النتائج 1 إلى 15 من 35
- 21-10-2010, 03:31 AM #1
سحر البولنجر باندز .... 627 نقطه النهارده بس و بكشف الحساب كمان
ازيكو يا فوركساويه عاملين ايه؟؟
اوعى حد يكون اشترى الدولار النهارده
النهارده هاشرح حاجه صغيره كده عن البولنجر باندز
البولنجر بيدى دعوم و مقاومات محترمه جدا خصوصا على الفريمات اكبيره بالذات الديلى
طب ازاى انا عملت 627 نقطه فى يوم واحد ( رقم قياسى جديد ليا ) و معتقدش انه هاتكرر تانى
بصراحه التحليل كله مكانش قايم على البولنجر بس
كان فى حته تحليل اساسى
ان السبب فى ارتفاع الدولار و انه شاط فى كل العملات التانيه هو موضوع رفع فايده اليوان الصينى
و كان تخمنى انه شد حيله ليوم واحد بس و هايرتد تانى و يهبط قصاد كل العملات من تانى عشان كده لو تلاحظو فى كشف الحساب انى محطتش تارجت لليورو و قلت هاقفله اخر اليوم لانى كنت متوقع ان كل اليوم هايبقى فى ارتفاع لليورو قصاد الدولار فحبيت انى مضيعش نقط ممكن تيجى ان شاء الله
بس طبعا البلونجر كان ليه احترامه فنيا و رد كل الاسعار من تانى
نبص على الصور التاليه لازواج النهارده الى اشتريت فيها ( الباوند و اليورو و الاسترالى )
و الى بعت فيها ( الكندى و الفرنك )
يعنى من الاخر دخلت عكس الدولار فى 5 ازواج و كان ممكن ازود بالبيع فى الدولار ين و اشترى اليورو ين و المجنون و اخد من كل واحد 50 نقطه كمان مرتاحين ان شاء الله بس قلقت و قلت معايا الى كفايه انهم يضربو اتخن حساب
لو الشارت لباوند او يورو او استرالى يبقى الدخول تم من الخط الاحمر الى تحت و الخروج من الخط الاحمر فوق
لو الشارت فرنك او كندى يبقى العكس
شوفو السعر احترم جدا دعوم و مقاومات البولنجر حتى فى انهيار الاسعار اول امبارح قصاد الدولار محدش قدر يكسر خط البولنجر الاوسط زى اليورو و الفرنك و الاسترالى و ارتدو منه بمنتهى القوه
و حتى لما الباوند و الكندى كسرو حد البولنجر الاوسط مقدروش يكسرو الحد الاعلى او الاسفل
يعنى البولنجر كان هو السبب الوحيد لتاكيد الدخول عكس الدولار رغم الهبوط الشديد الى حصل امبارح و بيدعلى على هبوط اكتر و اكتر
و فى شويه ملاحظات اتمنى انقلها للناس هنا على البولنجر بعد تجارب و مقالب كتيره
1- كل ما الفريم كبر كل ما تحليلك بقه ادق
2 - لو التريند صاعد هتلاقى الشموع فى النص الاعلى للبولنجر و العكس صحيح
و ملحوظه من عندى التريند القوى بتلاقى الشموع كلها قريبه جدا من حد البولنجر الاعلى او الاسفل حسب التريند
و شوف بنفسك فى تريندات اليورو و الباوند الشهر الى فات كله
3 - فى حاله التريند الصاعد الدعوم و المقاومه بيكونو بين الحد العلوى و الاوسط و العكس صحيح
بس ممكن جدا الخط الاوسط يتكسر و الشمع تطير للحد التانى زى ما موجود فى شارت الباوند و الكندى فى الموضوع ده
4- عن نفسى بستعمل الشموع اليابانيه مع حدود البولنجر و بنسبه 80 فى الميه على الاقل على الديلى بتلاقى شمعه انعكاسيه محترمه على حدود البولنجر فتقدر تدخل مرتاح اوى مع اتجاه الاشاره كما فى الشارت التالى
انا مجربتهاش على فريم اصغر من ال 4 ساعات بس ممكن تجربو و تقولو رايكم فيها؟؟
5 - متحللش الا على شمعه اتقفلت فعلا
الموضوع ده على ما اعتقد يمشى على كل الازواج بس لازم ناخد بالنا من 4 حاجات اساسيه بييعتبرو قناعاتى الشخصيه فى الفوركس
من عرف حركه الدولار عرف حركه الفوركس
تاجر كما ترى ليس كما تعتقد (امبارح رغم اقتناعى ان الدولار فى نشاط مؤقت و هايضعف تانى لكنى بعت اليورو و الباوند اول امبارح عشان التريند اليومى هابط )
اعرف اتجاه اليوم العام و ادخل معاه لتارجت من 50 و انت طالع
السوق غدار فلا تغفل الاستوب ابدا و مع حركه الصفقه فى صالحك انقل الاستوب لضمان جزء من الربح او على الاقل على نقطه دخولك لضمان عدم وجود اى خساره
و ده كشف الحساب عشان المثل الفوركساوى الكبير الى انا لسه مخترعه حالا
خليك مع الكداب لحد كشف الحساب
و بعد الكلام الحلو ده كله معلش هاصدمكو صدمه كبيره
ان العمليات دى كلها تمت على حساب ديمووووووو
لانى مكنتش فاضى اتابع الحقيقى فجربت على الحقيقى عشان اختبر طريقتى كمان و كمان
و حاليا بيبكى بدل الدموع بسطرمه عشان مدخلتش حقيقى
ياله الله يعوض و الفوركس زى الموج ملهمش نهايه
عايزين كل واحد يعمل باك تيست على الزوج الى يجبه و على الفريم الى يحبه عشان نشوف احسن زوج و انسب فريم للحوار ده
بس ضربه معلم النهارده
ايه رايكم ؟؟
- 21-10-2010, 04:24 AM #2
رد: سحر البولنجر باندز .... 627 نقطه النهارده بس و بكشف الحساب كمان
السلام عليكم:
اخي العزيز فرحت كثيرا عندما عرفت ان الحساب ديمو وليس حقيقي وتقول لماذا؟
يبدو انك لا تعرف كيف تدير راس المال حيث انك دخلت بمخاطرة حوالي 45% من راس المال وهذا ما اسميه قمار وليس المتاجرة بالاموال
تعلم شيئا عن كيفية التحكم بالعواطف اثناء المتاجرة ادارة راس المال بصورة صحيحة قبل ان تفكر بوضع قرش واحد في هذا العمل
اسف اذا كنت قاسيا بكلامي ولكن هذه نصيحتي لك
شكرا
- 21-10-2010, 11:24 AM #3
رد: سحر البولنجر باندز .... 627 نقطه النهارده بس و بكشف الحساب كمان
- 21-10-2010, 11:40 AM #4
رد: سحر البولنجر باندز .... 627 نقطه النهارده بس و بكشف الحساب كمان
اخي ملاحظة بسيطة
الشموع العاكسة الي انت محددها علي الشارت
لست هامر او انفرتد هامر لانهم ياتوا في نهاية ترند هابط مش صاعد
وانما shooting star وتاتي في نهاية ترند صاعد مثل حالة الباوند دولار
بالتوفيق
- 21-10-2010, 11:48 AM #5
رد: سحر البولنجر باندز .... 627 نقطه النهارده بس و بكشف الحساب كمان
- 21-10-2010, 12:07 PM #6
رد: سحر البولنجر باندز .... 627 نقطه النهارده بس و بكشف الحساب كمان
هههههههه كلامك زين شوف يا باشا البولنجر باندز حاجة اساسية بعتمد عليها مع اشياء اخري طبعا تدعمها تعطيك مداخل سليمة ميه الميه ما في كلام في هيك وايضا خروج وبفضل استخدامها مع الاربع ساعات وفوق
وده مقطع من مقابلة مع دان زنجر
الصحفي: ماهي أدوات التداول التي وجدتها أكثر فاعلية؟
دان: لقد وجدت "البولنقر باندز" تخبرني بكثير من الأشياء. فعندما يكسر السعر نمطاً معيناً ويتخطى الحاجز العلوي للباند فإني أعلم حينها بأن الحركة للأعلى ستكون قوية.أيضاً أقوم ببيع نصف أو كل قيمة شرائي في اليوم الثاني أو الثالث من وقت تخطي السعر للحاجز العلوي للباند.
بالتوفيق
- 21-10-2010, 12:27 PM #7
- 21-10-2010, 12:44 PM #8
رد: سحر البولنجر باندز .... 627 نقطه النهارده بس و بكشف الحساب كمان
يعطيك العافيه اخوي روكي
ياليت تطبقلي كمثال حي
للدولار فرنك
وشكرا
- 21-10-2010, 05:29 PM #9
رد: سحر البولنجر باندز .... 627 نقطه النهارده بس و بكشف الحساب كمان
الرد فى الصوره يا غالى
و نضيف عليه ان الدولار فرنك فى حاله هبوط بقاله فتره و واضح من الصوره ان لما الدولار شد حيله على باقى الازواج مقدرش يكسر حتى خط البلونجر الاوسط و يغلق فوقه و امبارح كان سلبى عليه و هبط و ده بيرجح الهبوط بكره كمان
انما الافضل انتظار اغلاق اليوم خصوصا انه على فريم ال 4 ساعات ماشى على البولنجر الاوسط و لا بيكسر لفوق و لا لتحت
معلش اتاخرت شويه عليك بس لسه شايف المشاركه حالاآخر تعديل بواسطة مصطفى خالد ، 21-10-2010 الساعة 05:36 PM
- 21-10-2010, 05:38 PM #10
رد: سحر البولنجر باندز .... 627 نقطه النهارده بس و بكشف الحساب كمان
ماهي اعدادات البولنجر المستخدمة اخي العزيز
- 21-10-2010, 06:58 PM #11
- 22-10-2010, 07:46 AM #12
رد: سحر البولنجر باندز .... 627 نقطه النهارده بس و بكشف الحساب كمان
اعتقد ان النهارده سلبى على الدولار و ده معناه ارتفاع الياوند و اليورو و الاسترالى و هبوط الكندى و الفرنك
عن نفسى انا بايع الفرنك و مستنى لحد الساعه 12 او 1 يتوقيت مصر اشوف اتجاه اليورو و الباوند اليومى العام
- 22-10-2010, 03:13 PM #13
رد: سحر البولنجر باندز .... 627 نقطه النهارده بس و بكشف الحساب كمان
الفرنك التيت ضربى الاستوب على نقطه الدخول
و اليورو مش عارف ضرب استوب و لا لا
و مع الاسف الدولار بدا ينزل قصاد كله اليورو عامل هامر ( مش شوتنج ستار )
عموما انا مبحبش اشتغل الجمعه عشان كله بيقفل المراكز و بيبقه يوم عشؤائى
- 24-10-2010, 11:14 AM #14
رد: سحر البولنجر باندز .... 627 نقطه النهارده بس و بكشف الحساب كمان
مبروك عليك الطريقة سلف والصراحة ليسى بقي اسرار و اسرار للبولنجر باند
- 24-10-2010, 11:18 PM #15