⇜↻↺ النظام المـــــالي ↻↺ ⇝...كلام كبـــــار !

[MEMET]

فى انتظارك اخى الكريم

عشان نسخن الموضوع بالمناقشات

شكل كده الموضوع حيوسع منا

بالتوفيق

هلا استاذ وليـــــد,,, لا يوسع ازاي هوا يقدر,,,هلمهولك حالا

[MEMET]

ســـــــــلام عليكم ورحمه الله وبركاتـــــــه
نكمــــــــــــــل,,,
احنا عرفنا تمويل البنك عن طريق الEQUITY
والتمويل عن طريق الDEBT بينقسم لل Fixed Income Debt- Securities
و حاجه اسمها Derivatives مشتقـــــــــات

وقبل ما افسر لازم اقول ان حولها شبهات كثييييييييييرة في فقة العملات المعاصرة والبنوك الاسلامية لا تتعامل بها

,,,

واحد يعجبة الكلام وطريقة المشتقات دي حلوة بتجيب فلوس كتير يروح ينفذها انا بريء منه هههههه,,,

المشتقات طريقة استثمار مبنية كلها على اصل واحد ,,,,وملكيات متعددة
يعني على مثال بنك Lehman Brothers ضحية المشتقات ,,,انه كان عنده اصل وهو الاحتياطي اللى استثمرة في ال Mortgages وبعدين خد الضمانات عمل منها سندات واسهم وبعدين قسمها شرائح بفوائد مختلفة وفي الاخر ملقوش حاجه مبنية على اصل ,,,,,كله طار في الهوا,,,

اولا الخيارات ,,, Options
زي ال Call و ال Put

احنا قلنا في ال Bonds ممكن يكون معها خيارات Call او Put
نوضحها الاول ,,,,
ال Callable Bonds هيا سند عادي ,,,ارخص طبعا من السند الخالص اللى من غير خيارات ,,طب ايه اللى بيخليه ارخص !! ان الشركه ممكن تاخده منك وتديلك فلوسك بعد وقت وبعد سعر محدد ,,,بدل ما تكون مدة السند 5 سنين مثلا لأ ال Callable Bonds هتكون نفس المدة بس يكتبلك في السند انه Callable عند السعر كذا او عندما تكون فائدة السوق كذا او بعد مرور 3 سنين من تاريخ الشراء وهنا تكون المخاطرة بقى لشاري السند دا ممكن بحساب ال Present value للارباح اللى هوا خدها تطلع بخسارة او مكسب على حسب,,,

ال Putable Bonds بقى عكس ال Call بالظبط ,,,,وبتكون اغلى من السند الخالص اللى من غير خيارات ,,,لانك انت المتحكم ,,,لو فايدة السوق زادت عن فايدة السند اللى انت شاريه ,,,معنى كدا انك بتخسر ,,,ممكن ترجعه للشركة بكل بساطه وتقوله ياعم انا عايز فلوسي حقي بس بيكون بردو مكتوب في عقد السند محدد الوقت او الفايدة او السعر للخيار دا و دا طبعا اجبار او الزاااااام للطرف الاخر او بايع ال Option انه يلتزم بالعقد,,,,ميقدرش يقول لأ

بس احنا دلوقتي في المشتقات ياعم انت رجعتنا للسندات تاني !!!!
منا لازم اربطلك الخيارات اللى بتيجي مع الBonds بيبقى نظامها ايه ,,,,عشان في المشتقـــــات يامعلم هتبقى لوحدها ,,,,مش قلنا في المشتقات " اصل واحد ,,وملكيات متعددة " ,,,
ناخد مثال عشان نفهمها اكتر ,,, نفترض مثلا ان سهم من الاسهم سعره الان 50$ وسعر ال Call option التابعه للسهم دا 10$ ,,,
انت كمشتري لل Call هتدفع ال 10$ الاول على اساس ان السهم بعد اسبوع هيبقى قيمته 55$ يعني هيزيد سعره
نيجي بعد اسبوع
- لو لقينا السهم قيمته بقت 45$ ,,, يبقى انت كدا خسرت ال 10$ يامعلم وربنا يعوض عليك
- لو لقينا السهم قيمته بقت 54$ ,,,يبقى انت كدا كسبان ال 10$ و كمان فوقها فرق النقط اللى حققها السهم او فرق القيمة

طيب لو الشركة بتربط متاجرة الاسهم بالخيارات !!! على حسب المثال بتاعنا,,,
نيجي بعد اسبوع
- لو انت خسرت ال 10$ والسعر طلع اقل من السعر اللى توقعته ,,,,يبقى انت بردو هتخسر اكتر وتشتري السهم ب 50$ زي ماكنت متفق مع الراجل صاحب السهم
- لو انت كسبت ال 10$ والسعر طلع اكتر من السعر اللى توقعته ,,,,يبقى انت بردو هتكسب اكتر وتشتري السهم ب50$ السعر اللى وصله حسب الاتفاق مع الراجل صاحب السهم

وهكذا قيس على كدا بقى Options عملوها على كل حاجه ,,,الكسبان بيكسب كتير اوي ,,,والخسران بيخسر كتير اوي
حاجه كدا شبيهة بالمراهنة ,,,ربنا يكفينا شرها

وبالمناسبة متاجرة ال Options في امريكا غير متاجرة ال Options في اوروبا
ال American Options ,,,,يحق للشاري والبايع انهم يخلصو الصفقة مع بعض مين الخاسر ومين الكسبان حتى لو قبل ما المعاد المتحدد ييجي ,,الاسبوع يعني في المثال

اما ال European Options ,,,لااااازم في نفس المعاد ولا مفر ,,,,,يعني هتخسر لما تطلع من كيعااانك
ولحساب الفروقات بينهم من مكسب وخسارة معادلات يشيييييييب لها الرؤس,,,,

نيجي لتاني حاجه ,,,,العقود الاجلة Forward Contracts
بفكركو دي بردو من المشتقـــــــات ,,,يعني بالبديهة كدا انت لن تملكه بالفعل لكنك تستثمر توقعاتك
عقود ال Forward مبنية على كل ما يمكن استثماره ايضا وله سعر ,,,,اصول اسهم سندات عقارات ذهب بطيخ ,,,
ومن اسمها يتم تحديد اتمام الصفقة لاحقا بسعر انت متوقعه ومحدده في العقد بينك وبين الطرف الاخر,,,
ولكن اكتر ما يميزها انها تتم بكثرة في اسواق العملات واسعار صرفها ,,,

مثلا واحد مستثمر كبير ,,,بتجيلو شحنات لعب بلاستيك من الصين كل شهر ,,,وهوا خايف من سعر اليوان الصيني يرتفع و ممكن الصفقة كدا تقف عليه بخسارة ,,, وهوا عامل حسابه على سعر الشحنه باسعار الصرف الحالية ,,,,يعمل ايه بقى ,,,يروح متعاقد مع بنك على سعر الصرف المتوقع في بداية كل شهر ,,,

بعد الشهــــــــر,,,
سعر الصرف في اول الصفقة طلع اعلى من المتوقع ,,,,البنك يقولك انت كسبان ياسيد المعلمين وخد الفرق اهو ,,,
سعر الصرف في اول الصفقة طلع اقل من المتوقع ,,,,,البنك يقولك انت كدا خسرت يامعلم ولازم تدقعلي الفرق ,,,
طبعا مع البنوك بالذات مش بتكون بالسذاجه دي ,,,دا مثال

طيب بما انك مستثمر كبير ( اقصد حرامي كبير الا من رحم ربي ),,,في حالة الخسارة ,,,تروح للبنك ببساطة وتقوله انه يتمم الصفقة اللى جاية ليك اخر الشهر( على اساس ان فلوسك متجمده او مفيش سيولة ) ونتحاسب احنا مع بعض بعدين (
ابقى قابلني ),,,,
وفي الحالة دي ممكن البنك يشوف البضاعة مغرية يدفعلك بضمانها ,,, او ياخدها هوا ويتاجر ويكسب فيها ,,,او ياخد ضماناتك ( دا لو مكنتش صرّفتها اول بأول عشان تخلع بدري بدري ),,,

وممكن عقود الForward يبقى فيها هيدج زي الفوركس بالظبط ,,,يعني ممكن تروح للبنك وتقوله انا متوقع ان السعرهيرتفع بنفس قيمة خسارتي الشهر اللى فات ,,,وياتكسب وتفك الهيدج او تزيد الطين بلة

بس لحظه عقود الForward في المثال كانت مبنية على ايه ؟؟؟ سعر او فايدة ,,,ومش شرط في العملات فقط
قيس على كدا بقى اي سعر مرتبط بفايدة لايييي حاجه ممكن الاستثمار فيها ,,,

وطبعا فيها مخاطرات كبيرة جدا ,,,اهمها ان الاطراف الخسران منهم ياخد الفلوس ويفلسع Default Risk , او انه يفلس و متلاقيش معاه فلوس اصلا ساعتها وبردو هيفلسع او يتسجن Credit Risk او انه متلاقيش معاه سيولة او رمز من رموز اقتصاد البلد صعب ناخد منه سيولة Liquidity Risk وغيرهااااااااااا مطولش عليكو ,,,

دا غير ان فيها شبهات كتييييييييييرة في فقة المعاملات المعاصرة والبنوك الاسلامية لا تتعامل بها

تالت حاجه ,,,العقود المستقبلية Future Contracts

زي الForward بالظبط نفس الحكاية كدا ,,,,بس فيه شويه اختلافات لازم نعرفها ,,,
- الFutures ممكن تنتقل ملكيتها من طرف لطرف ,,,يعني واحد يشوفك كسبان في عقد Future يقولك انا هشتريه منك بسعر كذا بس سيبهولي لانك انت واخده بسعر كويس وربحيته ممتازة ,,
-ال Futures متراقبة يا عمنا من الحكومة ,,,يعني عليها شويه تنظيم للاطراف وضمانات ومش معنى كدا ان مفيهاش مخاطرة لكن اقل من ال Forward ,,,,ال Forward بتكون بين طرفين وممكن متكونش عليهم مراقبة و الشرطة لا تحمي المغفلين,,,
- ال Futures ممكن تتاجرها على منصة زي الاسهم والعملات Over the Counter ,,,وممكن تجيبلك مارجن كول يعني مش هتعرف تخلع ,,,واول منصة ظهرت عليها ال Futures كانت بورصة شيكاجو,,,بردو الامريكان سبب المصايب

رابع حاجه ,,,,,ال Swaps
طبعا بما اننا كلنا فوركساوية ,,,عارفين ايه هيا عقود التبييت ,,, لكن بتتم على طرق اوسع من منطلق المشتقات ,,,

اشتريت انا يورو ين وقت ما كان سعر الفايدة 5% على اليورو و 3% على الين
فايدة اليورو ارتفعت من 5% ل 5.5% يبقى انا كسبت
فايدة الين ارتفعت من 3% ل 3.5 % يبقى انا خسرت
والفرق بينهم بيتحسب على حسب كم نسبة بما يقابلها بالنقاط
وهذا هو ال Floating for Floating swaps

ممكن ال Swaps تكون على اساس اسعار فايدة Floating for Floating يعني الفايدتين متغيرين
او انها تكون على اسعار فايدة Fixed for Floating يعني فايدة ثابتة وفايدة متغيرة

مثـــــــلا احنا هنا ف مصر ,,,لما ناخد قرض من البنك ربنا مايوريك الفايدة هتحصل ال 30% قريب !! ,,,وصاحبي مثلا في امريكا عندهم هناك القرض بفايدة لا تذكر نقول 5% للتسهيل
صاحبي ممكن ياخد القرض من هناك مليون جنية مثلا ويقرضهولي بمعدل فايدة 15% دا كدا Fixed for Fixed swaps
او انه ياخد قرض المليون ابو فايدة 5% ويقولي هتدفعهولي بفايدة الاقراض في لندن مثلا LIBOR والفرق مكسب لي
او انه ياخد قرض المليون ابو فايده 5% وميعبرنيش انا ويروح يستثمره في بنوك سويسرا ذات العائد المرتفع ويدفع دفعات القرض مع كل فترة ,,,
وهوا دا اللى كان بيحصل لما كان الدولار ب 3جنية قبل 11سبتمبر وبعدين قفز ل 7 جنية ,,,,,ناس كتير اغتنت من الموضوع دا ,,,,وناس كتير بردو مغفلة راحت اشترت الدينار العراقي فاكرة انه هيرتفع بعد الحرب هههههه,,,
اللهم اني بلغت اللهم فاشهد ,,,,,

هذة المعاملات حولها شبهات كثيرة في فقة المعاملات المعاصرة والبنوك الاسلامية لا تتعامل بها,,,,

كل اللى فوق دول مشتقـــــات لازم نفتكر ,,,كلها قايمة على حاجات مش ملكي وبتاجر بيها ,,,مراهنة

اه عشان صورة بنوكنا الجميلة تكتمل :
اقتصاديا : بنوكنا كما قلت لا تتعامل بالعقود المستقبلية او الخيارات الا القلة القليلة منهم ذوات الارباح ,,,ودا طبعا عشان لو طبقتها وفشلت ,,,اقتصادنا هتجيله سكته قلبيه ويروح فيها المسكين ,,,والبنك المركزي هيسدد ايه ولا ايه ,,,عليه العوض
ودينيا : كما ذكرت وما زلت اذكر ,,,وكل لبيب بالاشارة يفهـــــــم

وللحديث بقــــــــــية ,,,,