استراتيجيه المعادلات الجبريه لحل المضاعفات المركبه(الفئة الأولى)

[a7med920]

السلام عليكم ورحمه الله وبركاته

دمت بخير وحياكم الله جميعا

مقدمه طويله ولازم أقولها

الطريقه يستخدمها 5 اشخاص فقط فى العالم عكفوا على حل مشكله المضاعفات والنتيجه

اللهم لك الحمد والشكر أكثر من 240 ألف دولار أرباح تم سحبهم والورق والمستندات موجوده واكرر كل شيئ موجود ومش محتاجين بفضل الله اننا نثبت كلامنا لحد

عشان محدش يقول جاى يضحك علينا

الموضوع دا ياريت محدش يفتكره دعايه للادارات بل بالعكس الطريقه معاكم ونظره واحده فقط للنتائج ستتعلموها بكل سهوله ووضوح ويسر والنيه واضحه والدليل اليوزر والباسوورد اطلعوا على النتايج وتعلموا الطريقه

بعد الطريقه دى أنا قولت باى باى للفوركس.....
أنا مش حشرح الطريقه انا معنديش وقت أشرح لكن حجاوب على الاسئله لاى شخص اجتهد وجاب نتايج كويسه واعذرونى والله حتى دخولى المنتدى قليل جدااا

النتايج اللى بين ايديكم دى 20 الف دولار ربح فى حوالى 8 أيام عمل فقط!!!
من بدايه رأس مال 50 الف

ملحوظة مهمه جداا يجب الانتباه لها
الطريقه دى هى الفئه الاولى يعنى مستخدمين فيها المضاعفات العاديه بنت الـ... اللى كلكم بتكرهوها وهى
1-2-4-8-....

أما الفئه التانيه والتالته اللى بصراحه احنا طورناها مفهاش أى مضاعفات يعنى زى ما حتبتدى زى ما حتنتهى
يعنى لو اللوت الاول1 اذن حتمشى 1-1-1-1

ياجماعه أنا والله العظيم ما فاضى أهرش يعنى أنا مش حكمل على الحاساب الديمو الا لو حد تانى كمل عليه من الأخوه اصحاب الطريقه ووالله انا اشتغلت على الديمو دا تلبيه لطلب ناس اعضاء كرام هنا وتوقفت لعدم التفرغ

يعنى عشان ميجيش حد يقولى ان نتايج اسبوعين مش كفايه والكلام الفاضى دا
انا ولا بختبر مؤشر لولبى ولا كوكبى ولا دورانى ولا بعد تالت وخامس وزمن واستوك واستوب واستمر

انا شغال زى ما قولت زمان ومحدش فهمنى إن
واحــــــــــــــــــد + واحــــــــــــــــــــــد = أتــنــيـن

وحفضل اقولها طول عمرى ان
واحــــــــــــــــــد + واحــــــــــــــــــــــد = أتــنــيـن
واللى مصدق الطريقه وفهمها يتكل على الله يشتغل بيها من اول دلوقتى مش بكره متستناش
الدنيا طلعت نزلت اتذبذبت رقصت أنت كما انت وحسابك بيذيذ

الطريقه ملهاش اكسبيرت ولكن بنستخدم اكسبيرتين تلاته لوضع الاوامر المعلقه والاغلاقات والكلام دا يعنى اكيد
ممكن تلاقى لوت كبير اوى وتم مسحه هو محطوط فقط عشان الاكسبيرت بيرص الرصه دى لكن هو اكيد بيتمسح فى الاخر بعد ان تكتمل المعادله ودا الطبيعى

مثال لو لقيتوا اللوت رقم51.2 يعنى النقطه ب 512 دولار دا طبيعى من وضع الاوامر باكسسبيرت عادى من بتوع زمان انما اكيد مش حيتفعل وحتى لو تفعل حيكون لدواعى امنيه وعند نقاط محسوبه بالمللى ثانيه

ياجماعه الموضوع دا حصرى ولاول مره ينشر ولا أجانب يعرفوه ولا عرب ولا حتى اليابانيين بس عشان اثبت لكم ان المخ المصرى لسا بخيره

اترككم مع اليوزر والباسوورد
Login : 400124
Password : D5SO3IQ7

المنصه أف اكس سول

[a7med920]

تعالوا نفهم بقى يعنى ايه معادلات جبريه ويعنى ايه مضاعفات مركبه
يتبع

[a7med920]

المعادلات الجبريه او الحسابيه هى التى تكون فى متغير واحد او اكثر
يعنى س -ص-ل-م- وهكذا
ونقوم بحل عدد من المعادلات يساوى عدد المتغيرات

[a7med920]

من الاخر انت فى حاجات كتير او متعرفهاش زى ايه؟

زى التارجت واللوت والبدايه والنهايه والبيع والشرا
يعنى لو رمزنا للبيع برمز ب والشرا برمز ش

يبقى عندنا ب - ش متغيرات
وكذالك حجم لوت البيع وحجم ولوت الشراء

[a7med920]

لما نحدد كل المتغيرات اللى عندنا حنحطهم فى شكل معادلات صحيحه

يعنى ايه صحيحه؟؟ يعنى اانا حقول مثلا لو اشتريت لوت شرا دلوقتى وحقفله بعد 10 نقاط يبقى انا كسبت 100 دولار
اذن
1ش(10ن)=100

حيث ان (ن) يرمز للنقطه
اى شرا واحد فى عشره نقاط يساوى 100 دولار ولكن هل المعادله دى صح ؟؟؟
يتبع.......

[a7med920]

المعادلة ياباشاوات غلط
وهو دا اللى مبوظ اى حاجه نظرى

عارفين دايما الاستراتيجيات النظريه تبقى حلوه اوى اوى على الورق

لكن حتيجى تجربها تلاقيها فاشله فشل زريع
أول غلطه هنا انك محسبتش الاسبريد واخدته فى عين الاعتبار

وبالتالى المعادله الجديده حتكون بالشكل دا

1ش( 10ن+ س ) = 100
أى لو رمزنا للاسبريد بالرمز س وانا حبيب قلبى اليورو ين وعندى فى المنصه الاسبريد 4
اذن س = 4

طيب مدام انا عارف ان الاسبريد يساوى 4 ليه عملته متغير ؟؟

لان دى معادلات ويختلف الاسبريد من عمله لعمله فيجب ان تكون متغير يحسب اتوماتيك بمجرد التعويض فيه بقيمته

[a7med920]

هل المعادله فى المشاركه السابقه صحيحه أم تحتاج الى تعديل
انتظر ارائكم وياريت

اللى عنده كلمه ملهاش لازمه يفكنا ويروح اى منتدى تانى

[houssem1012]

المعادلة ناقصة ..... قيمة النقطة

[houssem1012]

فتصبح 1ش(ل)( 10ن+ س ) =100 // ل = قيمة النقطة = 10

[a.haider]

معادلة سليمه
تدخل امتى وتخرج امتى بقى

[a7med920]

فتصبح 1ش(ل)( 10ن+ س ) =100 // ل = قيمة النقطة = 10

النقطه ليس لها قيمه
القيمه فى اللوت الذى يساوى 1 لوت
معادلتك خطأ
فكر مره أخرى