طلب مؤشر سهل جدا و غريب جدا

[zelenko]

السلام عليكم

فضلا من الاخوة المبرمجين و خاصة مستر دولار صناعة هذا المؤشر

الفكرة ::

احيانا الواحد بيسيب صفقاته و ينام و ما يحطش ستوب او تيك بروفيت و لكن بيحط تنبيه عند اسعار معينة بحيث السعر لو وصلها يعطي اليرت و الواحد يصحي من النوم و يشوف ايه القرار اللي هيتخذه


بس افرض يا جميل و انت نايم النت فصل او سيرفر الشركة وقف او شركة النت حصل فيها عطل

طبعا ممكن يحصل كوارث و تصحي سيادتك من النوم تلاقي الدنيا خربانة علي الاخر


طب ايه الحل


الحل : نعمل مؤشر وظيفته انه لما يمر وقت معين احنا بنحدده و السعر يفضل ثابت و ما يتحركش و لا بيب يقوم المؤشر يدينا تنبيه و طبعا من الصعب ان العملة مثلا تفضل متجمدة دقيقتين مثلا من غير ما تتحرك و لا بيب الا لو كان فيه مشكلة في الكونكشن

اذن هذه فكرة المؤشر و ياريت يكون فيه 3 متغيرات

1- عدد الثواني : و فيه نضع عدد الثواني التي لو مرت و لم يتحرك السعر يشتغل التنبيه

2- عدد مرات تكرار التنبيه

3- اختيار الملف الصوتي للتنبيه : بحيث نقدر نضيف التنبيه اللي احنا عاوزينه لان الاليرت بتاع الميتاتريدر ممكن ما يصحيش الناس اللي نومها تقيل زيي


و السلام عليكم و رحمة الله و بركاته

[MAMDOH111]

فكرة رائعة يا دكتور zelenko

ولكن ياغالى

أنت قلت لو النت فصل أو سيرفر الشركة توقف تريد أن يعمل المؤشر

مش حينفع ياباشا لأن المؤشر ساعتها لن يعمل

ولا ايه رايك يا دكتورنا الغالى وخبير استراتيجية ( خبرتى )

[zelenko]

فكرة رائعة يا دكتور zelenko

ولكن ياغالى

أنت قلت لو النت فصل أو سيرفر الشركة توقف تريد أن يعمل المؤشر

مش حينفع ياباشا لأن المؤشر ساعتها لن يعمل

ولا ايه رايك يا دكتورنا الغالى وخبير استراتيجية ( خبرتى )

يا باشا المؤشر بيشتغل لما السعر يظل ثابت لفترة انا احددها و اعتقد مش هاتفرق معاه السيرفر بتاع الشركة او النت قطع لانه مش شغال علي اساسهم

زي المؤشر اللي بيديك و قت انتهاء الشمعة كل ما السعر يتغير يديلك الوقت المتبقي لانتهاء الشمعة و لو النت قطع بيفضل واقف علي اخر وقت هو سجله

[sa3id2008]

هوا في حل بدل المؤشر يا رب يعجبك انتا تحط النغمه دي في المسار ده
C:\Program Files\MetaTrader 4 \sounds
هيقول استبدال اضغط نعم
الفكره ببساطه انك تشوف اي نغمه عاليه وتكون wav وتقوم عامل اعاده تسميه ليها بالتغمه داخل الميتاتريدر اللي عاوز استبدالها بس
وبكده اول ما النت يفصل هتشتغل التغمه دي ويا رب الجيران هما اللي ميصحوش هههههههههههه

[zelenko]

هوا في حل بدل المؤشر يا رب يعجبك انتا تحط النغمه دي في المسار ده
C:\Program Files\MetaTrader 4 \sounds
هيقول استبدال اضغط نعم
الفكره ببساطه انك تشوف اي نغمه عاليه وتكون wav وتقوم عامل اعاده تسميه ليها بالتغمه داخل الميتاتريدر اللي عاوز استبدالها بس
وبكده اول ما النت يفصل هتشتغل التغمه دي ويا رب الجيران هما اللي ميصحوش هههههههههههه

فكرت في الفكرة دي بس المشكله انه ساعات البرنامج بيفصل ثانيتين تلاتة و يرجع تاني

و دي بتحصل كتير اعتقد مع كل الناس فمش معقول كل شوية النغمة دي تزعجنا هاهاهاها