*--- الكلاسيكي الأسبوعي ---*

**dawns_mist** · 19-12-2011, 03:11 PM

هنبدأ تحليل الأسبوع الجديد .. معلش اتأخرت عليكم المرة دي ..
بس المرة دي هنبدأ بطريقة جديدة ..
أنا عملت تحليل كلاسيكي ، و هارمونيك .. تحليل سريع .. على فريم الأربع ساعات .. على 10 أزواج + الذهب
و على فكره .. الهارمونيك دي فكرة مصطفى خالد علشان مايضحكش عليكم و يقولكم إنه مالوش دعوه و يظهر في الشاشة كإنه واحد من المشاهدين .. لا ده رأس مدبره .. لكنه متخفي ..

المهم ..
هنعمل سلة عملات ..
أنا هنزل شارتات لعشر أزواج عبارة عن تباديل لـ 5 عملات رئيسية .. اليورو - الدولار - الين - الباوند - الفرانك
و هنطلع في النهاية برؤية عن ترتيب قوة كل العملات دي ترتيب تنازلي ...
و منه هندخل في عمليات على كل الأزواج ..

انتظروا الشارتات .. و من بعد الشارتات و من غير كلام كتير هقول رؤيتي عن ترتيب قوة كل عملة على حدى ..
و هقولكم فكره هنطبقها ديمو الأسبوع ده و الأسبوع اللي جاي .. و بإذن الله تكون فكره جديدة و مريحة نفسيا ..

**dawns_mist** · 19-12-2011, 04:03 PM

بصوا يا جماعة .. أنا بره البيت .. و النت هنا ضعيف جدا ..
الشارتات جاهزة .. لكن النت مش جاهز ..
أنا هقولكم حالا على الترتيب اللي في دماغي ، و هوضح الكلام ده بالشارتات بالليل لما أوصل البيت ..

ترتيب قوة العملات الرئيسية :

الدولار الأمريكي
الفرنك السويسري ... مع محاولات جادة جدا لتصدر القائمة .. ربما يفعلها خلال منتصف الأسبوع كعادته
اليورو متذبذب جدا ..
الباوند ضعيف نسبيا ..
الين هو الحلقة الأضعف ..

أنا هدخل على حسابي عمليات على كل العملات دي الترتيب اللي قولته ده .. و يارب أكون موفق في تحليلاتي و اختياراتي .. و هقولكم على النتايج آخر الأسبوع
و انتظروا مني الشارتات ليلا ..

بالتوفيق للجميع

**ليلى علي** · 19-12-2011, 04:06 PM

بالتوفيق

**dawns_mist** · 19-12-2011, 04:22 PM

المشاركة الأصلية كتبت بواسطة ليلى علي

بالتوفيق

شكرا جزيلا على التشجيع .. و بالتوفيق لحضرتك و للجميع

**dawns_mist** · 19-12-2011, 04:41 PM

أنا حاليا دخلت في 10 عمليات على العشر أزواج حسب ترتيب قوة و ضعف العملات زي مانا قولت من شوية
مجموع رأس المال داخل الريسك حوالي 10 % من الحساب
و طبعا فيه تفاوت في أحجام الدخول على كل زوج حسب قوة و ضعف عملاته .. بمعنى إن فيه ترتيب تنازلي برضه لحجم الدخول على كل زوج
و عموما هقولكم برضه على تقييم قوة كل عملة على حدى بحيث تكونوا فاهمين أحجام الدخول هتختلف إزاي :
الدولار الأمريكي ... 4 نجوم
الفرانك السوريسري ... 3 نجوم
اليورو .. نجمتين
الباوند .. نجمة
الين .. صفر

و من خلاله يكون الدخول الكالآتي بدون الدخول في تفاصيل التلاعب بأحجام الدخول لإن مافيش وقت لشرحها حاليا .. و ادعولي التجربة تنجح علشان أشرحلكم تفاصيل العمل بدقة و نحولها لورشة أسبوعية .. و ندخل مع بعض .. و نقسم الشغل علينا و نتناقش و ده هيدينا رؤية أوسع بإذن الله :

USD JPY : BUY
EUR USD : SELL
GBP USD : SELL
EUR GBP : BUY
USD CHF : BUY
EUR JPY : BUY
GBP JPY : BUY
CHF JPY : BUY
GBP CHF : SELL
EUR CHF : SELL

ممكن ست أزواج منهم يمشوا عكس توقعاتنا ، و برضه نفضل كسبانين بإننا نكون داخلين على الأزواج اللي احتمالات ربحيتها أكبر بلوت أكبر .. و الاستوب لووز بيكون نسبة خسارة إجمالية من الحساب .. و التوب بروفيت بيكون نسبة مكسب إجمالية من الحساب أيضا .. و إذا لم يتحقق التوب بروفيت أو الاستوب لووز ... يتم إغلاق كل الصفقات قبل إغلاق السوق يوم الجمعة .

* كل ما ورد خلال موضوعي من تحليلات و توقعات لا تدل إلا عن رؤية صاحبها فقط ، ولا ينصح بالتعامل معها على الحسابات الحقيقية إلا على مسئولية و رؤية صاحب الحساب .

**dawns_mist** · 20-12-2011, 01:09 AM

في المرفقات ملف مضغوط به 22 صورة لتحليلاتي للعشر أزواج المذكورين مسبقا كل زوج له صورتين .. صورة لتحليلي الكلاسيكي ، و صورة لمؤشر الهارمونيك .. بالإضافة أيضا للذهب له أيضا شارتين ..
يعني 22 شارت ..

و اتمنى اللي يشوفهم يديني رأيه أو يتناقش معايا فيهم و يقولي وجهة نظره .. وآسف على التاخير ..

بالتوفيق للجميع ...

**رانيا وجدي** · 20-12-2011, 02:51 AM

السلام عليكم ورحمة الله وبركاته

ماشاء الله تبارك الله

بداية سلمت يمناك اخي Dawn Mist

فكرة سلة العملات جميلة جدا بالإضافة الى توزيع نسب الدخول حسب قوة الصفقة ممتازة

جاري تحميل الملف الخاص بالشارت والتحليل ولي عودة ان شاء الله

تحياتي وتقديري

**dawns_mist** · 20-12-2011, 07:08 AM

المشاركة الأصلية كتبت بواسطة رانيا وجدي

السلام عليكم ورحمة الله وبركاته

ماشاء الله تبارك الله

بداية سلمت يمناك اخي Dawn Mist

فكرة سلة العملات جميلة جدا بالإضافة الى توزيع نسب الدخول حسب قوة الصفقة ممتازة

جاري تحميل الملف الخاص بالشارت والتحليل ولي عودة ان شاء الله

تحياتي وتقديري

شكرا جزيلا على الرد و الاهتمام .. و يارب يكون مبدأ الفكرة ده نفسه مفيد للشباب إن أمكن لأحدهم دمجه في أي استراتيجيتة الخاصة ..
و يارب تنال تحليلاتي إعجاب حضرتك ، و أنا في انتظار أي تعليق أو نصح .. و يشرفني أني أتلقى من حضرتك الإرشاد ..

**dawns_mist** · 20-12-2011, 05:39 PM

ربما نشهد تغيير حسب المعطيات حتى الآن .. ليحتل الباوند ثم الفرانك المرتبة الأولى في قوة العملات هذا الأسبوع .. ولكن حتى الآن كل شيء تحت السيطرة .. لننتظر و نترقب .!!!

الموضوع: --- الكلاسيكي الأسبوعي ---

أدوات الموضوع

الاوسمة لهذا الموضوع

عروض شركات الفوركس

الموضوع: *--- الكلاسيكي الأسبوعي ---*

أدوات الموضوع

الاوسمة لهذا الموضوع

الموضوع: --- الكلاسيكي الأسبوعي ---