النتائج 1 إلى 2 من 2
الموضوع: رسالة شاب فى الغربه لأمه .......
- 30-10-2010, 07:25 PM #1
رسالة شاب فى الغربه لأمه .......
يا امى هرسم صورتك على جبينى
عشان الدنيا تعرف انك وحشتينى
وهكتب اسمك
بحروف الشوق على قلبى
بحبك ... يا احن واغلى ما عندى
نفسى اضمك نفسى اقولك .. وحشتينى
ده انا لو اجيب من السما نجمايه
وانور بيها سماكى
ميكفيش تعبك معايا
ولا دعوه من دعاكى
مهما ملكت الدنيا بحالها
بيوت وقصور وموانى
هسيب كنوز الدنيا ومالها
وارجع اقولك وحشانى
و ارسم صورتك على جبينى
عشان الدنيا تعرف انك وحشتينى
يا امى يا ننى فى عبونى
يا حلمى وعشقى و جنونى
يا نور حياتى وسنينى ... وحشتينى
بلاش تبكى على فراقى
ده انا اموت لو تبكى بسببى
انا راجع حاضن اشواقى
مشتاق لاغلى حبايبى
زى البدر فى سمايا
ومنوره دنيايا
مقدرش اعيش من غيرك
ولا احكى سرى لغيرك
طول عمرى عايش فى خيرك .. وحشتينى
- 31-10-2010, 05:28 AM #2
رد: رسالة شاب فى الغربه لأمه .......
غايه فى الجمال
ربنا يرجع كل مغترب لوطنه وامه
شكراا على الموضوع