ...
اننى تعودت على برنامج رفكو و هو نفس برنامج Fxcm .
المشكلة انى اجد برنامج Fxsolأصعب و غير مريح الى حد ما بالنسبة لى !

فبماذا تنصحونا الآن ؟


هل يوجد إجابه ؟؟

أنا كنت فاكر زيك كدة بالضبط لكن بعد التدريب عليه و جدته رائع بل و ستستمتع بالعمل عليه

[عبده المصرى]

fxsol فعلا البرنامج بعد لما تعمل عليه لفترة هتلاقيه كويس جدا انا برضه اول ما بدأت بدأت على برنامج fxcm ولكن بعد لما اشتغلت على البرنامج الثانى لاقيته كويس جدا ،،،،،،،،،،،،

[خزائن ربك مملؤه]

هلا وغلا جانا ومنوه ومعطره الدنيا كلها

مادومتي طلبتي الاستشارة يبقى وجب علينا النصيحه بكل امانه

والله بعد ما كتبت نصف ساعه الكهربا قطعت .. لا والاعجب اما اتقطعت الكهربا لاقيت النور اتقطع والكمبيوتر فصل ... غريبه اوي


بصي يا غاليه انت بصة فين اولا لم يتكلم احد بسؤء عن شركه اف اكس سوليوشن وايضا لم يحدث شئ بشركه اف اكس سي ام على الاقل حتى الان والله اعلم بالمستقبل فيه ايه مخبيه

فالخلاصة قسمي فلوسك على الشركتين اف اكس سي ام واف اكس سوليوشن النص بالنص يعني لو معاكي 5000 يبقى 2500 في كل شركه ولو معاكي 500 دولار قسميه 250 و 250 وكل ما تكسبي باذن الله وتربحي كل فتره تسحبي مبلغ وربي يوفقك وده اضمن (حتى لو جد في الامور جديد) تبقى خرجتي منها بالنصف او اكثر

ولو قدرتي تلاقي شركه تفصل حسابها عن حساب العملاء يعني حساب العملاء منفصل ولكي حساب في بنك لوحدك تبقي وربي يتمم بخير

بشكر كل اللي كتبوا قبلي فردا فردا عداَ ونقداَ وربي يسعدكم

وبكرر شكري واحترامي اختي جانا لشخصك الكريم

[الباسم]

بصراحة برنامج fxsol فظيع وفيه صفات حلوة مثل يعطيك اسامي الشموع عندما تتكون مما يساعدك على القرار وعلى ما اشوف مفيش اي تعليق بس انا على الديمو................يا ريت لو يفيدونا اصحاب الحسابات الحقيقية اذا كان الحقيقي شغال مثل الديمو فاعتقد مافيش حاجة ناقصة في fxsol

تحياتي

[خزائن ربك مملؤه]

يا جماعة ... أنا ايضا اواجه نفس المشكلة ..و لكن عندى مشكلة أكبر ...

اننى تعودت على برنامج رفكو و هو نفس برنامج Fxcm ... و لكن فلوسى راحت فى رفكو ...و الحمدلله كنت ساحب معظم الحساب قبلها ...و الخسارة كانت محتملة ...

الآن اريد العودة للسوق ... الحقيقة نفسى ارجع Fxcm بس متعقد بعد اللى حصل لى مع رفكو ...مع العلم ان رفكو كانت شغالة بمنتهى الامتياز .... حتى حدث ما حدث !

المشكلة انى اجد برنامج Fxsolأصعب و غير مريح الى حد ما بالنسبة لى !

فبماذا تنصحونا الآن ؟

و لى سؤال خارج الموضوع نفسى أسأله من زمان ....اليس من المفروض ان حسابات العملاء منفصلة عن حسابات الشركة؟ لماذا تم حجز فلوسنا فى رفكو عندما حدثت لهم مشكلة؟؟؟

و شكراً

بص يا عمي وما عمي الا ضياء

اولا اكيد ومع موافقة بالاجماع ان برنامج ريفكو ما فيه اسهل منه واعرف ان اهم النقاط اللي ماثره على حبيبي ضياء وبتشعره بالغربه في اف اكس سوليوشن الا وهي

1- ان المارجن متارجح ومتحرك في كل عملة يعني في الباوند تلاقيه يوم على المصغر المارجن المحجوز 185 ومره تلاقي 185 ومره ثالثه تلاقيه رقم ثالث وفي الحساب العادي 1850 ويزيد ويقل وهو متارجح وطبعا كل عمله كده ولكن المكسب نقطه في اليورو وفي الباوند ثابته في المصغر مع ان المارجن في اليورو اقل

اما في ريفكو واف اكس سي ام فهو 50 للمصغر و 1000 للعادي ولا يتغير ابدا ودي ميزه

2- اما تيجي تعمل الوقف والليمت وعايز تغيرهم مش واضحين قدامك لازم تدخل لقسم trading علشان تعدله واف اكس سي ام تلاقي في اوبن بوزيشن كل ما تريده من وقف وليمت لاغلاق الصفقه وكله على عينك يا تاجر

3- اللون وطبعا ممكن تغير الالوان ولكن طبعا انت بتحب اللون الابيض اكثر لانه بيعطي للتاجر نظره تفاءليه

ولكن لا ننسى بان الاف اكس سوليوشن فيها اولا نظام اللفرج المضاعف الى 1:400 وفي حساب واحد ممكن تغير للحساب العادي والمصغر وتغير اللفرج وكده

وثانيا ان يمكن تجعل السعر للعمله اللي تريدها امامك تظهر فوق كل الصفحات اللي فاتحها ودي ميزه حلوه يعني تتابع السعر من غير ما تفتح الصفحه الرئيسيه للشركه (مع ان الواحد بيتوتر اما بيشوف السعر يطلع وينزل ولكنها مفيده الى ان تجد السعر مثلا وصل للحد اللي تريد ان تدخل منه وبعد ذلك اقفلها احسن )

ده غير الهيدج لمستخدميه وغير كده سبريد اقل في الباوند ولا يوجد عمولات على الحساب الاسلامي

ولكن طبعا اف اكس سوليوشن لو شديت على نفسك وحاولت تتقبلها حتحبها واهو ايام بنقضيها بحلوها ومرها .. يعني زي المثل ايه اللي رماك على الحلو قال الاحلى منه

اما عن سؤال ريفكو فان شاء الله خير بيقولوا ماكنتش موثقه في NFA وغير كده انت عارف اقسام الفيوتشر وباقي الاقسام مفلسه فقالوا اشمعنى احنا ناخد فلوسنا يا يعيشوا عيشه فل يا يموتوا هما الكل وعلى ظني التلاعب والاختلاسات اللي عملها السيد المسئوم هناك هو اللي بهدل الامور اكثر

ونشوفك بالف خير يا احلى ضياء في تاريخ التاريخ

[jana mohamed]

ايه الكلام العجب دة يا عم خزائن و الله جاذ بنا اليك بكلامك المعسول بس على فكره
انا ابو جنى مش جنى نفسها بس هى اصرت اننى اعمل اليوزر نيم على اسمها اعمل ايه حكم القوى يا الغالى
المهم بجد انت كلامك موزون وعاجبنى بارك الله فيك
لذلك انا عاوز جواب نهائى بس على ضمانتك هههه
الضامن الله طبعا يا الغالى انا بهزر
وبارك الله فيك ولكل من قام بالمشاركه

[ضياء]

يا سلام عليك يا أبوالخزاين ...
والله كأنك قاعد جوا دماغى و بتقرا أفكارى فكرة فكرة ...
هى بالظبط الأسباب اللى انت قلتها .. و اليك تعليقى تحت بالأخضر يا باشمهندس

بص يا عمي وما عمي الا ضياء

ده انت اللى عم الناس كلها

اولا اكيد ومع موافقة بالاجماع ان برنامج ريفكو ما فيه اسهل منه واعرف ان اهم النقاط اللي ماثره على حبيبي ضياء وبتشعره بالغربه في اف اكس سوليوشن الا وهي

1- ان المارجن متارجح ومتحرك في كل عملة يعني في الباوند تلاقيه يوم على المصغر المارجن المحجوز 185 ومره تلاقي 185 ومره ثالثه تلاقيه رقم ثالث وفي الحساب العادي 1850 ويزيد ويقل وهو متارجح وطبعا كل عمله كده ولكن المكسب نقطه في اليورو وفي الباوند ثابته في المصغر مع ان المارجن في اليورو اقل

اما في ريفكو واف اكس سي ام فهو 50 للمصغر و 1000 للعادي ولا يتغير ابدا ودي ميزه

النقطة دى فهمتها و باحاول ابلعها .. مش مشكله

2- اما تيجي تعمل الوقف والليمت وعايز تغيرهم مش واضحين قدامك لازم تدخل لقسم trading علشان تعدله واف اكس سي ام تلاقي في اوبن بوزيشن كل ما تريده من وقف وليمت لاغلاق الصفقه وكله على عينك يا تاجر

نيجى للجد .... بالظبط كده ... لازم ابحث و أنقب علشان اوصل لوضع الأوامر .. و اضغط أوكى ..و لا ما تضغطش ..و وجع دماغ و تضييع وقت .. انما اف لااكس سى ام ... آخر سهولة و سرعة.

3- اللون وطبعا ممكن تغير الالوان ولكن طبعا انت بتحب اللون الابيض اكثر لانه بيعطي للتاجر نظره تفاءليه

دى كمان ممكن أعديها ... هى كدة كدة سودا

ولكن لا ننسى بان الاف اكس سوليوشن فيها اولا نظام اللفرج المضاعف الى 1:400 وفي حساب واحد ممكن تغير للحساب العادي والمصغر وتغير اللفرج وكده

هى دى الميزة الوحيد الى الآن

وثانيا ان يمكن تجعل السعر للعمله اللي تريدها امامك تظهر فوق كل الصفحات اللي فاتحها ودي ميزه حلوه يعني تتابع السعر من غير ما تفتح الصفحه الرئيسيه للشركه (مع ان الواحد بيتوتر اما بيشوف السعر يطلع وينزل ولكنها مفيده الى ان تجد السعر مثلا وصل للحد اللي تريد ان تدخل منه وبعد ذلك اقفلها احسن )

و دى الميزة الثانية

ده غير الهيدج لمستخدميه وغير كده سبريد اقل في الباوند ولا يوجد عمولات على الحساب الاسلامي

ماليش فى الهيدج و الكلام ده
و كمان مش هنصغر دماغنا مع السبريد

ولكن طبعا اف اكس سوليوشن لو شديت على نفسك وحاولت تتقبلها حتحبها واهو ايام بنقضيها بحلوها ومرها .. يعني زي المثل ايه اللي رماك على الحلو قال الاحلى منه

أحاول
بس انت ايه وجه اعتراضك على اف اكس سى ام؟

اما عن سؤال ريفكو فان شاء الله خير بيقولوا ماكنتش موثقه في NFA وغير كده انت عارف اقسام الفيوتشر وباقي الاقسام مفلسه فقالوا اشمعنى احنا ناخد فلوسنا يا يعيشوا عيشه فل يا يموتوا هما الكل وعلى ظني التلاعب والاختلاسات اللي عملها السيد المسئوم هناك هو اللي بهدل الامور اكثر

هو ده اللى مخوفنى ... يقعدوا يقولوا انهم متسجلين و اكبر شركة فى العالم ..و ان اف اكس سى ام تابعه لهم و بتتلزق فيهم ...
و هوب ... ساعة الجد ... كله يجرى و الكلام يتلحس ... و تبقى رفكو مش متسجلة ..و أصلاً اف اكس سى ام ما تعرفهاش و لا بتطيقها و ان رفكو اصغر من اف اكس سى ام ..
و لحسوا كلامهم عن ان حسابات العملاء مستقلة .. طيب فين القوانين فى أمريكا؟
طيب بذمتك أصدق مين؟ و ايه اللى ضمنى ان فلوسى ما ترحش عليا تانى؟

ونشوفك بالف خير يا احلى ضياء في تاريخ التاريخ

ربنا يخليك .. و شكراً على ردك

أضيف نقطة واحدة أخيرة ... ان مع رفكو او اف اكس سى ام ... ممكن تشترك مع موقع شارت اسمه FXTREK بمبلغ 40$ شهريا ...و أرقام الشارت مطابقة لارقام الشركتين .. و فى الحالة دى تعرف تضع اوامرك صح من غير فروق و لخبطة .. و الصراحة مش لاقى شارتات أحلى من الموقع ده ... و ده سبب اضافى يخلينى اميل ناحية اف اكس سى ام !!!

[Ammar83]

تحياتي لكم جميعا
اسمحوا بتعقيب بسيط
ما اشار اليه الاخ العزيز خزائن في مشاركته رقم 23 بالنسبة لموضوع الماجن المحتجز للصفقات و طريقة حسابه موضوع مهم و جوابه برسم ادارة المنتدى و من له خبرة بالموضوع فمثلا حين يحجز لعقد الباوند المصغر 18000 و لليورو 12500 مثلا و تبقى قيمة النقطة دولار واحد فهذا محل استفهام كبير و ان امسك احدكم الحاسبة و حسب الفرق بين ان تفتح عقد للباوند و يحجز عليه 10000 و يكون ثمن النقطة 1 دولار يجد الفرق كبير جدا يعني حين تفتح عقد مع اف اكس سول فانت تخسر ان كان الصفقة على الباوند قانت تخسر 0.8 دولار على عقد مصغر و 8 دولار على كل عقد عادي و هذا لكل نقطة يتحركها الزوج يعني و الحاسبة بتحسب
اسف على عدم ترابط الجمل لكتابتي هذا الحديث على عجالة و لي عودة له و انتظر تعليقاتكم
و لكم الشكر

[amir]

يا سلام عليك يا أبوالخزاين ...
والله كأنك قاعد جوا دماغى و بتقرا أفكارى فكرة فكرة ...
هى بالظبط الأسباب اللى انت قلتها .. و اليك تعليقى تحت بالأخضر يا باشمهندس

أضيف نقطة واحدة أخيرة ... ان مع رفكو او اف اكس سى ام ... ممكن تشترك مع موقع شارت اسمه FXTREK بمبلغ 40$ شهريا ...و أرقام الشارت مطابقة لارقام الشركتين .. و فى الحالة دى تعرف تضع اوامرك صح من غير فروق و لخبطة .. و الصراحة مش لاقى شارتات أحلى من الموقع ده ... و ده سبب اضافى يخلينى اميل ناحية اف اكس سى ام !!!

ممكن يا استاذ ضياء تقولي ازاي اشترك مع الموقع بتاع الشارت دا ب 40$ لاني دخلت موقعهم ولقيتة ب 100$ في الشهر , ولا انت عندك واسطة
تحياتي

[ابو حســام]

ضياء باشا يقول:


هو ده اللى مخوفنى ... يقعدوا يقولوا انهم متسجلين و اكبر شركة فى العالم ..و ان اف اكس سى ام تابعه لهم و بتتلزق فيهم ...
و هوب ... ساعة الجد ... كله يجرى و الكلام يتلحس ... و تبقى رفكو مش متسجلة ..و أصلاً اف اكس سى ام ما تعرفهاش و لا بتطيقها و ان رفكو اصغر من اف اكس سى ام ..
و لحسوا كلامهم عن ان حسابات العملاء مستقلة .. طيب فين القوانين فى أمريكا؟
طيب بذمتك أصدق مين؟ و ايه اللى ضمنى ان فلوسى ما ترحش عليا تانى؟

وانا اقول : صورة مع التحيه والتقدير لحكيم المنتدى .. ردا على موضوعه بخصوص غياب الاسماء القديمه .. ( اعتقد اسم الموضوع الفوريكس والسر الخفي )

قلت اللي في نفسي يا ضياء .. وحالك من حالي

بالتوفيق للجميع

[خزائن ربك مملؤه]

ايه الكلام العجب دة يا عم خزائن و الله جاذ بنا اليك بكلامك المعسول بس على فكره
انا ابو جنى مش جنى نفسها بس هى اصرت اننى اعمل اليوزر نيم على اسمها اعمل ايه حكم القوى يا الغالى
المهم بجد انت كلامك موزون وعاجبنى بارك الله فيك
لذلك انا عاوز جواب نهائى بس على ضمانتك هههه
الضامن الله طبعا يا الغالى انا بهزر
وبارك الله فيك ولكل من قام بالمشاركه

هات راسك ابوسها حج ابو جانا العتب على النظر وقله اكل الجزر قعدت اراجع كلامي ولاقيت نفسي بكلملك بصيغة انثوية والله اتكسفت من نفسي خالص خالص خالص المعذره حبي

وبيني وبينك قعدت استرجع معلوماتي اللغويه واعصر مخي شمال ويمين بايديا واقول الحقوني بالمجمع اللغوي علشان اعرف جانا انثى ولا ليث وفي الاخر قولت جانا اكيد بنت واهي طلع اللي تحت اسم جانا راجل وسيدي الرجاله ... وسيدي روم رايتر يا حته سكره ... وربي يخليلك جانا اللهم امين
وجانا الهوا جانا

اما موضوع الشركه بص يا سيدي حط البيض في كذا سلة وقسمهم عارف حتسالني ازاي احط البيض هو انا رايح افطر اقولك لا مش قصدي البيض بتاع الدجاج كوكو كوكو صاو

اقصد بالبيض انك تقسم فلوسك في كذا شركه عارف انك حتتعب في الاول انك ترسل ورقك هنا وتملى ابليكيشن هنا وكدا وتتابع برنامجين بس اضمن صدقني وشوف موضوع الشركات اللي بتعمل حساب منفصل دي وجواب نوهائي وممكن استعين بصديقي جورج قرداحي

ونشوفك بالف خير يا راجل يا شهد

[خزائن ربك مملؤه]

يا سلام عليك يا أبوالخزاين ...
والله كأنك قاعد جوا دماغى و بتقرا أفكارى فكرة فكرة ...
هى بالظبط الأسباب اللى انت قلتها .. و اليك تعليقى تحت بالأخضر يا باشمهندس

أضيف نقطة واحدة أخيرة ... ان مع رفكو او اف اكس سى ام ... ممكن تشترك مع موقع شارت اسمه FXTREK بمبلغ 40$ شهريا ...و أرقام الشارت مطابقة لارقام الشركتين .. و فى الحالة دى تعرف تضع اوامرك صح من غير فروق و لخبطة .. و الصراحة مش لاقى شارتات أحلى من الموقع ده ... و ده سبب اضافى يخلينى اميل ناحية اف اكس سى ام !!!

صدقني يا ضياء انت عمي واللي الناس متعرفوش انك اخو والدي

حبي ضياء احسنت لسانا وكلاما يا غالي

اولا طبعا انا فيه خطا مطبعي ان المارجن متحرك اما كتبت 185 مرتين لا اقصد ذلك اقصد مره 185 ومره 175 ومره رقم تالت وكده

ومن ناحيه اني قاعد في قلب المخيخ عندك فده طبيعي لاني قرينك يا زواوي والله حبي لاني اقرا ما بداخل اللي بعزهم وبحس مثلهم

وفيه سبب رابع بالنسبه لاف اكس سي ام وهو امكانيه انك تقفل كل المربعات والنوافذ وتجعل الصفحه بيضا ليس بها غير الاكونت والاسعار والاوبن بويزيشن اما اف اكس سوليوشن فانها كتلة واحده لا تتجزا وان قفلت اي امر او نافذه فانت تبدلها بنافذه اخرى بدل منها يعني ان قفلت الاخبار لابد من فتح الشارت وهكذا

اما موضوع اني مش عايز اف اكس سي ام او لا فانا لم اقل ذلك ابدا ولكن بيني وبينك لنا وقت نتكلم فيه عن الموضوع ده مع بعض حج ضيا والايام بيننا

وموضوع الشارت ممكن الواحد يعمل شئ حلو بدل ما يدفع الاربعين ورقه خضرا كل شهر ممكن يدخل كل يوم الساعه 12 الا ربع مساء قبل الاغلاق بربع ساعه ثم ياخذ اعلى سعر واقل سعر وينتظر الاقفال ويكتب سعر الاغلاق لو كان بيعمل البوفت الحسابي علشان يوفر المبلغ ولكن لو عايز يعمل باك تيست يبقى لازم يدفع

ويا باشا لو انا باشمهندس واحد فانت باشمهندسين

فكرتني اما دخلت انا وصحابي كليه الهندسه هما طلعوا مهندسين وانا طلعت مدينة نصر كنت بخلص شويا اوراق هناك

ونشوفك بالف خير حج ضياء وربي يسعدك اللهم امين