عايزين نتعلم صح الضيف مشرفه المتداول العربى رانيا وجدى

[مصطفى خالد]

ازيكو يا فوركساويه ؟؟
مين زهق معايا من الموصين النص كم ( طبعا فى موصين معانا فى المنتدى جبارين) فمحدش يفهم انى بهاجم الموصين كلهم
مين زهق من انه يسمع الكلام و هو مش فاهم اغلبه ؟؟ ( طبعا انا راجل معدى و مجرم تحليل و فاهم كل حاجه بس مدكن )
فطقت فى دماغى و كل الى فى المتدى عارفين لما دماغ روكى تضرب بيحصل ايه ؟ ( بلاوى )
مين نفسه يتداول لوحده و يحلل تحليل و يبقه واثق فيه ؟ ( زى حالاتى كده )
المهم طقت فكره شريره فى دماغى

ليه منعملش موضوع حلو كده و كل شويه نقفش ( خليها نستضيف احسن ) و نهرييه اسئله عشان يشرح طريقته ( بلاش نهريه دى نخليها نطرح عليه اسئله احسن)
المهم ان الزبون ( خليها الضيف احسن ) يرتبك و نقبض عليه متلبس و يشرح طريقته و اساليبه و كل حاجه حتى اخر مره شرب شاى كانت امتى ؟ ( و لو بيحب النسكافيه مافيش مشكله )

فحبيت ابتدى بالراس الكبيره ( رئيسه عصابه التحليل الفنى فى المنتدى)
ذات الراس الدهبيه ( عشان بتحلل صح مش بتحط الكوره بالهد فى الجون )

الى بحب تحليلاتها بشكل شخصى جدا
و بحس انها من شخص فاهم فعلا مش من الى بيلعبو على اليورو رفه و على الباوند بنك الحظ ( طبعا الدولار ده بيلعبو عليه كهربا )

رانيا وجدى
مشرفه المتداول العربى

طبعا رانيا مش هاتقدر تهرب لاننا مسيطرين على المنتدى و اى مقاومه هانضرب فى المليان

انا عن نفسى مش هاعمل اى حاجه خاااااالص

و لان رانيا بتخدم اى حد و مش مستنيه منى اى حاجه ( انا مفلس اساسا )
الاسئله كالاتى و كلها اجبارى

1- ايه اكتر الازواج الى بتتعاملى عليها و شايفاها محترمه التحليل الفنى ؟
2- ايه الادوات المعتاده الى بتستخدميها ؟
3- طريقه التحليل واحده واحده

و ليه الاسئله
هى ست رانيا هاتشرح طريقتها بكل هدوء بدل ما انفذ تهديداتى
طبعا مش هاقول هاعمل ايه احسن ياخدو استعدادتهم ( قال يعنى هاعمل حاجه )

فمستنين رانيا تشرح لينا ازاى بتحلل و بتحدد و بتنقى

و كل فتره هانختار ضيف جديد عشان يشرح طريقته عشان المبتدئين ( انا محترف طبعا ) يلاقو الشرح كله فى موضوع واحد فمايتهوش
ايه رايكو فى الشر ده كله

[mohammadbadr]

الكلام ال بالأسود طالع من واحد شريـــــــــــــــر
وال بالأحمر من طيب مسكين
موضوع لذيذ إنك تسأل كل الخبراء عن طريقتهم، وتحاول (تحاول) تقلدهم
طبعا على رأسهم مشرفي المتداول العربي
ربنا يبارك فيهم

[amr eltabei]

طبعا انا معاك فى الفكرة دة لانى وبجد من افضل واحسن واقوى المحللين اللى شفتهم فى حياتى مشرفتنا العبقرية رانيا وجدى ربنا يزيدها علم ومعرفة ان شاء الله تحياتى ليك على فكرتك وليها على تواضعها

[محمد 2001]

ازيكو يا فوركساويه ؟؟
مين زهق معايا من الموصين النص كم ( طبعا فى موصين معانا فى المنتدى جبارين) فمحدش يفهم انى بهاجم الموصين كلهم
مين زهق من انه يسمع الكلام و هو مش فاهم اغلبه ؟؟ ( طبعا انا راجل معدى و مجرم تحليل و فاهم كل حاجه بس مدكن )
فطقت فى دماغى و كل الى فى المتدى عارفين لما دماغ روكى تضرب بيحصل ايه ؟ ( بلاوى )
مين نفسه يتداول لوحده و يحلل تحليل و يبقه واثق فيه ؟ ( زى حالاتى كده )
المهم طقت فكره شريره فى دماغى

ليه منعملش موضوع حلو كده و كل شويه نقفش ( خليها نستضيف احسن ) و نهرييه اسئله عشان يشرح طريقته ( بلاش نهريه دى نخليها نطرح عليه اسئله احسن)
المهم ان الزبون ( خليها الضيف احسن ) يرتبك و نقبض عليه متلبس و يشرح طريقته و اساليبه و كل حاجه حتى اخر مره شرب شاى كانت امتى ؟ ( و لو بيحب النسكافيه مافيش مشكله )

فحبيت ابتدى بالراس الكبيره ( رئيسه عصابه التحليل الفنى فى المنتدى)
ذات الراس الدهبيه ( عشان بتحلل صح مش بتحط الكوره بالهد فى الجون )

الى بحب تحليلاتها بشكل شخصى جدا
و بحس انها من شخص فاهم فعلا مش من الى بيلعبو على اليورو رفه و على الباوند بنك الحظ ( طبعا الدولار ده بيلعبو عليه كهربا )

رانيا وجدى
مشرفه المتداول العربى

طبعا رانيا مش هاتقدر تهرب لاننا مسيطرين على المنتدى و اى مقاومه هانضرب فى المليان

انا عن نفسى مش هاعمل اى حاجه خاااااالص

و لان رانيا بتخدم اى حد و مش مستنيه منى اى حاجه ( انا مفلس اساسا )
الاسئله كالاتى و كلها اجبارى

1- ايه اكتر الازواج الى بتتعاملى عليها و شايفاها محترمه التحليل الفنى ؟
2- ايه الادوات المعتاده الى بتستخدميها ؟
3- طريقه التحليل واحده واحده

و ليه الاسئله
هى ست رانيا هاتشرح طريقتها بكل هدوء بدل ما انفذ تهديداتى
طبعا مش هاقول هاعمل ايه احسن ياخدو استعدادتهم ( قال يعنى هاعمل حاجه )

فمستنين رانيا تشرح لينا ازاى بتحلل و بتحدد و بتنقى

و كل فتره هانختار ضيف جديد عشان يشرح طريقته عشان المبتدئين ( انا محترف طبعا ) يلاقو الشرح كله فى موضوع واحد فمايتهوش
ايه رايكو فى الشر ده كله

كلننننننننننا معاااااااااااك يا زعيم وأي حركة هروووووب حنضرب في المليياااااان ( طبعاااااامسدسات فشنك)*
منتظرين الأستاااااذة رانيا

[السديري]

الله يعينك يا اختي ..ولا بوصيك ارفسيه مع طناشه

>>>>> يمزح

[رانيا وجدي]

السلام عليكم ورحمة الله وبركاته

أولا شكرا جزيلا لاهتمامكم والشرف الكبير إني أكون ضيفة أولي حلقات موضوعك أخي العزيز روكي واشكرك لذوقك و شهادتك الغالية ,
وبجد لا أجد كلمات تصف تقديري وسعادتي بثقتكم الكبيرة الغالية والتي أعتبرها وسام شرف لي وتزيد عن حقي كثيرا فقد تعلمت وأتعلم كل يوم جديد منكم

1- ايه اكتر الازواج الى بتتعاملى عليها و شايفاها محترمه التحليل الفنى ؟

اليورو دولار ثم الباوند دولار

2- ايه الادوات المعتاده الى بتستخدميها ؟

أساسيات التحليل الفني فقط لا غير ( ترندات - مستويات دعم ومقاومة - دايفرجنس - نماذج كلاسيكية - نماذج شموع يابانية )

3- طريقه التحليل واحده واحده

عادة ابدا التحليل من الفريمات الكبيرة بداية من الأسبوعي وصولا للأربع ساعات أتدرج بينها لتكوين فكرة شاملة عن حالة الزوج بشكل عام ولتحديد اتجاهه القادم وموقعه الحالي منه , بالنسبة الي طريقة التحليل التي أعتمدها هي البساطة قدر الإمكان وكلما كان الشارت أقل إزدحاما كلما كانت الرؤيا أوضح , وأول ماأهتم به قراءة لشموع الشارت لأنها تعبر بشكل كبير عما يحدث ليس فقط النماذج الشهيرة وانما أشكال الشموع ودلالتها الشموع الانعكاسية والذيول ودلالتها من الضعف او التخبط بين اتجاهين والشموع القوية حمراء او بيضاء ودلالتها من قوة واستمرار الاتجاه وهكذا مع الممارسة لفترة تستطيع ان يكون لك لغتك مع الشارت وتتمكن من فك رموز واشارات يعطيها لنا بوضوح ,
أدوات التحليل كما ذكرت بالاجابة على السؤال السابق هي الأدوات الأساسية للتحليل الفني اقوم بتحديد الترند ورسمه استخراج نماذج شموع - نماذج كلاسيكية - تحديد مستويات الدعم والمقاومة - استخراج دايفرجنس ومع الممارسة والتطبيق المستمر ستجد نفسك مع الوقت أصبحت لك لغتك الخاصة مع الشارت وستعرف أى العوامل أكثر تأثيرا وما الذي يمكن أن تنتقيه وتعتمده دون غيره ..
وأهم نقطة هي الثقة فى تحليلك ورأيك وعدم التشتت بين الأراء المختلفة ....

وأهم الأهم هو توفيق الله سبحانه وتعالي والإيمان والرضا بالرزق المكتوب ...

تحياتى وتقديري

[مصطفى خالد]

ايه القلش ده
لا عايزين شرح عملى

هل بتستخدمى موجات اليوت و لا؟؟
فى الطبيعى التريده بتاعتك بتاخد فتره قد ايه ؟؟ يعنى ايه اكتر فريم بتعتمدى عليه ؟؟
ايه احسن مؤشر بيعبر عن السوق؟؟
هل الدايفرجنس نتايجه كويسه ؟؟ و ايه احسن مؤشر عشانه ( ستوكاستيك و لا ار اس اى و لا مومنتم ) ؟؟
ايه احسن نماذج الشموع الى بتتكرر كتير و نسبه نجاحها عاليه ؟؟
لو فى فريمان بيدو اشارت متعاكسه ( مثلا صاعد على الديلى و هابط على ال 4 ساعات ؟ يتختارى ازاى؟

طبعا الباب مفتوح لكل الى عايز يسال
و شعارنا
رانيا لازم تعترف

[3ashekforex]

كمـــان سؤال بقى هى جت عليــا
بماذا تاخذ الاخبار والمؤشرات الاقتصادية اهتمام فى تحليلك كام فى الميه %

وماذا ان اعطت المؤشرات مثلا بيع عالباوند وكانت هناك اخبار متتاليه ايجابية للباوند منها خبر فايدة مثلا ؟؟ !!

....

[لوجه الله تعالى]

احلى موضوع قرائه فى منتدى بحياتى

شكرا لصاحب الموضوع وشكرا لرانيا لانها بجد شخصيه فنيه بحته وقويه وذات وجه نظر ثاقب

الله يوفقك الجميع

[رانيا وجدي]

ايه القلش ده

لا عايزين شرح عملى

هل بتستخدمى موجات اليوت و لا؟؟
فى الطبيعى التريده بتاعتك بتاخد فتره قد ايه ؟؟ يعنى ايه اكتر فريم بتعتمدى عليه ؟؟
ايه احسن مؤشر بيعبر عن السوق؟؟
هل الدايفرجنس نتايجه كويسه ؟؟ و ايه احسن مؤشر عشانه ( ستوكاستيك و لا ار اس اى و لا مومنتم ) ؟؟
ايه احسن نماذج الشموع الى بتتكرر كتير و نسبه نجاحها عاليه ؟؟
لو فى فريمان بيدو اشارت متعاكسه ( مثلا صاعد على الديلى و هابط على ال 4 ساعات ؟ يتختارى ازاى؟

طبعا الباب مفتوح لكل الى عايز يسال
و شعارنا
رانيا لازم تعترف

من عنية الاتنين والله انا تحت أمركم اسألو وأجاوب وبجد القلش غير مقصود اطلاقا انا جاوبت على اسئلة المشاركة الاولي , بالنسبة للتطبيق العملي موجود يوميا فى مواضيعي وبشكل خاص موضوع اليورو /
https://forum.arabictrader.com/t108994.html

هل بتستخدمى موجات اليوت و لا؟؟

لا على الرغم من اني تعلمت مبادئها ولكن قررت مؤخرا التركيز فقط على التحليل الفني لأنه الأقرب والأنسب لشخصي واسلوبي من أنواع التحليل ..

فى الطبيعى التريده بتاعتك بتاخد فتره قد ايه ؟؟ يعنى ايه اكتر فريم بتعتمدى عليه ؟؟

حسب نوعها بعضها بيكون انتراداي تنتهي فى نفس اليوم او يومين بالكتير واحيانا بتكون فرصة اطول قليلا تستغرق أسابيع وعملي يعتمد بشكل أساسي على الاثنين بشكل متساوي حين أجد الفرصة امامي أدخلها فورا سواء انتراداي او متوسطة , وفريماتي المفضلة اليومي والاربع ساعات ...

ايه احسن مؤشر بيعبر عن السوق؟؟

بعض المتوسطات وتوليفاتها , واستخدامي بشكل خاص لمؤشرات التشبع يقتصر فقط على الدايفرجنس وفى بعض الاحيان انظر لتشبعات الستوكاستيك

هل الدايفرجنس نتايجه كويسه ؟؟ و ايه احسن مؤشر عشانه ( ستوكاستيك و لا ار اس اى و لا مومنتم ) ؟؟

لا مش كويسة , هي ممتازة جدا وأحسن مؤشرات بالنسبة لي الماكد و CCI

ايه احسن نماذج الشموع الى بتتكرر كتير و نسبه نجاحها عاليه ؟؟

النماذج المشهورة بشكل عام ( هامر - رجل مشنوق - الابتلاع ) ويفضل الا تعتمد الشموع فقط فى اتخاذ القرار ...

لو فى فريمان بيدو اشارت متعاكسه ( مثلا صاعد على الديلى و هابط على ال 4 ساعات ؟ يتختارى ازاى؟

ده معناه ان الاتجاه الاقوي والاصح هو الصاعد وان فيه احتمال تصحيح وارد بسبب اشارة الهبوط من الاربع ساعات فبنتظر انتهاء التصحيح وبعدين ادخل فى الاتجاه الصاعد وممكن أحيانا الدخول للاستفادة من التصحيح بنسبة قليلة جدا تصل الي 1% ...


تمام يافندم وتحت أمركم ومعاكم انا لازم أعترف

تحياتى وتقديري

[رانيا وجدي]

كمـــان سؤال بقى هى جت عليــا
بماذا تاخذ الاخبار والمؤشرات الاقتصادية اهتمام فى تحليلك كام فى الميه %

وماذا ان اعطت المؤشرات مثلا بيع عالباوند وكانت هناك اخبار متتاليه ايجابية للباوند منها خبر فايدة مثلا ؟؟ !!

....

ياهلا ياهلا اخي العزيز إسأل براحتك

بماذا تاخذ الاخبار والمؤشرات الاقتصادية اهتمام فى تحليلك كام فى الميه %

تحليلي فني بحت لا أنظر الي الأخبار والمؤشرات الإقتصادية بشكل أساسي فى تحليلي بل من باب العلم بمجريات الأمور

وماذا ان اعطت المؤشرات مثلا بيع عالباوند وكانت هناك اخبار متتاليه ايجابية للباوند منها خبر فايدة مثلا ؟؟ !!

الأخبار المهمة والقوية مثل خبر الفائدة أفضل أن أكون خارج السوق لان وارد جدا ان يأتي الخبر بحركة عنيفة غير متوقعة أو اذا لي صفقة بالفعل مفعلة من فترة إما أغلقها أو أقوم بتأمينها بستوب عند الدخول او حجز ربح ...

تحياتي وتقديري

[رانيا وجدي]

احلى موضوع قرائه فى منتدى بحياتى

شكرا لصاحب الموضوع وشكرا لرانيا لانها بجد شخصيه فنيه بحته وقويه وذات وجه نظر ثاقب

الله يوفقك الجميع

شكرا جزيلا لذوقك وشهادتك التي أعتز بها جدا وأتمني أن أظل دائما عند حسن ظنكم بي ..

تحياتى وتقديري

[مصطفى خالد]

يا ريت تكلمينا عن طريقتك فى اداره راس المال
يعنى بتخاطرى بكام فى الميه من راس مالك فى اى صفقه؟
هل بتشتغلى تعزيز او تبريد و مضاعفات و لا مجرد ان الصفقه تضرب التارجت و الاستوب و خلاص؟

هل تؤمنى بالتحليل الزمنى و جان و لا ؟؟

[bashar o]

السلام عليكم ورحمة الله وبركاته
والله الموضوع ده لذيذ جدا ... وانا شخصيا ناوي اتابعه
خصوصا مع الاسئلة الاستفزازية
والاجوبة الرائعة من الاستاذة المبدعة ( مشرفتنا العزيزة )
الاستاذة رانية
والله ولي التوفيق

[مصطفى خالد]

طب عايزين درس عملى
تحليل على الويكلى و الديلى على الدولار اندكس
و شرح لكل خطوه
و محدش هايسرق الطريقه
كله فى السكرته