دعوه للمناقشه مع استاذ ابو ادم

[ابــ آدم ــو]

الف شكر على الاجابات المفيده
لا بصراحه اللقاء ممتع جدا
لدرجة انى بعيد قراءة الاسئله واجاباتها

انا الى شاكر ليكى اختى على المبادره الحلوه دى وبجد سعدت بكل الاسئله
تحياتى ليكى اختى SALY

[Mo3Ty]

السلام عليكم
وعليكم السلام ورحمه الله وبركاته
اخبارك ياباشا

اشكر اولا اختنا المحترمة سالي على تنظيم هذا الموضوع
ونشكر استاذنا ابو ادم لتلبية الدعوة لكى نستفاد من خبراته
- لا شكر على واجب اخوى ويشرفنى وجودى معاكم
1- كم الفترة الى تعمل بها فى سوق الفوركس حتى الان؟

-تقريبا 8-2007 تعرفت على الفوركس
2- هل مرجنت حسابات ليك قبل ما الامور تتصلح معك؟ وكيف عدلت امورك اذا كنت مرجنت حسابات؟
-هحكيلك قصه معلش بعد تلت شهور من معرفتى بالفوركس اتعلم فيهم مبادى الفوركس حبيت اجرب صراحه ويمكن ناس تضايق منى انا مابعترفش بالديمو اى مبتدا يقدر عمل ملايين من الديمو بس ينصدم من الحقيقى لان العامل النفسى وضغط السوق ليه عامل المهم قلت اجرب فقلت احط الف دولار اهو نشوف صراحه فى 24 ساعه وصلت المبلغ 1850 دولار وكنت فرحان جدا مش علشان المبلغ لا لانى عرفت ازاى وقتها امتى ادخل وامتى اطلع من السوق وللاسف دخل واحد معرفه على حسابى لعب بالحساب وصحيت من النوم لقيته الله يرحمه
وحطيت تانى فلوس بس مبلغ كويس وكنت بشتغل بدماغى وطرقتى بلس + كنت مع فتحت السوق اشتغل على الجاب المهم عرفت ادبلر المحفظه وجه بعد فتره دخول فى فتحه السوق على جاب وللاسف الجاب ماتغطاش الا لما راحت المحفظه
بس بعديها بقا تعلمت ان الفوركس دى محتاجه راسمال كويس وكويس دى بالنسبه ليا مش اقل من 10 الف ده اقل شى ومحتاجه هدوء اعصاب وطبعا واحد يعرف يشتغل على الشارت
واهم شى اخوى انا عمرى ماسلمت دماغى لحد كنت ادخل بدماغى انا شايف شراء ادخل شراء والعكس ممكن انت تقولى السوق رايح للمنطقه دى مادخلش عميانى لا اشيك وراك ياقتنع يامقتنعش وادخل على دماغى
بس

3- هل الفوركس هو عملك الاساسي ؟ وهل ترى ان سوق الفوركس يمكن ان يكون بجانب شغل خارجي ؟
- ايوه هو الاساسى وبيبقا فى شى مشاريع معاه جانبيه - والله اخوى نقطه الشغل الخارجى دى قدرات فى ناس ماتقدرش وناس تقدر بالنسبه ليا انا يوم اكون بالسوق تلاقينى بقا دماغى على طول عند السوق ياترى راح فين وجه منين لدرجه ان شركات الاتصالات اعتقد انا عب عليهم
4- هل في رايك طريقة الستوب او التعزيز والمضاعفات افضل ؟ ولماذا؟
-انا مابشتغلش بالاستوب ابدا صراحه انا انا بحب المضاعفات جدا وبدون مبالغه اوقات كتير اتمنى السعر يوصل للمضاعفه التانيه والتالته وعادى الرابعه اكيد الربح بيبقا اكبر اما الاستوب بقا حولت زمان اشتغل بيه يضربلى الاستوب بنقطه اتنين وبعدين يجبلى الهدف اكتر من مره لحد ماكرهته ( صحيح المضاعفات لازم تكون مدروسه والواحد يدرس لو السعر عكس معاه لحد 7 مضاعفات هل هيستحمل وله لا الموضوع مش سهل )
5- ما هي الادوات التي تعتمد عليها في الفوركس؟ وهل حضرتك سكالبنج ولا انتر داى ولا سوينجات؟
- الادوات الى انت بتشوفها وبنزهلها بالورشه شغلى كله كلاسيكى ترندات وفيبو وعامل تمبل كدا للموفينج بس نادر جدا لما تلاقى على جهازى موشرات
شوف اخوى موضوع انترداى وسوينجات والكلام ده مايهمنيش اوى المهم اطلع بربح يرضينى فلو دخلت على الهيستورى عندى هتلاقى التلت انواع ممكن تلاقى اوردر مقفول على 500 بيب وممكن تلاقى مقفول على 10 بيب

اتمنى تكون هذه الاسالة خفيفة وغير مزعجة

الله يسلمك اخوى معطى ويارب اكون قدرات اجاوب على استفساراتك

شكرا جدا جدا ابو ادم لاجابتك واستفدت منها واسف فى التاخير فى الرد لان بعد ما كتبت الاسالة والضرب اشتغل فى سموحة بقالنا اهوا 5 ساعات
وشكرا جدا لوقتك

تقبل تحياتي
اخوك
+معطي+

[zelenko]

اشكر الأخت سالي على الموظوع.
استاذ احمد
ما هو اكبر انعكاس حصل معك ؟
ممكن تشرح لنا ادارة الحساب الي تعمل بها؟
وشكرا

هلا اختى ليلى

صراحه اكبر انعكاس حصل مره فى اليورو فى الهبوط وقت تدخل المركزى السويسرى وكنت شارى من 3970-4040 عكس معايل مناطق ال 3180 تقريبا والحمد لله وقتها كنت شغال بالمضاعفات والحمد لله ربنا كرمنى

والانعكاس الاشهرفى المجنون لما المنتدى كله كان بيدعى ان المركزى يدخل كنت شارى من 127.40 ونزل للو تقريبا مناطق 116.90
بس طبعا مع المضاعفات كان هدفى 125 والحمد لله طلعت منه على الهدف ووقتها النت كان فاصل والقيت بيتصل بيا اخوى ZELENKO بيقولى مبروك اليابانى ادخل الحمد لله
دول اكبر انعكاسات والحمد لله طلعنا بربح كويس

اما موضوع اداره راس المال زى ماقلت لاختنا سالى فى الرد علي حضرتها ان مع اخر مضاعفه ليا مايتعديش الخساير نص المحفظه والحمد لله ماوصلتش لكدا فى المجنون وصلت لربع المحفظه والحمد لله طلعنا بخير دى طريقتى اختى يمكن الرسك عندى عالى بس هى دى المضاعفات

يارب اكون قدرت اوصلك طريقتى
وشكرا اختى ليلى علي

علشان تعرف بس وشي حلو عليك ازاي هااههااهاها

المهم انت هربت من العزومة ههههههههههههههه

[ابــ آدم ــو]

علشان تعرف بس وشي حلو عليك ازاي هااههااهاها

المهم انت هربت من العزومة ههههههههههههههه

ازيك ياصحبى عامل ايه
اه بصراحه كانت احلى مكالمه منك
الحمد لله على كل شى
وبعدين هربت من ايه ياعم حدد فى اى يوم وكلمنى وانا تحت امرك ياباشا
ربنا يسلمك اخوى zelenko

[anwar3]

السلام عليكم
كلة مفهوم الا انك لاتشتغل باستوب لوز فهذا ليس جيد !!
الاستوب لوز حماية لراس المال قبل تحقيق الارباح ؟ حتى ولو كان راس المال مبلغ تافة !!
والله اعلم

[saly22]

الف شكر للاستاذ ابو ادم على هذا الحوار المثمر

وارجو ان لا نكون مضيفين متعبين هههههه

ولو مفيش تعب على حضرتك نترك موضوعك مفتوح لاستفسارات الاعضاء
وحضرتك ترد وقت ما تكون فاضى
ولك جزيل الشكر

والسلام عليكم ورحمة الله وبركاته

[ابــ آدم ــو]

السلام عليكم
كلة مفهوم الا انك لاتشتغل باستوب لوز فهذا ليس جيد !!
الاستوب لوز حماية لراس المال قبل تحقيق الارباح ؟ حتى ولو كان راس المال مبلغ تافة !!
والله اعلم

وعليكم السلام ورحمه الله وبركاته
فى الاول ازيك
بص لاحظ فى كل كلامى اول ماقول مضاعفات انبه انها لازم تكون مدروسه وانها خطر على اى حساب
بس خلينا نتفق احنا اكيد دخلين السوق هدفنا الاول الربح صح؟ وفى مثل بيقولك الى تكسب بيه العب بيه
صراحه عن نفسى انا الاستوب مانفعش معايا ابدا لكن المضاعفات الحمد لله الحمد لله ماشيه معايا تمام التمام
بدل فى تركيز وفى حساب للمضاعفات بالنسبه لراسمال عادى خليها على الله

ولمعلومك الحمايه لراسمال مش استوب وله مضاعفات الحمايه هى اماكن دخولك والكميه الى داخل بيه مقارنه بفلوسك
نفترض داخل باستوب وكل شويه بضربلى استوب طيب ماهو على المره العاشره راح الحساب
المهم اخ انور يوم تدخل تكون مقتنع بنقطه دخول وكمان تعرف ان لو عكس معاك ممكن يوصل السعر لفين وهل لو وصل لاخر انعكاس تستحمله ؟ وله لا

دى وجهه نظرى يابااشا
واسعدنى مشاركتك اخوى anwar3

[ابــ آدم ــو]

الف شكر للاستاذ ابو ادم على هذا الحوار المثمر

وارجو ان لا نكون مضيفين متعبين هههههه

ولو مفيش تعب على حضرتك نترك موضوعك مفتوح لاستفسارات الاعضاء
وحضرتك ترد وقت ما تكون فاضى
ولك جزيل الشكر

والسلام عليكم ورحمة الله وبركاته

وعليكم السلام ورحمه الله وبركاته
مساء الخير اختى سالى
لا بالعكس والله انا كمان استفدت تعرفت عليكم يمكن ناس كتير من الى شاركه محصليش الشرف وتكلمت معاهم قبل كدا فاكيد استفدت بمعرفتكم
ومعنديش مشاكل اى حد عايز يسال اى حاجه حاضر ان شاء الله
حابين تسيبو الموضوع مفتوح على طول ماشى حابيين تثبتو برضو ماشى هههههههه
وان شاء الله اى سوال اشوفه هرد باذن الله
تحياتى اختى

[MeshariWM]

بارك الله بك اخي ابو ادم على الاجوبه الممتعه بصراحه
وشكراً لك جداً

[صائد الفرص]

الشكر الخاص للاستاذ الكبير
ابو ادم
وكان لقاء جميل جدا جدا ومفيد
شكرا للاخت سالي والله يعطيك العافية
والكل الاحترام والتقدير للاستاذ الرائع ابو ادم
على الافادة الوافية والشافية
تستاهل تحية عسكرية فوركسية بعد المحاكمة
هههههههههههه

[قائد كتيبة]

والله حديث شيق من اخ عزيز جدا
وفكره جميلة جدا من الاخت سالي
ما قدرات الا امسي عليكم بالخيريارب

[ابــ آدم ــو]

بارك الله بك اخي ابو ادم على الاجوبه الممتعه بصراحه
وشكراً لك جداً

ربنا يخليك اخوى @Kir كلك ذوق والحمد لله ان اجباتى نالت رضاك
تسلم اخوى الغالى

[ابــ آدم ــو]

الشكر الخاص للاستاذ الكبير
ابو ادم
وكان لقاء جميل جدا جدا ومفيد
شكرا للاخت سالي والله يعطيك العافية
والكل الاحترام والتقدير للاستاذ الرائع ابو ادم
على الافادة الوافية والشافية
تستاهل تحية عسكرية فوركسية بعد المحاكمة
هههههههههههه

والله اخوى مش عارف اقولك ايه على كلامك ليا كلك ذوق صراحه
وانا يشرفنى معرفتك واخوتك ربنا يخليك ويكرمك ان شاء الله
انت راجل محترم وتستحق كل خير
ولو عندك اى سوال انا تحت امرك ياصحبى
تحياتى لشخصك الكريم اخوى صائد الفرص

[ابــ آدم ــو]

والله حديث شيق من اخ عزيز جدا
وفكره جميلة جدا من الاخت سالي
ما قدرات الا امسي عليكم بالخيريارب

ربنا يخليك ياغالى
يشرفنى اخوتك والله
اسعدنى مرورك الجميل بجمالك شخصك الكريم
تحباتى اخوى قائد كتيبة

[نوره]

تحياتي للجميع ,, ولأخي واستاذي ابو آدم
ماعندي اي اسئله ،، لكن حبيت اوجه له تحيه تقدير وأحترام
على مجهوده اللي استفدت منه بشكل كبير ويومي ،، ومن لايشكر الناس لا يشكر الله