كشف حساب لطريقة العمل بالقناة الثالثة لهذا الشهر

[Mo3Ty]

السلام عليكم
كما وعدتكم اليوم صباحا سوف احدى حساباتي اللايف لهذا الشهر بالعمل بطريقة القناة الثالثة وسبب وضع هذا الكشف عدة اسباب:-

1- اظهار قوة العمل بطريقة القناة الثالثة

2- تاكيد لبعض المشككين الى بيقعدوا يقولوا ان اصحاب الاستراتيجيات دول مبيكسبوش اصلا وانهم بيضحكوا على الناس مع اني مشعارف حستفاد ايه لما اضحك على الناس هو احنا حنبخد فلوسكم الى بتخسروها فى جيبنا

3- لاظهار قوة الاستوب لان بعض الاخوة المحترمين بيقولوا ان الستوب هو محرقة الحسابات فى الفوركس وان التعزيزات هي الحل حتشوفوا فى التقرير ان عدد الاوردرات بالسالب هما 3 اوردرات فقط اقصى خسارة فيهم كانت -23 مع العلم انه لم يضرب الستوب وانا الى اغلقته بايدي عشان حسيت وقتها اني كنت داخل غلط
مع العلم لا اشكك فى العمل بالتعزيز فلكل شيخ طريقة المهم ان كل شيخ يكسب بطريقته

4- زى ما حتشوفوا فى التقرير ان تم اغلاق معظم الاوردرات يدويا فلم يوصل للهدف او الستوب وذلك لاؤكد للكل ان العمل في الفوركس محتاج ليونة شديدة فى التعامل وعدم معاندة السوق ونقول لا لازم ننتظر يوصل للهدف او يوصل للستوب فلو ظهرت اى بوارد انعكاس فالخروج وقته هو الافضل وعدم معاندة السوق

5- انا عندي حسابين واحد شغال بيه صفقات الي شايفها مضمونة والتاني شغال بيها اى صفقات بشك فيها عايز اقولكم ان الحساب الى قدامكم ده حساب الصفقات المضمونة وده كنت ملتزم قدام نفسي اني مدخلش اكثر من اوردر فى نفس الوقت لازم اقفل اوردر عشان افتح تاني ولو وجدت ايام فيها قلق مكنتش بشتغل عليه
اما الاوردر الى كنت بشتغل بصفقات كثيرة فده ادبل ولله الحمد مرتين ونصف ودده كنت بدخل فيه ساعات 4 اوردرات فى نفس اللحظة و لما يتقفلوا بدخل غيرهم مدام قدامي فرصة لدرجة ان فى يوم الاسبوع الى فات ادبل الحساب مرة ونصف وكنت كاتب هنا كدة ولكني الصراحة وبعد هذا الشهر المتعب بالنسبالي قررت اني اشتغل بطريقة الصفقات المضمونة مع ان مكسبها اقل بس الصراحة اكثر راحة ومبتتعبش نفسيا ولا تخليك متشتت لانك بيبققا قدامك 4 اوردرات بتختار واحد منهم بس وهو الافضل من حيث المعطيات لذلك انصح الاخوة المتابعين معايا بعدم الطمع ودخول صفقة واحدة او صفقتين بالكتير فى نفس اللحظة حتى لو ده حيكسبك اقل بس حيريحك والله فى الاخر نفسيا

اخيرا اسف على الاطالة .مع العلم اني لم اضع هذه المعلومات للتكبر او اى شئ بل لان ممكن يدى امل ويشجع ناس ويديهم فكرة جديدة للعمل بها فى الفوركس واخد ثوابهم


ونلتقي الشهر القادم

[engineer ahmed]

يا معطي يا جامد يا حبيب الملايين
طريقنا أخضر يا باشا بس متسافرش وتنسانا بقي
مستنينك ترجعلنا في بيتنا هناك

[حيدر علي]

مبروك الارباح يا عزيزنا عبد المعطي انت مجتهد وتستحق هذا الربح بجداره

[Forexsawy]

ممتاز و بالتوفيق مع اني مشتغلتش قبل كدة على 3 قنوات بس كدة ممكن اجرب
و مبروك تاني ..

[ahmedelbanna]

بسم الله ماشاء الله عقبال مايبقى 5000 ان شاء الله

[قدوري محمد]

لا تتقلق وتضاعف العقود اتركها على عقد ميني لوت كويس وتاجر بيها كذا شهر و ربح دائم ان شاء الله

[mr pirate]

الف مبروك يا أحمد و ربنا يرزقك أكتر من فضله ان شاء الله

[ahmedphen0m]

الف مبروك يا معلم معطي
لما انزل اسكندرية الغدا عليك كدا هههههههههههههه

[داي ترايدر]

ألف مبروك أخي معطي و ماشاء الله تدبيلة
دايما أخضر باذن الله ولا شك أن القناة الثالثة طريقة جيدة
تحياتي

[koja]

مبروك اخي الكريم،
انت انسان محترم و تستاهل كل خير.

هو الاخ لي في الصوره حظرتك و لا ايه،

[نور الدين محمد]

الف مبروك

[Mo3Ty]

شكرا ليكم ياشباب
وان شاء الله طريقكم اخضر دائما

[Mo3Ty]

لا تتقلق وتضاعف العقود اتركها على عقد ميني لوت كويس وتاجر بيها كذا شهر و ربح دائم ان شاء الله

تسلم اخي الكريم قدوري على النصيحة
وفعلا ده طريقة عملي شهريا والاعضاء القريبة مني او الى بتسالني على طريقتي فى ادارة راس مال بقولها دائما ان طريقتي شهريا
الدخول بالكتير 7% من الحساب وحسابي بدايته 500 دولار شهريا اسحب الارباح الزائدة عن 500 وابدا كل شهر من جديد بنفس الرقم وهو 500 دولار وبنفس ادارة راس المال ونفس العقد ولا انوي زيادة العقد الا بعد فترة لا تقل عن سنتين
فانا ماشي فى الفوركس زى ما كاتب فى توقيعي
(( الـقنـاعـة كـنـز لا يـفنـى))
(( الـطـمـع يـقـل مـا جـمـع))

[قاهر السلاطين]

بدوون زعل واعتبروها دعابة
(( اذا بتعب ثلاث شهر على 500 دولار اروح ابيع بصل احسن ))

[Mo3Ty]

بدوون زعل واعتبروها دعابة
(( اذا بتعب ثلاث شهر على 500 دولار اروح ابيع بصل احسن ))

لا ياباشا مفيش زعل طبعا ده رايك وعليا ان احترمه
كل الموضوع انها بتختلف من شخص لشخص حسب رؤية كل شخص لهذا المبلغ
شخصيا ارى هذا المبلغ جيد لى جدا لسبب فرق العملة للجنيه المصري والمصريين حيفهموا قصدي كويس
الدولار = حوالى 6 جنيه يعني المبلغ ده عاملي 3 الاف جنيه مصري لو انا لقيت شغل فى مصر عندنا دلو لقيت اصلا فمستحيل اقبض المبلغ ده الا بعد شغل 10 سنين

فالحمد لله انا بقالي اكثر من 6 شهور الان كل شهر تدبيلة او اثنين بعقد ميني واحد
ومع الوقت والخبرة حزود العقود وحيزيد المبلغ زى اى شغل
بس الصبر جميل ومينفعش اتسرع عشان ميتقلبش المبلغ الى بيجيب بصل الى مارجن

و بدوون زعل واعتبروها دعابة
(اتمني نشوف كشف حسابك الى بيجيب ليموزين)
تقبل تحياتي
اخوك
+معطي+