استراتيجية البرايم اسكالبنج متطور

وفعلا نتيجة الحركة المضطربة والتذبذب الالترا تراجع عن التقاطع اللي يؤيد الهبوط واللي فتح عقد بيع صغير اغلقه الآن على خسارة حوالي 18 نقطة نتيجة اشارة السهم المعاكس
الملف المرفق 251660

والآن جميع المؤشرات أعطت تأكيد على الصعود والسعر طار لأعلى (حوالي 20 نقطة في شمعة واحدة)
فانتظرنا السعر يعود قريب من منطقة الدخول الأولى (على كلام أستاذ معطى) وبالفعل عاد لنقطة الدخول
فممكن ندخل شراء (لكن برده أعتقد من الحكمة الدخول بعقود صغيرة لأن السعر بيتحرك بطريقة مش حلوة)
الملف المرفق 251661

اين انتم يا رجاااال؟؟؟؟؟؟؟

وبالفعل زي ماقلت هو يوم غبي من اوله
الملف المرفق 251662
واللي فتح عقد شراء صغير زي ما قلنا اغلقه على خسارة حوالي 10 نقاط
وبكده نتأكد أن الايام اللي زي دي احسن حاجة تقفل جهازك وتفتحه تاني يوم علشان مش هتقدر تمسك ايدك
وأعتقد السبب في اللي بيحصل الانهارده أن فيه خبرين على الGBP الساعة 12:30 مهمين أوي

اقتباس:

---

المشاركة الأصلية كتبت بواسطة kingooo

وبالفعل زي ماقلت هو يوم غبي من اوله
الملف المرفق 251662
واللي فتح عقد شراء صغير زي ما قلنا اغلقه على خسارة حوالي 10 نقاط
وبكده نتأكد أن الايام اللي زي دي احسن حاجة تقفل جهازك وتفتحه تاني يوم علشان مش هتقدر تمسك ايدك
وأعتقد السبب في اللي بيحصل الانهارده أن فيه خبرين على الGBP الساعة 12:30 مهمين أوي

---

معلش ياكينجو بدخل اتابع فى المنتدى متاخر عشان ظروف الكلية ووجع الدماغ وفريد برضوا اعتقد انه مشغول فى الكلية

وفعلا يوم غير جيد بالمرة

بس انا لاحظت شئ عندك فى كلامك
اولا انت قولت ان الالترا قطع لاسفل وده محصلش ده قرب من بعض بس واول ما لامس بعض روحت انت داخل بيع
على فكرة انا المنظر ده شوفته كتير ان الالترا فى وقت التذبذب يقرب من بعض ويلمسوا بعض وبعدين يروح طالع العكس
وحلها انك بعد كدة تنتظر لما الالترا تشوفوا فعلا قطع لتحت مشلامس يعني كنت استنيت كمان شمعة او شمعتين كنت زمانك مشحتدخلها لانك زى ما شوفت لمسوا بعض وراح قالب شراء
ومعلش هو يوم مشتمام الصراحة ويوقع اى حد فيه
بس مشعايزك تزعل انت خسرت بس 18 وده ميزة الطريقة اننا بنخسر قليل بقية الناس بتخسر بالمئات
واحيك انك دخلت بعقود صغيرة لانك شوفت الوضع متذبذب
الله ينور عليك وربنا يوفقك ياقمر

طيب ليه مانتابع الموشر على فريم اكبر من الخمس دقائق من متابعتي للخمس دقائق لاحظت كثرة الاشارات الخاطئة تابعوه على فريم الساعة ربما يكون احلى من خلال تجربتي اليوم بس نتائج حلوه عملت تقريبا 20 صفقة ولاخسارة كلها بربح اقل 20 نقطة وعلى جميع الازواج الرئيسية ومن ضمنهم الذهب

من خلال الاستراتيجية تقول ان هناك هبوط على الاسترالي وهبوط على النيوزيلندي على فريم الاربع ساعات نتابع

اقتباس:

---

المشاركة الأصلية كتبت بواسطة سلطان فوركسي

طيب ليه مانتابع الموشر على فريم اكبر من الخمس دقائق من متابعتي للخمس دقائق لاحظت كثرة الاشارات الخاطئة تابعوه على فريم الساعة ربما يكون احلى من خلال تجربتي اليوم بس نتائج حلوه عملت تقريبا 20 صفقة ولاخسارة كلها بربح اقل 20 نقطة وعلى جميع الازواج الرئيسية ومن ضمنهم الذهب

---

اخي العزيز سلطان شكرا لك على المتابعة
وتعليق على كلامك الطريقة اسمها سكالبينج اى عمل على فريمات صغيرة مع هدف وستوب صغير
بالنسبة لقصة الاشارات الغلط الكاذبة نزلنا مؤشر لجديد للفلترة وظبط الطريقة
بالنسبة لدخولك على جميع الازواج فالطريقة لاتكون قوية فى كل الازواج
بالنسبة انك قولت دخول على الاسترالي
نرجو منك عند وضع شئ انت شايفه ياريت تحط صورة عشان كلنا نتناقش مع بعض
وبالتوفيق لك

اقتباس:

---

المشاركة الأصلية كتبت بواسطة mo3ty2002

معلش ياكينجو بدخل اتابع فى المنتدى متاخر عشان ظروف الكلية ووجع الدماغ وفريد برضوا اعتقد انه مشغول فى الكلية

وفعلا يوم غير جيد بالمرة

بس انا لاحظت شئ عندك فى كلامك
اولا انت قولت ان الالترا قطع لاسفل وده محصلش ده قرب من بعض بس واول ما لامس بعض روحت انت داخل بيع
على فكرة انا المنظر ده شوفته كتير ان الالترا فى وقت التذبذب يقرب من بعض ويلمسوا بعض وبعدين يروح طالع العكس
وحلها انك بعد كدة تنتظر لما الالترا تشوفوا فعلا قطع لتحت مشلامس يعني كنت استنيت كمان شمعة او شمعتين كنت زمانك مشحتدخلها لانك زى ما شوفت لمسوا بعض وراح قالب شراء
ومعلش هو يوم مشتمام الصراحة ويوقع اى حد فيه
بس مشعايزك تزعل انت خسرت بس 18 وده ميزة الطريقة اننا بنخسر قليل بقية الناس بتخسر بالمئات
واحيك انك دخلت بعقود صغيرة لانك شوفت الوضع متذبذب
الله ينور عليك وربنا يوفقك ياقمر

---

منور يا باشا
ربنا يعينك في الكلية
كلامك بالنسبة للالترا مظبوط 100%
وأنا اكتر حاجة مريحاني أني حاسس أني بتعلم فعلا وطبعا الفضل بعد ربنا يرجع لتعبكوا معانا
ومبسوط أني ابتديت اميز وفعلا احساسي من الصبح أن النهاردة مش مظبوط طلع صح

شكرا مرة تانية ومفيش مشكلة في التأخير بس اوعى تنسانا وتحرمنا من ذوقك يا جميل

فعلا يا كينجو انت واضح جدا انك بدات تستوعب الدنيا ماشية ازاى
بص كل الاستراتيجيات بتكسب بس كل القصة محتاجة منك شوية وقت لانها بتعتمد على احساسك انت والخبرة والكلام ده بيجي مع الوقت
انا اهو بقالي شهرين شغال بيها ديمو ولسة حكمل كمان بيها شهرين ديمو لان كل يوم بحس اني بوصل لمرحلة افضل
وحتلاحظ فعلا ان فى مرات كتيرة شكل السعر ده اتكرر
فنصيحة من اخ لاخوه متستعجلش انك تدخل لايف وكمان لو انت مستريح بالطريقة ده متحاولش انك تدور على طريقة تانية لانك حتشتت وحتبدا من اول وجديد
ولكن شوف الناس استراتيجتها ماشية ازاى وتابعهم ولو شايف ان فى حاجة حتضيفلك فى طريقتنا زودها انا عن نفسي بعمل كدة

وانا مقدرش انساكم يا كينجو احنا اخوات وكلنا بنساعد بعض انا بس مبنزلش فرص حية لضيق الوقت وايضا فريد نفس القصة
بس بحاول ادخل فى اليوم كل فترة المنتدى عشان لو حد كاتب استفسار ولا حاجة اتابع معاه
ويلا انت بقا شد حيلك اليومين دول وتابعلنا بفرصك الحية الجميلة الموضوع لانك خلاص بقيت استاذ

تذبذب واضح على الكابل يمنعنا من الدخول
الملف المرفق 251833

أعتقد دي ممكن تكون فرصة بيع على اليورو
الملف المرفق 251834

بالفعل هبط اليورو 44 نقطة حتى الآن من سعر الدخول
الملف المرفق 251836

وكده حقق 55 نقطة
الملف المرفق 251837

الكابل بيقول عايز انزل لتحت بس للاسف اشرطه مش مؤكدة (تذبذب كبير في الأول وبعدين اعطى الفلتر كلمته بعد 10 شمعات من السهم وفرق حوالي 10 نقاط)
الملف المرفق 251838