رسالة من قلب كويتي الي قلب كل مصري
ربنا يحميكي يا مصر
قولوا امين
بس يا مصريين
خذوا بالكو من بلدكو
كويتي لكني حزين
اصلها مش بلدكو وحدكو
اصل انتوا
بالمدارس علمتونا
وبالمساجد اميتونا
وبالمستشفى عالجتونا
لما صدام غدر بينا
ده انتوا بولادكو فديتونا
عملتوا كل حاجة لينا
وادي مصر حزينة
اصلوا مينفعش مصر تحترق
ده معناها ان الفرحة تتسرق
تاريخي وتاريخك يتسرق
والنبي يا مصري
دمعتي بتجري
اوعى مصر تتسرق
يغور جمال ... يغور شريف
يغور عز ... يغور نظيف
واللي مش عاجبه يتفلق
بس اوعى مصر تحترق
كويتي ودرست في جامعاتك
شربت من نيلك
سهرت بطرقاتك
وبحبك....
زي ما ابوس تراب الكويت
برضه ترابك ابوسه
منتي محروسة
وتبقي محروسة
لما انتي متبقيش محروسة
امال المحروس مين
كويتي بحبك وحزين
يدعيك برب العالمين
ادخلوا مصر ان شاء الله امنين