كيف تتعامل مع شموع الليموزين ... ملاحظات من الشارت

[مصطفى خالد]

الشموع الليموزين ( long candle )

هى شموع تكون فيها قوى الشراء مركزه و اقوى بكثير من البيع فى الشموع الصاعده و العكس صحيح فى الشموع الهابطه
و تظهر تلك الشموع على اى فريم لكن يفضل طبعا فريم الساعه و ال 4 ساعات و الديلى للسوينجات

امثله لشموع ليموزين من ازواج مختلفه و فريمات مختلفه




تعتبر شموع اليموزين من اصعب الشموع فى التفسير

فالبعض يدخل معاها فور اغلاقها فى نفس الاتجاه لانها شمعه قويه بتشير لقوه الاتجاه الحالى او بدايه اتجاه اخر

و البعض يدخل عكسها فور الاغلاق بجحه ان السعر استنزف قوته و سيبدا فى الالعوده مره اخرى للاتجاه الاصلى

و البعض يرفض الدخول يعدها لان السوق بيكون مش محدد اتجاه واضح

طب ازاى نتعامل معاها ؟؟

هذا ما سنتناقش فيه ان شاء الله المشاركه القادمه

و الله المستعان

[dr.ahmed.samir]

بالتوفيق ان شاء الله فى هذا الموضوع ..

وسيكون من ضمن الدروس القادمة التى اطرحها
بالورشة الخاصة بى باذن الله قريبا ،،

[Alsager00]

[عمرو خضر]

Dear Mostafa, you're the BEST

[مصطفى خالد]

متكسفونيش بقه يا جماعه

و ان شاء الله الموضوع يعجبكم
و شرحى يكون مفيد و يفيد اخواتى فى المنتدى

[مصطفى خالد]

فى البدايه احسب اوضح شويه حاجات

بدايه الفكره اننا فى المقابله مع د - جمال فى نزلنا صورها فى موضوع خبرتى
فى جمله د- جمال قالها معتقدش انه اخد باله منها اصلا

قال
فى الشموع الطويله ممكن تشترى من نص الشمعه الطويله بعد اغلاقها
لان نسبه 50 % من الشموع بتكون نسبه قويه جدا صعب السعر يكسرها

ساعتها انا وافقت على كلامه اوى لانى انا برضه كنت بلاحظ النقطه دى لما كنت بشترى او ابيع بعد شمعه ليموزين كان السعر بيعكس عليا شويه و بيرتد تانى
فاحيانا كنت باجل الدخول شويه بحثا عن نقطه دخول افضل و لو بنقطه واحده


لما روحت البيت عندى انا فكرت شويه فى المضمون و لاحظت ان نسبه 50 % الى د - جمال قالها هى اقوى نسبه من نسب فيبو ناتشى

فكرت طب لو جربنا نسب فيبو ناتشى على شموع اليموزين هانقدر دختار احسن نقطه دخول ممكنه
و كمان نختار تارجت مناسب بعد الشمعه و نستغل الدفعه الاولى بعد كسر او اختراق دعم او مقاومه
و بعد كده نقدر نحدد برضه نقطه مناسبه ندخل فيها مع التصحيح كمان و السعر بيعيد الاختبار
يعنى على راى د - جمال ناكله طالع و نازل

و بعد فتره بحث قدرت احدد شويه ملاحظات مناسبه للعمل على شموع اليموزين


بعد قليل شروط الشموع الواجب توافرها عشان نقدر ندخل مع الشمعه فى نفس الاتجاه

[مصطفى خالد]

شروط الشموع التى سيتم العمل عليها
يجب توافر شرطين اساسين لاعتماد اى شمعه يتم العمل عليها

1
كلما ازداد حجم الجسم و قلت حجم الظلال او الذيول كلما كان افضل
( كدلاله على سيطره المشترى او البائع بقوه )
اما الشموع ذات الذيول الطويله فغالبا تكون ذات معنى انعكاسى و ليس استمرارى و احنا بندخل مع الاتجاه فقط


2
يفضل اختيار الشموع التى كسرت دعم او مقاومه واضحين و اغلقت فوق هايات الشموع المكونه للدعم او المقاومه


هانشرح المره الجايه طريقه العمل الاساسيه
بس زى ما د - جمال بيقول

فى المشاركه القادمه ان شاء الله

[Abu Yaser]

طالما قلت الدكتور جمال يبقى انت بتتكلم صح ههههههههه
بالتوفيق يا استاذ مصطفى، انت راجل مجتهد وربنا يزيدك
وانا متابع معاك من اول الموضوع، بس مستنى لما تكمل باذن الله

[اخوكم في الله]

بالتوفيق يا حبوب انت رجل مجتهد
في انتظار المزيد

[alexman2012]

شكرا علي الشرح ... في انتظار تكملة الشرح لاهيمة الموضوع .....

[مصطفى خالد]

شكرا علي الشرح ... في انتظار تكملة الشرح لاهيمة الموضوع .....

اولا اعتذر بشده على التاخير ( الرهيب )
لكن حصلى شويه ظروف خارجه عن ارادتى

عموما انا كنت ناوى اكمل الموضوعا ن شاء الله على اخر الاسبوع بعد اغلاق السوق
لكن هابتدى اكمل بسرعه على قد ما اقدر ان شاء الله


شكرا للمتابعه

و هاكمل الشرح ان شاء الله
فى المشاركه القادمه

[مصطفى خالد]

الطريقه الاولى للتطبيق
التعامل مع شموع الليموزين عن طريق فيبوناتشى


الخطوات
1- شرح الطريقه
2- كيفيه تحديد افضل تقطه دخول و الاستوب و التارجت
3- التطبيق العملى على شموع من الشارت
4- شرح الطريقه على عده شموع متتاليه ( دمج الشموع )


كما ذكرت من قبل
د - جمال قال ان منتصف الشمعه اليموزين بيكون قوى جدا على اى تصحيح بعد الشمعه و بيكون نقطه شراء كويسه
مع التجربه النظريه لاحظت ان اقوى النسب الى السعر بيرد منها هى نسب فيبو (38-50-62)
مع العلم ان قياس الفيبو يتم من الهاى للو و ليس الافتتاح و الاغلاق فى كل الشموع
بالاضافه الى ان الشمعه الصاعده يتم قياس الفيبو من الهاى للو و ليس العكس و العكس فى الشمعه الهابطه

كما فى المثال التالى
نجد ان نسبه فيبو 50 فى حاله تحديد الفيبو من الهاى للو تحدد نقطه دخول افضل من فيبو 50 فى حاله عمل الفيبو من الافتتاح و الاغلاق


فكره الطريقه ان مستحيل يكون فى شمعه ليموزين قويه صاعده او هابطه الا و يكون وراها تصحيح ( انا متاكد لانى ياما اتلسعت و كنت بدخل بمجرد الاغلاق فى الشموع القويه و الاقى السعر بيعكس عليا و احيانا يضرب استوب رغم انى داخل مع الاتجاه )

احسن نقط الدخول بيكون من مستويات 50 و 62

طب دى الطريقه
ازاى احدد تارجت و استوب مناسبين ؟؟
من ملاحظاتى الشخصيه برضه
انسب استوب موجود بيكون نسبه فيبو 123 و احسن تارجت بيكون 161 يليه 261

اذن بفرض الدخول من فيبو 50
نجد دائما ان نسبه اول تارجت للاستوب دائما 3 : 1
اى تجد ان التارجت دائما 3 اضعاف الاستوب

اما فى حاله الدخول من فيبو 62 ( عاده الفرق بين فيبو 50 و فيبو 62 هو نقاط قليله )
نجد دائما ان نسبه التارجت الى الاستوب هى 3.7 : 1

فى حاله الدخول من فيبو 76
نجد ان نسبه التارجت الى الاستوب 5 : 1

اما فى حاله الخروج بربح من فيبو 261 فسنجد نسب خياليه اخرى تصل فى احسن الحالات الى 7 :1

حد فاهم حاجه

ان شاء الله هانزل شارتات توضح الدخول عمليا و التارجت و الاستوب
و بعضها عمليات حقيقيه على حسابى الشخصى

بس فى المشاركه التاليه ان شاء الله

[ismat]

اشكرك اخي على الموضوع المفيد
نحن بإنتظار المزيد

[l HamOksha l]

موضوع رائع يا مصطفي
بارك الله فيك
وانا من المتابعين ان شاء الله

[Abu Yaser]

انا فاهم حاجة هههه
ربنا يوفقك يا حبى
هل موضوع الفايبو انك ترسمه على الشمعة ده من تفكيرك؟؟ بجد؟؟ عشان لو كده تبقى انت واد 100 100
عشان ده موجود فى كورس اجنبى، بل وفيه استراتيجية متكاملة عن الموضوع ده بس على شمعة فريم الديلى، وباقدر احدد اليوم اللى بعده اخره فى الصعود او الهبود اد ايه
بل، انا عملت مؤشر زمان حتى بيرسم توقع اقصى صعود او هبوط لليوم اللى جاى ويرسم خطوط عليه، وكانت شغالة معظم الوقت
الى الامام يا حبى، ولكل مجتهد نصيب
اخوك
د/ جمال ممدوح