استراتيجة قنبلة الغاز

[م / حسام سرى]

ههههههههههههههههه جميلة اوى مستر معطى بجد شغل جميل اوى انا جربتها وفعلن شغالة ومش فيها اى اخطاء والاحلى والاحلى انا مابقتش بفتح اى استرتجيات غير بتوعك ربنا يبركلك المهم المزيد والمزيد :D

[Mo3Ty]

ممكن يااخ معطي تقول افضل الاوقات للمتاجرة بالاتسارتيجية دي بتوقيت مصر اصلي دخلت مرتين عليها والسعر عكس عليا برضه مش عارف فيه ايه ههههه

وكمان بنحدد الاستوب ازاي؟

افضل وقت من 9 صباحا بتوقيت مصر 10 بتوقيت السعودية
ومتدخل الفرص الى السعر طار فيها عند خط الموفنج الملون يا كيمو
ادخل الفرص الى بتبقا قريبة من الموفنج الملون فقط
بالنسبة للستوب والاهداف بحددهم بناء على استراتيجية القناة الثالثة لاني بربط الطريقتين ببعض
واى استفسارات انا معاك

[Mo3Ty]

ههههههههههههههههه جميلة اوى مستر معطى بجد شغل جميل اوى انا جربتها وفعلن شغالة ومش فيها اى اخطاء والاحلى والاحلى انا مابقتش بفتح اى استرتجيات غير بتوعك ربنا يبركلك المهم المزيد والمزيد :D

شكرا لذوقك ياكاسبر باشا

[kimoforex]

في فرصة بيع بتتكون علي الكيبل 5 دقايق ...

[Mo3Ty]

في فرصة بيع بتتكون علي الكيبل 5 دقايق ...

تمام ياكيمو فعلا في فرصة قيد التكوين على الكيبل 5 دقائق بس متنساش ان الامريكي حيقفل فيفضل عدم العمل فى الوقت ده
وعايز انبهك لحاجة تانية ياكيمو باشا حاول تضيف ترندات كلاسيك زى ما عمل forex00 امبارح للطريقة حتفرق قوي فى اادخول والاهداف والستوب لو انت ناوي تعتمد على الطريقة ده لوحدها بدون اضافات
وزى ما انت شايف على الشارت المرفق فى ترند صاعد واقف امام السعر السعر لو كسروا لتحت وادتنا المؤشرات بيع انتظر اعادة اختبار الترند وخدوا بيع
اتمنى وضحت وجهة نظري واى استفسارات انا معاك

[Mo3Ty]

::::::::: تحديث :::::::::::



تم كسر الترند لاسفل+ اكتملت شروط المؤشرات
مما يؤكد الان دخول البيع ومن الممكن الدخول الان مباشرة بنصف عقد وترك النصف الاخر لاعادة اختبار الترند والدخول بيع وحتابع معاكم الصفقة ده للنهاية
تنبيه: لايفضل العمل بعد 7 بتوقيت مصر 8 بتوقيت السعودية

[kimoforex]

تمام ياباشا والسعر واخد في وشه ونازل هو لازم في اعادة اختبار ولا ايه؟

[Mo3Ty]

تمام ياباشا والسعر واخد في وشه ونازل هو لازم في اعادة اختبار ولا ايه؟

لا مشلازم ياكيمو بس يفضل اعادة الاختبار للدخول من منطقة افضل حتنفعنا فى زيادةالهدف+ تقليل الستوب بس عامة فى 5 دقائق الفرق مشكبير اوي لذلك منتظرتش اعادة اختبار ودخلت بنصف عقد وسبت النصف التاني لاعادة اختبار
وشخصيا عادة انتظر اعادة اختبار فى اى طريقة لي فالصبر وعدم الاستعجال احد مفاتيح زيادة المكاسب وتقليل الخسائر

[kimoforex]

شكرا ياغالي انا عملت كده برضه

[Mo3Ty]

خرجت الان يا كيمو من 5602 ب10 نقط وهى هدف الصفقة الاساسي ولله الحمد
لانه قدامه مستوي نفسي قوي عند 5600
حاول على قد ما تقدر تركب كذا حاجة مع الاستراتيجية من الفنيات مثلا اشكال الشموع ومستويات نفسية وترندات والدنيا حتوضح معاك اكثر واكثر

[kimoforex]

اها بس شكله حيكسر المقاومة دي انا قفلت نص العقد وسيبت النص التاني وربنا يستر

[Mo3Ty]

اها بس شكله حيكسر المقاومة دي انا قفلت نص العقد وسيبت النص التاني وربنا يستر

اسف يا كيمو
مفيش حاجة عندنا فى الفوركس اسمها شكله
حط لنفسك قوانين تمشي عليها لانك كدة حتدخل نفسك فى متاهة
مثلا
1- لو جت الساعة 8 مشغال حتى لو قدامي فرصة محترمة
2- لو قدامي مستوي نفسي حخرج على ربح ولو بسيط
3- حنتظر اعادة اختبار مشحدخل مباشرة
4- لو السعر جرى منى مشداخل خلاص واشوف زوج تاني ادخل عليه

ده مثلا قوانين عندي لما بتحصل بعمل كدة (وبمشي معاها على الحلوة والمرة) ولو نزل وجاب هدف اكبر من الى طلعت بيه مبزعلش لاني لو زعلت يبقا نفسيتي حتبوظ وحدخل اوردر تاني غلط عشان اعوض الربح الى طار مني لاني خرجت بربح صغير بدري وده برضوا مينفعش
وحتلاقينا فى موضوع التالتة كلنا شغالين بنظام القوانين الثابتة عشان منحاولش ندخل النفسية فى السوق

وانا معاك ياكيمو اعتبرني اخوك لو احتجتني فى اى استفسارات او اى حاجة فانا معاك

[Forexsawy]

خرجت الان يا كيمو من 5602 ب10 نقط وهى هدف الصفقة الاساسي ولله الحمد
لانه قدامه مستوي نفسي قوي عند 5600
حاول على قد ما تقدر تركب كذا حاجة مع الاستراتيجية من الفنيات مثلا اشكال الشموع ومستويات نفسية وترندات والدنيا حتوضح معاك اكثر واكثر

أيوة كدة يا معطي خليك فأبو 10 نقط و أخلع يا معلم

[kimoforex]

اسف يا كيمو
مفيش حاجة عندنا فى الفوركس اسمها شكله
حط لنفسك قوانين تمشي عليها لانك كدة حتدخل نفسك فى متاهة
مثلا
1- لو جت الساعة 8 مشغال حتى لو قدامي فرصة محترمة
2- لو قدامي مستوي نفسي حخرج على ربح ولو بسيط
3- حنتظر اعادة اختبار مشحدخل مباشرة
4- لو السعر جرى منى مشداخل خلاص واشوف زوج تاني ادخل عليه

ده مثلا قوانين عندي لما بتحصل بعمل كدة (وبمشي معاها على الحلوة والمرة) ولو نزل وجاب هدف اكبر من الى طلعت بيه مبزعلش لاني لو زعلت يبقا نفسيتي حتبوظ وحدخل اوردر تاني غلط عشان اعوض الربح الى طار مني لاني خرجت بربح صغير بدري وده برضوا مينفعش
وحتلاقينا فى موضوع التالتة كلنا شغالين بنظام القوانين الثابتة عشان منحاولش ندخل النفسية فى السوق

وانا معاك ياكيمو اعتبرني اخوك لو احتجتني فى اى استفسارات او اى حاجة فانا معاك

شكرا يااخ معطي علي المعلومات التحفة دي وهو ده الي بقع فيه دايما الاقيني دخلت صفقة الساعة 8 وربع كده مع اني متاكد منها الاقي السعر مات وبيحطلي شموع عبارة عن ديل او علامة زائد ههههه

بس مش عارف يعني ايه مستوي نفسي ده؟ياريت توضحلي واسف تعبتك معايا انهارده

[Mo3Ty]

أيوة كدة يا معطي خليك فأبو 10 نقط و أخلع يا معلم

ههههههه
لا يا كبير مشفى كل وقت 10 نقط
انت شايف الطريقة بتجيب كتير من 50 الى فوق
الفكرة كلها تعرف امتى تخرج على 10 او تستني وتلاحق الربح