القناة الثالثة لاستراتيجية خبرتي

[aikimo]

يا أخ معطي مشكور على التفسير و خاصة أنت مشغول بالإمتحانات و لكن
لم أفهم "حدود الثالثة وهى مع التقاء فيبو يعني منطقة بيع قوية وليست شراء"
إين هي على الشارت بالتحديد؟؟؟
و شكرا جزيلا يا عزيزي

[الفهد المصري]

صباح الفل على احلى شباب

الكبير هنا ......... منورنا والله

[aikimo]

يا شباب أنا داخل بيع يورو من حدود 90 درجة يومي و حدود الثالثة
الله يسترها معانا
وين لازم حط الستوب؟؟؟؟

[mahdy1]

:::: مؤشرات الزوايا :::::



ارفقتلكم مؤشرين الزوايا الى شغال بيهم ياريت تركبوهم وحاولوا تدربوا عليهم لغاية ما نشتغل مع بعض لايف باذن الله
وانا عارف انها بقت مزاولة على الشارت كتر المؤشرات فحطوهم حتى على شارت لوحدهم وبعدها حتتعودوا يكونوا مع القنوات عادي شخصيا عملت كدة
وياريت ترجعوا لشرح استاذ عمرو للزوايا فهو شرحها بالتفصيل وهو الى شرحهالي وهى مشصعبة والله وباختصار:-
:::::::::::::::::::::::::::::::::::::::::::::::::: ::::::::::::::::::
1- عندنا مؤشرين للزوايا واحد شهري والتاني يومي الشهري ده مكانوا ثابت لمدة شهري اليومي بيتغير يوميا زى القنوات والفيبو وموضح ازاى تفرق بينهم على الشارت

2- عندنا زاوية 180 شهري عاكسة صريحة للكيبل لانه بيعتبر كمل دورته الاولى ومن هنا لازم يطلع تاني والمفروض يوصل للسنتر لاين عشان ينزل تاني وهنا يبقا حيعدي زاوية 180 ويطير. نفس الكلام ينطبق على اليورو بس زاوية 360 . بالنسبة للكندي لا يحترم الزوايا للدرجة

4- بالنسبة لللمؤشر اليومي عندنا زاوية مهمة جدا وهى 45 ده بتبقا فوق وتحت ده لو السعر كسر عندنا قنوات وزيكو وكل حاجة ولكنه قافل تحت زاوية 45 هنا مندخلش فى اتجاه الكسر لان احتمال كبير يعكس وده الى حصل فى حالة يوم الجمعة بالظبط وزاوية 90 يومي ده زاوية قوية عاكسة لو وصلها السعر فى نفس اليوم وياسلام لو كان كمان مع رينج يبقا دخول صريح .
:::::::::::::::::::::::::::::::::::::::::::::::::: :::::::::::::::

ده باختصار شرح الزوايا لوحدها حاولوا تدربوا عليها خلاص هانت فاضلي حوالى 10 ايام وارجع اتابع معاكم وهى والله مهمة جداااا ياشباب وفرقت معايا جدا قللتي الخسائر وزودتلي الارباح بالرغم من زحام الشارت الحالي ولكن شخصيا لو حخلي الشارت مشباين من كتر المؤشرات بس ده حيزودلي ارباحي فاهلا بها جدااااا

الى عنده اى استفسار يكتبها فى الموضوع ده وباذن الله حدخل بكرة اشيك عليها وارد عليكم

ومازال التطوير مستمر طول ما احنا بنتنفس

ربنا معاك يا معطى ويكرمك وتخلص امتحانات بخير
مفيش ارقام ظاهرة عندى على خطوط مؤشر الزوايا .. كمان لو فيه خطوط مش محتاجينها فى حاجة يبقا نلغيها
مشكور

[aikimo]

يا أخ مهدي
بالنسبة لإظهار ارقام الخطوط، فالأخ معطي شارحها في صفحة 704

[Mo3Ty]

يا أخ معطي مشكور على التفسير و خاصة أنت مشغول بالإمتحانات و لكن
لم أفهم "حدود الثالثة وهى مع التقاء فيبو يعني منطقة بيع قوية وليست شراء"
إين هي على الشارت بالتحديد؟؟؟
و شكرا جزيلا يا عزيزي

باك
سوري على التاخير لان والله بحاول اتابع على قد ما اقدر فبرد وبخرج فورا

بالنسبة لاستفسارك كما موضح بالشارت عند الدائرة حتلاقي السعر وصل لمنقطة التقاء فيبو 138+ الثالثة وهنا كان اوردر بيع بهدف اول الزيكو الى فعلا وصله وهدف ثاني مفتوح بستوب نقطة الدخول لان شخصيا كنت متوقع اليوم هبوط ولكنه للاسف لم يكمل لاسفل

[Mo3Ty]

يا شباب أنا داخل بيع يورو من حدود 90 درجة يومي و حدود الثالثة
الله يسترها معانا
وين لازم حط الستوب؟؟؟؟

عايز ااكد عليك شئ ياباشا لو شغال لايف فوقف شوية لانك لسة فى البدايات فالصبر جميل

بالنسبة للستوب انت دخلت على اساس ايه
دخلت على اساس زاوية 90 وكمان يعتبر فيبو 223 والثالثة
واحنا بنحط الستوب على ايه على فيبو عاكس الى هو الطبيعي بتاعنا 161 وبعده 200
طيب هو عدا 161 و 200 ودخل فى منطقة جديدة وكل ده وهو مجبش رينجه لانه امبارح اتحرك فى رينج صغير يبقا المقابل ليهم
261 و 300
طيب نحاول كمان نشوف الزوايا احنا دخلنا منين من 90 يومي طيب ايه الى بعد 90
حنلاقي عندنا 90 شهري ثم 135 يومي
طيب كدة احنا حددنا المناطق القوية الى المفروض السعر يردها نيجي بقا للستوب نحطوا فين فى الفيلم ده كله
شخصيا بدور على منطقة متوسطة لما بلاقي خطوط دعم او مقاومة منفصلة عن بعض
بمعني عندنا الان فيبو 300 ثم زاوية 90 شهري ثم 135 يومي فين المتوسطة فيهم 135 طيب يبقا هو ستوبنا فوقه ب 3 نقط مع الاخذ فى الاعتبار ادارة راس المال بحيث لا يزيد الستوب للاوردر الواحد عن 8% من الحساب
مع العلم عند الدخول فى اوردر ونلاقي انه حيحتاج ستوب كبير اكبر من 8% متدخلهوش حتى لو كل حاجة بتقول ادخلني

واسف على الاطالة بس حاولت اجمعلك جميع افكاري عن قصة الستوب
واى استفسارات احنا معاك

[Mo3Ty]

صباح الفل على احلى شباب

الكبير هنا ......... منورنا والله

صباح النور ياهاني
ربنا يخليك شكرا لذوقك

[AbuJmel]

احمد اليوم موجود
والله المنتدى كله نور

[Mo3Ty]

احمد اليوم موجود
والله المنتدى كله نور

اهلا اهلا بالجميل ابو جميل صديق الكفاح فى الفوركس
واحشني والله ياكبير وهانت خلاص كلها كام يوم وحتلاقيني لاجئ فى المنتدى والورشة ههههههههه

[AbuJmel]

اهلا اهلا بالجميل ابو جميل صديق الكفاح فى الفوركس
واحشني والله ياكبير وهانت خلاص كلها كام يوم وحتلاقيني لاجئ فى المنتدى والورشة ههههههههه

والله بانتظارك ياكبير هههههه

[Mo3Ty]

::::: اليورو الان:::::::::





تم الدخول بيع لان رؤيتي من الصبح بيعية ولكن صبرت شوية ودخلت من مكان جيد يعتبر من الهاى
اسباب الدخول كما كتبتها فى المشاركة الصباحية وتم قنص منها 41 دولار ولله الحمد
الان حان العودة لثكناتي واقعد اتهد بقا واذاكر يخربيت الفوركس وادمانه هههههههه

اى استفسارات ياريت تكتبوها وححاول ادخل بليل تاني باذن الله
فى امان الله

[aikimo]

ليش منصة وندسور لا تعمل Connection
لأنه فيه Firewall فالشركة عندي
فما الحل يا شباب
لأنه Metatrader4 يعطيني فرق 4 نقط بينه و Windsor

[a.haider]

ازيك يا معطى باشا
ربنا معاك فى الامتحانات

معلش انا ما بقتش بشارك زيى زمان ..... صراحة موضوع الاستوب بتاع زمان دا ما بقاش بيمشى معايا ... وكمان المؤشرات الكتير كانت بتشتتنى جامد
فركزت ع الطريقة الاصليه زى ما بيشرحها الدكتور جمال ربنا يباركله ... وماشيه معايا الحمد لله تمام

و سلامى لعمرو باشا .... ما جتش المعرض شكلك ... انا روحت يومين وما شفتكش
و هانى باشا ... مجهود متميز يا باشا

[mahdy1]

يا أخ مهدي
بالنسبة لإظهار ارقام الخطوط، فالأخ معطي شارحها في صفحة 704

تصدق فعلاً عندك حق ... العتب على النظر يا شباب ... سامحونا ... السن وما ادراكم ما السن ... اشكرك اخى على التنبيه