فكاهيات فى الجيش

[متيم اليورو]

[SIZE=4]فكاهيات فى الجيش .


وانا اجلس مع اسرتى فى هذا الصباح فى حديقة المنزل ونبدء فى تناول الافطار فى يوم اجازة جميل وطقس ممتع على غير عادة الدانمرك .... انفجرت من الضحك على غيرعادة وبدون اسباب لاسرتى.


وابنى الكبير 10 سنوات .... ابى ماذا حدث ؟؟ انت تضحك بعنف !!

وقصصت عليهم قصتى ايام الخدمة العسكرية فى مصر ... وهذة القصة لم تأتى على هامش ذاكرتى من زمن بعيد .... لكنها اتت هذة المرة وكأنها لوحة من الكوميديا الجميلة ....


اول يوم ذاهب الى مركز تدريب القوات البحرية بالاسكندرية .. وعلى باب المركز يسالنى حراس البوابة..


ما اسمك يا مجد ..... اسمى وائل.


الحارس .... ... نعم يا بابا ,,, وائل .


انا .... نعم يا فندم ... وائل,,,, .

الحارس ..... طيب يا حبيبى ... انت جاى لوحدك ولا جايب بابى ومامى معاك .... ادخل ... ادخل .. عشنا وشوفنا وائل فى الجيش ,, ربنا يستر .




ودخلت وقسمونا الى سرايا طبعأ بعد عذاب.. وكنا فى السرية التاسعة 100 جندى.. فى السرية لابد ان يعطوك رقم بدل اسمك ... ويوقفوا ال 100 جندى الجدد فى طابور لساعات ويعطوا لكل واحد رقم ولابد من ترديد الاسم مع الرقم بصوت عالى لكى تتذكر رقمك ....


الصول ( كبير المعلمين* ... قولوا الاسم والرقم يتبعة بصوت عالى والا حخلى حياتكم زى وشكوكم ... وهذا الصول كان منظرة وشنبة مرعب فعلا .


العسكرى الاول ... محمود رقم 1 .... العسكرى الثانى ابراهيم رقم 2 ...... العسكرى الثالث عبد الجبار رقم 3 ............................... العسكرى رقم 17 وائل ....



الصول ...... بس بس انتظروا ياتحف .... انا سمعت رقم 17 و جانبة اسم غريب .... العسكرى 17 يجمع وياتى الى هنا بسرعة .


انا ..... ربنا يستر ... فعلا هذا الرجل منظرة مرعب وغيرطبيعى بالمرة .


الصول ... انت رقم 17 ... لكنك قولت حاجات غريبة بعد الرقم ... ماذاهذا يا هذا .


انا وانا مرتعب .... بالله يا فندم انا ما قولت شئ الا اسمى وائل .


الصول .... ماهى دى المشكلة .... وائل ... ياحبيبى ... ياحنين .... لية كدة ... يعنى احنا ناقصيين ... وبعدين من اية وائل دة ..... حسيت باية لم حصل...... واعراضة اية .... وبعدين منتاش مكسوف وانت بتقول وائل..... ادخل الطابور تانى يا تحفة ... اليعيش يشوف اكتر ... مهو بقا زمن مهبب .


انتهيت من مركز التدريب ... وذهبت الى وحدتى على احدى السفن الحربية وعند دخولى لبوابة اللواء التى ترسو السفينة على شواطئ ... فقابلنى صول البوابة للتحقيق من شخصيتى لانى جديد ويجب مرورى الى السفينة .

اسمك ورقمك يا عسكرى


انا ..... اسمى وائل ورقمى .....,, يا فندم .


الصول ........ هههههههههههههههههه..... وائل .... هههههههههه ..... ما كانوا اعطولك اعفاء من الجيش يا وائل .... علشان ما يحصلش فى الجيش فتنة .... ونرتاح من اشكلكم ..... ادخل يا عسكرى الى السفينة .... بس بالله عليك لا تقل لاحد اسمك حتى تصل الى السفينة بامان ..... هههههههههههه .... داتكو القرف .... عساكر اخر زمن .... وانا سأتصل بالصول بتاعك على السفينة وابشروا بقدوم المولود السعيد وائل .



فى السفينة .....


4 صولات منتظرنى ليضحكوا .....


الصولات .... اهلا بوائل ...... ههههههه ... يعنى احنا عملنا فيك علشان تعمل فينا كدة .


انا .... انا عملت اية يا فندم .


الصول ...... دا انت فضحتنا بين جميع الوحدات .... وبعدين انت حتعمل اية لو دخلنا حرب واليهود اسروك ... حتقول لهم اسمك وائل وتضيع سمعة الجيش المصرى بين الدول .... بعدين انت حتقول لاولادك اية فى المستقبل دا اذا فى واحدة ست قبلت بك وانت وائل كدة ..... وارجوا منك ان تعوض النقص فى اسمك فى اسم ابنك .... يعنى تسمية عبد الجبار وائل ..... وبعدين انا بدعى ربنا الان ان الموقف ما يطور ويجلى عسكرى بعد فترة اسمة هيثهم او تامر .... ساعتها اسيب الجيش بعد 35 سنة .



قصة حقيقية.[/SIZE]

[المناهل]

انت احسن منى بكثير

انا خريج هندسة وحولونى الى المستشفى العسكرى بعد الدورة ولما اعترضت قالولى نفذ نفذت وكنت اقعد جنب الممرض اناوله العدة الى ان اتممت سنتين هذا فى الكويت
احمد ربك وبوس ايدك وش وقفا اذا كان الموضوع على وائل تهون

[عبده المصرى]

ههههههههههههههههههههههههههه
اضحك الله سنك يا وائل

[teto]

وائل من احلى الاسماء فى مصر ومصر كلها دلوقتى وائل والاسم مش مهم المهم اللى شايل الاسم

[حسن السيد]

الحمد لله اللى هى جت على قد وائل ...... ومكنتش تامر كانت تبقى مصيبه
مع ان الاسمين لذاذ ويدلو على الابهه
تحياتى لك ياستاذ وائل

[متيم اليورو]

وائل من احلى الاسماء فى مصر ومصر كلها دلوقتى وائل والاسم مش مهم المهم اللى شايل الاسم

يبقى مفيش حد بيدخل الجيش الان ... والا عبدة الجبار يبقى اسم شاذ الان .

[متيم اليورو]

وائل من احلى الاسماء فى مصر ومصر كلها دلوقتى وائل والاسم مش مهم المهم اللى شايل الاسم

المهم الشايل الاسم ؟؟؟؟

طولى 1,90 سم وعريض المنكبين وراجل قوى ... ولكن الاسم كان ايامها توتو خالص .

[amir]

تعرف يا استاذ وائل ان فعلا حاجة تضحك بس في ظاهرها لكن لو بصيت للباطن اعتقد انها حاجة تحزن جدا جدا ودا يدل علي مدي الانحدار اللي وصلنا له تخيل ان الناس بتحكم عليك من مجرد اسمك اللي انت ملكش اي ذنب في اختيارة واللي هيفضل لسنين وسنين طويلة لبقيت افراد اسرتك , وقيس علي كدا كل حاجة , طبعا لو بتتعامل مع واحد لابس بدلة او متعلم تعليم كويس ممكن تتكلم معاه باحترام وحتي لو كان حرامي كبير لكن لو واحد غلبان ومش متعلم ممكن نديلة بالجزمة رغم ان الصحيح الغلبان دا اللي محتاج الناس تتعامل معاه كويس بس عايز اسالك سؤال وتجاوب بأمانة طبعا عندك دلوقت ميعرفوش معني اسمك بس هل ممكن يحصل حاجة زي دي هناك , وانا بصراحة بيعجبني جدا ان الشعوب المتحضرة بتتعامل علي مبدأ to be not to have

[teto]

يبقى مفيش حد بيدخل الجيش الان ... والا عبدة الجبار يبقى اسم شاذ الان .

ههههههههههههههههه
اضحكتنى يا اخى
انا قصدى ان الاسماء دى متداولة دلوقتى وان كان عبد الجبار ولا تامر ولا حمادة دى اسماء احنا ما اخترناهاش بس المهم صاحب الاسم مش الاسم

[teto]

المهم الشايل الاسم ؟؟؟؟

طولى 1,90 سم وعريض المنكبين وراجل قوى ... ولكن الاسم كان ايامها توتو خالص .[/COLOR]

اخى المتيم تيتو مش توتو

اعزك الله

[BahraiN]

هههههههههههههههههههههههههه قصة رائعة

[المناضل]

الله يعطيك العافيه على هذه القصه

[خزائن ربك مملؤه]

ههههههههههههههههههههههههههههههههه اهو اتحققت نبؤه الصول وجالك هيثم وتامر ......... هيثــــــــــــــــــــــــــم شاكر وتــــــــــــــامر حسني


هههههههههههههههههه والله يا خي فطستني وسخسختني من الضحك لان فيه واحد صاحبي اسمه وائل (وبقوله وائل ليه ما تقعد (واقف ليه ما تقعد) كان وراجع من الجيش شايل الشنطة ولسه كنت معاه من يومين واستلمناه استلام

تسلم حبي على الموضوع الشيق يا غالي