اسرع الطرق لتخسر فى الفوركس

[مصطفى خالد]

ازيكو يا فوركساويه
لسه على شعارنا قولو للى اشترى الدولار يخاف بكره الى اشتراه يخسره؟؟

النهارده جبتلكم اسرع الطرق عشان الناس الى تحب تخسر فى الفوركس

اولا عملو ايه الى اتعملو؟؟
مش لازم اجرب على الديمو كتير هو اسيوع و لا 2 و تمام اوى كده و ندخل الفوركس و نبقه بتوع الملايييييييييين و نلعب الفلوس لعب
و نشرب السيجار و ناكل الكافيار و و نودع الفول ابو زيت حار

ثانيا البروكر
ليه اروح اف اكس سوليوشن و لا اف اكس سى ام ؟؟
ما شركه abc و لا شركه xyz اسبريدهم نقطه على كل الازواج و بيدولك اقلام و اجندات هديه على كل عقد بتفتحه
و كمان عشان الشركه مرخصه فى موزامبيق و لا ديزنى لاند و لا جزر لانجر هانس ( عليما جزر لانجر هانس تقع فى الاذن الوسطى) ده طبعا كمان ممكن يدويك فلوس عشان انت ضيف عندهم و مينفعش ياخدو منك اى حاجه
ده طبعا غير شركه ofi اختصار( only for Idiots ) هاتعرض عليك رحله سياحيه لبرارى كينيا بس انت حول 100 دولار بس
انما الشركات الى فى بريطانيا و امريكا و استراليا شركات وحشه
و الغريب ان فى ناس كل اسبوع تقريبا يتلاقيها فى المنتدى عندنا بتشتكى ان شركات محدش سمع عنها حتى فى طيق اليوم ضربت الفلوس و سلسملى على هيئه رقابه جزر كولمبيا الوسطى

ثالثا سر الفوركس
طبعا الفوركس ليه سر
و السر ده بيقال انه مدفون تحت شجره جمبز شمال داكوتا تمشى 30 خطوره ورا و 30 خطوه قدام و تحفر و تردم الى حفرته و هتلاقيه فى صندوق خشب
و بيقال فى روايات اخرى انه فى قمه بركان مومباى فى ايطاليا تحت شجره جميز برضه
و لكن جورج بن سورز قال انه عشر على سر الفوركس فى ازازه فى البحر موجوده من العصور الوسطى
و بعض الناس تؤمن ان سر الفوركس ده يكمن فى الدراسه و البحث و قراءه السوق و التعب
و طبعا ده كلام فاضى

رابعا قاهر الفوركس و امبراطور الفوركس
اذا وجدت كلمه قاهر او مدمر او قاتل او افضل او الاستراتجيه التى قهرت الفوركس
اعرف انه كلامه صح
هايكدب ليه يعنى؟

خامسا البروكر بيكسب من خساره العميل
اه طبعا بيكسب من خساره العميل
مع ان خسارتك مش بتروح فى جيبه
و لا بتفرق معاه
و مع ان لو فكرنا بشكل منطقى هتلاقى انه الاحسن ليه انك تستمر فى السوق و تكسب و تكبر حسابك لان ده هايخليك تفتح عقود جديده و اكبر و بالتالى مكسب مادى اكبر من الاسبريد
انما لازم اى خاسر فى الفوركس يقتنع تماما ان البروكر بيستفيد من خسارته هو شخصيا

سادسا اكذوبه التحليل
التحليل الفنى و الاساسى دول ضحك على الدقون
طبعا عزيزى الخاسر انت اذكى من غيرك طبعا و الى قضو سنين دول ناس ساذجه ( و انا منهم بصراحه )
انما انت الاذكى و هاتجيب من الاخر
هاتدور على طرق الاتصال بين البنوك الكبيره لضرب الاستوبات عن طريق تبادل شفرات شريه بينهم بالشموع اليابانيه و الدعوم و المقاومات
و يقول جون بن ميرفى ان دوتشيه ينك يحتفظ بنسخه اصليه من الشرفات فى قبو تحت الارض جمب الصندوق الى فيه سر الفوركس (راجع الفقره التالته )
انما طبعا تحليل جان و علاقه دوران الشمس باسعار الدهب ( الاتنين لونهم اصفر ) و دوران القمر باسعار الفضه ( الاتنين لونهم فضى )
و طبعا اهم علاقه فيهم علاقه محصول الجرجير بسعر الدولار ( الاتنين لونهم اخضر)

سابعا الكبار بيضربو الاستوبات
اوعى تصدق عزيزى الخاسر ان دوتشيه بنك ابو 41 مليار يورو ايرادات فى السنه عينه مش هاتطلع على الفلوس الى معاك
و لا تصدق برضه لو عرفت ان عدد المضاربين الافراد 6 فى الميه بس تقريبا يعنى و لا حاجه فى الفوركس
البنوك دى عايشه على خسارتنا

ثامنا الفوركس مافيهوش شفافيه
عمر الفوركس ما كان فيه شفافيه
عمرك بصيت فى الميتا تريدر و لقيته شفاف؟؟؟؟؟؟؟

تاسعا قال التريند قال
قال امشى مع التريند قال
طبعا عزيزى الخاسر الدخول مع التريند هو للمبتدائين فقط الى بيخافو ( و طبعا شعارنا الى خايف يروح)
انما المحترفين بيدخلو عكس التريند و مهما عكس عليهم ما بيقفلوش

عاشرا و اخيرا من النهارده مافيش ستوب لوز
خلى ايمانك بالله كبير
يعنى ايه صفقه عكست 100 و لا 200 و لا 1000 نقطه يعنى؟؟
كله هايرتد و الدنيا هاتبقه قشطه
و بكره نكسب و نلعب بالملايين

طبعا النصايح دى للناس الى بتحب تخسر
عايز تكسب
اعمل العكس و ربنا معاك

[mohd_atef86]

في نصيحة كمان:
لو فتحت صفقة وقفلتها في نفس اللحظة حخسر السبريد

[kingooo]

untitled.bmp

[علي حسن]

جميل

[Ehab08]

بجد أنت مالكش حل ضحكتنى من قلبى
بس لو عاوز تعرف حلك إيه حتلقيه جنب سر الفوركس (راجع الفقره رقم 3 ورقم 6)
جزاك الله خير على النصائح

[body_mlm]

بارك الله فيك... ضحكتنى والله...
عندك شوية ردود على بعض الاسئلة الساذجة من بعض الناس الـ*****، بس ردودك لذيذة
وياترى حضرتك من الناس اللى بتعمل بالنصايح دى؟ ولا لأ؟!!

بالتوفيق للكل

[ahmoos]

( عليما جزر لانجر هانس تقع فى الاذن الوسطى)

المعلومه دي غلط
جزر لانجر هانز تقع في البنكرياس


مشكور علي الموضوع الجميل

[Mo3Ty]

والله انت جبت من الاخر
خاصة اني كنت لسة كاتب فى موضوع بتاع الخاسرون فقط يدخلو
انهم مقتنعين ان سبب خسارتهم هو ان شركة الوساطة بيدخلوا عكس اوردراتهم وبتخسرهم

والله فعلا حاجة غريبة وكلامك عين العقل

[Ordla]

أضحكتني أضحك الله سنك

[moataz_alsbak]

انا حبيت ارد و قلت لازم اوقفكم عند حدودكم
ازاي تتريقو علينا كخاسرين
يا جماعة يا اللي بتكسبوا سيبونا في حالنا
احنا ادمنا الخسارة
وعلي فكرة البروكرز بتكسب بردو من خسارتنا ومش بس من الاسبريد وخصوصا للصغار امثالنا

[رشدي]

ههههههههههههههههههههههههه

[Leonardo]

جااااااااااامد ضحكتنى اووووى بجد

[حسن بن علي]

في كلامك قمة الياس لسان حالك يقول انك كنت تدور حول نفسك الى ان تعبت وطحت ههههههههههههههههههههههههههه
صدقني ولا واحد في العالم وصل الى حقيقة الفوركس ولن يصل الى هذه الحقيقة احد ابداً لانه لا توجد حقيقة اصلا تعرف ليش ؟؟؟؟؟؟؟؟؟؟؟؟؟
لانك تركض خلف اراء ونفسية بني البشر وهذا الشي الوحيد الذي لا يمكن تحقيقة وهو رضاء كل الناس فهمت
لكن الشاطر من يحاول يقارب بين الاغلب يكون الفائزة للفترة بس وبعدها يتغير السلوك البشري وابداء من جديد وهكذا
تحياتي

[مصطفى خالد]

انا حبيت ارد و قلت لازم اوقفكم عند حدودكم
ازاي تتريقو علينا كخاسرين
يا جماعة يا اللي بتكسبوا سيبونا في حالنا
احنا ادمنا الخسارة
وعلي فكرة البروكرز بتكسب بردو من خسارتنا ومش بس من الاسبريد وخصوصا للصغار امثالنا

ههههههه
شكلك فهمتنى غلط و مفهمتش الموضوع يقصد ايه
انا مش يتريق على الى بيخسرو و لا حاجه لانى نفسى انا بخسر كتير كمان بس الحمد لله كمجمل ماشى كويس

انما انا بتريق على الاسباب الى بتكرر كل يوم فى المنتدى و بتخسر ناس كتير و مش بيتعلمو مع الاسف و بيكررو نفس الغلطات كل يوم
و لا يلدغ مؤمن من جحر مرتين

ده اولا
ثانيا نفسيا محدش خسر هايقول اه انا تحليلى كان غلط
هايرمى بشكل غير متعمد اسباب خساراته على كللللللللللللللللل حاجه الا نفسه

يعنى نتخيل مثلا
هل ممكن وارين بافيت اعظم مضاربين البورصه و الفوركس على مر العصور يقول ان البروكر بيخسره؟؟؟
او ان الماركت ميكر دخل ضده و خسره؟؟

طب جورج سورز لو كان خسر لما باع الباوند و ضرب اقتصاد انجلترا
كان هايقول البروكر دخل عكسه؟؟و لا الكلام ده؟

ليه عمرنا ما سمعنا من اى واحد ناجح فى الفوركس او البورصه الكلام الى احنا بنقوله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


طل او كسبت يبقى الماركت ميكر دخل معاك و لا صعبت على البروكر و قال يكسبك شويه؟؟؟؟؟؟؟؟؟؟؟؟

[مصطفى خالد]

في كلامك قمة الياس لسان حالك يقول انك كنت تدور حول نفسك الى ان تعبت وطحت ههههههههههههههههههههههههههه
صدقني ولا واحد في العالم وصل الى حقيقة الفوركس ولن يصل الى هذه الحقيقة احد ابداً لانه لا توجد حقيقة اصلا تعرف ليش ؟؟؟؟؟؟؟؟؟؟؟؟؟
لانك تركض خلف اراء ونفسية بني البشر وهذا الشي الوحيد الذي لا يمكن تحقيقة وهو رضاء كل الناس فهمت
لكن الشاطر من يحاول يقارب بين الاغلب يكون الفائزة للفترة بس وبعدها يتغير السلوك البشري وابداء من جديد وهكذا
تحياتي

الراجل ده بيقول كلام زى الفل
بجد مشاركه من دهب
بس فيها حاجه غلط
انا عمرى ما بياس و اى استوب بيتضربلى بيكون لسبب غلط فى تحليلى ( مرسمتش تريند او دخلت عهكس التريند بسبب الطمع او بمارجن عالى )او لصدفه سيئه ( زى لما الصين رفعت سعر الفايده و ده طبر الدولار قصاد اليورو و الباوند و خسرت فيها خساره محترمه)
انما لو صح بتضرب بروفيت و الحياه حلوه