قبل ما تبدأ أى بحث أهم حاجة التفكير العلمي والطريقة العلمية

[aLcOmAnDa]

بسم الله الرحمن الرحيم

السلام عليكم ورحمة الله وبركاته

انا النهاردة حبيت احط موضوع يكون مرجع لأى حد قبل ما ينوى القيام بأى بحث علمي سواء عن البورصات أو فى أى مجال أخر

هنا انا سأضع الخطوط العريضة لكيفية القيام ببحث علمي وفي نهاية الموضوع هأكتب اسماء بعض الكتب والموراجع الممتازة للموضوع دا

الموضوع هيكون على شكل حــــــــــــــــــوار بين شخصيتين الشخصية الأولى هي محمد -أنا- الذي يجب على أسئلة الشخصية الثانية عمر

عمر:ماهو التفكير العلمي؟

أنا:هو الطريقة او المنهج العلمي الذي لا يستطيع أى باحث علمي او أى شخص يرغب فى البحث العلمي السير بدونه للتوصل لأفضل النتائج واختبار صدقها
اذن هو طريقة للتوصل للمعارف ثم اختبار صدقها.

عمر: من يمارس التفكير العلمي؟

انا:كل الناس,ايوه بالفعل كل الناسزي المحامين والاطباء والتجاريين وحتى العاطلين.

عمر:ازاى؟
انا:عن طريق التفكير النقدي, يعنى مثلا اى شخص اول ما بيقلك اى حاجة هل بتقتنع بيها علطول ولا بتشوف هي ممكنة ولا لأ الاول؟
عمر:اكيد بشوف مدى منطقيتها قبل ما اقتنع بيها.
أنا: دا اسمه بقى التفكير النقدي.

انا: التفكير العلمي له انواعوهي كالآتي
التفكير الحدسي: وهو اعتقاد الفرد ان عقله له القدرة على المحاكاة والاستنتاج يعنى بناء على عمليات ذهنية وهو نوع مهم من انواع التفكير ونقدر نعتبره قريب جدا من الخيال وما ننساش ان "الخيال أهم من المعرفة" اينشتين

التفكير العاطفي: يقوم الففرد بالتفكير بعاطفته
التفكير بالتمنى: هنا بيتمسك الفرد برأيه بناء على أمل -أكثر الانواع انتشارا خاصة فى موضوع ابحاث عن سوق البورصة-
التفكير عن طريق تجاهل الحقائق
التفكير المطلق: با أبيض يا أسود -اللون الرمادي دا انا ما حبهوش-
التفكير بالاعتقادات: التفكير عن طريق جملة بيتهيألي + يحتوى على مغالطات وعدم منطق


عمر: طيب أى فوائد التفكير العلمي؟
انا: فوائده كثير جدا زي
1-التفكير المنظم
2-اختصار الوقت والجهد
3-زيادة معارف الفرد
4-التأكد من النتائج التى تم التوصل لها
5- تعلم طرح الأسئلة الصحيحة للحصول على الإجابات الصحيحة
6-وصول الفرد لمرحلة انه يصبح مفكر -فيلسوف

عمر: طيب ازاى امارس التفكير العلمي؟
انا: اقلك انا يا سيدي ركز معايا

اول حاجة اننا نحدد المنهج بمعنى اننا نحدد احنا عاوزين اى من البحث دا ثم الخطوات
وعادة بتكون الخطوات متكونة من جزئين الجزء الاول هو تبسيط المشكلة لأقصى درجات البساطة ووضع حلول
والجزء الثاني هو تجميع الحلول وربطها ببعض للوصول للحد النهائي واختباره ككل

بالنسبة للجزء الأول عندى ملحوظة مهمة جدا جدا جدا
لو انا عندي المشكلة ومش لاقي حل لها اعمل اى؟
حاول انك تضرب مثال لمشكلتك بمثال فى الحياة العملية واستخدم خيالك يعني مثلا موجات السعر نشبهها بأيه؟
نقدر نشبهها بموجات البحر او موجات الصوت او موجات الضوء أو موجات الجاذبية وهكـــــذا
ونبدأ نتعامل معاها وأكيد جدا هيبقى التعامل اسهل جدا

خطوات البحث العلمي:
1-تحديد السؤال الذي من المفترض ان يجيب عليه البحث
2-تجميع معلومات مبدئية عن البحث
3-وضع فرضيات
4-اختبار الفرضيات
5-في حالة فشل الفرضيات نعمل التعديلات اللازمة على الفرضيات
6-في حالة نجاح الفرضيات نقوم بوضع النظرية الكاملة
7- هل النظرية تجيب على السؤال في الخطوة 1



واثناء وضع المنهج لازم نبقى عارفين كل المواضيع المتعلقة بموضوعنا يعنى هنبحث في مجالات اى
يعنى لو انا ناوى اعمل بحثي عن الاسواق مثلا وتحليل السوث كموجات يبقى اناالمفروض اعرف الاول الباحثين اللى قبلي وصلو لغاية فين وبعد كدا ابدا
يعنى مثلا اعرف إليوت واعرف ازاى بنى نظرياته وبعد كدا ادخل على ادوارد ديوي واتعلم فيزياء موجية وهكذا (دا مجرد مثال)
لازم تاخذ ملاحظات على المعلومات اللى بتقراها وتحط bookmarkعلى المعلومات المهمة
بعد كدا اربط كل المعلومات اللى اكتسبتها مع بعض واحاول اوصل لنظرية بحيث انها تتفق مع كل اللى انا قريته


عمر: هل في أى كتب للإستزادة عشان انت شرحك وحش جدا؟
انا: بعض الكتب والمقالات المفيدة


http://en.wikipedia.org/wiki/Scientific_method
سلسة اقرأ - التفكير العلمي - د/محمد رؤوف حامد
التفكير النقدي
التفكير العلمي -عالم المعرفة http://www.4shared.com/document/ukYU...sue-003___.htm



دي كانت نبذة ويارب تكونو استفدتو منه

[شـقـران]

وعليكم السلام ورحمه الملك العلام...
اكيد استفدنا وجزاك الله كل الخير...