نداء خاص للاداره .... احنا زهقنا

[مصطفى خالد]

معاك حق يا مصطفي معاك في فلترة المواضيع الغير هادفة لمصلحة الاعضاء العامة، وفلترة المواضيع التي لا تحتوي على نقاش جاد، فلترة المواضيع التي تضع توقعات بدون تحليلات وشرح كامل، هذه مكانها منتدى التوصيات التجريبي، ما كتبها صاحبها الا لطلب شهرة او ادارة حسابات،،،

هكذا ستكون البيئة مناسبة لطرح مواضيع قيمة، تهدف للمصلحة العامة، عندها قد يُفرز موضوع مثل الذي تكلمت انت عنه، والذي لم يأتي بعد، الكلمة فيه بألف كلمة مما سواه، واذا جاء لن يتحرك من الصفحة الأولى.

اديك امثله بسيطه

فىن النظام 1؟؟
فين ورشه المتيم؟؟
فين المواضيبع التقيله؟

كلهم بيرجعو فى الصفح الى ورا لصالح مواضيع تافهه ملهاش اى مغزى و لا طهم و لا اى حاجه

[مصطفى خالد]

المواضيع تدور في فلك محدد
توصيات
تحليل فني
استشارة
شرح مؤشر
استراتيجية
اخبار
اقتراحات
ولكل ماذكرة منتدى خاص
ولو اردنى ان نفلتر المواضيع المذكورة
لقلنا
توصيات منصة تداول
تحليل فني شارت
اشتشارة هذا هوه المشكل
مثلا يقول انا ارى اليورو الى 200000 ايش رايكم ويضيف كم كلمة مقنعة معها
شرح مؤشر بدون
استراتيجية شرح ومتابعة
اخبار المصدر
اقتراحات بدون
واصل ..........

العام المفترض يحتوى على ورش العمل
لو واحد عايز يسال على حاجه ينزلها فى العام و لما يتجاوب عليها تتنقل الاستفاسارت
اى استراتجيه و لما تترشح لو اتعملت ورشه تفضل و لو خلاص كده تتنقل الاستاتجيات
مواضيع متنوعه خبر مثلا هز السقو او تدخل
بس خلاص

انما المواضيع السبام تتحذف فورا الى متفيدش و لا اى حاجه او تحتوى على توقع بدون ادله
اما لو توصيه واضحه و صاحبها رافض يشرح تتنقل لاتوصيات

[مصطفى خالد]

عندك حق يا درش ...... المنتدى العام اي موضوع فيه لازم يكون معاه شرح للاسباب و لو معالي صاحب الموضوع ده شايف انها سر حربي مينزلوش احسن

تمام
المنتدى لتبادل الاراء و ليس ساحه حواه كل واحد يبهر الاخرين و بس كده بدون ما يشرح طريقته

[مصطفى خالد]

صحيح انا جديدة بالمنتدى
لكن المكان المترتب كويس
أؤيدك

انتى معتقده كده عشان معاشرتيش المنتدى من زمان زى حالاتى
فى مواضيع ملهاش اىمعنى فعلا و مناقشات سفسطائيه حوالين جدوى السوق
و اتجاهات العملات بجون ادله

تشبه الصم لما بيكلمو بعض
فى حين ان فى مواضيع قويه جدا جدا بتوه فى الزحمه

[مصطفى خالد]

وكمان فلترة المشاركات اللى فى وسط المواضيع اللى مليانة هزار زيادة عن اللازم
ولا تسمن ولا تغنى من جوع
انا عشان الاقى مشاركة مفيدة فى موضوع خبرتى دا مثلا حوالى كل 3 صفحات من كثرة الهزار والسلامات

ممكن مثلا
فى مواضيع ممكن الى فيها يتوه
و اكبر مثال خبرتى
موضوع فى منتهى القوه
بس مع احترامى للىف يه بيعامله كانه قهوه
صحيح مافيش مشكله على الاطلاق من الهزار شويه و نخرج من جو السوق
بس مش على طول

و مواضيع غيره كتير

[alameen911]

السلام عليكم ورحمة الله وبركاته

أخي مصطفى أؤيدك بشدة ولازم التركيز في اتجاه واحد لا لتشتيت لا للمداخلات الغير مفيدة والله كلامك من ذهب

[FLEX ZEE]

انا اقترح تثبيت مواضيع للمشرفين فقط تحليل الازواج الرئيسيه اما من ارادا ان يضع شارت او تحليل فلا مانع لكن حتى لاتضيع المواضيع المهمه اقترح ان يتم تثبيت المواضيع المهم مثل مواضيع المشرفه رانيا وجدي ورمضان غنيم وابو عادل والعاشق وغيرهم من مشرفين المتداول العربي وتكون محدثه باستمرار بدل ان يكتب المشرف في اكثر من موضوع ويضيع الموضوع مع تزاحم الموضيع هذا اهم شي اما من لديه شارت او تحليل فلا باس طالما انه يضع تحليل وشارت واذا فيه خطاء في الشارت او التحليل على المشرفين لفت انتباه واضهع التحليل او الشارت وبالتالي صاحب الموضوع يستفيد والقارئ يستفيد فقط

[mohamedhamdy27]

طيب الكل متفق على نفس النقطة يبقى انت يامصطفى تطلب نقل الموضوع لمنتدى الاقتراحات
وننتظر رد الإشراف والإدارة
ولا ايه رأيك

[mohamedhamdy27]

انا اقترح تثبيت مواضيع للمشرفين فقط تحليل الازواج الرئيسيه اما من ارادا ان يضع شارت او تحليل فلا مانع لكن حتى لاتضيع المواضيع المهمه اقترح ان يتم تثبيت المواضيع المهم مثل مواضيع المشرفه رانيا وجدي ورمضان غنيم وابو عادل والعاشق وغيرهم من مشرفين المتداول العربي وتكون محدثه باستمرار بدل ان يكتب المشرف في اكثر من موضوع ويضيع الموضوع مع تزاحم الموضيع هذا اهم شي اما من لديه شارت او تحليل فلا باس طالما انه يضع تحليل وشارت واذا فيه خطاء في الشارت او التحليل على المشرفين لفت انتباه واضهع التحليل او الشارت وبالتالي صاحب الموضوع يستفيد والقارئ يستفيد فقط

أخى المشكلة مش فى اللى بيحط موضوع بشارت
دول زى الفل
المشكلة فى الناس التانية اللى بتتكلم وخلاص ومواضيع ولا ليها أى لازمة
واللى يقولك أتوقع كذا بعد كام سنة
واللى يسأل عن حاجة مالهاش علاقة
وقس على ذلك الكثير

[مصطفى خالد]

السلام عليكم ورحمة الله وبركاته

أخي مصطفى أؤيدك بشدة ولازم التركيز في اتجاه واحد لا لتشتيت لا للمداخلات الغير مفيدة والله كلامك من ذهب

زى الفل
مش انا لوحدى الى مخنوق يعنى )

[مصطفى خالد]

انا اقترح تثبيت مواضيع للمشرفين فقط تحليل الازواج الرئيسيه اما من ارادا ان يضع شارت او تحليل فلا مانع لكن حتى لاتضيع المواضيع المهمه اقترح ان يتم تثبيت المواضيع المهم مثل مواضيع المشرفه رانيا وجدي ورمضان غنيم وابو عادل والعاشق وغيرهم من مشرفين المتداول العربي وتكون محدثه باستمرار بدل ان يكتب المشرف في اكثر من موضوع ويضيع الموضوع مع تزاحم الموضيع هذا اهم شي اما من لديه شارت او تحليل فلا باس طالما انه يضع تحليل وشارت واذا فيه خطاء في الشارت او التحليل على المشرفين لفت انتباه واضهع التحليل او الشارت وبالتالي صاحب الموضوع يستفيد والقارئ يستفيد فقط

تثبيت مواضيع للشمرفين
هايقتل كل مواضيع الاعضاء
لان الناس هاتدخل دايركت على موضوع المشرف و الباقى مش هايبصو عليه
و كده المشرف هايكون مميز اكتر و ده غلط

احن عايزين بيئه تفاعليه مش بيئه تميزيه او بيئه زى سوق كل واحد يقول اى حاجه

[ابــ آدم ــو]

السلام عليكم
صراحه راى ان الى يكتب موضوع لازم يكون عنده اقل شى 100 مشاركه بالشكل ده اى واحد داخل يعرض ادراه حسابات او اى كلام ملوش لازمه لما يعرف ان لازم يشارك 100 مشاركه هيزهق ويقفل الباب وراه
وحاجه تانيه ان لكل عضو موضوع او اتنين بالكتير يضيف فيهم كل جديده مش كل يوم يطلع بموضوع

وسلامتكم

[dawns_mist]

صعبة الفكرة دي يا مصطفى ..
طيب حاول تعملها انت كده معايير ..
هتقيسها إزاي ؟؟
غالبا قياسك هيكون معتمد على الرؤية .. و الرؤى صعب تتفق .. و كده ممكن أي حد من النصابيين فعلا يدعي إن الإدارة ظالمة و و .. و يكون معاه حق وقتها ..
و ممكن كمان موضوع مهم من أخ كل همه الإفادة يتحذف .. و كون ظلم ليه و لينا لإننا مش هنستفيد
و ممكن عضو جديد بحسن نية ينزل موضوع مخالف للشروط اللي هنتفق عليها .. و لما يشوف إنه موضوعه اتحذف يسيب المنتدى و يمشى ..
وممكن حاجات كتير أوي يا مصطفى ..
صعبه بجد ..

أنا فاهم وجهة نظرك و مقدرها .. و بتضايق زيك بالظبط لما أقعد كل يوم أفتح المنتدى و أدور .. مافيش مواضيع جديدة مفيده ، و اللي كان مفيد نزل 100 صفحة ..!!!

بس لو عايز تعرف العيب عند مين ..
العيب عندي أنا .. مش أنا لوحدي .. العيب عندنا كلنا .. بس لازم كل واحد يحس إن ده مسئوليته

المنتدى ده يعني عائلة كبيرة .. قاعدين على طاولة واحده اسمها المتداول العربي ..
و الكل بياخد فرص متساوية للتعبير ..

لو إحنا بجد عائلة واحده هدفها تكبر المنتدى ده و ترتقي بيه ..
يبقى لازم ناخد بإيد اللي فعلا بيساعد و بيحاول يفيد .. و نكبرله موضوعه .. و نعمل زخم عليه .. و نتابع يوميا
و اللي لاقينا إن مافيش من كلامه فائده مانسمعلوش ، ولا نرد عليه .. ولا حتى نقوله كلامك وحش
نسيب موضوعه يروح هو للصفحة الألفين .. و نهتم و نساعد المجتهدين ..و نكبر بيهم و معاهم

فكرتك جميلة .. و أنا بحب مجهودك ، و مشاركاتك ، و نشاطك ، و قلبك اللي فعلا مفعم بالولاء للمنتدى و المثابرة على مساعدة الناس
انت من الناس القليلة اللي نفسها إن الكل يطلع كسبان .. ربنا يبارك فيك و يزيدك علم ، و يزيد قلبك نور
و أنا عارف إنك مش هتزعل من كلامي ولا من رأيي .. لإني زيك نفسي برضه الناس كلها تستفيد و نكبر سوى
دي كانت وجهة نظري مش أكتر .. كتر القوانين بيضيع حقوق كتير و بيربي النصابين و بيخنق و يكهرب الجو
لكن لو على الأقل 20 % مننا بس ضميرهم صاحي دايما .. مش هتحتاج للقوانين الكتير دي ..

[saly22]

يمكن يا مصطفى ان الاداره سايبه الاعضاء براحتهم شويا دا الى مدى للمنتدى روح
هو اه فيه حاجات خصوصا التوصيات الى من ناس مش فاهمين الى ممكن يوقعو معاهم ناس دا لازم يكون ليه وقفه
لكن غير كده لازم الناس تحس فى المنتدى بحريه شويا
كلو بيروح منتديات كتير لكن متمسك بهنا خصوصا عشان الجو والروح الى فى المنتدى

[anwar3]

السلام عليكم
اعرف انك تقصدني
ولايهمك يامحترف تحليل فني انا لن اطول كثيرا في مواضيعي السخفية
فقط كم اشهر لقدام حتى تشاهدون كيف يمشي السوق ,, واريد ان اثبث لكم ان التحليل الفني ليس كل شئ في اسواق المال ؟؟ وبعدها ساخرج من المنتدى وساكون فقط زائر فقط للمنتدى وساحاول الا اكتب اي شئ يضايقك ؟
اهم شئ ان يكون لديك طريقة تكسب بيها طوال السنة وتزيد كفة ارباحك عن خسارتك !!
على العموم اذا فعلا موضوعي الاخير مضايقكم فيمكن للادارة اغلاقة .. وطبعا حسب توقيعي انا لست اساوي شئ قدام المحترفين في هذا المنتدى !!
والله اعلم