القناة الثالثة لاستراتيجية خبرتي

[ghaly]

توكلت على الله ودخلت شراء يورو بهدف السنتر الشهري
اسباب الدخول: فى الحقيقة يعتبر اوردر مخاطرة لقلة الاسباب بس ان شاء الله خير
والاسباب هى : الارتداد من القناة التالتة + الارتداد من القناة التالتة فى الانديكس + سبب اخر جاري تجربته ولااحب ان اذكره منعاً للتشتيت
حتى لو السعر عكس عليا انا بشتغل بتقسيم العقود كاتعزيز بنفس قيمة العقد
وان شاء الله الى الهدف

[ghaly]

صباح الخير عليك يا غالي
والف مبروك ارباح امبارح
وإن شاء الله النهاردة يوم اخضر عليك وعلى الجميع

صباح الفل يااحمد وان شاء الله يوم اخضر علينا كلنا

[kkk]

شكراا ليك أخ أحمد بس ممكن أعرف شغل ومميزات المواشرات التانية زي ذي الزيكو والسحري والمتوسط اليومي

ولكم جزيل الشكر

إذا عاوز تستخدم كل المميزات ويكون شكل الشارت عندك نفس اللي بينزله معطي لازم تنزل كل المؤشرات المرفقة
لأن في حاجات زادت على الثلاث مؤشرات اللي انت كاتبهم
ذي الزيكو والسحري والمتوسط اليومي

[ghaly]

توكلت على الله ودخلت شراء يورو بهدف السنتر الشهري
اسباب الدخول: فى الحقيقة يعتبر اوردر مخاطرة لقلة الاسباب بس ان شاء الله خير
والاسباب هى : الارتداد من القناة التالتة + الارتداد من القناة التالتة فى الانديكس + سبب اخر جاري تجربته ولااحب ان اذكره منعاً للتشتيت
حتى لو السعر عكس عليا انا بشتغل بتقسيم العقود كاتعزيز بنفس قيمة العقد
وان شاء الله الى الهدف

وجول صغير .. تم الخروج من الصفقة على مكسب 10+ نقاط ولله الحمد
اسباب الخروج: ارتداده من الحد السفلي للقناة التانية وزاوية 45 اليومية وعدم اطمئناني لحركة السعر الصعودية وسوف انتظر اغلاق الساعة الحالية لتحديد الدخول او عدم الدخول

[ahmedskysama]

شكراا ليك أخ أحمد بس ممكن أعرف شغل ومميزات المواشرات التانية زي ذي الزيكو والسحري والمتوسط اليومي

ولكم جزيل الشكر

العفو يا اخ كرم كلنا اخوان وكل واحد عنده معلومه اكيد مش هيبخل بيها على اخوه

بالنسبة للمتوسط اليومي
ده رقم بيكون فوق على شمال الشارت وبتكون من رقمين الأول من الشمال بيكون المتوسط اللي المفروض يتحركة السعر
يعني بالنسبة للنهاردة الكيبل مثلا المفروض يتحرك 106 نقطة
والرقم التاني اللي جمبه هو عدد النقط اللي السعر اتحركها بالفعل
وده بيفيدنا في أيه؟ في أنه لما بيكون السعر جاب الرنج اليومي ليه وفي سلوك سعري يبين الارتداد بندخل معاه شراء او بيع وكمان بناخد في عين الاعتبار المؤثرات التانية ذي مثلا خط فايبو او سنتر شهري او يومي المهم حاجة تبين إنها دعم او مقاومة ممكن ترد السعر
أما بالنسبة للزيكو فهي خطوط دعم ومقاومة قوية وتظهر باللون الأزرق

أرجو أكون أفدتك ولو في حاجة غلط في كلامي ياريت الأخوان يصححو
وشكرا

[ahmed el deeb]

احمد الديب وينك من زمان ماشفناك ...نورت الورشه والله..

الله يبارك فيكى اختى الكريمة وشاكر جدا لسؤالك..والورشة منورة بيكم ماشاء الله..
يارب يوم رائع عليكى وعلى كل الاخوان

[romio260]

اخي العزيز روميو
نزل المرفقات اللي في المشاركة رقم 12324
انا لسة امبارح منزل المنصة وركبت عليها المؤشرات دي
وظبطت معايا

تمام نزلته
تسلم يا باشا

[ahmed el deeb]

صباح الفل ..
أحمد الديب !!!
مين مش متذكرك .. انت صحيت من النوم اخيرا
نورت يا باشا ..
تحياتي لك

هههههه حبيبى يا سليم باشا..والله ماكنت مصدق انك فاكرنى لحد دلوقتى..فيك الخير اخى الكريم..
خالص ودى واحترامى

[ghaly]

لو لاحظنا ياجماعة على شارت اليورو هنلاقي ان السعر محترم اوي القناة التالتة ومش قادر يكسرها ارتد لحد الان ستة شمعات من الحد السفلي للقناة التالتة
انا ارى ان نسبة اليورو فى الصعود كبيرة اذا لم يكسر القناة التالتة

[ahmedskysama]

لو لاحظنا ياجماعة على شارت اليورو هنلاقي ان السعر محترم اوي القناة التالتة ومش قادر يكسرها ارتد لحد الان ستة شمعات من الحد السفلي للقناة التالتة
انا ارى ان نسبة اليورو فى الصعود كبيرة اذا لم يكسر القناة التالتة

صح كلامك يا غالي
لأن لما السعر بيفضل يرتد كتير من حد قناة او من خط النص لقناه ومبيقدرش يكسره
بيعكس الاتجاه

[ghaly]

صح كلامك يا غالي
لأن لما السعر بيفضل يرتد كتير من حد قناة او من خط النص لقناه ومبيقدرش يكسره
بيعكس الاتجاه

هنشوف ايه اللى هيحصل يااحمد ولو طلع احنا معاه ولو نزل برضوا احنا معاه ههههه .. بس لازم عشان ندخل يكون بأسباب قوية وان شاء الله خير

[Learn4X]

سلام عليكم
صباح الفل على كل الاخوة الموجودين وعلى رأسهم طبعا الاسكندارنى الجدع قوى البرنس معطى
واللى ماشاء الله عليه شعلة نشاط وربنا يقويه ويرقى دائما للامام
لو محدش عارفنى.. انا كنت قائد كتيبة التشتيت فى خبرتى ههههه (طبعا ده حسب رأى بعض الاخوة الافاضل هناك ) وانسحبت منها بدرى بدرى لما حسيت ان القائمين على الموضوع - مع كل الاحترام والتقدير ليهم - غير راغبين فى وجودى وتحججهم بإنى أؤثر بالسلب عالموضوع وانسحب معايا مجموعة من قدامى المتابعين والمشاركين بعد هذا الموقف على الرغم ان اننا كنا بنحاول نقدم اى مساعدة على قد مانقدر (فى حدود خبرتنا المتواضعة جدا)..وسبحان الله لا هما سابونا نكمل ولاهما نفسهم كملوا موضوعهم
ودى مش شماته ولا تشفى لا سمح الله..ده غل بس هههههههه (بهزر طبعا)
المهم
تسجيل متابعة معاك ياريس معطى ان شاء الله ومن اولها كده يا رياسة لو عندك اعتراض على وجودى انا والمرسى ابو العباس عندى استعداد ألم عزالى وألف وارجع تانى ههههههه
ونهارنا ابيض ف اخضر ان شاء الله

أهلا وسهلا بعودتك
انا كنت من المتابعين في موضوع "خبرتي" وحقيقة كانت مشاركاتك قيمة جدا بالنسبة لي
بالنسبة للاشكال كان فقط سوء تفاهم

[ghaly]

هههه الشمعة الثامنة ارتداد .. تقريباً الشمعة القادمة صعود بس مش هدخل غير بأسباب قوية زى كسر الزاويتين 45 اليومية والشهرية وبالتالى السحري واغلاق داخل القناة التانية وكسر سنتر القناة الاولى وطبعاً فى الانديكس كسر القناة التالتة والاولى

[Mo3Ty]

باك

الكيبل الان مازال للهبوط فى راييي
فى الى خايف يقدر يخرج على تعادل من السعر الحالى
والى دخل معايا امبارح فانا قفلت نصف عقد على 20 نقطة ويعتبر عند السعر الحالى فالى مخرجش يخرج الان بنصف عقد لضمان نقط والمخاطرة بالنصف الاخر
والله المستعان

[Mo3Ty]

يعني إذا الزيكو تغير، هل هذا يعني بأن الزوايا اليومية سوف تتغير كمان؟؟؟
أو على ماذا تعتمد الزوايا؟؟؟

لا يا ابو عبد الله ليس هناك علاقة بين تغير الزيكو والزوايا
فالزوايا ثابته
وعلى ماذا تعتمد انت عارف اخوك مبيحبش يفتي فى حاجة مشعارفها لا اعرف على ماذا يعتمد
كل الى اعرفوا ان خط سنتر الشهر بيبقا على اقتتاح اول يوم فى الشهر
وخط سنتر اليومي على افتتاح كل يوم