موضوع للنقاش ( ما هو نوع صفقاتك المفضل )

[مصطفى خالد]

السوينج الافضل بلا منازع

انت خبره قد ايه فى السوينج؟

[مصطفى خالد]

اظن ان كل نوع صفقه بيعتمد على ظروف الشخص و اختلاف شخصيته

من وجهة نظرى بالنسبه للسوينجات
اظن انها اضمن طريقه اذا كان اجماع المحللين على هدف متقارب
بالشكل ده انت ضامن مكسب محترم خلال اسبوع او شهر
( و طبعا كله بأيد المولى عز و جل )
و ثانياً لظروف عملى ( الغياب المستمر عن سوق الفوركس )

اما بالنسبه للاسكالبينج بتكون عايزه انسان متقبل الخساره زى المكسب
لأن فيه اشخاص لا تستطيع اغلاق اى صفقه بالسالب
و بتكون النهايه المؤلمه هى المارجن كول

اما الانترداى فهو حال الاغلبيه
ولا مانع من فتح صفقات جانبيه بجانب صفقات السوينجات

موضوع مميز يا استاذ مصطفى

تمام كل شخص بيميل لنوع صفقات معين
لكنى شخصيا لقيت و مرتاح جدا للانتر ويك بعد شغل كتير انتر داى
فكنت حابب اعرف راى الناس
مش يمكن اقدر افيد حد بوجهه نظرى

[مصطفى خالد]

حقيقه .. كلام صديقك صحيح بكل ما تعنيه عبارته من معنى .
مشكله الاغلبيه انهم يحصرون انفسهم في اطار زمني معين .. كقولك انترادي او انتراويك ، ممكن كلامه صحيح بعض الشيئ بالنسبه للسوينج .. ولكن اي سوينج ؟؟
السوينج الذي يربط القمم بالقيعان .. فلا يهم كم سيستغرق من الوقت .. المهم انه يصل للهدف .
تحياتي

اهلا يا اخ ماركوف
اول مره تشارك فى موضوع ليا

بالنسبه لكلام صديقى فهو عقليه متميزه فى الفوركس و بحترم رايه جدا
بس فكره ربط الفرص بفريم زمنى لان ده حسب فراغ الشخص
شخصيا ربط الفريمات
ببص على الفريم الاكبر بالفراكتل
و باخد قراراتى على الفريم الاصغر

[مصطفى خالد]

اجازة مريحة اتمناها للجميع

اما انا فأعمل بنظام الصفقات اليومية
ونادراً ما اترك صفقة لليوم التالي
حيث أعمل بنظام معين ملخصهُ
هدف 40 نقطة وستوب 30 نقطة

راى يحترم

[الزيرو]

انا كنت شغال إنتراداي فترة طويلة .. والنتائج طيبة ..
لي فترة أعمل بطريقة السوينق .. أحلل على اليومي والأسبوعي وأدخل أوامر معلقة فقط وأنتظر التفعيل .. بصراحة أذهلتني النتائج .. وبدون متابعة لصيقة ولا وجع دماغ ..

عموماً في إعتقادي صفقات السوينج (اللي هدفها مش كبير أوي .. يعني 50-80 نقطة) أشوف إنها رااااااائعة ..
ببساطة لو هحلل السوق وهختار 3-5 أزواج أدخل عليهم مع بداية الأسبوع بهدف 50-80 نقطة لكل زوج في الأسبوع (وأتوقع ده هدف أسبوعي صغير جداً) ، يبقى بنتكلم عن 250-500 نقطة في الأسبوع ، وتكون مركز على أزواجك ال5فقط طوال الأسبوع وتريح بالك ..

[الزيرو]

طيب رأيكم أيه كل واحد يعرض فرصة سوينج وااااااحدة فقط يراها مناسبة لهذا الأسبوع ..

فرصة سوينج وزوج وااااااااحد فقط لكل عضو ..

[ahmedphen0m]

اسمحلى انا اجاوب
عبد العزيز فكرته ان الفرص الصغيره بتتكرر كتييييييييييييير
فليه تخاطر بلوت عالى فيها؟
مثلا تدخل 10 صفقات اسبوعى من الفرص الصغيره دى
بتخاطر ب 1% لتارجت 2% مثلا
و نسبه ربح 50%
تبص تلاقى المكسب الاخير 5%
حلوين

و لا تدخلهم بلوتات عاليه و تشيل نفسك مخاطره ملهاش داعى؟
المكسب فى الفرص الصغيره زى دى مش فى الربح
لا بالكثره

فكرة برده.....
بس انا ماشي بفكرة اني بقول مثلا اني هاخطر ب1% ده اللي ثابت
الاستوب يكون 100 نقطة هيبقي عقد صغير
الاستوب يكون 30 نقطة هيبقي عقد كبير

[مصطفى خالد]

فكرة برده.....
بس انا ماشي بفكرة اني بقول مثلا اني هاخطر ب1% ده اللي ثابت
الاستوب يكون 100 نقطة هيبقي عقد صغير
الاستوب يكون 30 نقطة هيبقي عقد كبير

انا عامل كده تقريبا
بدخل بمخاطره ثابته
و لو السوينج او الانتر ويك ظهرت فرصه انتر داى معاها فى الاتجاه بدخلها بس بنفس اللوت من المخاطره

[احمد الداوود]

مش بتحط استوب و لا ايه ؟؟

كنت باعمل استوب قبل وتمرجن الحساب 3 مرات
والان بدون استوب دبلت 5 مرات
الاستوب محرقة
اهم شيئ ادارة راس المال وعدم الطمع

[الزيرو]

كنت باعمل استوب قبل وتمرجن الحساب 3 مرات
والان بدون استوب دبلت 5 مرات
الاستوب محرقة
اهم شيئ ادارة راس المال وعدم الطمع

والله نفس وجهة نظري عن الستوب ..

[أبوجلال]

انا اعمل بنظام اسكالبينج (ساعه فاقل )
والدخول يومي بمعدل 5 الى 10 صفقات باليوم