القناة الثالثة لاستراتيجية خبرتي

[Mo3Ty]

المشكلة أنو حسابي الحقيقي على ويندسور بشأن هيك ضروري ألاقي حل لها المشكلة

ان شاء الله تتحل
ياباشا عايز اقولك انا فاتح قدامي 3 منصات
منصة ويندسور بحلل عليها
ومنصة اف اكس سول بدخل عليها اوردرات قليلة المخاطرة
ومنصة جين كابتال بدخل على اوردات كبيرة المخاطرة
فانت حتتزاول شوية فى الاول وخلال يومين حيبقا الموضوع عادى بالنسبالك

تقبل تحياتي

[Mo3Ty]

اخي معطي انظر لهذا الشارت اليورو- دولار هل هناك شيئ ناقص في المؤشرات ؟

بص يا حيدر شخصيا لا استعمل فيبو دكتور جمال استعمل فيبو اخر
ولا استعمل خطوط الرينج الفيبو الى عندنا فيه فيبو 161 ده يعتبر الرينج عندنا ومبدخلش من عنده الا بوجود شمعة عاكسة او شمعة توضح ضعف الترند
وانا ارفقتلك المؤشرت الى شغالين بيها هنا ركبها كلها من جديد ولكن على خلفية فاتحة يفضل البيضاء

واى استفسارات انا معاك

[Mo3Ty]

ما هي توقعاتك اخي معطي لليورو؟

والله اخي شيرار لا احب التوقعات زى ما انت عارف
ولكن رؤيتي مازلت كما هى منذ 3 ايام للشراء بوجود شمعات عاكسة على الديلي على معظم الازواج
وزى ما انت عارف مشحتفرق معانا اوي لاننا شغالين هنا انتر داى فممكن ندخل بيع لو اتكسرت حواجز البيع على الساعة ولكن وقتها حيبقا بهدف صغير لاننا عارفين ان الترند صاعد وحنزود فى اهداف الشراء باذن الله

[Mo3Ty]

السلام عليكم

ده تصوري للكيبل ويعتبر هو هو شرح بقية الازواج الى شغالين عليها هنا ماعدا اختلافات بسيطة وكنت كتبتها فى موضوع التاني الى نزلته النهاردة فى المنتدى وقولت طبعا لازم يتحط هنا لان هنا بيتنا الاول

شخصيا ارى ان الكيبل للشراء الايام الجاية ولكن ده مبيفرقش معايا اوي لان شغلي انتر داى فممكن الى شايفه دلوقتي شراء بعد شوية يتقلب بيع وممكن اخد فرص من الشارت طالع نازل فمبيفرقش اوي معايا قصة النظرة السوينجية للعملات الا فى الترند العام بقدر ازود الهدف اكثر لو حاجة عكس الترند العام

ندخل فى المهم

الكيبل ديلي



اولا :عند الخط الاحمر العرضى الى فى الشارت وهى نقطة 1.5341 السعر لم يستطيع كسرها والاغلاق اسفلها بشمعة ديلي من شهر 8 لسة 2010 يعني حوالى بقالوا سنة وشهرين كل ما يجي عند النقطة ده يروح راد لفوق بقوة لذلك ده اول سبب فى اعتقادي انه للصعود

ثانيا :عند اول دائرة شمعة كيل زى سيلر الخضراء ده عاكسة للترند الهابط ولم تاتي بهدفها حتى الان

ثالثا: شمعة اليوم نزلت لمست حد القناة الثالثة وبدات فى الصعود مرة اخرى لاعلى وننتظر باقي حوالى 3 ساعات على انتهاء اليوم ونشوف حتغلق فين فلو قفلت فوقهم فاعتقد اسباب الصعود حتزيد




الكيبل ساعة




حسب الطريقة فنحن مبندخلش اوردرات بعد الساعة 6 او 7 بالكتير لذلك فلا دخول الان
ولكن انا شايفه حسب رؤيتي الشخصية فهو للصعود لعدة اسباب وهي

1- ارتداد من اسفل لاعلى وقفل فوق منتصف شمعة الليموزين وده كانت نقطة شارحها دكتور جمال وهى غاية فى الاهمية ان لو فى شمعة ليموزين والسعر طلع لنصفها وقفل تحتها فناخدوا بيع اما لو كسر نصفها فالمفروض انه يكمل صعود لاعلى

2- السعر كسر القناة الثالثة والاولي وخط 100 وقفل فوقهم بشمعتين
فكل ده يدعم الصعود فى رايي





هذه ليست توصية وكل شخص مسؤل عن حسابه لايف
واذا لم يتفق تحليلي مع تحليك فلا تدخل

[Eng.Shady]

تسلم ايدك ان شاء الله تكون جمعه مباركة

جزاك الله خيرا

[حيدر علي]

اخي معطي من فضلك ما هي الالوان المستخدمه في قنوتك
وعندي سؤال بالنسبه للمؤشرات التي ارفقتها لي
هل مؤشر السفاري هو نفسه مؤشر الفيبو ؟

[Mo3Ty]

تسلم ايدك ان شاء الله تكون جمعه مباركة

جزاك الله خيرا

تسلم اخي الكريم شادي

[Mo3Ty]

اخي معطي من فضلك ما هي الالوان المستخدمه في قنوتك
وعندي سؤال بالنسبه للمؤشرات التي ارفقتها لي
هل مؤشر السفاري هو نفسه مؤشر الفيبو ؟

بالنسبة لالوان القنوات انت مشحتاج تغير فى الالوان فمؤشر 3 قنوات جاهز بالوانه واتوماتيك يتحدث لوحده يوميا
فقط عليك تركيبه على الشارت

ومؤشر سفاري غير مؤشر الفيبو

وانا ارفقتلك التمبلت بتاعي انا مبرضاش ارفقه لاني كل ما ارفقه لحد بيطلع عنده غلط مشفاهم ليه
بس جرب يمكن يظبط معاك باذن الله
وارفقتلك تمبلت اخر فقط خلفية بيضاء ركب عليه بس المؤشرات وخلاص ده لو مظبطش التمبلت الاول
واى شئ اخر انا معاك

[م / حسام سرى]

بسم الله ما شاء الله
مبدع اخي معطي دائما

متابع معك بقالي فترة بصمت بسبب شغلى
بس بجد الطريقة رائعة

[amr eltabei]

أخ معطي عندما أضع مؤشر سفاري يغلق برنامج الميتا و يعطي رسالة خطأ هل واجهت أحد هذه المشكلة

اخى ريتشارد فى فلدر المؤشرات افتحة واحذف الايكونة اللى عليها السهم وباذن الله هيشتغل البرنامج كويس جرب وقولى.

[ريتشارد]

أخ معطي أستفسار و أرجو أن تحتملني سأسألك كثيرا
السعر لم يضرب اللو 0 % و مع ذلك أرتد كيف أحدد كيفية الدخول مع أنه أخترق القنوات و الدخول مع أفتتاح الشمعة بعد الأختراق السعر نزل 20 نقطة فقط و أرتد هل من الممكن تشرح لي هذه النقطة
مع أنه على الأربع ساعات السعر بالطالع لكنه لم يصب الديلي لو هل من الممكن الشرح و العملة يورو ين

[Mo3Ty]

بسم الله ما شاء الله
مبدع اخي معطي دائما

متابع معك بقالي فترة بصمت بسبب شغلى
بس بجد الطريقة رائعة

ربنا يكرمك شكرا لذوقك ياكبير

[Mo3Ty]

اخى ريتشارد فى فلدر المؤشرات افتحة واحذف الايكونة اللى عليها السهم وباذن الله هيشتغل البرنامج كويس جرب وقولى.

عمرو باشا وصلت سلامك لدكتور جمال
وهو بيسلم عليك جدا وبيقولك انك من الناس المحترمة

كدة وصلت الامانة بينكم انتم الاتنين
وفعلا انتم الاتنين من اخر الرجال المحترمين

[Mo3Ty]

أخ معطي أستفسار و أرجو أن تحتملني سأسألك كثيرا
السعر لم يضرب اللو 0 % و مع ذلك أرتد كيف أحدد كيفية الدخول مع أنه أخترق القنوات و الدخول مع أفتتاح الشمعة بعد الأختراق السعر نزل 20 نقطة فقط و أرتد هل من الممكن تشرح لي هذه النقطة
مع أنه على الأربع ساعات السعر بالطالع لكنه لم يصب الديلي لو هل من الممكن الشرح و العملة يورو ين

بص ياريتشارد انت تسال براحتك وانا يشرفني وجودك فى الورشة والله
وكل اسالتك على راسي وحجاوبك عليها
بس سامحني انا اقسملك بالله مشايف قدامي خلاص بقالي يعتبر اكثر من 48 ساعة صاحي بسبب الفوركس منمتش فيهم الا 3 ساعات والباقي كلوا قهوة ونسكافيه ومحتاج فعلا ارتاح وشكلي لو نمت حصحي على اخر الشهر هههههههههه

فعامة هنا نظامنا فى الورشة اى حد عنده استفسارات ان شاء الله مية استفسار يحطهم وانا اول لما برجع او بصحي بجاوب على كل شئ بالترتيب ومبزهقش ومبتاخناش والله فاسال براحتك
بس اتمني ان تعذرني لان فعلا مشحقدر اساعدك وحكروتك لو حاولت ان اشرحلك دلوقتي
ولغاية ما اصحي
اولا ابعد عن اليورو \ ين مشغالين عليه
ثانيا شغالين فقط على ( يورو\ كيبل\ نيوزلندي\ استرالي\ كندي)
ثالثا برجاء قراءة ملخص الطريقة الى فى توقعي جيدا+ قراءة 20 صفحة

واعتذرلك مرة اخري واتمنى تقبل اعتذاري فانت اخ عزيز ومحترم

تصبحوا على خير البنزين عندي خلص

[ahmed4781]

بارك الله فيك اخى على هذه الطريقه الرائعه
هل يمكنك تحميل التمبليت على سيرفر غير المنتدى
لانى مش قادر احمله من المنتدى
وجزاك الله خير