اهلا صديقى
ما يهمنا فى اخر الامر هو تحقق الهدف المتوقع وان تكون الحصيلة خضراء اللون
والحمد لله على نعمته وفضله
بالنسبة لليورو حاليا لسه شارت اليومى فعال بهدف 1.1050 تقريبا
تحياتى وتمنياتى بالتوفيق والستر
Printable View
اليورو دولار كسر الدعم و هبط بقوة اليوم لما نشوف يوم الجمعة معدلات البطالة هيحصل إيه
ما زال يتداول اليورو مقابل الدولار الأمريكي في نطاق ضيق للغاية، واختراق مستويات 1.1250 سيزيد التحيز الصعودي نحو مستويات 1.1450 مستويات المقاومة القوية, بينما تبقى النظرة هابطة نحو مستويات 1.0800 طالما بقينا دون مستويات 1.1205 .
مفيش حد عنده رأى بالنسبة لوضع الموكوس اليورو حاليا !!
الجميع سكوت كأن على رؤسهم الطير :0016:
شماتة ايه بس يا ابو تركى لا حول ولا قوة الا بالله
هو فى حد هنا ضايقنى فى حاجة عشان اشمت فيه !!
انا بس شايف الورشة سكوت والناس اختفت ونفسها اتسدت من حركات
اليورو الواطى ابن الواطى اللى سايق قطر العبط بأقصى سرعة
وبعدين الخسارة واردة مع اى حد وممكن تعويضها باءذن الله
قسما بالله انا معرفش مين بايع ولا مين شارى اصلا :0016:
ههههههه كلنا هذا الرجل والله
لكن المثل عندنا بيقول " ايه اللى رماك عالمر قال اللى امر منه "
يعنى كل اللى شغال فى حرقة الدم دى لو عنده بديل كنت هتلاقيه خلع من زمان
لكن ايدى على كتفك يلا اشترى عضويتى بمبلغ محترم وحولى الفلوس وانا اخلع فورا
دى شغلانة تلحس العقل يا راجل :0016:
وعندنا مثل واخدينه من عندكم نقول فيه جات الحزينة تفرح ملقتلهاش مطرح
يعني لا مطرح هنا ولا مطرح فالسوق الهباب ده ولا حتى فالترعه
والحقيقه كانت ضربة معلم منك لشمهروش النتن وانا استفدت منها
لكن النفسيه بقت طين وكل يوم بيمر بحس ان السوق ده خسيس ومالوش امان
عموما كل سنه وحضرتك طيب ياكبير
هههههه تصدق بالله انا المفروض انى جاى عندك قريب واحد قريبى جابلى
شغل فى المكان اللى هو شغال فيه بعد ما كلم صاحب العمل وبعد ما انا مشيت
فى تجهيز الاوراق لقيته بيتصل بيا من يومين ويقولى انه اختلف مع الراجل
وترك الشغل واشتغل فى مكان تانى وانا بقا معايا ربنا لبست فى الحيطة
يعنى كلنا فى الهم اخوة :0016:
بالنسبة لشمهورش خليه عليا انا ناوى اعلمه الادب لكن زى ما انت بتقول
كده هى الحالة النفسية اللى بتتعب اكتر من اى حاجة وبتجيب يأس
كل سنة وانت طيب يا الغالى وربنا يصلح احوالنا جميعا
مساء الفل يا باشا اقسم بالله انى مقصدش حد معين بانه اختفى انا فجأة لقيت
السكوت يعم ارجاء المكان رغم ان الورشة من انشط الورش ومتابعينها كتير
بالنسبة للبيع والشرا والانعكاس ده كله كلام وارد مع الجميع ايه الجديد فى كده
كلها حرقة دم ومفيش حد صح على طول ولا غلط على طول ادينا بنحاول ونعمل اللى
علينا والتوفيق من عند ربنا