دعوة عامة لمناقشة اليورو دولار الي أين ؟ فرص يومية وسوينج

[orvant]

هههههههههههه بردو مفيش فايده اومال لو كان تحليلك الى طلع صح كنت عملت فيا ايه
يا عمى واحد بيسال على اليورو رديت عليه لقيتك دخلت فى النص بتتريق عليا وتقولى دعوه عامه وهتبقى لمه
الدعوه العامه فى طرح الفرص على اليورو والتحليل مش سخريه من الاعضاء وعناد على الفاضى
عموما عشان منخرجش عن سياق الموضوع
انا قولت انزل شارت عشان متفضلش زعلان منى
المستطيل الازرق الى فى الشارت عباره عن اسبوع تداول كامل على زوج اليورو دولار

بص يا سيدى الطريقه الصح للتعامل مع التحليل كالتاتى
لما بيوصل للهاى الاسبوعى بنبيع والاهداف كل 100 نقطه بتحجزها او الهدف بتخليه الافتتاح الاسبوعى والهدف الاخير بيكون اللو الاسبوعى المتوقع بردو
وبعدين لما يوصل للو المتوقع بردو بتروح قافل البيع وتفتح الشرا والهدف الافتتاح الاسبوعى او تحجز الربح كل 100 نقطه
لو تحسبها بقى يا معلم انت هتبيع من 4510 وبعد ما وصل للو 4230 يبقى الربح كام 280 نقطه بانعكاس 25 نقطه بس
وبعدين تشترى من اللو 4230 لحد دلوقتى هو محقق 150 نقطه يبقى كله على بعضه اكتر من 400 نقطه من زوج واحد من غير متابعه كل نص ساعه للشارت وتقضى حياتك ادام الشاشه وفرصه تروح وفرصه تيجى وتستنى الاخبار والاهرام والجمهورية
انت بقى كنت راسملى كسر ترند على الديلى باين واليورو شارخ على 49 ولا 47 مش فاكر

[orvant]

اخي العزيز اولا السلام عليكم ثانيا الشخص الذي وضع التحليل هذا في بداية الاسبوع اكبر من كل الشارتات والتحاليل وكلمته ولله الحمد من سنين طويله لا تخيب ولو قلنا عليه ملك الفوركس والفوركس خاتم بيده صدقني قليلة عليه ومهما وصفناه وشكرناه لم نعطيه حقه ولكن كل مابوسعي قوله انه الله يحفظه بالدنيا وبالاخرة والله يعطيه كل خير ويزده من علمه وثالثا واخيرا اعتذر عن ازعاجي لكم وكاتبتي لهذه المشاركة ولكن الحق يقال حتى و لو كان على قطع رقبتي وشكرا

يا غالى ولا يهمك وتحت امرك وان شاء الله اول كل اسبوع ننزل التحليل والكل يستفيد ولا تقولى اجتماع كونجرس ولا تصويت ولا اخبار ولا شارت ولا فيبوناتشي
اهى ارقام محطوطه من اول الاسبوع ومشى عليها السعر والحمدلله واسف على الازعاج بجد سلام يا شباب اتمنى ليكم ويك ايند لذيذ

[د/مصطفى]

استاذ orvant
انا عارف ان الارقام دي بتاعت المهندس عادل الكندي و كنت عايز اسأل هوا شرح الاستراتيجية دي ولا لسه

[orvant]

لا لسه يا غالى وبلاش الكلام هنا خلينا فى الموضوع الاساسى
https://forum.arabictrader.com/t126529.html

[د/مصطفى]

ولا عمره هيشرحها

[MY EGY]

بص يا سيدى الطريقه الصح للتعامل مع التحليل كالتاتى
لما بيوصل للهاى الاسبوعى بنبيع والاهداف كل 100 نقطه بتحجزها او الهدف بتخليه الافتتاح الاسبوعى والهدف الاخير بيكون اللو الاسبوعى المتوقع بردو
وبعدين لما يوصل للو المتوقع بردو بتروح قافل البيع وتفتح الشرا والهدف الافتتاح الاسبوعى او تحجز الربح كل 100 نقطه
لو تحسبها بقى يا معلم انت هتبيع من 4510 وبعد ما وصل للو 4230 يبقى الربح كام 280 نقطه بانعكاس 25 نقطه بس
وبعدين تشترى من اللو 4230 لحد دلوقتى هو محقق 150 نقطه يبقى كله على بعضه اكتر من 400 نقطه من زوج واحد

رائع جدا جدا 400 بيب في الاسبوع ومن زوج واحد

ان اهداف اعظم محللي العالم اقل من نصف هذا الرقم

اذا استمرت علي هذا الحال ستصبح مليونيرا في اقل من عام


تمنياتي بداوم التوفيق لك وللاستاذ الكبير عادل الكندي صاحب الارقام التي تنقلها منه

[ابــ آدم ــو]

مساء الفل
اخباركم ايه مع اسبوع السوق الممل ده
4 ساعات
الملف المرفق 280074
ديلى
الملف المرفق 280075
وصل اليورو لمناطق 4280 واغلق فوق منها عند 4330 ولازالت النظره صعوديه لل 4500 ثم 4700 طالما يتدازل فوق ال 4180 ودى نظره عامه

لكن اليورو ممكن يكون للبيع من مناطق 4370 الى 4440 بهدف 4280 استوب اغلاق فوق 4480
ووممكن يكون شراء من مناطق 4280 الى 4250 بهدف 4330 ثم 4370 و 4440

وطبعا بكره الجمعه يعنى احتمال نشوف مراجيح مولد النبى

الحمد لله والشكر لله
4 ساعات

ديلى


خبر الناتج المحلى قلب السوق
اوباما بيرغى دلوقتى اهو خدو بالكم بقا

[orvant]

رائع جدا جدا 400 بيب في الاسبوع ومن زوج واحد

ان اهداف اعظم محللي العالم اقل من نصف هذا الرقم

اذا استمرت علي هذا الحال ستصبح مليونيرا في اقل من عام


تمنياتي بداوم التوفيق لك وللاستاذ الكبير عادل الكندي صاحب الارقام التي تنقلها منه

بردو تريقه وسخريه

والمفروض انك كدا اكتشفت سر خطير لما قولت اسم صاحب التحليل
مانا كاتب فى الاول اصلا انى ناقل التحليل
بعد ما لقيت ناس متعلقه فى صفقات فى اليورو والباوند
المهم ان كلامك دلوقتى مبقاش ليه اى علاقه بتحليل اليورو
ولسه بتتريق عليا
وبردو المسامح كريم

[MY EGY]

Fed's Bullard says can never say never to possibility of more easing

بولارد لا مزيد من سياسة التيسير

[MY EGY]

الحمد لله والشكر لله
4 ساعات

ديلى


خبر الناتج المحلى قلب السوق
اوباما بيرغى دلوقتى اهو خدو بالكم بقا

الف الف مبروك ابو ادم عقبال كل الاهداف ان شاء الله

دلوقتي بيعلب قرب ال 1.4400

لو اغلق كدا اسبوعي يبقي كويس قوي

[MY EGY]

يوم لا ينفع التحليل الفني نتجه الي التحليل الاساسي

العالم كله صوب واشنطون دي سي والمشرعين الامركين وعما ستسفر عنه محادثات رفع سقف الدين

نحن امام خيارين

فشل المحادثاث كليتا مما سيسبب ربكة في الاسواق وانهيار البورصات وصعود الذهب الي مستويات قياسية وهبوط النفط مما يودي الي صعود الدولار

نجاح المحادثات كليا او جزئيا برفع كلي او جزئي لسقف الدين مما سوف يهدئ من روع الاسواق قليلا وانفتاح الشهيه نحو المخاطرة من جديد حتي نهايه الشهر وصدور التصنيف الائئتماني الجديد لامريكا

لذلك ربما نشهد اسبوعا غايه في التذبذب تختلف بداياته عن وسطة عن نهايته

والله اعلم

اسبوع غايه في التذبذب

[ابــ آدم ــو]

الف الف مبروك ابو ادم عقبال كل الاهداف ان شاء الله

دلوقتي بيعلب قرب ال 1.4400

لو اغلق كدا اسبوعي يبقي كويس قوي

الله يباركلك اخوى
شوف الخبر ده
رئيس البنك الدولي: أمريكا تلعب بالنار بشان رفع سقف الدين

http://ara.reuters.com/article/busin...76S0NW20110729

كل شى مش لصالح الدولار ومش مستبعد اليوم ال 4470

واغلاق شهرى طالما فوق ال 4330 يبقا تمام

[MY EGY]

Cyprus cut to BBB+ from A- ; outlook negative by S&P

استاندر & بورز تقلل تصنيف قبرص الائتماني مع نظرة سلبيه

[MY EGY]

الله يباركلك اخوى
شوف الخبر ده
رئيس البنك الدولي: أمريكا تلعب بالنار بشان رفع سقف الدين

https://forum.arabictrader.com/t108994-406.html

كل شى مش لصالح الدولار ومش مستبعد اليوم ال 4470

واغلاق شهرى طالما فوق ال 4330 يبقا تمام

رئيس البنك الدولي: أمريكا تلعب بالنار بشان رفع سقف الدين
Fri Jul 29, 2011 3:27pm GMT


واشنطن (رويترز) - قال رئيس البنك الدولي روبرت زوليك يوم الجمعة ان الولايات المتحدة تلعب بالنار بسبب استمرار الخلاف في الكونجرس بشأن رفع سقف الدين.

وأبلغ زوليك اجتماعا لجمعية التنمية الدولية "أيا كان المنطق وراء هذه التكتيكات فان هذا المناخ خطير جدا.

"لكي أكون صريحا.. السماح بالتخلف عن سداد الديون في الولايات المتحدة لن يكون كارثة مالية فحسب بل سيكون احراجا لكل أمريكي

شكلهم وصلو للعبه الخفيه

ههههههههههههههه

[MY EGY]

اليورو يوسع مكاسبه امام الدولار مع صعود الاسهم الامريكية

Fri Jul 29, 2011 3:36pm GMT


نيويورك (رويترز) - واصل اليورو الصعود مقابل الدولار بينما قلصت العملة الامريكية خسائرها امام الين يوم الجمعة مع تعافي الاسهم الامريكية في اواخر جلسة التعاملات الصباحية في سوق نيويورك.

واشار متعاملون الي تعديلات محتملة على مشروع قانون مقدم من الجمهوريين لرفع سقف الدين الامريكي وهو ما قد يؤدي الي اتفاق في نهاية المطاف.

وصعد اليورو الي 1.4407 دولار وهو أعلى مستوى له في الجلسة قبل ان يتراجع الي 1.4388 دولار بحلول الساعة 1530 بتوقيت جرينتش.

ومن ناحية اخرى ارتفع الدولار من أدنى مستوياته للجلسة مقابل العملة اليابانية الي 77.16 ين لكنه يبقى منخفضا 0.8 بالمئة عن مستواه في بداية الجلسة. وعند أدنى مستوى له في جلسة يوم الجمعة هبط الدولار الي 76.98 ين