استراتيجية مطورة لليورو دولار بدون مؤشرات قد تحتاج لورشة عمل واكسبرت

[أيمن حسن]

[B][COLOR="royalblue"]بسم الله الرحمن الرحيم

الاخوة الاعزاء الافاضل أعضاء هذا المنتدى الشامخ العظيم . كل عام وأنتم بخيروبارك الله فيكم وعليكم
.وشكرا لكم على كل ماتقدمونه لاخوانكم.

هذا اول موضوع لى فى المنتدى رغم قراءتى المستمرة لمواضيعكم المميزة والمفيدة والتى علمتنى معنى الفوركس والمضاربة.

أخوانى طبعا كلكم تعرفون التذبذب والترند وطبعا تعرفون أن سبب الخسارة هو الدخول المتكرر فى نفس اليوم فمرة تصيب ومرة تخيب وفى الاخر المحصلة صفر.وفى نفس الوقت مش قادرين نغير من سلوكنا لاننا أصبحنا مدمنين وجلوسنا أمام الميتاتريدر يجعلنا نفتح صفقات احنا مش مقتنعين بيها أساسا ومن هنا تأتى الخسارة

الجماعة بتوع استراتيجية الترند بيكسبوا كتير بس بيعكس عليهم الترند مرات كتيرة بسبب الاخبار وخلافه و مرات بيكون الكسر كاذب أو ماعرفش يرسم الترند كويس مع انها أفضل طريقة حتى الان من وجهة نظرى الا اذا أثبتت طريقتنا نجاحها .
الجماعة بتوع المؤشرات دول مزعلنى كتيرلانهم بيضيعوا وقتهم فى الفاضى لانك مرات تلاقى الار اس اى مثلا فوق ال80 والسعر مازال صاعد وصاعد أو تحت ال20 والسعر مازال هابط وهابط ومرات بيوصل للصفر ولسه هابط والمؤشر اللى بيعيد رسم نفسه وخلافه

والجماعة بتوع فيبوناتشى والفايبو بيرسموا الخطوط والسعر مرات يلمس الخط فينهوا الصفقة على مكسب ومرات ما بيلمسوش بفرق نقاط معدودة وينتظروا لما يرجع يلمسه وما يرجعش تانى وينهوا الصفقة على خسارة اكبر من اللى هما كسبوه قبل كده.

والاخوة بتوع المضاعفات دول دايما حظهم سىءلانهم مرات يكسبوا كتير أوى وفى مرة واحدة يخسروا كل حاجة والمارجن كول مستنى على الباب.

طيب ايه الحل
معظم الاستراتيجيات محصلتها خسارة وفيه استراتيجيات ربحها اكثر من خسارتها بس مش قادرين نلتزم لاننا بندخل كتير ونخرج كتير فتكون المحصلة خسارة

الحل هو اننا ندخل كتير ونخرج كتير علشان نشبع رغبتنا وفى نفس الوقت تكون محصلة اليوم مكسب

تعالوا نسجل حضور ونشرح الطريقة ان شاء الله النهارده. ولازم كل واحد يضيف حاجة من عنده للطريقة علشان نوصل لنسبة 95% لان كل واحد فينا شايف حاجة فى الشارت وفى سلوك السعر غيره مش شايفها.[/B]

[مصطفى خالد]

ايه هى الطريقه؟؟

ثم انا شخصيا بفتح الصفقه و اقوم اتجاهلها
مباخدش اكشن الا لو كان فى سبب منطقى

[حسن الهلالي]

مرحبا استاذ ايمن
طالما بدون مؤشرات يبقه انا معاك بعون الله
في انتظار الشرح

[alsafir]

السلام عليكم
كلام جميل اخي ايمن << والاجمل ان تكمل

[atef abo sofa]

ابدءءءءءءءءءءءء ،،وكلنا مع الله

[أيمن حسن]

ياريت حد من الاخوة المتابعين يعرفنى ازاى اعمل كوبى للشارت من منصة اف اكس برو علشان ارفقه للموضوع ؟

[alsafir]

ياريت حد من الاخوة المتابعين يعرفنى ازاى اعمل كوبى للشارت من منصة اف اكس برو علشان ارفقه للموضوع ؟

أعتقد كده عرفت طريقة تنزيل الشارت

بامكانك تنسخ الشاشه كامله بضغط الازرار التايه جميعاً
Ctrl+Alt+PrtSc SysRq

ثم تفتح برنامج الرسام وتضغك
Ctrl+V

ثم تحدد الشارت وتنسخه
وتفتح صفحه جديده وتلصقه فيها

[أيمن حسن]

برنامج الرسام ده فين يا أخى؟

[alsafir]

برنامج الرسام ده فين يا أخى؟

إذا كان موجود عندك فهو في كافة البرامج >> البرامج الملحقه تحصله بقرب الحاسبه والدفتر
او ممكن تستخدم الفوتوشوب اذا كنت تعرفه

[dr.tamer]

اكبس على الشارت كليك يمين ثم save as picture واختار الخيار الثاني

[alsafir]

اكبس على الشارت كليك يمين ثم save as picture واختار الخيار الثاني

هههههههههه
وينك من زمان يا أخي

أيمن سوي طريقة الدكتور تامر ولو ما مشيت معك استخدم الي قلتلك

[أيمن حسن]

على الله يكون الشارت تم ارفاقه

[أيمن حسن]

لو بصينا على الشارت هنلاقى قمة أعلى من القمة السابقة اللى مرسوم عليها
الخط الاحمر

وفيه قاع أقل من القاع المرسوم عليه الخط الاصفر

[أيمن حسن]

ياريت اللى متابع معانا يستنتج ايه الصفقات اللى ممكن تفتح عند الخط الاحمر وعند الخط الاصفر

[أيمن حسن]

ان شاء الله هنكمل لما يكون فيه تفاعل من الاخوة لان بصراحة الاستراتيجية مربحة جدا وفيها خير كبير للى بيدخل ويخرج كتير فى نفس اليوم والشارت بتاعنا هو شارت الخمس دقائق