لو سمحتو ممكن احد يعمل لنا اكسبرت لاستراتجية صبح صبح

[dudee]

انا مستغرب ليش ما احد سوى اي اكسبرت لاي ايستراتجية من المنتدى في اكثر من طريقة فعالة واثبتت نجاحها لاكن
للاسف بعض المرات احس احنى ندور الفشل فكل الي ابغى اقوله لو احد يتكرم ويعمل لنا اكسبرت لطريقة صبح صبح
وشوفو النتايج بنفسكم
هذا شرح الطريقة :
( استراتيجية صبح صبح )



قبل أي حاجة ادخل اعمل

واحد كابتشينو ومخمخ كدا وصحصح علشان نظبط مع بعض


الطريقة تعتمد على تقاطع الموفينجات ومستويات أر إس أي






أولاً : المكونات




( 1 ) شارت أبو الأندال فريم الساعة

( 2 ) ثلاث موفينجات (Moving EMA 90 & 15 & 7 )

( 3 ) مستويات أر إس أي ( RSI ( 14 ) , levels 35 , 40 , 55 , 58 )


ثانياً : طريقة العمل

الفرص الصغيرة :


الشراء : عند تقاطع موفينج 7 مع موفينج 15 صعودا ويكون الأر إس أي فوق مستوي 55 .


الهدف 75 نقطة .

البيع : عند تقاطع موفينج 7 مع موفينج 15 هبوطاً ويكون الأر إس أي تحت مستوي 40 .
الهدف 75 نقطة .



الفرص الكبيرة :

الشراء : عند تقاطع موفينج 7 و 15 مع موفينج 90 ويكون الأر إس أي فوق مستوي 58 .


الهدف 150 نقطة .

البيع : عند تقاطع موفينج 7 و 15 مع موفينج 90 ويكون الأر إس أي تحت مستوي 35 .

الهدف 150 نقطة .

__________________________

ثالثاً : بعض الملاحظات

سؤال يا معلم بوحه : عرفنا الهدف .. طيب الاستوب لوز فين ؟ وامتي الخروج من الصفقة ؟

جواب يا عم الحاج : مش هنستخدم الاستوب لوز مع أبو الأندال . والخروج من الصفقة

إما أن يكون بتحقيق الهدف ان شاء الله أو تحقق فرصة عكسية فنخرج من الصفقة الأولي وندخل الثانية

الطريقة يا عم الحاج محتاجة شوية مرونة ولما بتتحقق فرصة عكسية بتكون قريبة جدا من نقطة دخول الصفقة الأولي يعني الخسارة ضعيفة جدا في الحالات دي وبتتعوض في الصفقة التالية .


يعني لو فيه فرصة لونج وعملت 50 نقطة مثلا وما وصلتش للهدف وهبط السعر وتحققت فرصة تانية شورت هنخرج من اللونج وندخل الشورت وفي الحالة دي بتكون خسارة الفرصة الأولي بسيطة جداً وبتكون في أغلب الحالات بنسبة 60 % من هدف فرصة صغيرة


سؤال يا عم بوحة : فيه فرص كبيرة بتحقق أهداف أكبر من 150 نقطة . إيه العمل ؟


جواب يا عم الحاج : فيه كذا حل . إما تخرج ب 150 نقطة وتتوكل على الله وتستني فرصة جديدة أو عند وصول السعر للهدف نحرك الاستوب 100 نقطة يبقوا معانا مضمونين في الجيب ونغامر ب 50 نقطة بس لو ضرب الاستوب ناخد 100 نقطة ونحمد ربنا ولو ما ضربش الاستوب يبقي عينك علي كمان 200 نقطة وتخرج ب 300 نقطة يا معلم أو 200 لو انت مش طماع زي بوحه .

سؤال يا معلم بوحه : فيه فرص بتعطي اشارات كاذبة ؟

جواب يا عم الحاج : لازم تتأكد الأول من تحقق كافة الشروط لدخول الصفقة
ومستويات الأر إس أي بتكشف التذبذب بدرجة عالية جدا وبتبعدك عن الدخول الخاطئ بس فيه كمان ملحوظة خد بالك منها بلاش الفرص اللي بيكون الاختراق فيها بشمعة ليموزين أصلها بتعمل حاجات غريبة وممكن تعكس معاك .

سؤال يا معلم بوحه : عملت باك تست للطريقة ؟

جواب يا عم الحاج : أيوه يا قمر عملت باك تست ونتائجه ممتازة ونجرب شهر ولا اتنين لايف وبعدها نقرر نشتغل بيها ولا لا بس أنا عاوز الرجالة كلها تساعدني في الموضوع دا لأنها طريقتكم انتم وانا تلميذكم واتعلمت منكم كتير .

عملت لايف تست للطريقة بالديمو خلال شهر ونصف تقريباً والنتائج مبهرة والحمد لله

نحاول مع بعض ارفاق كافة الفرص باذن الله وأنا بدأت بأول شهر ( يناير 2007 )

كان عندنا إجمالا 14 فرصة والشارتات في المرفقات ياقمرات


الخط الأصفر العمودي فوق الشمعة اللي تحققت عندها الشروط كاملة والدخول من الشمعة التالية لها..

أو بعد تحقق الفرصة ننتظر لإعادة إختبار السعر للموفينجات بعد قطعها بمجرد تلامس السعر للموفينج ندخل علي طول لأن الموفينج بيكون دعم أو مقاومة للسعر .

الأجزاء الزرقاء تمثل الوقت اللي الفرصة فيه كانت شغاله الي أن تحقق الهدف

في الفرص الكبيرة بعد الوصول الي 150 نقطة بحرك الاستوب 100 نقطة وهدفي 200 كمان

وهتلاقي مربع أحمر على الجزء الثاني من الفرصة أم 300 نقطة.

شهر يناير محصلته كانت 1375 نقطة

أسيبكو تمخمخوا شوية لحد ما نرفق باقي الفرص وكله يساعدني علشان نخلص الباك تست

وبعدها نبدأ نجرب لايف باذن الله

الطريقة لا زالت قيد التجربة ومش هعمل فيها أي حاجة غير لما أخد رأي الجميع واحد واحد

وأهلا بالتطوير وزي ما قلت أنا تلميذكم جميعا ويشرفني التعديل والتطوير من أساتذتي

وصبح صبح يا عم الحاج
وهذا رابط الموضوع الاصلي:
https://forum.arabictrader.com/t33126.html

[MR.dollar]

تفضل هذا الإكسبرت هو الأقرب للإستراتيجية تقريبا نفسه يمكنك تحديد خطي تقاطع الموفينج أفريج وتحديد مستويات شراء وبيع الآر إس آي
راجع الإكسبرت ثم نقوم بالتطوير عليه بدلا من البرمجه من البدايه

[mohamed sallam]

اخى الكريم مداخلتى مش عشان الأكسبرت ولكن اود حضرتك تدخل على ***** موضوع خبرتى**** للدكتور ***جمال ممدوح****
وسوف تكتشف جمال المتاجرة فى الفوركس والسهوله المطلقه بس قبل ماتدخل وتقرا الموضوع اعملك مج نسكافيه دوبل واقرا الموضوع مرتين تلاته وادعى لصاحب الموضوع******** هذه نصيحه لوجه الله لأنى فعلا لقيت ضالتى فى هذا الموضوع واحببت الكل يعرف بيها ويستفيد.والله الموفك.