نور على نور

[الحاير]

بارك الله لكم جميعا وفيكم وفتح لكم من نوره ورزقكم كما يرزق الطير تغدو خماصا وتروح بطانا

يقول تعالى : لن تنالوا البر حتى تنفقوا مما تحبون

ما أضعه لكم هنا هو من خير ما أحب و أعمل به من استراتيجيات

فاللهم تقبل منا جميعا في هذه العشر الأواخر واكتب لنا الجنة و أعتقنا من النار

نأتي الآن لاستراتيجية سهلة أيضا ، ولو طبقت بحذافيرها فإن شاء الله فيها خير ومكسب كثير

هذه الاستراتيجية ل Karl Dittman

كل اللي هنعمله إننا هنفتح شارت الديلي لأي زوج الياباني جزء منه

هنشوف الهاي واللو اليومي وهنا أوصي و أؤكد مرارا وتكرار على استقاء المعلومات من منصة تعمل بتوقيت جرينتش

هنحط 6 أوردرات تلاتة منهم فوق الهاي ب 7 نقاط وتلاتة منهم تحت اللو ب 7 نقاط ، هنخلي الاستوب لكل تلاتة واحد ، في كل أوردر من التلاتة هنحط الهدف 15 نقطة في الاول و 35 نقطة في التاني و 50 نقطة في التالت وهنحط الاستوب كما سيظهر في ملف الإكسل المرفق ، فقط هنحط في الاكسل المرفق قيمة الهاي واللو اليومي وهو هيحسب الباقي وعلينا فقط وضع أوامر الشراء والبيع

السلام عليكم

الهاي واللو المقصود هنا هل هو لنفس اليوم الجديد والذي سنتاجر فيه ؟

ام هو اليوم السابق ؟

[mohamedhamdy27]

الهيدج حلو لكن مشكلته فى الترند
اخى ممكن سؤال بسيط على الاستراتيجية الأولى
لو ان السعر فضل يطلع وانت بتعمل هيدج زى مانت شغال وفضل سنين منزلش
ايه الحل ساعتها
هيبقى عندك عقود خسرانة لكذا سنة
الهيدج حلو لكن مشكلته فى الترند

[سعود الشريف]

مشكور واتمنى ان تحط استراتيجية سهلة للمبتدأ

[doctortablet]

طب و فكرتك العامه هو انه بيحقق ال 800 نقطه خلال فتره فد ايه

أهلا وسهلا بكم جميعا

هو يمكن أنا لم أوضح الاستراتيجية وضوح تام ، لأنه يبدو إن حضراتكم فهمتم إن الاستراتيجية جامدة Static بمعنى إني بأحط الأوامر و أسيبها لغاية ما الكل يحقق أهدافه ، الاستراتيجية مش كدة ، الاستراتيجية ديناميكية Dynamic يعني متحركة ، لما شرحت الاستراتيجية شرحت الفكرة العامة لها ، لكن لما بنيجي نطبق عملي هنعملها إزاي ؟؟؟؟؟؟

هأدخل بيع وشراء من نفس النقطة ، هأحط هدف 200 نقطة لكل صفقة مفتوحة ، و أنا مش عارف عمياني كدة مين اللي هيحقق الهدف الأول ، فمش معقول إني هأقعد أدام الجهاز لغاية ما يحقق الهدف ، ممكن بنروح شغلنا أو الجامعة أو غيره في الفترة اللي مش موجودين فيها هأحط كل 200 نقطة أمرين شراء وبيع بهدف 200 نقطة تانيين ، يبقى أنا كدة مأمن نفسي من الجهتين ب 400 نقطة على الأقل ، وعلشان نكون أكثر دقة ممكن نحسب متوسط الحركة اليومية للعملة التي أعمل عليها Average Daily Range يعني أكون متوقع الزوج ممكن يمشي في اليوم كام نقطة ، لما بنرجع للجهاز نعيد تقييم الموقف ، فمثلا اتجه الزوج 400 نقطة صعودا يبقى كدة لو طلع تاني أنا مش مغطيه فأحط أوامر جديدة للتغطية ، و ألغي الأوامر اللي في الجهة التانية و أسيب منها اللي يغطي لي المدى اللي عاوزه ، هيبقى فيه سؤالين مهمين منهم هنفهم أكتر ، ليه حددنا 200 نقطة بالتحديد ، والسؤال الثاني ليه اخترنا المجنون ؟؟؟؟ الاجابة هتكون في الاجابة على سؤال زميلنا في المشاركة التالية بإذن الله .

[doctortablet]

الهيدج حلو لكن مشكلته فى الترند
اخى ممكن سؤال بسيط على الاستراتيجية الأولى
لو ان السعر فضل يطلع وانت بتعمل هيدج زى مانت شغال وفضل سنين منزلش
ايه الحل ساعتها
هيبقى عندك عقود خسرانة لكذا سنة
الهيدج حلو لكن مشكلته فى الترند

يا ريت فيه عملة تعمل كدة ، ما كانش حد غلب ، ما هو لو فضل شارخ ما احنا كنا هنفضل ماشيين معاه وما كانش الفوركس بقى فيه مشكلة ، حضرتك ممكن تقرأ المشاركة اللي قبل دي علطول هتفهم وجهة النظر أكتر ، والزوج مهما طلع بيطلع لمدة 20 بالمية من الوقت وعندي 80 بالمية هيتحرك في رينج محدود ، وبعدين أصحاب الاستراتيجية حددوا المستوى الرابع تقفل عنده الكل ده في حالة لو إنت داخل صفقات باتجاه واحد فقط ، فبكدة لو عمل ترند هيجمع عليك صفقات خسرانة ، لكن أنا أفضل الدخول بيع وشراء في نفس الوقت ، يعني هأفضل محاصر السعر ، ولما هيعمل ترند هو فعليا كدة نقلني من مستوى لمستوى تاني هيتحرك فيه و آخذ ارباح لغاية ما يقرر تغيير اتجاهه مرة تانية يا إما بالعودة لنفس المستوى السابق وكدة تبقى لعبت معاك ، وحصدت نقاط بالعبيط ، أو يطلع تاني وندخل في مستوى تاني ولسة برضوه هنفضل محاصرينه وبنكسب منه ، السؤالين اللي طرحتهم وهم ليه حددنا 200 نقطة وليه اخترنا المجنون ، فالإجابة هي إننا حددنا 200 نقطة علشان ده بنسميه ال Grid Leg
يعني المسافة اللي بنلعب عليها في السعر ، ممكن واحد يقول مل تخلونا نلعب اللعبة دي على 30 بيب مثلا ، لو لعبناها على 30 بيب ستجد إن عدد الصفقات المفتوحة سيصبح كبيرا و هتتلخبط وممكن الموضوع يفرط من إيدك و يخرج من تحت سيطرتك ، فيه تكة ممكن تتعمل في الحالة دي تخرجني ربحان برضوه هأقولكم عليها بالمشيئة في المشاركة القادمة ، ولكن لسة ما قلناش ليه اخترنا المجنون ؟؟؟؟

اخترناه علشان هو مجنوووووووون

هو ليه سموه كدة ، علشان ما تعرفش ترسى له على بر ، طالع نازل طالع نازل ، وهو ده المطلوب ، لذلك هو الأنسب لنلعب عليه هذه اللعبة

[doctortablet]

تكة هنعملها تتطلعنا ربحانين بإذن الله في الاستراتيجية الأولى

هنفرض دلوقت إن بعض الأهداف انضربت وطبعا ما حدش هيبص الا للصفقات اللي لسة مفتوحة وخسرانة ، لو عاوز تخلص منها في أول فرصة هنعمل حاجة بسيطة ، وهي إننا أصلا حاطين لها هدف 200 نقطة ، لو بالك طويل ممكن تغير الهدف للصفقات اللي عاوز تخلص منها وتخليه 100 نقطة بس او 50 او حتى برأس مالها يعني تغلق على نفس السعر اللي اشتريناها بيه ، لو مستعجل قوي فيه حل تاني وهو إني أشوف الصفقة اللي فاتحها ولسة ما حققتش الهدف و اللي خسرانة 200 نقطة ونقسم البلد نصين ، يعني تخلي اللي هتربح تقفل على 100 نقطة مكسب واللي خسرانة تقفل على خسارة 100 يبقى كدة عادلوا بعض ، وانت كسبان من الاول 200 نقطة يبقى كدة طلعت بيهم صافي

[doctortablet]

السلام عليكم

الهاي واللو المقصود هنا هل هو لنفس اليوم الجديد والذي سنتاجر فيه ؟

ام هو اليوم السابق ؟

الهاي واللو هنا في استراتيجية Karl Dittman

هو هاي ولو اليوم السابق ، بمعنى إن حضرتك تكون قاعد على الجهاز ساعة افتتاح اليوم الجديد ، تشوف اليوم اللي قبله قفل على هاي ولو كام وتحط أوامرك ، طيب لنفرض انك كنت نايم او مشغول تعمل إيه ؟؟؟؟؟
وقت ما تصحى أو وقت ما تقعد على الجهاز تفتح شارت اليومي وتشوف شمعة اليوم السابق ، لو كان السعر عداها من أي جهة يبقى ما تحطش أوامر لأن الهاي او اللو انكسر خلاص ، يا إما تحط أوامر احتياطية فقط في الجهة اللي ما راحش ناحيتها السعر لأنه يمكن يغير رأيه ، وما ننساش نلغي كل الأوامر قبل ما اليوم الجديد يبدأ .

ونشوف المشاركة الجاية في ردي على سؤال آخر هتخلينا نربح بشكل أكثر تأكيدا بإذن الله.

[doctortablet]

مشكور واتمنى ان تحط استراتيجية سهلة للمبتدأ

الاستراتيجية اللي أراها سهلة للمبتدئين هي استراتيجية Karl Dittman

اللي شرحتها من قبل ولكن بتعديل بسيط وهو إن حضرتك تضع أمر شراء واحد فقط بهدف 15 نقطة فقط فوق الهاي اليومي ب 7 نقاط وتحت اللو اليومي ب 7 نقاط وبهدف 15 نقطة فقط ، وفي الغالب هتحقق المكاسب المطلوبة لأنه لو نظرنا لشمعات الديلي هنلاقي إن أقل مسافة ممكن يكسرها اليوم الجديد فوق او تحت الهاي واللو لليوم السابق هي 15 نقطة

[doctortablet]

هأحط لحضراتكم دلوقت بالمشيئة استراتيجية اشتريتها من موقعها الأصلي ب 98 دولار تقريبا ، هي تخص التجارة على الذهب باستخدام شارت الأربع ساعات ومستويات الفيبوناتشي

شروط الاستراتيجية ودي ما لهاش وقت محدد ، أول ما تلاقي الصورة اللي هنشرحها تحط الأوامر زي ما هنشرحها ،

طبعا بنفتح شارت الأربع ساعات ، هتدور على شمعتين صاعدين جايين ورا بعض أو نازلين جايين ورا بعض ، يبقى ده الشرط الأول

الشرط التاني هنشوف المسافة ما بين لو الشمعة الأولى و إغلاق الشمعة التانية لو كانوا طالعين ، أو المسافة ما بين هاي الأولى و إغلاق التانية لو الاتنين نازلين ، لو لقينا المسافة ما بين 60 إلى 200 نقطة ، يبقى كدة هندخل بالطريقة التالية :

هنستخدم أداة الفيبوناتشي التوسع هنرسمها من لو الشمعة الأولى و هنحط المستوى 61.8 على كلوز الشمعة التانية ، دلوقت هتحط أمر معلق شراء على المستوى 100 والهدف هو المستوى 161.8 والستوب هو مستوى ال 61.8

هنا دخلنا شراء لأن الشمعتين صاعدتين والعكس لو الشمعتين نازلتين ، بمعنى إنه في حالة النزول هأرسم الفيبوناتشي من هاي الأولى إلى كلوز التانية بحيث يكون المستوى 61.8 على كلوز التانية هنحط أمر بيع على المستوى 100 والهدف هو المستوى 161.8 والستوب هو المستوى 61.8

هنلغي بقى كل الاوامر لو ما اتفعلتش الاوردرات في خلال خمس شمعات قادمة

طبعا دي عاوزة واحد متمرس على الفيبوناتشي شوية ويمكن تكون صعبة نوعا ما على المبتدئين لكن إن شاء الله نلبي رغبات كل الفئات والأذواق

[doctortablet]

إن شاء الله سأضع لكم استراتيجية منشورة على النت ، ظريفة حقيقة وبسيطة ، إن شاء الله هنشرحها كما هي ثم أكتب لكم التعليق عليها الذي أراه و عاوز رأي حضراتكم لأني عاوز آخد رأيكم في التعديل اللي هأعمله عليها بإذن الله

أجمل ما في هذه الاستراتيجية هو الاسم الذي اخترته لها وهو

استراتيجية زجاجة المياه العكرة

[sarmad66]

السلام عليكم
عندي اقتراح على الستراتيجيه الاولى وهي عند كل 200 نقطه ندخل بعقد مضاعف بالنسبه الى الخاسر مثال سعر الدخول 130 وصل السعر الى 132 ندخل عقد شراء وعقدين بيع اذا رجع السعر حققنا ربح مضاعف اذاكمل الى الاعلى ندخل عقد شراء وعقدين بيع واذا صحح بعد صعود 600 ممكن يصحح 200 نكون حققنا ربح ممتاز وهكذا

[doctortablet]

السلام عليكم
عندي اقتراح على الستراتيجيه الاولى وهي عند كل 200 نقطه ندخل بعقد مضاعف بالنسبه الى الخاسر مثال سعر الدخول 130 وصل السعر الى 132 ندخل عقد شراء وعقدين بيع اذا رجع السعر حققنا ربح مضاعف اذاكمل الى الاعلى ندخل عقد شراء وعقدين بيع واذا صحح بعد صعود 600 ممكن يصحح 200 نكون حققنا ربح ممتاز وهكذا

ده كلام ممتاز جدا ، بس أولا لازم يكون الحساب يستحمل الدخول بمضاعفات ، والاستراتيجية تقوم على الدخول بأقل عدد ممكن من اللوطات علشان الحساب يستحمل ، بس تقديرا مني للناس اللي بتفكر لأني بحبهم جدا جدا ، هأقول لحضراتكم على الهيدج بالمضاعفات إزاي يتعمل بحيث نطلع كسبانين تماما وهي استراتيجية منفصلة ، ولكن على قدر أهل العزم تأتي العزائم ، فممكن نقولها ليعلمها من لا يعرفها ولنذكر بها من يعلمها و أشكر لكم و أقدر تفكيركم واجتهادكم و إن شاء الله سنصل معا للهدف

[doctortablet]

استراتيجية البريك أوت اليومي اللي كتبتها ما حدش اعتنى بيها ، لأنه يبدو إن أول استراتيجية على المجنون بال 200 نقطة خطفت الانتباه ، لأنه ما حدش سألني في البريك أوت اليومي هنحط الربح فين ووقف الخسارة فين

[sarmad66]

ده كلام ممتاز جدا ، بس أولا لازم يكون الحساب يستحمل الدخول بمضاعفات ، والاستراتيجية تقوم على الدخول بأقل عدد ممكن من اللوطات علشان الحساب يستحمل ، بس تقديرا مني للناس اللي بتفكر لأني بحبهم جدا جدا ، هأقول لحضراتكم على الهيدج بالمضاعفات إزاي يتعمل بحيث نطلع كسبانين تماما وهي استراتيجية منفصلة ، ولكن على قدر أهل العزم تأتي العزائم ، فممكن نقولها ليعلمها من لا يعرفها ولنذكر بها من يعلمها و أشكر لكم و أقدر تفكيركم واجتهادكم و إن شاء الله سنصل معا للهدف

طبعا كل استراتيجيه ليس لها وقف تحتاج اداره محكمه لراس المال وانا شغال على المضاعفات من اشهر والحمد لله ممتازه بشرط اداره محكمه لراس المال يعني الدخول يكون على الاقل كل 3000 دولار النقطه ب 1دولار

[doctortablet]

طبعا كل استراتيجيه ليس لها وقف تحتاج اداره محكمه لراس المال وانا شغال على المضاعفات من اشهر والحمد لله ممتازه بشرط اداره محكمه لراس المال يعني الدخول يكون على الاقل كل 3000 دولار النقطه ب 1دولار

كلام رائع وسليم جدا ، أشكرك على التنبيه لهذه النقطة المهمة ليضعها زملاؤنا في الحسبان ، لأن الهيدج في الحقيقة فن مش أي حد بيعرف يلعبه صح