185 نقطة في شمعة واحدة ولسه ما كملت يا للهول

[خزائن ربك مملؤه]

السلام عليكم ورحمه الله وبركاته

والله مجنون والف مجنون شمعة واحدة وصلت 180 نقطة واكثر

طول اليوم راقد ومستكين ومستأنس و اذ فجاءه يركب الفلاي ويقول باي

والله صدق الباوند انه من فصيلة المجانين الروشين المدروشين وخريج عنبر العقلاء بالسراية الصفرا بالعباسية

سامحوني فتحت الموضوع علشان نتعظ

للاتعاظ لابد من وجود الستوب يا جماعه الخير لو كان التفكير في النزول وواخد شورت ولابد ان نتابع الشاشة لملاحقة الربح لو داخل باي لان الربح اليوم غير عادي وفي دقائق

ونشوفكم بالف خير

[masrawy]

ولسه ... ولسه

واستنى اليابانى بالليل عشان يكمل الليله الحلو دى

[حسن السيد]

ماشاء الله الفراعنه كلهم هنا
ان شاء الله تكون استفدت من تلك الحركه ياصاحب الخزائن المملوءه بالعطاء وكرم الفراعنه
وانا معك ياخ مصراوى بليلل هتبقى مجزره يابانيه يناويه ان لم تحدث فى الفتره الامريكيه الان نتيجة لاهمية اخبار اليابان التضخميه اليوم عشان تزيد الطين بله والله اعلم
بعد ان دق برنانكى المسمار الاخير فى نعش الدولار
تحياتى ياغالى

[masrawy]

انا شايف ان المجزره حتبقى بالليل

انا داخل انام عشان اديها السهره الطحن على الدولار

وانا والدولار والزمن طويل

بس مش شايف يا اخ حسن ان الين متفاعلش بالشكل اللمطللوب زى اليورو والجنيه

هل مستنى سهره النهارده ام التأثير انته ف اليومين اللى فاتوا ؟

[خزائن ربك مملؤه]

هلا هلا ومرحا بوجوه الخير والفرحة

اخويا مصرواي نجم الشهر ويا ربي كل الشهور تفوق ونجومية حبي

واخويا العزيز حسن ملك الفراعنة واطيب دكتور في تاريخ الدكترة في جمهورية مصر العالمية

فعلا صدقتم بان برنانكى وما ادراك ما برنانكى هو من يدق ناقوس الخطر على الدولار

وده يدل ان السعرسيرتد شويا لتحت ممكن يصل حوالي 80 نقطة تصحيح للباوند زي الحلاوة مثلا الى 1.7970 (توقع وليست توصية ابدا ابدا) وبعدها يقوم تاني

والله اعلم وربي يقدم اللي فيه الخير

سعدت والله بمروركم

[حسن السيد]

انا شايف ان المجزره حتبقى بالليل

انا داخل انام عشان اديها السهره الطحن على الدولار

وانا والدولار والزمن طويل

بس مش شايف يا اخ حسن ان الين متفاعلش بالشكل اللمطللوب زى اليورو والجنيه

هل مستنى سهره النهارده ام التأثير انته ف اليومين اللى فاتوا ؟

كلامك مضبوط وتمام فعلا نص التاثير فى اليومين اللى فاتو عشان الصين زى منت عارف وقمة السبعه
والنص التانى شكله كده هيبقى بليل عشان الاخبار زى مقلنا اعلاه وهينقنق الوقتى مع اليورو والباوند بس بليل هيديهاالسمين ويتغدى غدوه حلوه بالدولار بتوقيت طوكيو عشوه حلوه بتوقيت مصر ام الدنيا
تحياتى الى شعب بور سعيد المناضل
والمصرى هيغلب النهارده ولا ايه يامصراوى

[TRIDER]

كل الازواج شهدت ارتفاعات وانخفاضات ..

تقريبا الان تشبعت الازواج وممكن الاستفاده والدخول بعملياته معاكسه بنقاط قليله نوعا ما

ولكن الحذر

[masrawy]

ولاهى يا دكتور حسن .. المثل معروف .. المصرى حيفضل مصرى .. كالعاده

بس لى سؤال مهم .. ايه المؤشر من النهارده اللى فعلا مهم ولازم نديله اعتبار وحيأثر على الفائده ؟

وهل ممكن قرار الفائده يكون مفاجأه ؟

نسيت كمان سؤال .. بكره gdp .. بجد هل حيبقى له تأثير ايجابى للدولار .. ولا خلاص . راحت عليه

متنسوش النهارده التوقيت الصيفى .. كل سنه وانتم طيبين

[متيم اليورو]

[/color][/size]
كلامك مضبوط وتمام فعلا نص التاثير فى اليومين اللى فاتو عشان الصين زى منت عارف وقمة السبعه
والنص التانى شكله كده هيبقى بليل عشان الاخبار زى مقلنا اعلاه وهينقنق الوقتى مع اليورو والباوند بس بليل هيديهاالسمين ويتغدى غدوه حلوه بالدولار بتوقيت طوكيو عشوه حلوه بتوقيت مصر ام الدنيا
تحياتى الى شعب بور سعيد المناضل
والمصرى هيغلب النهارده ولا ايه يامصراوى

والهى يادكتور ... انا عامل سهرة اللية ... وكان نفسى اعزمكم .. بس انا بعيد فى القطب الشمالى... هل احد يتوقع مجزرة ثانية للدولار فى طوكيو الليلة.


ابعدعن البورسعيدية ... خلى بالك انا بورسعيدى اصيل ومن دنها... تعرف ان بورسعيد اجمل مدن فى العالم .

[masrawy]

الله يخليك يا متيم .. بورسعيدى بجد .. بس اوعى تكون بتشجع المصرى كفايه حرقه دم

اتمنى ان نشوف مجزره النهارده .. عايز اشوف دم .. دم الدولار طبعا

بس اتمنى ان الاخ حسن يجاوب على اسئلتى

[متيم اليورو]

طبعأ بورسعيدى ... حى الشرق ,, شارع الجمهورية... كانت ايام .

لم اعيش فى مصر من 16 سنة ... ولكنى حزين على مصرجدأ .

المصرى لسة بيحرق الدم ..

[حسن السيد]

الله يخليك يا متيم .. بورسعيدى بجد .. بس اوعى تكون بتشجع المصرى كفايه حرقه دم

اتمنى ان نشوف مجزره النهارده .. عايز اشوف دم .. دم الدولار طبعا

بس اتمنى ان الاخ حسن يجاوب على اسئلتى

اسف اخى الكريم مصراوى على تاخرى عليك فى الرد
كنت ارفه عن نفسى فى الخارج بعد معركةاليوم مع الاخ برنانكى
بالاستمتاع بفوز الزمالك الساحق النهارده عشان انا زملكاوى صميم اوى الا من الحق المصرى عمل ايه النهارده غلب ولا اتغلب
*****************
بخصوص اسئلتك ياغالى بيانات الساعه 2 ونص بتوقيت القاهره اليوم بالتوقيت الصيف كل عام وانت بخير
مهمه جدا لانها ستوضح مستوى التضخم الموثر فى قرار المركزى اليابانى بقرب تحريك الفايده من مستوى الركود الصفرى والاجتماع فى الثامنه صباحا بتوقيت القاهره
والبيانات تتمثل بموشر طوكيولاسعارالمستهلكين بقيمتها العامه والقيمه النواتيه دون الطاقه والغذاء وهى الاهم
ومتوقع لها 1.% بعد ان كانت 1.%- اضافة الى حجم الانفاق على الانشاءات والابنيه
ده غير الناتج الصناعى ومبيعات التجزئه ومعدل البطاله ولكن يبقى الاهم اسعار المستهلك بقيمتها النواتيه
بالتوفيق ان شاء الله
تحياتى ياغالى

[الجورى]

يا جما عة هل أنت متوقعين أن ينخفض الدولار مقابل الين بعد أخبار اليابان ؟؟؟

[متيم اليورو]

يا جما عة هل أنت متوقعين أن ينخفض الدولار مقابل الين بعد أخبار اليابان ؟؟؟

اخى الكريم

اخبار اليابان الليلة من النوع الثقيل ولابد ان يكون هناك تحركات ضد الدولار ... ولكن فى اليابان لهم تدخلات سياسية كبيرة فى اللين لذلك ممكن تحدث افعال ضد التوقعات ... يوجد ايضأ اجتماع ال BOJ لتحديد مسار ومستقبل الفائدة للين 6 GMT صباحأ

[masrawy]

شكرا يا دكتور على اجابتك .. كده اتضحت الصوره

انا قلتك المصرى كالعاده .. يعنى اتغلب

بالمناسبة يا عم متيم .. احنا جيران .. انا ساكن فى شارع "محمود صدقى" خلف شارع الجمهوريه .. قرب ديليسبس

طبعا مش حتفتكر حاجه .. انته بتقول 16 سنة .. ربنا يكرمك فى الغربه ..