1 مرفق
حصريــا : فيبوناتشى عربى100 % أفضل من فيبوناتشى الأصلى وتحدي
السلام عليــكم
جتلى فكرة لرسم دعوم ومقاومات دقيقة جدا للسعر ممكن الاستفادة منها بشكل ممتاز
اذا كان بيع من القمم او شرا من القيعان
او بيع بعد الكسر او شرا بعد الاختراق وهكذا
الفكرة كالتالى
نروح لفريــم اليــومي
هناخد شمعة اليوم المنتهي
شوف طولها كام بيب
ولنقل مثلا مثلا طولها 48 بيب
ناخد طول الشمعة نقسمه على 24
اللى هما عدد ساعات اليوم
هيطلع الناتج 2 نقطة
يبقى هنرسم 24 خط عرضى على الشمعة دى الفرق بين كل خط وخط نقطتيــن
وبعد الرسم ننتقل الى فريم الساعة نجد الخطوط مرسومة وتنتظر السعر وممكن تعلق من اول اليوم اوردراتك بيع من القمم باستوب اختراقها وشراء من القيعان باستوب كسرها
وهكذا وممكن جدا تلعب اسكالبينج باهداف قليلة
الأهم اننا فى الوقت الحالى مش هناخد الا ب ثلاث خطوط
خط الهاى
خط اللو
خط المنتصف
ليه ؟
ببساطة لان لو السعر فى الهاى مثلا ونازل لتحت وما زال لم يخسر زخم الهبوط سيكسر الدعوم القريبة بكل سهولة لذا لا يمكنك الاعتماد عليها
احنا نعتمد على الدعوم البعيدة
حيث ان السعر عشان يوصلها بيكون فقد زخم الهبوط
فينزل عند خط المنتصف يريح هناك شوية ويا يكسر يا يرتد وانا له لمترصدون
اما عند الوصول للخط الادنى فبيكون اليوم بدا ينتهى والسيولة قلت واحتمال جنى الارباح اكبر وفرصتك فى الشرا من تحت افضل واقوى
والعكس صحيح بقى لو كان السعر طالع من تحت
وبكدة انته بتستنى السعر يجيلك مبتروحش ليه واقدر ساعتها اديلك نجمة صياد ماهر او فياض كاظم اختار اللى يريحك يعنى :d
وبكدة محددين نقاط الدعم والمقاومة لكل ساعة وطبعا دة أعتقد ادق من الفيبوناتشى اللى نعرفه
انا رسمتها يدوى على شمعة يوم 18
الملف المرفق 271388 وشوفو قوة الخطوط رغم ان رسمها مش دقيق
وطبعا هنحتاج ايد من حرير تعملنا مؤشر يرسم لوحده الحسبة دى مش عشان احنا كسلانين لأ
عشان بس يبقى ادق مننا ويجيب النقط بالظبط وهنحتاج منصة ارقامها العشرية 5 عشان كل حاجة تبقى مظبوطة
ملحوظة : كنت عرضت الفكرة امس على استاذ البرمجة
الأخ سفارى
وكان أبلغنى إن الأخ احمد وهو زميلى كان له فكرة قريبة من فكرتى فوجب التنويه حتى لا يحدث سوء فهم
اقعدو بالعافية
:012:
