والله فرحتني الله ينور عليك والف مبروك
Printable View
ايوة كويس انك صحيت بدري
اليوم شحيح شوية بالفرص انا اتعودت خلاص فى الفوركس ان اليوم الى بيجي جامد ومليان فرص يبقا توقع ان اليوم الى بعده حيبقا هادى وممكن يبقا فيه لبس كمان يعني امبارح كان يوم جامد جدا وفيه فرص بالهبل زى ما شرحتها فالنهاردة توقع انه تعبان
عامة انا مقدميش الا فرصتين ممكن لو تكونوا ادخلهم ويبقوا كويسين
على الكندي لو اغلق دلوقتي تحت الصفر والقناة حاخده بيع
على اليورو لو كسر فيبو 61 حاخده بيع بهدف فيبو 38
ربنا يوفقك يارب
يعنى على حظى اليوم اللى اصحى فيه بدرى يبقى شحيح الفرص هههههه
الفجرى تطلعلوا العضمة فى الكرشة على رأى الكبير جوى ههههه
ربنا يخليك لينا يا معطى وانا متابعهم اهو واول ما تتحقق الشروط هدخلهم على طوول
ربنا يوفقك ويوفقنا جميعا
ملحوظة الكندى اغلق فوق الصفر ناخده شراء ؟؟
الصفحه 100 ماشاء الله ربنا يوفقكم
بالراحه شويه عشان لو احتاجنا نقرى الموضوع نلاقى وقت نقراه
معلش يا معطى خلينى انتهز فرصة وجودك واحطلك فرص انا شاكك فيها
http://dc15.arabsh.com/i/03436/vj1c12aipnhv.png
http://dc15.arabsh.com/i/03436/m4crgen2y9r7.png
بالاضافة الى الاسترالى ايه رايك لو دخلنا شراء لو اغلقوا فوق المستوى 123.6و النيوزلاندى 138.2
مستنى تعليقك عليهم وآسف على الاطالة
ههههههههههه يلا معلش وانت الحمد لله مطلعتش من اليوم فاضي انت دخلت على اليورو وجاب هدفك
بالنسبة للكندي للاسف قفل فى منطقة محيرة لازم يطلع منها عشان ندخل معاه
بص كدة فى الشارت المرفق
فعلا قفل فوق الصفر بس نفس الشمعة ده كسرة قناتين لاسفل وهى القناة الثالثة والثانية
يعني عندنا احتمالين دلوقتي شراء وبيع وانا قولت كذا مرة لو عندنا الاحتمال يبقا مشحندخل
فزى ما انا عامل فى الشارت لو كسر فيبو 23 لاعلى حناخده شراء بهدف فيبو 38 ولو كسر 38 حناخده تاني بهدف 61
ولو كسر فيبو -23 لاسفل حناخده بهدف 38
فى حاجة انا كنت شرحتها مرة واحدة بس حشرحها تاني لان فى ناس كتيرة جديدة معانا
للامانة مقتبسة من استاذ جمال بسيس بارك الله فيهوهى الخط المستهلك
بالمصري كدة ( خط هلهولة)
وهو خط الدعم او المقاومة الى سعر بيكسره رايح جاى بدون اى احترام للخط فالخط ده هلهولة وكانه مشموجود قدامنا على الشارت اصلا
وده ينطبق النهاردة على الكندي فزى ما حاطت الدوائر على الشارت المرفق السعر كسر خط الصفر 3 مرات لفوق وتحت فنعتبره النهاردة مشموجودة قدامنا ونشتغل على القنوات والفيبو فقط
السلام عليكم
أنا كنت قرأت استراتيجية خبرتى وضاربت بيها
بس طبعا الحساب اتصفر لسببين انى ملتزمتش باداره راس المال
والسبب التانى انى كنت حاسس ان هيا غامضة من ناحية الخروج من الصفقات
فلو تكرمت تقولى اخر ما خلصتم اليه بعد اضافة القناة الثاثة وكمان أهم الأشكال وتوقعاتها
ولو عندك ملف انت مقتنع انه اهم ما فى استراتيجية خبرتى ياريت ترفقه
اسف لو تقلت عليك
اعتقد كمان لو القينا نظره على مؤشر استاذنا جمال بسيس
هيوضح كتير من الالغام الموجودة عالشارت
لا اسال براحتك ياعبقر انا معاك عامة هى جبرت امبارح وشكلها مفهاش شغل النهاردة مفيش فرص قوية للاسف فانا فاضى يعتبر
بص من اساسيات التداول فى رايي هو السلوك السعري
بمعني ان السعر على الكيبل 4 شمعات هابط ورا بعض حتى الان فمينفعش اني ادخل شراء بتاتا حتى لو قدام السعر مية خط دعم ومقاومة الا لما الاقي شامعة عاكسة او عدة شموع توحى بضعف السلوك البيعي
فبنسبة للكيبل هو شراء فعلا بنسبة 75% لانه قفل داخل القناة وفوق الفيبو ورد من القناة الثالثة ولكن عندنا نسبة 25% انه يبقا بيع بسبب سلوكه السعري البيعي لو كسر القناة الثالثة وفيبو 61 وحتبقا فرصة بيع قوية جدا لذلك نستني شوية عشان نتاكد
والاسترالي والنيوزلندى معاك فيهم ياعبقر