الى الاخوان في السعوديه او من لديه خبره بالتحويل

[alabo]

حول عن طريق النت

[fahed122]

بأمكانك تطلب من الراجحي بطاقه فيزا مسبقه الدفع عندهم نوعين منها واحده عاديه والاخرى اسمها انسان

رسوم على البطاقه 100ريال فقط سنويه

البطاقه فاضيه مافيها شي انت تدودع من حسابك الجاري فيها (( تشحنها بالمبلغ الي تريد )) ومن ثم تقدر تستخدم الفيزاء بكل سهوله

الفرق ببين الفيزا مسبقه الدفع العاديه والمسبقه الدفع انسان
ان البطاقه الاولى ياخذو على التعامل بالبطاقه من غير الريال السعودي 1بالميه من غير قيمه الصرف
وبطاقه انسان ياخذو3بالميه يقولو تبرع مع كل عمليه


وانت قرر بكيفك

[forex pro]

تعال يافوركس برو تعال ههههههههه جابك الله والله وجميع الاخوان ماقصرو وياخي فخر للواحد انه يسال ناس مثلكم تحبون الخير فعلا

بس يااخ فوركس برو يعني يقدر الواحد يحول عن طريق النت وعن طريق الراجحي بالانترنت لشركه فكسول ؟؟

وماهي الطرق لو انت جربت والله يجزاك الجنه ياشيخ

عزيزي روح الى فرع ثاني احسن لك والسبب انه بعد اجراء الحواله سوف يسجل عنوان الشركه المحول لها في مباشر وتقدر تحول في اي وقت براحتك بدل المشاوير
ههههههههههه التحويل راح يكثر لا تصدق انك بتحول مره وحده
بس شوف لك فرع ضعيف ما عندهم شغل على شان يفرحون في عموله التحويل
ويالله بالتوفيق عزيزي

[مخاوي الجن]

اوك ياشيخ فوركس برو اروح فرع ثاني ويعطيك الف عافيه ياشيخ على نصيحتك

ويارب تكون اخر حواله هههههههههههههههه مابي اصير مثلك ههههههه

والله مشكور ياالغلا على النصيحه

[الزيرو]

يعطيك الف عافيه ياشيخ عباس ومدام انت مجرب من انجاز باذن الله بكره رح اروح انجاز واحول من هناااك وباذن الله مايردني رح اروح واخذ معاي طفايه

لو قال لي شي ولا شي رح ارميها على راسه وارجع هههههههههههههههههههه

يعطيكم الف عافيه ياشباب والله ماقصرت والشكر للجميع اللي ردو والله يجزاكم الفردوس الاعلى يارجال

انا حولت المرة الأولى عن طريق حسابي في السعودي للإستثمار وخلال 48 وصل المبلغ للحساب ..
المرة الثانية حاولت عن طريق حسابي في البريطاني وللأسف 4 مرات ترجع الحوالة وفي النهاية قالو إني المشكلة في بنك المستفيد (تصريفة يعني) ..
رحت بعدها لإنجاز وحصلت معي نفس المشكلة ورجعت الحوالة كذا مرة .. وفي كل مرة عذر جديد ..

أتوقع المسألة لها علاقة بجنسية المحول وكذلك حجم المبلغ ، لأني بعد أن يئست قررت فتح حساب بإسم صديق سوري وفعلاً خلال يومين وصل المبلغ للحساب..

لا أدري هل لمؤسسة التقد دخل فيما يحدث أم ماذا ولكن فعلاً التحويل للأجانب من السعودية صعب ..

[ابو محمد 2008]

السلام عليكم

شباب انا اليوم رحت ابي اشحن رصيدي واحول المبلغ للفوركس طبعا عن طريق تحويل الراجحي فجاه الموضف يقول لي اسالتك بالله هل التحويله هذي للعملات

طبعا انا استحيت اكذب قلت له تبي الصراحه ايه للعملات قال ممنوع ابي اعرف هل هذا الشي ممنوع في السعوديه بس

وهل في اخوه من السعوديه لديهم تجارب وكيفيه الطريقه التحويل اللي يقومون فيها او الاخوان في مصر او الدول العربيه

ويعطيكم الف عافيه

هلا أخوي أنا معاي بطاقة مشتروات مثل أخي اللي تكلم عنها اللي متقتبس أخي فهد كلامه تحت وهذه البطاقة ممتازة جدا بالتحويل حيث خلال ثواني والمبلغ بالحساب

بأمكانك تطلب من الراجحي بطاقه فيزا مسبقه الدفع عندهم نوعين منها واحده عاديه والاخرى اسمها انسان

رسوم على البطاقه 100ريال فقط سنويه

البطاقه فاضيه مافيها شي انت تدودع من حسابك الجاري فيها (( تشحنها بالمبلغ الي تريد )) ومن ثم تقدر تستخدم الفيزاء بكل سهوله

الفرق ببين الفيزا مسبقه الدفع العاديه والمسبقه الدفع انسان
ان البطاقه الاولى ياخذو على التعامل بالبطاقه من غير الريال السعودي 1بالميه من غير قيمه الصرف
وبطاقه انسان ياخذو3بالميه يقولو تبرع مع كل عمليه


وانت قرر بكيفك

سيم سيم أنا كذلك معاي هي البطاقة وهي ممتازة جدا

[جن جنا]

تقدر تحول من سامبا عن طريق النت فقط .. بدون اي مراجعات

[mr.36r]

انا حولت من الراجحي لفكسول كم مره
رح لهم واذا قالك سبب الحوالة قول له بشتري حاجه ولا عطه اي تصريفه

بس ترا الحوالة يمكن توصل لـ 7 ايام وياخذون عليك رسوم الحوالة 50 ريال
وسعر الصرف 3.755002 والبنك المستلم يآخذ 63$ ليش مدري كلن ياكل من عنده
وسلامتك

وزي ماقال فوركس برو التحويل بيكثر لا تحلم انها مره وبس

[ابو فيصل2002]

أطلب من الدعم الفني إعطائك إسم بنك آخر و تنجح العملية

[فتاة البدو]

والله جيت على الجرح اخ عبدالله
انا ابي افتح حساب حقيقي بس التحويل
واقف في طريقي ولا اقدر اروح البنك وكذا
عندي حساب بالانماء هل اقدر احول من النت ؟
طبعا بعد اذن صاحب الموضوع....

[نوره]

والله جيت على الجرح اخ عبدالله
انا ابي افتح حساب حقيقي بس التحويل
واقف في طريقي ولا اقدر اروح البنك وكذا
عندي حساب بالانماء هل اقدر احول من النت ؟
طبعا بعد اذن صاحب الموضوع....

حبيبتي ،، طلعي بطاقة الراجحي ( تسوق ) مسبقة الدفع ب 100
واشحني رصيدك مثل ماتحبين وحولي لحساب الشركه
انا استخدمها وبالفيزا ينزل المبلغ خلال نص ساعه
اتوقع حتى بنك الانماء عندهم وكمان الرياض والاهلي
انتي اسالي الفرع اذا عندهم طلعي من الانماء بطاقة مسبقة الدفع

[khalid2000]

وسترن يونيون -انجاز-

ورسوم التحويل زي اي تحويل اخر
وخلي في باللك انك لاتسطيع وضع رقم حسابك في بيانات التحويل وهذا ليس مشكله كبيره بل بعض التاخير ولكن عندما تحول ارسل صورة الحواله لفكسول مباشرة واخبرهم بعدم قدرتك على وضع رقم الحساب في بيانات التحويل وهنا سيتم التغلب على مشكلة التأخير

[فتاة البدو]

الغاليه نورة الف شكر رح اكلمهم

[الإنترادي]

للعلم يا اخوان اي حواله لحساب اي مستفيد مكتوب فوركس ممنوع التحويل من والى السعودية ع اي بنك لكن بكل بساطه راح دعم الشركه الفني واذكر لهم هذه النقطه وبيفيدونك بحساب لهم نفس المستفيد بدون كلمة فوركس او كارينسي ما تكون موجوده في بيانات المستفيد وكلهم بيحولون لك هذا اولا


ثانيا اي واحد يبي يرتاح بالحوالات الخارجية لابد يكون معاه فيزا او ماستركارد مسبقة الدفع والله ان يرتاح طول عمره
طبعا ملاحظه ما ينطبق على الحوالات الخارجيه يعني الصادره ينطبق ع الحوالات الداخليه السحب خلي بالكم
وشكرا،،،،،،،،

[majedhussain]

حبيبتي ،، طلعي بطاقة الراجحي ( تسوق ) مسبقة الدفع ب 100
واشحني رصيدك مثل ماتحبين وحولي لحساب الشركه
انا استخدمها وبالفيزا ينزل المبلغ خلال نص ساعه
اتوقع حتى بنك الانماء عندهم وكمان الرياض والاهلي
انتي اسالي الفرع اذا عندهم طلعي من الانماء بطاقة مسبقة الدفع

بنك الرياض لديه بطاقة وتشحنه ولكن عيبه انه اذا جيت تسحب افلوسك منها على كل عملية سحب 75
والاهلي ماياخذ اي مبلغ على السحب من البطاقة ولكن حدك عشرة الاف ريال فقط وهي ماستر كارد