� ﬗ▁▂▃▅▆▇★@@☀二【«----- المغناطيس -----»】二☀@@★▇▆▅▃▂▁ﬗ�

[Amro]

اخي الحبيب شكرا جزيلا هل ممكن ارفاق المؤشر
انا عارف ان حضرتك مشغول بس هنعمل ايه من عشمنا فيك و ياريت رابط شرح الموضوع و في ميزان حسناتك

تفضل اخى الحبيب بارك الله فيك
المؤشر بالمرفقات
جزاك الله خيراً

[amrelnagar53]

شرح لفكره استخدام الرينج اليومى المتوقع

الأخوه الأحباب جميعاً بارك الله فيكم

كما ذكرت سابقاً ان فكره المؤشر تعتمد على الرينج اليومى والنسبه الذهبيه , وما نراه فى المؤشر وعلى يسار الشارت من ارقام رينج 1 و رينج 2 وهكذا ما هى إلا رينجات متوقعه للعمله نقوم بالتعامل معها حسب معطيات الحركه
وتعتبر صفقه الرينج اليومى صفقه منفصلة تماماً عن اوضاع الخطوط وإن كنا فى اغلب الأحيان نأخذ بعين الإعتبار موضع السعر بالنسبه للخطوط بالطبع , كما ان هذه الصفقة تحتاج إلى فراسه المضارب وتوفيق فى تحديد الإتجاه اليومى بنسبه كبيره , كما انها تحتاج ايضاً إلى دقة فى تحديد لو متقوع او هاى متوقع , فهى صفقه يتم الدخول فيها مره واحده فقط او مرتين على الكثر فى اليوم باستوب صغير

وتعتمد الفكره على التالى

1. نقيس رينج العمله لليوم السابق .
2. نرى مكان الرينج السابق بين الرينجات المتوقعه ثم نحدد رينج قبله ورينج بعده .
3. ننتظر شمعه انعكاسيه او نموذج انعكاسى للشموع ونعتبر هذا هو الهاى او اللو اليومى حسب موضعه .
4. إذا كانت شمعه انعكاسيه ندخل بعدها فوراً بإستوب لو هذه الشمعه إذا كان التوقع انها لو اليوم , واستوب هاى هذه الشمعه إذا كان التوقع انها هاى اليوم .
5. نضع الهدف الرينج المتوقع السابق لرينج اليوم السابق , بمعنى إذا كان رينج اليوم السابق مثلا 120 نقطه , وهو يقع بين رينجين متوقعين هما 95 و 152 فيكون الهدف فى هذه الحالة هو 95 نقطه وهو الرينج الأقل
6. إذا تم ضرب الأستوب لا قدر الله يتم تكرار العمليه عند اقرب شمعه انعكاسيه اخرى فقط , فبذلك يكون الدخول بحد اقصى مرتين وغلا يكون توقع الإتجاه خاطئ

هذه الطريقه مثاليه فى التعامل وهى غالبه الحدوث بنموذج انعكاسى او شمعه انعكاسيه , ولكن هناك حالات شاذه واحيانا ما تحدث
1. فمثلا قد نجد العمله من اول اليوم تأخذ ترند صاعد او هابط من اول اليوم إلى أخره وهنا يعطينى السعر غالباً إشارة لذلك من بدايه اليوم حتى نصفه او ثلثه الأول على الأقل , حيث نجد شمعه انعكاسيه غريبه تحدث فى اتجاه اليوم ومثال على ذلك شمعه الساعه 4 يوم 13-6-2011 على اليورو دولار وكذلك شمعه الساعه 3 يوم 10-6-2011 على المجنون حيث ابتلعت ما قبلها
2. ايضاً قد نجد العمله قطعت نصف اليوم تقريبا واستنفذت الرينج المتوقع الذى حددناه من اول اليوم دون ان تعطى اى نموذج انعكاسى او شمعه انعكاسيه , لكننا سنجد فى اخر اليوم السابق وتقريبا فى الثلث الأخير فى اليوم السابق نموذج انعكاسى او شمعه انعكاسيه بعدها تذبذب فى اغلب الأحيان , وهنا يتم الدخول فوراً من اول اليوم الجديد شرط ان يكون الافتتاح قريب من هذا النوذج الإنعكاسى او الشمعه الإنعكاسيه حتى يكون الأستوب صغير
3. ايضاً قد لا يحدث احد الإحتمالين السابقين ونجد العمله تأخذ طريقها من اول اليوم دون اى سابق انذار , وهنا سنجد احتمال ثالث وهو تذبذب شديد فى اخر اليوم السابق وهو ما يسميه البعض بعملية ( التجميع ) وهذه تكون فى اتجاه ترند هابط او صاعد حسب خط سير العمله
4. قد تظهر احدى العلامات السابقه وتليها مباشرة علامه اخرى معاكسه فى اول اليوم الجديد هنا لابد من الخروج والعكس مباشرة , وسنجدها غالباً شمعه انعكاسيه اول اليوم يتم الدخول بعدها لكن تليها شمعه اخرى مضاده لها , فيجب الخروج ثم عكس العمليه

هناك حالات اخرى نادرة الحدوث سنلاحظها سوياً خلال المتابعه إن شاء الله

ارجوا من الجميع دراسه الأمر حتى غداً واستيعابه وطرح الأسئله قبل عصر الغد لأنه سيتم إن شاء الله طرح فكره قوة الأرقام وهى رغم بساطتها تحتاج إلى تركيز

وبطرح هاتين الفكرتين يكون قد اكتمل شرح افكار الموضوع كاملاً ونبدأ التطبيق العملى بشكل اكبر واوسع إن شاء الله

اتمنى لكم متابعه موفقه إن شاء الله
جزاكم الله خيراً

جزاك الله خيرا أخى العزيز عمرو شرح أكثر من رائع أظن طبقناها على اليورو ين فى بداية الموضوع.

[Amro]

السلام عليكم ورحمة الله وبركاته

بيع اليورو من منظقة الجذب عند 1.4220 والأستوب اغلاق اربع ساعات اعلى المنطقة والتعزيز من 1.4275 والهدف إن شاء الله عند 1.4067
بالتوفيق إن شاء الله
جزاكم الله خيراً

تفعل الأورد وبالتوفيق إن شاء الله
جزاكم الله خيراً

[amrelnagar53]

تفعل الأورد وبالتوفيق إن شاء الله
جزاكم الله خيراً

جزاك الله خيرا أستاذ عمرو نقفل الصفقة بعد اغلاق 4 ساعات فوق المنـطقة ولا نعزز من 1.4275 .

[Amro]

جزاك الله خيرا أستاذ عمرو نقفل الصفقة بعد اغلاق 4 ساعات فوق المنـطقة ولا نعزز من 1.4275 .

متقلقش يا عمور بإذن الله لو طلع ل 1.4275 يبقى هينزل إن شاء الله بسرعه وساعتها نقفل الصفقه على الدخول الأول , يعنى الصفقه الأساسيه تكون صفر والتعزيز هو اللى يربح إن شاء الله
واحتياطى عشان الناس تكون مطمنة خلى اغلاق الكل يبقى عند اغلاق اى اربع ساعات فوق التعزيز
جزاك الله خيراً

[amrelnagar53]

متقلقش يا عمور بإذن الله لو طلع ل 1.4275 يبقى هينزل إن شاء الله بسرعه وساعتها نقفل الصفقه على الدخول الأول , يعنى الصفقه الأساسيه تكون صفر والتعزيز هو اللى يربح إن شاء الله
واحتياطى عشان الناس تكون مطمنة خلى اغلاق الكل يبقى عند اغلاق اى اربع ساعات فوق التعزيز
جزاك الله خيراً

تمام ياعمرو باشا جزاك الله خيرا.
فى انتظار شرح قوة الأرقام لاكتمال الموضوع وتفتح لنا ورشة تعليمية كده للمؤشرات اللى بتستخدمها مع المغناطيس أنا بقرأ موضوع تعلم الصيد عشان أحاول أوفق بين المؤشرين.

[Amro]

تمام ياعمرو باشا جزاك الله خيرا.
فى انتظار شرح قوة الأرقام لاكتمال الموضوع وتفتح لنا ورشة تعليمية كده للمؤشرات اللى بتستخدمها مع المغناطيس أنا بقرأ موضوع تعلم الصيد عشان أحاول أوفق بين المؤشرين.

إن شاء الله يا عمور
وشكلى هشرحلك انت الموضوع عشان انا مش شايف ناس متابعه ولا حاجه , كله بيتفرج وبس , ولا حد بيدخل فرص ولا بيحط فرص ولا بيعلق على فرص
وبينى وبينك موضوع الورش ده لو مكانش فى ناس فعلا عاوزة تشتغل وتكسب وتتفاعل وتحب الخير للجميع يبقى مينفعش , انا جربته اكتر من مره وللأسف بيفشل عشان الناس بتكسل بصراحه
جزاك الله خيراً

[a.haider]

متابع يا اخى الكريم الموضوع
بس هو طويل ولسه اول مرة اشوفه نهايه الاسبوع الماضى ولسه بقرأ من الصفحات الاولى باقى 20 صفحة

[hz_tl]

متابع معاك يا استاذنا عمرو بس للاسف انا في الشغل ولا استطيع التعامل كثيرا مع الجهاز
فتقبل اعتذار
وجزاك الله خيرا

[amrelnagar53]

موضوع الفرص ده انا معاك ان محدش بيحط فرص وانا عن نفسى مبقتش أحط فرص خوفا من ان فى ناس بتدخل تاخد توصيات وخلاص وتشتغل على حساباتها بدون دراسة ولا حاجة فبقيت أخاف أحط فرصة وحد يتضرر بسببى غير لما واحد خبير زيك يحط فرصة بيكون دارسها كويس من كذا اتجاه انما انا لسه جديد وبتعلم. أما الموضوع ففى ناس كتير جدا متابعاه بس فى صمت ودليل على كده مشاهدات الموضوع اللى وصلت حوالى 21600 مشاهدة بس للاسف مفيش التفاعل المطلوب اما موضوع الورشة ده فلك مطلق الحرية لأن الناس فعلا بتكسل عن اللى فى مصلحتها.
ودى و احترامى.

[amrelnagar53]

الحمد لله فى ناس متابعة أهى.

[Amro]

موضوع الفرص ده انا معاك ان محدش بيحط فرص وانا عن نفسى مبقتش أحط فرص خوفا من ان فى ناس بتدخل تاخد توصيات وخلاص وتشتغل على حساباتها بدون دراسة ولا حاجة فبقيت أخاف أحط فرصة وحد يتضرر بسببى غير لما واحد خبير زيك يحط فرصة بيكون دارسها كويس من كذا اتجاه انما انا لسه جديد وبتعلم. أما الموضوع ففى ناس كتير جدا متابعاه بس فى صمت ودليل على كده مشاهدات الموضوع اللى وصلت حوالى 21600 مشاهدة بس للاسف مفيش التفاعل المطلوب اما موضوع الورشة ده فلك مطلق الحرية لأن الناس فعلا بتكسل عن اللى فى مصلحتها.
ودى و احترامى.

يا عم الله يباركلك انا لا خبير ولا حاجه ده شويه كرم بس من ربك رزقنى بيهم ومن غيرهم انا ولا حاجه صدقنى , الحكايه كلها شويه تركيز بس
عموما انا مش عاوزك تخاف يا عمرو باشا الخوف عدو الربح فى الفوركس , واى واحد بيدخل اى فرصه اى حد يحطها المفروض ليه عنين وراس ويقدر يفكر الفرصه دى صح ولا فيها حاجه , اما لو بتاع توصيات وبس فهو المسؤول الأول والخير مش ذنبك انك بتحاول وهو يجازف ويدخل بلوط كبير ويخصر
احنا قولنا نسبه الدخول 1% مش اكتر , وممكن تنبه للنقطه دى واللى يخالف هو حر بقى
طبعا النسبه دى لحد ما نتقن الموضوع اكتر وإن شاء الله واحده واحده لحد ما نتعلم ازاى ندخل ب 10 و 15 % مره واحده واستوب صغير وبقلب جامد كمان
عموما انت لو حطيت خمس فرص هنا فى التمام وناجحين هقولك على تكه صغيره كده تخلى قلبك جامد وانت داخل وبتقول الفرص وتاخد هدفك وانت حاطت رجل على رجل كمان , زى الهدف بتاع اليورو اللى جاى فى السكه ده إن شاء الله وبفضل الله تعالى وحده
جزاك الله خيراً

[Amro]

متابع يا اخى الكريم الموضوع
بس هو طويل ولسه اول مرة اشوفه نهايه الاسبوع الماضى ولسه بقرأ من الصفحات الاولى باقى 20 صفحة

طيب قول اى حاجه يا باشا الله يباركلك او ادى قلاب كده عشان نشوفك
تنور فى اى وقت وخليك معانا إن شاء الله وبعون الله مش هتقدر تبطل ربح
مستنى مشاركاتك
جزاك الله خيراً

[a.haider]

عموما انت لو حطيت خمس فرص هنا فى التمام وناجحين هقولك على تكه صغيره كده تخلى قلبك جامد وانت داخل وبتقول الفرص وتاخد هدفك وانت حاطت رجل على رجل كمان , زى الهدف بتاع اليورو اللى جاى فى السكه ده إن شاء الله وبفضل الله تعالى وحده
جزاك الله خيراً

قول يا استاذ عمرو لحسن الواحد دمه نشف من كتر الانعكاسات زهق
وصابر صابر لحد ما دمى بينشف

[a.haider]

طيب قول اى حاجه يا باشا الله يباركلك او ادى قلاب كده عشان نشوفك
تنور فى اى وقت وخليك معانا إن شاء الله وبعون الله مش هتقدر تبطل ربح
مستنى مشاركاتك
جزاك الله خيراً

مش هبطل ربح
الله
لا انا عاوز مليون دولار بس ... واوعدك ان شاء الله اسيب الفوركس دا خالص