متابعة للبورصات العربيــــــــــــــــــة فنيا

[hassan massoud]

السلام عليكم

ارامكس كلاسيكيا عودة لاختبار نقطة الكسر الرئيسية 1.93
و التى تمثل ايضا مقاومات
الحد العلوى للقناه الهابطة
متوسط 200 يوم
متوسط 20 اسبوع
نسبة 50% فيبو

الشارت اليومى

الشارت الاسبوعى

[hassan massoud]

السلام عليكم

المؤشر العام لسوق دبى و عودة ايضا لاختبار نقطة الكسر حوالى 1470
و التى تتفق مع اخر فجوة سعرية و قمة القناه السعرية الهابطة و متوسط 20 يوم و نسبة 38% فيبو من اخر ويفة هابطة

[سر فأنت منصور]

تمام يا استاذنا الله ينور
السوق والاسهم ككل بدأت في الهبوط من هذة المستويات اليوم
كدة انا عرفت الي حد ما ازاي أتنبأ بالهبوط الجزئي ، طيب اتوقع ازاي ارتداده الي اعلي الايام القادمة ؟
وجزاك الله خيرا

[سر فأنت منصور]

بالمناسبة يا باشا ايه رأيك في دبي ع اللونج تيرم ؟
عملنا القاع وهنرجع نختبره للانطلاق ولا ؟
وجزاك الله خيرا

[hassan massoud]

السلام عليكم
الحركة اللى عملها مؤشر دبى بتغلبه على مقاومة 1470 نقطة و الجاب داون اللى كان فى المنطقة دى بجاب أخر لأعلى سلاح ذو حدين

فى حالة الثبات اليومين دول فوق 1470 و خصوصا اذا شفنا موفنج 20 بدأ يلف لفوق على الديلى حتكون اشارة شراء قوية

اما اذا كسر منطقة 1470 مباشرة لاسفل مرة اخرى فهى اشارة سلبية و هنا ننتظر شوية

[hassan massoud]

بالمناسبة يا باشا ايه رأيك في دبي ع اللونج تيرم ؟
عملنا القاع وهنرجع نختبره للانطلاق ولا ؟
وجزاك الله خيرا

السلام عليكم
دة شارت المؤشر على الشهرى
واضح زى الشمس انه قاع
لكن المشكلة فى مثل هذه القيعان اللى بتتكون على اللونج تيرم هى الوقت

ابسط المؤشرات و هو موفنج 20 شهرى بيقول ان الراجل دة لسة مفيش اشارة ارتداد واضحة

كلمة السر الان فى هذه المنطقة العرضية التى تبدو بسيطة على الشهرى و لكنها من الممكن ان تستمر سنوات

لازم نشوف اكشن عشان نشوف ارتداد
بمعنى
اما اختراق هذه المنطقة لاعلى مباشرة و اختراق متوسط 20 شهر فى نفس الوقت
او يحصل كسر قوى لهذه المنطقة و لو حصل يبقى تأكد ان الهبوط انتهى و سترتد بقوة

ليس امامنا الأن الا المتاجرة على فريمات الصغيرة لأن الاتجاه الهابط لا يزال قائم

[سر فأنت منصور]

ألف شكر يا استاذنا
وجزاك الله خيرا

[سر فأنت منصور]

سلام عليكم م/ حسن وجميع المتابعين
بمناسبة افتتاح سوق مصر بكرة
ده سهم AFMC

فيه سايكل ع الويكلي
ممكن تحليله اليوتيا؟
وجزاكم الله خيرا

[سر فأنت منصور]

نفس الكلام مع SCEM

ع الويكلي ، هل المتوقع كسر الباترن لاسفل ام لا ؟

[سر فأنت منصور]

وده DAPH
وmirror ودعم ترند قوي



وياريت حضرتك تقول لنا استراتيجي لالتقاط الاسهم من تحت ومعرفة بداية تريدة ممكن تريدة سريعة في ظل الاوقات دي
وجزاكم الله خيرا

[hassan massoud]

السلام عليكم
اسمنت سيناء السهم لا يزال أمن جدا بالرغم من كل شئ
وقف الخسارة كسر 38 جنيه

[hassan massoud]

السلام عليكم
قاع المطاحن اكثر القطاعات أمانا فى الوقت الحالى
و لكن ذلك لا يمنع تأثره بالاداء العصبى للسوق

مثال لأحد اسهم القطاع
و اعتقد انه اقترب جدا من منطقة تريدة سريعة
انا بالوصول للمستهدف الاول لنموذج الراس و الكتفين او العودة و الاغلاق سريعا فوق الكسر الاخير

[hassan massoud]

السلام عليكم
بالنسبة عن نفسى سأراقب الاداء فى اليومين القادمين و ساعتبر ان البورصة لسة مغلقة و سأحدد بعدها الاستراتيجية المناسبة طبقا للحالة المزاجية للمتعاملين

[سر فأنت منصور]

ألف شكر يا استاذنا
وجزاك الله خيرا

[سر فأنت منصور]

السلام عليكم
ايه رايك يا بشمهندس في اللي حصل يوم الخميس ؟
وهل ممكن الدخول يوم الاحد؟ وايه الاتسراتيجية اللي ممكن نشتغل عليها الايام القادمة ؟
وكمان فيه اسهم ردت من نسبة تصحيح 100% فيبو وفيهم اسهم عملت جابات وهي نازلة فهل ممكن ندخل فيها والبيع عند تغطية الجاب ؟
وجزاك الله خيرا