بعض الاسئله عن تجارة الذهب بدون وسطاء ..

[kareem khalil]

أي مساعده لو سمحتوا

[رانيا وجدي]

يا جماعة أنا نزلت دلوقتي لجوهرجي جنب البيت بتاعي في مصر الجديده وبعدين الي لأ أنت عشان تتاجر في الذهب لازم تروح تفتح مكتب في الصاغه الي في الحسين وبعدين قال لي أن السعر الي بيكون موجود على النت مش هو الي بنمشي بيه وبعدين قال لي أن السعر لا يقل بيزيد على طول أنا بصراحة مش فاهم حاجة يعني دلوقتي أنا لو معايا جنيه ذهب ونقول أن سعره الان 100 جنيه وبعد يومين سعره اصبح 120 جنيه فـبعته المفروض دلوقتي لما اجي اشتري اشتري بسعر اقل من 120 جنيه فهل هو بنزل فعلا ولا آه ؟؟؟؟ ارجوكم الافاده وبعدين أنا لو هبيعه هبيعو عند أي محل ذهب ولا في مكان معين شكرا لكم

اجابتك تحتاج شخص تعامل بنفس الطريقة للأسف ليس لدي خبرة في هذه النقطة لأني لم أجربها ولكن قرأت منذ فترة طويلة موضوع يتحدث عن التجارة في الذهب الكسر والجنيهات الذهبية وكان فيه مشاركات للأستاذ عبده المصري حسب ماأذكر سوف أحاول أن أبحث لك عن هذا الموضوع ربما يكون مفيد ان شاء الله ,
وأتمنى اذا أحد الإخوة له خبرة أكثر يفيدك

تحياتي وتقديري

[ابــ آدم ــو]

يا جماعة أنا نزلت دلوقتي لجوهرجي جنب البيت بتاعي في مصر الجديده وبعدين الي لأ أنت عشان تتاجر في الذهب لازم تروح تفتح مكتب في الصاغه الي في الحسين وبعدين قال لي أن السعر الي بيكون موجود على النت مش هو الي بنمشي بيه وبعدين قال لي أن السعر لا يقل بيزيد على طول أنا بصراحة مش فاهم حاجة يعني دلوقتي أنا لو معايا جنيه ذهب ونقول أن سعره الان 100 جنيه وبعد يومين سعره اصبح 120 جنيه فـبعته المفروض دلوقتي لما اجي اشتري اشتري بسعر اقل من 120 جنيه فهل هو بنزل فعلا ولا آه ؟؟؟؟ ارجوكم الافاده وبعدين أنا لو هبيعه هبيعو عند أي محل ذهب ولا في مكان معين شكرا لكم

شوف اخوى
لو هتشترى وتبيع اشترى جنيهات دهب لان مابيتحسبش عليها مصنعيه
اما موضوع مابنخدش بسعر السوق ده كداب وعلى طول تسيبو وتمشى
مع نهايه كل يوم فى السوق تشوف الاونصه فى الدهب كام وده سعر الدهب بكره
يعنى الجمعه قفل الاونصه على 1882 دولار يبقا الدهب يبقا بالسعر ده لحد يوم الاتنين نص ليل ويوم الثلاثاء السعر الدهب يبقا اغلاق الاتنين فهمنى

المهم غالبا لو هتبيع هما بينقصو اتنين جنيه عن السعر الحقيقى وزى ماقلتلك السعر بيتجدد مع نهايه واغلاق يوم

نيجى بقا ازاى نحسب سعر الجرام

سعر الاونصه * سعر الدولار اليوم مقسوم على 36( عيار 21
يعنى الجمعه الاونصه 1882مضروب بسعر الدولار 5.95 مقسوم على رقم 36 = سعر الجرام اليوم بيع او شراء من غير مصنعيه تقريبا 311 جنيه مصرى

ملحوظه لو دهب عادى مش لازوردى او دماس المصنعيه تقريبا 30 جنيه على الجرام

[kareem khalil]

أنا شاكر جدا لحضرتك ولكم كلكم بس أنا معلش آسف عندي استفسار صغير :::

احنا بنمشي بانهي سعر في اللي موجدين في الصورة الي متعلم عليها صح ولا انهي ...

الموقع إللي في الصورة هو :: http://www.kitco.com/market/

شكرا لكم بجد أنا مش عارف والله من عركم كنت هاعمل إيه ,, شكرا من كل قلبي

[ابــ آدم ــو]

أنا شاكر جدا لحضرتك ولكم كلكم بس أنا معلش آسف عندي استفسار صغير :::

احنا بنمشي بانهي سعر في اللي موجدين في الصورة الي متعلم عليها صح ولا انهي ...

ولا الهاى ولا اللو
اخوى بنحسب الاغلاق يعنى اغلاق كل يوم بعد الساعه 12 بتوقيت مصر
تشوف السعر كام وتحسب عليه

[kareem khalil]

ايوة أنا معاك فين بقى السعر اللي حضرتك بتقول عليه يعني في مصر مش أنا بشوف كام في البورصة وبعدين باحواله فـأنا مش عارف أنا اسف والله بس أنا كنت عايز

معلش يعني حضرتك بتفتح موقع زي الموقع ده http://www.goldpricedata.com/gold-prices-in-egypt.php وبعدين بتشوف في مصر بعد الساعة 12 بليل السعر كام وبتقوم حسب صح .. ولا إيه

[ابــ آدم ــو]

لا اخى انا عندى على المنصه وندسور موجود الدهب فبعرف اغلاق اليوم منه كام
ممكن حضرتك تنزل منصه وندسور هتلاقيه فيه

[kareem khalil]

الي موجود في الصورة دي ؟؟؟ صح ؟

[ابــ آدم ــو]

الي موجود في الصورة دي ؟؟؟ صح ؟

يانهار ابيض اللقطه دى تقريبا من قبل 2008 هههههههههههههه
ايوه اخوى بالظبط هى دى مع اغلاق كل يوم تقدر تعرف السعر الى تشتغل عليه

[kareem khalil]

2008 ازاي ده أنا لسة منزل البرنامج دلوقتي حالا هو أنا لازم أعمل حساب وكده ولا إيه ؟

[kareem khalil]

مفيش حاجة اسهل من كده بشويه

[ابــ آدم ــو]

حبيبى اعمل حساب ديمو على وندسور وهتظهرلك
ولو مش هتعرف قول

[kareem khalil]

طب معلش هو الاغلاق الي هو ask ولا bid ؟؟

[ابــ آدم ــو]

bid اخوى اول رقم من الشمال

[kareem khalil]

ممكن اسال حضرتك سؤال هو حضرتك بتجر في الدهب عن طارق شركات الوساطه ولا عدي وآه الفرق ....