عقاب النفس ......... لضبط النفس

السلام عليكم

انا حكتب ملخص الفكرة والي عايز اقوله الاول وبعد كدة فى الاخر حكتب شوية تفاصيل عشان الناس متزهقش

باختصار :
::::::::::::::::

اصعب شئ فى الفوركس هو ضبط النفس هناك من يستعمل مؤشر واحد فقط او الشارت فاضي وبيكسب وذلك لانه يستطيع التحكم فى نفسيته اثناء المتاجرة.

عقاب النفس لضبط النفس هو اسلوب استخدمه عندما ادخل فى يوم عكس التحليل فاعاقب نفسي حتى لا اكرر هذا الموقف مرة اخري.

التفاصيل:
:::::::::::::::::

انا عارف ان فى ناس حتقول ايه الجنان ده الى بتقوله يعني ايه تعاقب نفسيتك عشان انت غلطت
ولكن الى شجعني ان اكتب هذا الموضوع ان من 3 ايام حللت صح جداااا وجنيت مكاسب قوية اليوم ده فجيت تاني يوم اتغيرت فى نفسي وحسيت اني ملك الفوركس فجيت احلل عملة القطر (اليورو\ ين) وكان قدامه كذا عقبة للصعود وانا شايفها ولكن اخدته برضوا شراء وكتبت وقتها ياجماعة انا دخلت شراء بس شايف كذا عقبة بس برضوا انا دخلت بعدها وعندها اخواني الاعزاء فى موضوع (خبرتي لدكتور جمال) نبهوني وقالولي يامعطي اطلع من الصفقة على نقطة لاننا كلنا شايفين انه نازل فروحت مركز تاني فى الشارت وكانني فى غيبوبة وفعلا اقتنعت بكلامهم وهو ده الى كنت شايفوا فى الاول فقولت ايه الهبل ده ازاى دخلت الصفقة ده ولا تحليل فني ولا اساسي يخليني ادخلها شراء فقولت والله لانا معاقب النفسية عندي وحسيب الستوب يضرب مع ان السعر وصل لنقطة التعادل مرتين عشان بعد كدة متغرش فى نفسي تاني وادخل غلط مع العلم ان استخدمت الموضوع ده كذا مرة ولكن نحن فى الاول والاخر بشر وطبيعي حنغلط تاني وتالت بس الى عملته ده
حيخلينا نغلط على فترات متباعدة يعني بدل ما بنغلط نفسيا فى الشهر مرتين حنغلط مرة وبعد كدة مرة فى شهرين وهكذا


واحد حيقولي طيب انا حسابي مليان خسائر من يومين فمشناقص اضرب لنفسي ستوب
حقوله يبقا عاقب نفسك بطريقة اخرى وهى الرجوع للديمو لمدة مثلا 3 ايام او اسبوع

المهم بعد ما كتبت الكلمتين دول انا حعاقب نفسي بترك الستوب وكنت متوقع الناس تقولي ايه ياعم الجنان ده لقيت ان فى اعضاء تانية محترمة معايا بتقولي على فكرة يامعطي احنا بنعمل كدة وبنعاقب نفسنا عشان منغلطش ولاحظت ان معظم الناس الى بتقول كدة دول من الناس العتاولة فى موضوع خبرتي بمعنى اخر الى مكاسبهم اكثر من خسائرهم بسم الله ما شاء الله

وده كانت مشاركاتهم مع احترامي وتقديري لهم واى شخص فيهم عايزني اشيل رده يبلغني وانا اسف

العضو المحترم: TSX

انا سويت العقاب هذا لنفسي اليوم واللهِ ..
..........................................

العضو المحترم : kikooooo


علاج مفيد جداً
ماتتصور شكثر عاقبت نفسي عشان اسيطر على اعصابي
اخر مره كانت الاسبوع اللي فات

...........................................

العضو المحترم :amreltabei


عارف يا معطى احسن عقاب لنفسك عند الغلط اية؟؟؟؟؟..

انك تجبر نفسك متشتغلش لمدة 3 ايام .. تتابع الشاشة ولا تشتغل ابدا .. وبعد يما تخلص مدة عقابك لنفسك هتتعدل قبل دخول اى صفقة .. وهتلتزم بأسلوبك او طريقتك ولن تخرج عنها بعد ذلك الا بعد فترة وهكذا...... انا بعمل كدة مع نفسى .

...................................

العضو المحترم: zelenko


لقد اغلقت علي خسارة 50 عقابا لنفسي و خوفا من ان يصعد مرة خري

و بعد كدة ن شاء الله مش هتاجر غير و انا صاحي و فايق

عقاب النفس لضبط النفس
.................................................. ........................................
ولذلك انا منتظر ارائكم الكريمة على هذا الموضوع
ايه رايك فى عقاب نفسك لما تغلط باى صورة من العقاب؟

واسف على الاطالة
تقبلوا تحياتي
+معطي+

عقاب كويس جدا بس فيه عقاب تانب بردة انا بعملة وهو اني بفضل اتاجر وادخل صفقات عن طريق شروط معينة ولما ابجا ابعد الشروط دي بعاقب نفسي ومش بتاجر تاني يوم وهو عقاب كويس بردة المهم انك تانب نفسك علي انك غلط وتلومها علشان متحاولش تعمل كدا تاني طريقة العقاب المهم ازاي يكون العقاب مؤثر فيك بانك متكررش الغلط تاني وتدخل صفقات من غير تحليل ولا اي حاجه

اسف علي الاطالة

تحياتي

انا اعاقب نفسي واخرج فورا ..
ولا اعاقبها في الخسارة ..
اشكرك

من وجهة نظري علاج مفيد جداً جداً وجتني فتره استخدمه بشكل يومي - لاتقولون مجنون -
وإلى الأن بمعدل كل اسبوعين - ثلاث اسابيع استخدمه - عند اللزوم طبعاً -
الحمدلله في تطور جداً وعلاج مفيد جداً جداً اي نعم بتخسر صفقة صفقتين بس بكتسب تحكمك بأعصابك ودخول افضل بالمرات القادمه
عموماً مو الكل ممكن يتفق مع هالعلاج الفعال
بالنهاية اهم شي الواحد يتعلم يسيطر على اعصابه بأي طريقه تعجبه

كلما زاد علمك وتمرسك فى السوق كلما اختفت نفسيتك مع السوق وستتعامل معه كانه اى الة لها طريقة عمل

أما قلة العلم والخبرة فلن تجد امامك سوى اهواءك توديك وتجيبك
تقفل اوردر قبل هدف كبير
تقفل اوردر خسران مع انه شوية وهيروح يجيب هدفك
تتاخر ففتح اوردر
تتسرع ففتح اوردر

العلم والخبرة هم رمانة الميــزان فى صنع القــرار


ودة مثال بسيط اليــوم فى اصعب ظروف التذبذب
http://www.viafy.com/uploads/e14f9c1fa4.png
اليورو توقيت التصويت فى ا ليونان كان متذبذب جدا
رغم ذلك لم اغلق الشراء لانى ملتزم ب اليات اغلق عندها او استمر
والياتى كانت اغلاق شمعتين ساعة اسفل الحد السفلى للقناه الصاعدة ليبدا البيع
وهو ما لم يحدث اذن انا ما زلت فى الشــراء ولا يوجد اى همس لنفسيتى نهائيا بالسوق



دى وجهة نظرى

لابد من العقاب وجلد الذات للنجاح

وانا ان شاء الله ببدأ في مشروع العقاب لنفسي :)


تحيااااااااااااااااتي لك

لماذا اخى الكريم تعاقب نفسك بخسارة صفقه بيدك ان توقفها...لماذا يكون العقاب سلبيا.. فليكن العقاب ايجابيا بأن تفرض على نفسك ترجمه كتاب عن الفوركس وقراءته او قراءة كتاب عن التحليل الفنى او عن الاقتصاد بشكل عام...سترى كم المعلومات الذى ستحصل عليها ان مارست هذا العقاب بصدق مع النفس
انصحك نصيحه لله تخصص فى زوج واحد وتعامل مع السوق بمنطق الالة ليس لها دخل بالمشاعر او النفسيه وغيرها ..حينها سيتساوى لديك احساس المكسب واحساس الخسارة ويصبح عملا روتينيا كبقيه الاعمال ..
بالتوفيق لك وللجميع ان شاء الله

عقابي لنفسي هو ادا لم يتظح لي الشارت اقفل الجهاز 4 ساعات وأنزل اشرب قهوة مهم جذا

شكرا لكل الى شارك فى الموضوع
ومن الواضح ان الكل بيعمل عقاب للنفس ولكن بطرق مختلفة من شخص لاخر
فالمهم اولا واخيرا ان هناك عقاب للنفس باى شكل من الاشكال حتى لا يتكرر هذا الخطا

لا المفروض انك تعاقب نفسك
مش فلوسك :)

بس انا كنت بعمل كده احيانا :)

السلام عليكم ورحمة الله وبركاته
وجهة نظر أخرى :)
أعتقد أن عقاب النفس قد يسئ الأمور أكثر
لأني اعتقد ان مرحلة العقاب ستدخلك في حالة ندم ويأس وقد تتحول الى حاله نفسيه فعلا
العيب ليس في الخطأ ولكن العيب في تكرار الخطأ
ولحديث رسول الله صلى الله عليه وسلم
كل ابن آدم خطاء، وخير الخطَّائين التوّابون ( أقصد من هذا الحديث ان بطبيعتنا البشريه الوقوع في الأخطاء)
فكلما كبر الخطأ كلما زاد التعلم منه , وهذا هو المطلوب من الخطأ
فلو حولنا حالة الخطأ الى حالة تعلم وتدريب ستكون الاستفاده أكبر من أن نعاقب أنفسنا

اقتباس:

---

المشاركة الأصلية كتبت بواسطة محمد العزب

السلام عليكم ورحمة الله وبركاته
وجهة نظر أخرى :)
أعتقد أن عقاب النفس قد يسئ الأمور أكثر
لأني اعتقد ان مرحلة العقاب ستدخلك في حالة ندم ويأس وقد تتحول الى حاله نفسيه فعلا
العيب ليس في الخطأ ولكن العيب في تكرار الخطأ
ولحديث رسول الله صلى الله عليه وسلم
كل ابن آدم خطاء، وخير الخطَّائين التوّابون ( أقصد من هذا الحديث ان بطبيعتنا البشريه الوقوع في الأخطاء)
فكلما كبر الخطأ كلما زاد التعلم منه , وهذا هو المطلوب من الخطأ
فلو حولنا حالة الخطأ الى حالة تعلم وتدريب ستكون الاستفاده أكبر من أن نعاقب أنفسنا

---

:015::015::015:

قفشتك يا عزب :012:

الموضوع كتب يوم 29-06-2011
الخسارة بسبب النفسية يوم 13-9-2011

اولا شكرا لكل الى رد واسف على عدم الرد عليهم حتى الان لاني كنت عامل الموضوع لشئ فى دماغي
وهو تدريب نفسيتي ومعرفة متى حغلط تاني بسبب النفسية
فحتى يومنا هذا لازالت مقتنع ان الشئ الاساسي فى الفوركس هو النفسية فكل الاستراتيجيات مربحة ولكن المشكلة فى النفسية

فاعتبر هذا الموضوع ورشة نفسية او بلوج نفسية بفكر به نفسي كلما اخطا

والحمد لله والشكر لله .......
وفقني الله خلال شهرين ونصف ان لا اخطا فى الدخول حسب النفسية واخطات يوم13-9-2011
بسبب عدم التحكم فى النفسية وطمعت فى دخول اوردر لم يكتمل الشروط خاصة ان بقالي فترة كبيرة ولله الحمد لم اخسر فاخدت ثقة فى نفسي زائدة وده مشكلة ان ياخذ المضارب ثقة فى نفسه بعد مكاسب متعددة تجعله يشعر انه اقوى من السوق وان السوق حيتحرك زى ما هو عايز
فقفلت الاوردر على خسارة 23 نقطة عقابا للنفسية

وهذا الرد تذكير لنفسي حتى اقدر اضرب النفسية على عدم الخطا خلال شهرين ونصف
وان شاء الله تكون المرة الجاية اطول

اقتباس:

---

المشاركة الأصلية كتبت بواسطة Mo3Ty

الموضوع كتب يوم 29-06-2011
الخسارة بسبب النفسية يوم 13-9-2011

اولا شكرا لكل الى رد واسف على عدم الرد عليهم حتى الان لاني كنت عامل الموضوع لشئ فى دماغي
وهو تدريب نفسيتي ومعرفة متى حغلط تاني بسبب النفسية
فحتى يومنا هذا لازالت مقتنع ان الشئ الاساسي فى الفوركس هو النفسية فكل الاستراتيجيات مربحة ولكن المشكلة فى النفسية

فاعتبر هذا الموضوع ورشة نفسية او بلوج نفسية بفكر به نفسي كلما اخطا

والحمد لله والشكر لله .......
وفقني الله خلال شهرين ونصف ان لا اخطا فى الدخول حسب النفسية واخطات يوم13-9-2011
بسبب عدم التحكم فى النفسية وطمعت فى دخول اوردر لم يكتمل الشروط خاصة ان بقالي فترة كبيرة ولله الحمد لم اخسر فاخدت ثقة فى نفسي زائدة وده مشكلة ان ياخذ المضارب ثقة فى نفسه بعد مكاسب متعددة تجعله يشعر انه اقوى من السوق وان السوق حيتحرك زى ما هو عايز
فقفلت الاوردر على خسارة 23 نقطة عقابا للنفسية

وهذا الرد تذكير لنفسي حتى اقدر اضرب النفسية على عدم الخطا خلال شهرين ونصف
وان شاء الله تكون المرة الجاية اطول

---

عشان تحرم تشغل نفسيتك تانى :)

اغلق الحقيقي واشتغل على الديمو ! بهالطريقة تعاقب نفسك وتعاقب البروكر بنفس الوقت !!! ههههههه ...