هل باك تيست ناجح يعنى اكسبيرت ناحج ؟؟؟؟؟؟

[wise_investor23]

اهمية الباك تيست كاختبار لقدرة الاكسبيرت لتحقيق اراباح

افيدونا هل باك تيست ناجح يعنى اكسبيرت ناجح على اللايف

[bogisaha]

لا يمكنك اخي الاعتماد علي الباك تست فقط للتاكد من نجاح الاكسبيرت ويفضل تجربته ديمو اولا للتاكد من طريقة عمله

[somaare]

خلاصة القصة
الاكسبرت الفاشل في الباكتسيت راح يكون فاشل 100 % علي الحقيقي
لكن ممكن تلاقي اكسبرت ناجح جداُ في الباكتيست لكن اذا جربته لايف هتلاقي اكسبرت تاني شغال
اذا صادف معاك اكسبرت ناجح باكتيست لازم تشغله لايف فورورد تيست علي الاقل 3 شهور علشان تقدر تحكم عليه

[wise_investor23]

شكرا جدا للإهتمام ولكن هناك اكسبيرت لا يفتح الكثير من الاوامر على الباك تيست ولكن فى على الديمو يفتح اوامر

[trend seeker]

شكرا جدا للإهتمام ولكن هناك اكسبيرت لا يفتح الكثير من الاوامر على الباك تيست ولكن فى على الديمو يفتح اوامر

والله يا أخي الكريم أفضل شئ , ان تضع الأكسبرت على الأختبار الحي , مده لا تقل عن ثلاثة شهور , ومتابعة أدائه وكلما كانت فترة العمل وأختبار الأكسبرت اكثر كان افضل , يعني مثلا لو عندك أكتر من أكسبرت ومحتاج تختبرهم أفتح لكل واحد منصه وشغلهم كلهم مع بعض وتابع أدائهم وأختار أفضلهم , هذا رأيي لا تثق ابدا في الباك تست .

[wise_investor23]

سمعت مقولة بتقول ان الباك تيست وظيفته بس عشان تعرف هل الاكسبيرت يعمل كما تريد ام لا واما النتيجة فليس لها تأثير
صراحة انا عملت باك تيست والمكاسب كانت كبيرة جدا وفى الديمو على الايف كنت بلاقى خساير كبيرة جدا فهل اهتم بالباك تيست فى النتيجة ولا اهمله تماما وادخل على طول على الاختبار على الديمو او الريل

[Learn4X]

كل شيء عن الباك تيست

ما هو الباك تيست؟

الباك تيست يعنى التجربة على الماضى
انت مثلا عندك استراتيجية او مؤشر او اى حاجة نفسك تشوف سلوكها بيعمل ايه، هل المؤشر بيعيد رسم نفسه، هل الاستراتيجية مربحة فى شهر كذا؟
الباك تيست بيوفر عليك انك تنتظر وتتابع المؤشر او الاستراتيجية لايف، فبتتعامل مع البيانات التاريخية اللى حصلت بالفعل فى تجربة المؤشر (كما لو كان لايف ساعتها)

ليه الناس لا تعترف بالباك تيست؟
عشان مش فاهمين
الناس بتقول ان الباك تيست ده نتايجه غلط ولا يعتمد عليه
حاول تفهم الاول قبل ما تهاجم

الباك تيست هو اللى حصل من سوك السعر فى الماضى
يعنى اللى انت بتقول عليه نجربه لايف الوقتى، فهو باك تيست بعدين
والبيانات اللى انت بتعمل عليها البام تيست كانت لايف فى يوم من الايام

أمال ليه المؤشرات والاستراتيجيات التى بتبقى نافعة على الباك تيس بتفشل لايف؟؟
اااااه يبقى نفهم بقى مش نهاجم وبس
ده بيعتمد على كذا حاجة

أولا فيه عامل فى منتهى منتهى الاهمية فى الباك تيست وهو جودة البيانات
يعنى ايه؟
انت لما بتكون شغال لايف البيانات لتحرك السعر بتتحمل عندك اولا بأول
ولو انت قفلت البرنامج يومين مثلا وتيجى تفتحه بياخد شوية وقت على ما يحمل البيانات اللى حصلت وانت قافل
فلو انت عاوز تعمل باك تيست يبقى أهم شىء تجيب البيانات اللى فاتت بتاعت الفترة دى (اللى انت هاتجرب عليها)
طيب البيانات دى انواع
بمعنى انت لما كنت فاتح البرنامج كانت بتجيلك البيانات مع كل حركة للسعر
Every Tick
انما لو هاتحمل بيانات تاريخية من على الشارت (يعنى جبت فريم الساعة اللى احنا شغالين عليه لورا كتير عشان يجيب بيانات قديمة) البرنامج هايستدعى بيانات الفريم اللى انت واقف عليه
يعنى لو هاترجع لورا على فريم الساعة البيانات المستلمة هاتكون بتاعت الساعة وهكذا
طيب الساعة دى حصل خلالها ايه؟؟
يعنى السعر طلع ونزل ورجع طلع و و و ده مش موجود

طيب والحل؟
الحل انك عشان تعمل باك تيست سليم تكون البيانات اللى عندك مكتملة
ده كمبيوتر، يعنى زى ما هاتقوله وتغذيه من بيانات هايديلك نتائج
فلو انت عاوز نتائج سليمة لااااااااازم تديله بيانات سليمة ومكتملة

ازاى اوصل للبيانات دى؟
فيه مواقع بتديلك كل البيانات بتاعت كل العملات على كل الفريمات
وممكن الاسهل انك تحمله من داخل البرنامج نفسه من خلال الداتا هيستورى
عموما ده مش موضوعنا للشرح وفيه مواضيع شارحة ده كويس اوى

المهم لما تحمل البيانات تبقى بيانات دقيقة عشان النتائج تبقى مشابهة للايف
ومن هنا نبدأ نقول ان الباك تيست مشابه للايف (لدقة البيانات)
وفيه نسبة الدقة دى بتكون موجودة فى الريبورت بتاع الباك تيست تحت عنوان
Modelling Quality
ولو كانت النسبة 90% دى اعلى مودلينج كواليتى موجودة

طيب وهل نسبة 90% كويسة؟
فيه كمان حاجة فى الريبورت بتوضح الجودة وهى تحت عنوان
Mismatched Chart Errors
ودى بتوضح فيه كام شمعة كانت البيانات بتاعتهم مش دقيقة اوى
واكيد كل مايقل الرقم الدال على عدد الشموع كلما كانت الجودة اعلى
ودى بتكون نسبة وتناسب مع الرقم الموجود فى عنوان
Bars in Test
وده عدد الشموع اللى تم عليها الاختبار

نفهم من كل اللى فات
ان لما واحد يجيب باك تيست ريبورت مكتوب فيه كودلينج كواليتى اقل من 90% لا يُعترف بيه
ولو كان 90% نبص على عدد الشموع اللى مش دقيقة ونسبتها مع عدد الشموع المعمول عليها التيست
يعنى لو 10 شموع مش دقيقة من اصل 100 شمعة عليهم تيست
يعنى التجربة غير دقيقة بنسبة 10% وطبعا ده تهريج
انما لو كانت اللى غير دقيقة 10 برضة ولكن التيست معمول على 1000 شمعة يبقى النسبة 1% يبقى افضل كتير
وهكذا

يبقى عرفنا ليه الناس بتقول على الباك تيست انه مش مظبوط؟ عشان البيانات مابتكونش دقيقة زى اللايف
انما لو كانت دقيقة؟؟ فانت اساسا محمل البيانات اللايف عادى (بس اللايف اللى حصل من شوية)

دى اول حاجة
تانى حاجة بتخلى نتائج الباك تيست مش صحيحة
ودى بتكون فى الاستراتيجية نفسها
بمعنى انك تكون بتشتغل على حاجة قائمة اساسا على تحرك السعر فى الشمعة الحالية
يعنى ايه الكلام ده؟
مثال
واحد عامل استراتيجية انه يدخل بيع مثلا لو نزل مؤشر الماكد تحت الصفر فيدخل بيع ماركت من السعر الحالى
وهو عامل باك تيست (بس بعينه هو على الشارت) والنتيجة راااااائعة
ولكن مع عمل اكسبيرت فى الباك تيست النتيجة فاااااااشلة
فيبقى ايه؟؟؟ اكيد يا اما الباك تيست يا اما الاكسبيرت اللى غلط هههههه
انما استراتيجيته ممتاااااااازة وهو بنفسه مجربها وشايفها بعينه

تعالوا نبص بالراحة شوية
هو لما شاف بعينه شاف ايه؟؟
شاف السعر بعد ما اتحرك وثبتت الشمعة
بس تعالى بقى نشوفها لما كانت لايف ايه اللى حصل

السعر نزل، فنزل معاه مؤشر الماكد
وفضل ينزل السعر ووراه الماكد لحد لما الماكد نزل تحت الصفر (اللى هو شرط البيع)
ولكن السعر بعدها ارتد وطلع (فى خلال نفس الشمعة) وبذلك سحب معاه الماكد لفوق
وفضل يطلع لحد لما قفلت الشمعة ما شاء الله خضرا
طيب والماكد؟؟؟
الماكد اللى كان نزل تحت الصفر الوقتى قفلت الشمعة وهو ما شاء الله فوق الصفر بكتير
فلما ييجى اخينا يبص بعينه هايلاقى ايه على الشارت؟
الماكد مالوش علاقة بالصفر خالص ولا حتى لمسه، فمابيحسبهاش صفقة من اساسه
انما لو كان هو قاعد لايف ساعتها كان زمانه دخل بيع وارتدت عليه والله اعلم هاترتد اد ايه
انما الاكسبيرت بيكون دخلها، لان الاكسبيرت هو عبارة عن برمجة الفكرة بحيث تشتغل اوتوماتيك عند توفر الشروط، سواء بيع او شرا او تعزيز او هدف واستوب
فالاكسبيرت مش هايخترع، هو بيعمل اللى انت قايل عليه بالظبط
فلو انت عامل البيانات دقيقة والاكسبيرت سليم، فاكييييييد هايكون العيب فين؟؟؟ فى الاستراتيجية مافيش كلام

طيب حل موضوع المؤشرات ده ايه؟؟؟
فى المشاركة القادمة عشان دى طولت اوى اوى
هههههه

د/ جمال ممدوح

للمزيد https://forum.arabictrader.com/t1184...ml#post2028294

[wise_investor23]

شكرا جدا بس انا برده من خلال الكثير من التجارب قد تصل الى 1000 تجربة هناك فرق بين الباك تيست واللايف حيث انا الاخطاء عندى صفر والجودة 90% ومع ذلك غير مجدية ساحاول لعلى على خطأ