كلمتين من الاخر " ملينا "
انتوا ليه بتتحدوا الفوركس ... ليه بتتحدوا السوق و هو العملاق الوحش القادر على الفتك باى متاجر و اى حساب مهما كان حجمه :no3::no3::no3: باشوف الناس تحدد قمه اليورو قبل ما يوصل لها باكتر من 250 نقطه و يقنعوا نفسهم و يقنعوا الناس بان هى دى القمه و اننا هاندخل بيع من عندها ... و لا اعتبار لسلوك السعر و تعامل الشموع مع الستويات السعريه و لا حاله السوق وقتها و لا اى شىء ... هو خلاص قفل دماغه و كان سبب فى ان الناس التانيه تقفل دماغها على ان النقطه دى هاتكون هى القمه و يوصل عندها و يبيع و يبدا يعكس عليه و يزود البيع و يقول خلاص هو كده كفايه و هاينزل يلاقيه عكس تانى يبدأ يدور على اى حاجه توحى بالهبوط و اكيد هايلاقى يقوم يدخل يزود تانى و النهايه كلنا عارفينها و جربناها قبل كده
ليه بنحاول نعمل كده ؟؟ احنا بنكون شايفينه بيطلع يبقى قدامنا حاجه من اتنين مالهمش تالت نستنى نقطه قويه تكون بعد تصحيح او فى بدايه حركه قويه للسوق و ندخل شرا و الحاجه التانيه اننا ننتظر وصول السعر للنقطه اللى احنا متوقعين انها هاتكون القمه و نشوف وقتها ايه الوضع و ايه حاله السوق
انا اقصد اننا دائما نتعامل مع السوق بمنتهى الحذر و المرونه و نبقى عارفين ان تعاملنا مع السوق زى تعامل مصارع الثيران الاسبانى مع الثور اللى هو اقوى منه بعشرات المرات لكنه بينتهز الفرصه و يغرس الرمح فى جسد الثور ( ده مجرد تشبيه جه فى بالى عشان ماحدش يقول على انى متوحش و ماعنديش قلب :eh_s(7):) انا ماقصدش بكلامى انى ازعل حد منى و انا على فكره بقالى اربع اسابيع و الحمد لله باحقق مكاسب محترمه جدا من اليورو فقط و لكن انا باقول كده عشان مع بعض نحاول نطور رؤيتنا و طريقه تعاملنا مع السوق
