دعوة عامة لمناقشة اليورو دولار الي أين ؟ فرص يومية وسوينج

اقتباس:

---

المشاركة الأصلية كتبت بواسطة harnkish

صباح الفل

على الشهرى منطقه ال 1.2810 احتمال كبير ترجعه ل1.3100 ثم 1.3380 على الشهرى
على فكره التصريحات هيبقا ليها عامل كبير فى كسر التريند او رده لفوق والكابتن ترشيه هيرغى انهارده وربنا يستر

---

السلام عليكم
اولا الموضوع مش محتاج عادى احنا بنقول الى بنشوفو ولا احد متاكد من شى من الاخر احنا مسييرين مش مخيرين وياحظك لو ماشى مع الكبار فامش طالبه خناق وفشخره

تانى شى بقا اليورو للبيع ان شاء الله
والهدف 1.2780
وده الشارت


الملف المرفق 259098
تالت حاجه
على الاسبوعى باره اليوم ممكن نعتبرها قمه كتف تانى والهدف بعيد بعيد ان شاء الله بس خلينا فى 1.2780

رابع شى ولا اقولكم بعدين وبلاش خناق والعبو مع بعض متتخنقوش وربنا ياخد بايد الدولار

معلش يا حبيب قلبى
قول الحمد لله
على اللى جرى
و اديك بتتعلم
و ادينا كلنا بنتعلم

سيناريو محتمل للصعود الحاصل مثل ما تفضل أخي خالد بأننا بترند موجه صاعده
التشارت الأول يومي يبين الأهداف و التشارت الثاني 4 ساعات يوضح تفاصيل الصعود و متوقع بأنه راح يتكون من 5 موجات ما زلنا لم نكمل الموجه الفرعيه الثالثه من الموجه الأولى من الترند
و الله أعلى و أعلم

الملف المرفق 259099

الملف المرفق 259102

حسب التصور المرفق بالتشارتات السابقه لو كان صحيح
حاليا للمتابعه منطقة 1.3262 الى 1.3286 ممكن يرتد منها و يكمل صعود لغاية 1.3400 تقريبا
و الله أعلى و أعلم

اقتباس:

---

المشاركة الأصلية كتبت بواسطة islam from east

اتمنى ذالك
بس هو يكسر غدا مستويات 1.3420

انا حطيت ستوب لوز عند 1.3290

تحسببا للتقلبات

و منتظر غدا

لأنى اتوقع له كسر النقطة غدا بأذن الله

ايه رأى حضرتك

فى الاستوب لوز ؟؟

---

للاسف اتوقع انه سيضرب الاستوب لوز عندك اتوقع مجرد توقع هبوطه الى 1.3284

ثم الصعود للهدف المذكور

مجرد وجهة نظر متواضعة من مبتدىء
ننتظر اغلاق شمعة الدايلى على هذا الوضع يكون الأتجاة الأقرب للبيع
للأسباب الأتية
1- ارتدادة من متوسط 55 ع اليومى + مقاومة من متوسط 100 بردة + ان البولنجر متشبع
2 - اغلاق السعر تحت خط ترند هابط
3 - اغلاق السعر تحت مستوى 38 % فيبوناتشى اليومى مستويات 1.3355 .. الفيبوناتشى باللون الأسود هو الفيبوناتشى على الموجة الكبيرة على الويكلى ترند انما الفيبوناتشى اليومى باللون الأزرق
دا اجتهاد شخصى وتفكير بصوت عالى معكم ان شاء
اتمنى التصحيح لو فيه حاجة انا فكرت فيها غلط
سلام عليكم

اقتباس:

---

المشاركة الأصلية كتبت بواسطة islam from east

لا حول ولا قوة الا بالله

ليه يا بشمهندس خالد

امال هتعلم من مين لغة الشارتات ؟

:)

و الله العظيم انا اللى مشجعنى اتكلم فى الموضوع ده
ناس
زى حضرتك و استاذه رنيا

بعدين طبيعى ان فى ناس تعمل كدا

انا لو ربنا اكرمنى و وصلت لدرجة ان فى ناس بتنتقدنى

زى حضرتك

هكمل عادى فى الموضوع او العمل اللى بعمله

و مش هرد عليهم

بس الناس تنتقدنى بس

:)

معلش السوق اليوم عاكس ناس كتير اوى

و كمان للأسف عاكس الناس فى عدد نقاط كبير

انتا عارف انه فى مشكلة ادارة لرأس المال

معى تحركات السوق اليوم

ممكن اى حد يخرج من اعصابه

معلش استحمل

أنا منتظر رد حضرتك على

اه
لازم ترد بسرعة انك مكمل
لسببين

انى وراى امتحان ولازم اقوم اذاكر
علشان ممكن اشيل control
:)
و انك لسه قايل لى اليوم

لو عايزك فى حاجة ارجع اطلبها منك على طول

منتظر الرد :)

---

حاضر اخى العزيز islam from east

انت تؤمر واى خدمه تحت امرك فى اى وقت

اقتباس:

---

المشاركة الأصلية كتبت بواسطة VEVA

يا اخ خالد انت واخد ليه كلامي بحساسية و بتتهمني اني بسخر منك او بتهكم عليك اولا اقسم بالله ما قصدتك بكلامي نهائيا لا من قريب ولا من بعيد بالعكس انا هنيتك اليوم على صحة وجهة نظرك واعترفت اني لم استفيد منها وقولتها صراحة كنت متشكك في الصعود الكبير وذكرت الاسباب

لما يكون اليورو كاسر مستوى 200 يوم مرتين واغلق تحتها فريم الساعة وال 4 ساعات واليوم والاسبوع هل متوقع ارتفاع بعدها ؟
ولما يكون اساس الترند هو الهبوط واننا في موجة هبوط على الاقل الى 1.2800 ومنها تصحيح محدود وان تجاوز المحدود فهو الى 1.3100

ولكن لم يصل الى ال 1.2800 او 1.2840 من اساسه وارتفع ما يقرب من 600 نقطة ووواضح ان للارتفاع بقية

وانت قبل كده وقت كان اليورو بسعر 1.2200 تقريبا كتبت مشاركة وكانت اول مشاركة اعرفك منها وقولت ان اليورو بدأ موجة ارتفاع وترند جديد ويومها سألتك متأكد بنسبة كام قولت 100 % وصدقت وجهة نظرك رغم ان الانطباع والتفكير كان في الهبوط الى 1.1600

وصراحة انا محتار اليوم هل وجهة نظرك تتحقق للمرة الثانية ويكون فعلا ترند جديد كما ذكرت امس الى 1.4200 ومنها الى 1.5150 ام يصل الى 1.3580 ويتراجع وقتها ونتورط في عقود شراء كما تورطنا في عقود بيع وهيدج الى الان له فترة

---

اخى العزيز VEVA لم اقصدك انت بكلامى فقد كنت اشرككم الحوار انت واخى الفاضل Mohannad Salman
فانا اكنو لك الكثير من الود والاحترام
بالنسبه لوضع اليورو دولار بغض النظر عن كونها موجه صاعده او لا دعنا نحلل الشارت خطو خطوه او باول
حاليا اليورو دولار صاعد وهدفه ان شاء الله كما ذكرت 1.3560 - 1.3580

اقتباس:

---

المشاركة الأصلية كتبت بواسطة Ahlawy

اقسم بالله نفس كلامك ما ينقص حرف اخى !!!! بجد
زيادة علية بقى انى مبتدىء !!! وبقالى سنة فى السوق بتعلم ولسة شغال ديمو !!! لكن الصدمة فى حاجتين عندى الاولى ان فيه ناس انا اتعلمت منها كتير جدا واحسبهم من اعلم العلم مركز وقدراً فى التحليل الفنى لقيتهم خسرانين بردة ، اللى زعلنى اكتر بقى يا استاذ VEVA ان الناس اللى ماشية بتحليل وليام جان هما اللى كانوا عارفين السوق ماشى فين ومطلعوش واتكلموا وكإننا مش عرب مسلمين موحدين بالله !! دى حاجة حزنتنى اكتر واكتر وطبعا ويليام جان اللى بيشتغلوا عليه معدودين على الصوابع فى المنتدى واغلبية الناس علاقتها بجان زى علاقتها بالسوشى بالظبط !! انا وصلت لدرجة الإحباط النهاردة ونفسيا متضايق اوى مش لإنى خسران منا خسران ديمو لكن انا كنت هفتح حساب الإسبو ع اللى جى واقول بسم الله الرحمن الرحيم اخدت دفعة معنوية من صفقتين او تلاتة سوبنج وكنت مبسوط جدا انى متابع معاكم هنا وتحليلى كنت بشوفة هنا وكنت طااااااير من الفرحة لكن !!!! الحمد لله

---

والله العظيم اخى الحبيب بحلل فنيا ولم ابخل عليكم باى شئ وذلك لى اننا اخوه فى الله عز وجل وانا من امبارح اخبرتكم بالصعود وانها موجه صاعده بل انا معكم من اول الاسبوع واخبرتكم ان اليورو دولار صاعد وللعلم انا فاتح شراء من 1.2880 الى الان ولن اغلق الا غدا

على اى حال اى خدمه تحت امرك فى اى وقت اذا لم اترك الممنتدى

اقتباس:

---

المشاركة الأصلية كتبت بواسطة medo555

استاذ خالد
تعلم جيدا مدى احترامنا لحضرتك ولكل الموجودين هنا فى الباب وماعتقدش ان فيه حد من الاخوه يقصد الاهانه او السخريه من حضرتك ولكن اعذرهم فالخساره كانت كبيره على ناس كتير جدا وبعدين حضرتك المفروض تكون سعيد لان تحليلك طلع مظبوط مش تزعل وتسيب المنتدى وفيه اكيد ناس محتاجه رايك علشان تطلع من خسارتها وانا منهم متورطه فى هيدج ومش عارفه ايه اقصى ارتفاع ممككن يوصله اليورو علشان افك الهيدج عنده باقل انعكاس يبقى مين بقه اللى هيحل المشكله دى غيرك :eh_s(7)::eh_s(7):

---

جزاك الله خيرا اختى الفاضله وشكرا جزيلا على ثقتك الغاليه

اختى الكريمه انا بشر ممكن جدا ان اخطئ

اقتباس:

---

المشاركة الأصلية كتبت بواسطة kale2010

والله العظيم اخى الحبيب بحلل فنيا ولم ابخل عليكم باى شئ وذلك لى اننا اخوه فى الله عز وجل وانا من امبارح اخبرتكم بالصعود وانها موجه صاعده بل انا معكم من اول الاسبوع واخبرتكم ان اليورو دولار صاعد وللعلم انا فاتح شراء من 1.2880 الى الان ولن اغلق الا غدا

على اى حال اى خدمه تحت امرك فى اى وقت اذا لم اترك الممنتدى

---

استاذنا kale2010 حضرتك صاحب مكان وحد أهل علم ما شاء الله اسأل الله العظيم رب العرش العظيم ان يزيدك من العلم والرزق ويرزقك على قد نيتك الجميلة دى انا ما اقصد حضرتك بالكلام لو تلاحظ انا قولت ناس شغالة بنظرية ويليام جان وهما على طول بيدخلوا بعد ما المحافظ تتصفر يعملوا مواضيع من نوعية " مش قولنالكم ؟ " وإسلوب فد العضلات دا اكتر حاجة بتضايق اخوك مش اكتر وان شاء الله استفيد من حضرتك يارلايت توضحلى اخطائى فى الشارت السابق والأهم من كل دا هل رسمى صحيح ؟ ولا
شكرا لسعة صدرك

اقتباس:

---

المشاركة الأصلية كتبت بواسطة Ahlawy

استاذنا kale2010 حضرتك صاحب مكان وحد أهل علم ما شاء الله اسأل الله العظيم رب العرش العظيم ان يزيدك من العلم والرزق ويرزقك على قد نيتك الجميلة دى انا ما اقصد حضرتك بالكلام لو تلاحظ انا قولت ناس شغالة بنظرية ويليام جان وهما على طول بيدخلوا بعد ما المحافظ تتصفر يعملوا مواضيع من نوعية " مش قولنالكم ؟ " وإسلوب فد العضلات دا اكتر حاجة بتضايق اخوك مش اكتر وان شاء الله استفيد من حضرتك يارلايت توضحلى اخطائى فى الشارت السابق والأهم من كل دا هل رسمى صحيح ؟ ولا
شكرا لسعة صدرك

---

اهلا وسهلا اخى الحبيب ولا يهمك نحن اخوه فى الله عز وجل واى خدمه تحت امرك

للاسف انا الان مرهق فلو سمحت لى نؤجل الكلام غدا باذن الله

وان شاء الله تجد اخا وصديقا لك اسمه المهندس خالد عمر

الان بعد افتتاح شمعه اليوم اخوانى الاعزاء اليورو دولار صاعد وهو يستهدف مستويات اعلى من التى كتبتها لكم سابقا

اليورو دولار يستهدف الان مستويات

1.3700 - 1.3730

اتمنى لكم التوفيق

بعد افتتاح شمعه اليوم الكيبل صاعد وهو مبدئيا يستهدف

1.5950 - 1.5980


اتمنى لكم التوفيق

هــــــــــــــلا

14.1.2011

اقتباس:

---

المشاركة الأصلية كتبت بواسطة DEAF

http://i.imgur.com/xgZq7.png

---

تحديث

http://i.imgur.com/oZ0g6.png

والله اعلم