فن اداره الصفقه ( كيف تدير صفقتك بشكل احترافى )

[mm110575]

اعتذر على التاخير
لكن لظروف خارجه عن ارادتى

المهم
قلنا اخر كلام هايكون عن نفسيه المتاجر الى ناس كتير بتقول ان هى واحد من اهم اسباب نجاح اى مضارب فى الفوركس
بل ان البعض اكد انها اهم سبب على الاطلاق

و لكم من محليين مهره و مضاربين كويسين بيقفلو صفقات على خساره او بمكسب قليل بس بسبب الخوف

و حتى الان لقيت ان الصفه المشتركه الوحيده فى كل المضاربين الخبره ماهما كانت طريقهم مختلفه سواء اسكالبينج او انتر داى او سوينج هى الابتعاد عن اخطر 4 اعداء لاى مضارب

الخوف
الطمع
الثقه الزياده بالنفس
الندم على ضياع فرصه

و هانتكلم عن كل واحده ان شاء الله لوحدها

شكرا يا مصطفى باشا على الخبرات المكتسبة منك وان شاء الله حاتغير مجرى التجارة بالفوركس الى مجرى اخر يعتمد عليها المتداول العربى

هسس هسسس سامع الصوت دا !!!! دى ريـــــاح التغيــيــر!!!!

[مصطفى خالد]

شكرا يا مصطفى باشا على الخبرات المكتسبة منك وان شاء الله حاتغير مجرى التجارة بالفوركس الى مجرى اخر يعتمد عليها المتداول العربى

هسس هسسس سامع الصوت دا !!!! دى ريـــــاح التغيــيــر!!!!

يا مخوفاتى نورلى حياتى

[مصطفى خالد]

الخوف

قلبك بيدق

ابتديت تعرق

باصص للميتا تريدر و تقعد تقول للسعر اعلى بقه اعلى بقه كانك بتكلم اليورو

اول ما الصفقه قدامك بتعمل بيب واحد مكسب بتقفلها و بعد كده تلاقيها جابت التارجت او مشيت فى اتجاه الصفقه

بتبقه عصبى لما تعرف ان صفقه اتفعلت او قربت من الاستوب

يبقى انتى بتخاف و لازم حل لانك كده بتقتل اى فرصه ليك فى المكسب و ممكن صفقه ب 100 نقطه تقفلها انت على 5 و لا 10 بيب او كمان تقفلها على خساره

ايه الحل؟؟
الحل و عن تجربه شخصيه فى 4 خطوات

1 - لازم تعرف و تتاكد كويس اوى ان اى مكسب او خساره دول رزق من ربنا و مالكش ايد فيهم و لو برنانكى نفسه اتدخل عشان يرفع الدولار و انت شارى اليورو دولار و ربنا كاتبلك الرزق ده
هاتكسب غضب عن برنانكى نفسه
2- ما تدخلش ماركت ابدا ابدا ابدا ابدا
3 - ما تتابعش حط الاوردر و انساه تماما و بعد يوم كده و لا حاجه تعال بص
4 - لو دخلت صفقه مدروسه مش مع التيار و خلاص يبقى اتطمن و متخافش و بلاش تدخل صفقات هوائيه و خلاص
5- ما تدخلش بلوت عالى ابدا و حافظ على اداره راس المال

و اخيرا
علق ورقه بالكلام ده عاشن متنساهوش خالص زى ما ان بعمل بالظبط

[مصطفى خالد]

الطمع

كام مره و انت متابع و السعر يقرب من البروفت بتاعك تقوم تبعده 5 نقط و لا 10 نقط و تقول اهو كده كده السعر جاى ليه ؟
كام مره دخلت بلوت عالى عن المعتاد لمجرد احساساك ان الصفقه ناجحه ناجحه ( رغم ان مستحيل التاكد )
كام مره قفلت الصفقه على مكسب و لقيت السعر كمل فى اتجاه الصفقه فحسيت بضيق و زعلت انك كان ممكن تكسب اكتر ؟؟

و الاهم
كام مره حمدت ربنا على مكسب؟؟

اسؤا حاجه فى الطمع مش ان بيتسبب فى اضاعه فرص اومكاسب لان السعر بيجيب اخره و انت مصر متقفلش بمكسب و طامع فى الاكتر
اسوا حاجه انك عمرك ما هاتحس بالرضا على مكسب
لو خسرت هاتزعل من الخساره و لو كسبت هاتزعل انك ما خرجتش فى الهاى لو شارى او فى الللو لو بايع حتى لو كان الفرق بيب واحده

يبقى ايه الحل؟؟
1- تحديد تارجت يومى جبته تخرج تماما من السوق و الحمد لله على كده ( تقفل الميتا تريدرتماما و ما تبصش خاااالص عشان ايدك ما تاكلكش و تدخل تانى صفقه مش مدروسه )

2- الليمت الى انت حطيته ما يتزحزحش بيب واحده تانى
اعتبره امر واقع غير قابل للتغيير

3- حط الصفقه و الاستوب و البروفيت و ما تتابعهاش
و لو انت قللقان حط تريلنج ستوب و سيبها

4- ما تدخلش ماركت ابدا ابدا ابدا

و الله الموفق و المستعان


و زى المشاركه الى فاتت
اكتب الكلام ده على ورقه و اوعى تشيله من قدامك

[مصطفى خالد]

الثقه الزائده بالنفس

ياتى احساس الثقه بالنفس بعد عده عمليات ناجحه
و هو امر مطلوب بشده لتكون ثابت النفسيه
لكن المشكله هى ان يتسرب احساس بانك ملك السوق و لا تقهر
و انك اكتشفت الطريقه التى قهرت الفوركس
و تبدا فى الدخول فى صفقات غير مدروسه و بلوتات كبيره مما يجعل الخساره او ربما المارجن غير بعيد حتى لو صفقاتك اصابت الهدف مره و 2 و 3 لكن تكون النهايه محتومه

طب ايه الحل؟؟
1 - وضع تارجت يومى و يفضل اسبوعى و ان تحقق يتم الخروج من السوق فورا و استكمال باقى الاسبوع اجازه
2 - لا تدخل صفقه بلوت عالى باى حال من الاحوال بل ادخل دائما بلوتك المعتاد
3 - لا تتسرع و لا تحكم على اى شمعه الا بعد اغلاقها

و تابعونا

[مصطفى خالد]

الندم على ضياع فرصه

كتير ممنا بيخاف يدخل صفقه
و يتابعها او يدخلها ديمو
و يبص يلاقها جابت التارجت
فيحس بندم على ضياع المكسب ده
و ده يخليه يدخل الصفقه التاليه بدون دراسه و طبعا الخساره مستنياك
يبىق المكسب على الديمو و الخساره حقيقى

يبقى ايه الحل ؟؟
1- الصفقات الغير مدروسه هى اكبر و اوسع و اقصر طريق للمارجن
2- فيها ايه لو ضاعت فرصه؟؟
هل فى لعيب كوره بيجيب كل الفرص اجوان ؟؟
يبقى مش لازم تدخل كل الفرص

متنساش ان كل الازواج عليها كل الفرص فى كل الاوقات
لكن انت مش عايز اكتر من 2 او 3 مضمونين فى الاسبوع تجيب تارجتك الاسبوعى و الحمد لله على كده

[Pharm.D]

هذه النقاط الأربع هي حقاً التي تدمر الحساب
الخوف - الطمع - الندم - الغرور

أشكرك على التفصيل الرائع و الحلول الأجمل

[مصطفى خالد]

هذه النقاط الأربع هي حقاً التي تدمر الحساب
الخوف - الطمع - الندم - الغرور

أشكرك على التفصيل الرائع و الحلول الأجمل

متشكرين و ان شاء الله نكمل باقى الجوانب

بس انا زى ما قلت قبل كده ان كل الملاخظات دى شخصيه
يعنى قابله للنقد او الاختلاف فى الراى

بل ان بعضها مشاكل ان كنت بعانى منها و بعضها حتى الان كمان